يوميات حمار عربي!




صباح السبت..

19/شهر البرسيم/عام التبن .

خاص: تلقيت نبأ العثور علي جثة توت عنخ امون كالصاعقة..فالخبر يعني بالنسبة لي عمل إضافي يقتضيه منصبي الوظيفي!
كالعادة أعمل طوال النهارِ في نقلِ السياحِ من مكانٍ لأخر-البعض يحسدونني علي حمل السائحات الشقروات بغض النظر عن وزنهن! - أتمني لحظةً أجلس فيها بفيء شجرة، لأتمكن من بل ريقي ببعض الماء المثلج ، والاسترخاء ولو قليلاً، وقراءة جريدة "صوت الحمير" وخاصة بعد هذا المشوار الطويل الذي حملت فيه سائحاً عربياً يزن أكثر من مائة وخمسين رطلاً دون نظاراته ومأكولاته وثيابه.
يثور في ذهني سؤال: لماذا البشر رغم أنهم جنسٌ واحدٌ يتحدثون هذا الكم الهائل من اللغات غير المفهومة، حتى أني أصبحت أتقن بعضاً منها، فأستطيع مثلاً أن أرد التحية على أتانٍ فرنسيةٍ قد تعبرُ بالقربِ مني، أو ربما بقرةٍ دنمركية أو بغل امريكي!.
ما يثير حنقي ويجعلني إنحق بغيظ أني متعين في وظيفة حكومية يعني المفروض اتساوي في الكادر الوظيفي مع غيري حيث أنقل السياح بشكلِ يومي بأجر يوازي أكثر من مائةِ دولارٍ أمريكي، أي أكثرَ من يوميةِ راتبِ أي رئيس وزراءٍ عربي، أو وزيرٍ للسياحة، أو ما يعادل ثمن إعارة للخارج لو لم أكن وطنياً اعشق وطني.
وبينما أظل طوال النهارِ في خدمةِ الأجانب وتعريفهم في معالم بلدنا السياحية والأثرية، يجلس الوزير طوال النهار في مكتبه يغازل سكرتيرته، أو يقيم مشاريعَ في السر، ويقدمُ تسهيلاتٍ لأجانبَ قَدِموا من بلدانٍ مجاورةٍ وغير مجاورة، شقيقة وصديقة، لتبييض أموالهم في مشاريع سياحية مشبوهة.
وفي الليل اعود الي الزريبة منهك القوي مهدود الحيل اتناول حفنات من التبن وأغطس حوافري في ماء بملح قبل أن أخلد للنوم،فأنا أعزب وغير متزوج بسبب ازمة الزرايب وغلاء العيشة والمهور الفاحشة، بينما تأتي السيارة الفارهة لتنقل الوزير مُدللاً من الوزارة لبيته، ومن ثم تعود لنقله لأحد النوادي الليلية ليستكمل الوزير جولته الذكورية مع السائحات القادمات للبلدِ بقصد الترفيه، والتعرف على معالم البلد السياحية والأثرية والرجولية ايضاً!!

23 عبرني:

غير معرف يقول...

ياعيني يعني ده كله وكمان اعزب ربنا يرزقه بزريبة وبحمارة كويسة ترضى بظروفه وتبقى تحطله رجله في ميا بملح والله ضحكتني اسعد الله قلبك وايامك

بيتنا القديم يقول...

قلوب
....
هههههههههههه
ربنا يبارك فيك
تعليقك عساااااااااااااااااااااااال
(:
جزاك الله خيراً
وربنا يسمع منك
أحسن هو "حمار" إبن حلال!!

di el2mr يقول...

يعينى الحمار دة صعبان عليا قوى بس هيعمل ايه بقى حظه كدة
واهو حمار شريف وعندة ضمير احسن من وزير مايعرفش الشرف ولا يسمع عن الضمير

di el2mr يقول...

الحمار دة صعبان عليا قوى كفايه عليه الاوزان اللى بيشيلها وازمه السكن والجواز
بس يلا اهى عيشه والسلام هيعمل ايه يعنى
واهو حمار شريف وعندة ضمير احسن من وزير ميعرفش الشرف ولا عمره سمع عن الضمير

عصفور المدينة يقول...

هو الوزير ظالم فعلا والحمار مظلوم وبيعاني

بس حكاية إن الوزير بيعاكس السكرتيرة دي لازم الحمار يثبتها

يارب الحمار بن الحلال ده يتجوز

بيتنا القديم يقول...

ضي القمر
........
اهلاً بك يا فندم في بيتك القديم وبالمناسبة غرفتك في بيتنا القديم بتطل علي الشارع يعني ممكن تشوفي القمر براحتك وتقعدي في ضيه زي ما انت عاوزه..!!
الحمار بالطبع مقدر مشاعرك وبيشكر تجاوبك مع محنته وهو كان قدم شكوته قبل كده في برنامج همسة عتاب بس النور قطع من ماسبيرو فمعرفش يسجل نهيقه وطلب يظهر في برنامج 90 دقيقة مع معتز ابن ماما نونا ومي صاحبتو علي قناة المحور الفضائية بس راحت عليه نومه في الميكروباص وفاتتو المحطة...بس المسؤولين هددوه بالفصل وقطع برسيموه..!!
(:

بيتنا القديم يقول...

