جرب ان تبتسم..!!


"إهداء الي أميرة البلطجية
مولاتي
معملتهاش مع حد بس يالا..."
في بعض الأحيان تتوهم انك وصلت إلى طريق مسدود ...
قف
لا تعد أدراجك! دق الباب بيدك ...
إنتظر
لعل البواب الذي خلف الباب أصم لا يسمع .
تأمل
دق الباب مره أخرى!
إستمر
لعل حامل المفتاح ذهب إلى السوق ولم يعد بعد ...
دق الباب مره ثالثه ومره عاشره!
وبهدوء
حاول أن تدفعه برفق ,
كرر المحاولة
ثم اضرب عليه بشدة ...
لا تيأس
كل باب مغلق لابد أن ينفتح
اصبر ولا تيأس
اعلم أن كل واحد منا قابل مئات الأبواب المغلقة ولم ييأس ,
ولو كنا يأسنا لظللنا واقفين أمام الأبواب!
عندما تشعر انك أوشكت على الضياع ابحث عن نفسك!
بجد
سوف تكتشف انك موجود
وأنه من المستحيل أن تضيع وفي قلبك إيــمان بالله ,
وفي رأسك عقل يحاول أن يجعل من الفشل نجاحا ..
ومن الهزيمة نصرا ...
لا تتهم الدنيا بأنها ظلمتك..
فهي لا تتقصدك دوناً عن غيرك
أنت تظلم الدنيا بهذا الاتهام ...
أنت الذي ظلمت نفسك
فالدنيا ليست محسنا كبيرا يوزع العطايا على البؤساء
فهذا ليس من طبعها..فتأمل
إنها آلة ضخمة يجب أن نضع فيها جهدا لتدور تروسها