عصفور المدينة
............
والله يا استاذ عصفور الحمار غلب حماره..!!
رايح جاي مشاوير واغاني وطنية وفول وطابور عيش وفساد ورامي لكح وبيع الزرايب بتاعة القطاع العام...الخ
بالنسبة للسكرتيرة هي بنت ناس يعني هتستر عليه زي ما سترت علي الوزير اللي قابله...!!
واهو كله بيزنس ..!!
وشغل حمير..!!
(:

غير معرف يقول...

Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.

sally يقول...

لا حول ولا قوة الا بالله العلي العظيم
حتي الزرايب غليت و الحمير بقت تشتكي
لا
دة لازم الحكومة تشوف حل لحسن الحمير تعمل ثورة
البوست بتاعك ضحكني مووووووووووت
تحياتي

بيتنا القديم يقول...

سالي
***
شوفت بقا يا سالي يا اوختي حتي الحمييييير
ضجت وفاض بيها الكيل وطفح وزهقت وهتروح تدور علي برسيم في حتة تانيه..!!
(:
انا فرحان ان البوست رسم بسمه علي وجهك..!!
دمت متفائلة وسعيدة وبخير
تك كير

عين ضيقة يقول...

هو لو حمار فعلا ماكانش بقى فيه مشكلة

المشكلة هى ان الشعب للاسف بقى كله كده


تحياتى ليك

Hend.feps يقول...

قال الرسول صلى الله عليه وسلم "ثلاثة كلهم حق على الله عونهم المجاهد في سبيل الله. والناكح المستعفف، والمكاتب يريد الآراء"
ها ... دا كلام الصادق الامين الذى لا ينطق عن الهوى (صلى الله عليه وسلم)

_______________

بنجيب فى سيرة الوزير ليه بس ... على فرض انك متأكد من الكلام دا يبقى افكرك بالتدوينة دى ... يحكى انhttp://osamaislamic.blogspot.com/2007/10/blog-post_15.html

على فرض انك بتفترى على الراجل ... يبقى بهته ....

سبحانك اللهم و بحمدك اشهد ان لا اله الا انت استغفرك و اتوب اليك

بيتنا القديم يقول...

عين
***
كذلك هي الحقيقة عارية..!!

):

بيتنا القديم يقول...

Hend.Feps
.........
اولاً يا فندم انا بحيكي علي اصرارك في قول الحق...ده اولاً
ثانياً بهنئ نفسي ان ربنا وهبني قارئة نهمة تجيد طرح حجتها من فم قائلها وتدينه بها....لكن مهلاً هذا ان كان الصواب معها أما وقد جانبها الصواب فيتعين علينا حينئذ ان نصحح لها وجهة النظر كالتالي:
اولاً الحكاية علي لسان الحيوان تجربة قام بها ادباء عرب وحكماء من قبل ككليلة ودمنة..حيث خرج الكاتب بالسياق من الزمان والمكان فقبل النص الإسقاط علي كل ظرف متي توافرت العلة لذلك...
وبالمثل هذا ما طرحته فلم اقصد فلان او علان...بدليل اني عنونت الموضوع بكون الحمار عربي يعني من المحيط للخليج وكل بلد ادري بحال اهلها...كما ان اهل مكة ادري بشعابها..!!
الخلاصة - يرحمني ويرحمك الله - اني ويعلم الله لم اقصد اساءة او رمي احد ببهتان والله عليم بالسرائر..!!
علي العموم اسجل اعجابي بك في نصحك لأخوانك..واعلمي انك صرت بهذا عند من يقرأ لك في مقام النجم من الأرض والسحاب من قمم الجبال..!!
نفع الله بك..آميييييييييييين
(:
تكير

Mr.Shad. يقول...

LOOOOOOOOOOOOOOOL , gamed el post da gedaan .. 3ala fekra el blog da mn el blogat elle ana ba7ebaha .. srry enkata3t fatra 3ala el blogat w el inter net .. bas any way am baack :D ..
yala salamo 3aleko

Hend.feps يقول...

سؤال صغير ... و هل سيدى كل ما قدمه أدباء العرب يخلو من الشبهات ... جرير يهجو الفرزدق كمثال ... عمري ما هنساهم هما الاتنين كنت بخادهم فى اولى ثانوى و كانوا من أدباء صدر الاسلام و كنت مفقوعة ان عادة الهجاء اتنقلت من الجاهلية للعصر الاسلامى ... بالرغم من ان الادباء كانوا فنانين عظماء بيقدموا فن راقى ... الا انهم بردو من وجهة نظرى غلطانين ...

كليلة و دمنة دا حبيبى اصلا ... عندى من زمان اوى و بحب كل فين و فين افتحه عشوائى على اى قصة ... بس طبعا قريت المقدمة ... انما فاتتك حاجة ... اصلا الكاتب كان عند الملك او السلطان بينصحه على لسان الحيوانات مش بيتؤيأ عليه مع اصحابه ... و اذا مثلا مكنش كليلة و دمنة و كاتب تانى كان بيلأح بالكلام على حد بعينه بس بصورة تورية ... ماشى .. لم ننفى الذكاء عنه او الابداع الادبى او اى كان و لكننا ندينه فى انه بيجيب سيرة الناس ... عامة لا انا شيخة و لا بدعى انى متدينة ... مجرد افتكرت تدوينة انت كتبتها و حبيت افكرك بيها ... ز شفت التعليقات مركزة على موضوع معين فحبيت افكرك بحديث شريف ... بس

سبحانك اللهم و بحمدك اشهد ان لا اله الا انت استغفرك و اتوب اليك

ammola يقول...

السلام عليكم يا استاذ سمسم
انا قلت اسلم عليك
مش معنى انى مش باعلق انى مش باقرا
متابعاك ومراقباك والمنطقة محاصرة
بس عدم التعليق مش معناه عدم الاعجاب..حاشا ونيفر..انت عارف بجد تدويناتك كلها مفيدة
بس ليه التاخير ده ...ما كتبتش حاجة النهاردة ليه؟؟لعل المانع خير
نحن بخير..طمئنونا عليكم

بيتنا القديم يقول...

CresceNet
.........
thanks يا فندم وانا مش فاهم حاجه من اللي انت كتبتها...بس يظهر انك معجب جداً بالتدوينية وده انا حسيتو من طول تعليقط يعني انت مثلاً عاوز تقولي بالعربي انت نابغة بس لسانك مش عارف يجيبها...متألأش انا حاسسس بشعورك مش ضروري الكلام يكون وسيلة تواصل ما بين الشعوب الأوروفريقية تكفي الإشارة ونظام هباهبا..!!
(:
تك كير يا فندم

بيتنا القديم يقول...

shode noga
..........
ربنا يخليك يا أمير ....!!

علي فكرة انا بحس بالناس اللي بتدخل بيتنا وتقرأ من غير ما تعلق...لسبب بسيط جداً...مطرح رجليهم علي سلالم بيتنا بتكون واضحة...خصوصاً لما بنكون ماسحين السلالم..!!
(:
تك كير يا كبير!!

بيتنا القديم يقول...

Hend.Feps
.........
آآآآآه...شكلك كده واخدة موقف من جرير..!!
سيادتك قولتي:"عامة لا انا شيخة و لا بدعى انى متدينة ... مجرد افتكرت تدوينة انت كتبتها و حبيت افكرك بيها...."
صدقت انت "لا شيخة ولا...." بس اللي لازم تعرفيه بجد انك عندنا وعند اي حد ممكن يقرأ كلامك إنسانة محترمه تحترم نفسها وتحترم ما تقرأ وتحترم في النهاية من تقرأ لهم...!!
(:
دمت بخير
وربنا ما يحرمناش من نصحك دائماً
الدين النصيحة..!!
وعلي فكرة
مقتنع تماماً بكلامك
تحياتي

بيتنا القديم يقول...

ammola
......
وعليكم يا فندم
"متابعاك ومراقباك والمنطقة محاصرة..."
هههههههه
وانا كنت بسأل نفسي جوابات التهديد دي من اللي بيبعتها ..!!
يبقا انت اللي قتلتي بابايا..!!
(:
لا تأخير ولا حاجه انا قلت تستريحوا شوية مني...عشان حاسس اني صدعتكم معايا..!!
(:
الجديد نازل حالاً يا فندم..!!
سؤال: هو انت بتحبي تاكلي الكروسو؟!!
لا تتعجبي ستعلمي بعد قليل..!!
تك كير
(:

MiraMar يقول...

أخدت بالي ان صورة الحمار اتغيرت
بس فعلا ده الأصلح
وفيه مصداقيه
العروبه تسري في دمه بياكل كده لا همه
أصل الحمار التاني ملامحه الحموريه كانت لها طابع أمريكي الا حد ما
وهذا يتنافى مع المبادئ الراسخه في أعماقنا بمقاطعة كل ما هو أمريكي الصنع والمنشأ
حتى لو كانت صوره
أحييييك أخي على اختيارك الموفق لصورة الحمار
:)))))))))))

بيتنا القديم يقول...

ميرامار
.......
هل هلالك...شهر مبارك!

كنت فييييييييييييين السنيين الطويلة

دي يا فندم..لا حس ولا خبر..!!

علي فكرة

إهتمامك بالحمار..زاد عن اهتمامك

بالمدونة..!!

انا بدأت أغييييييييييييييييييير!
(: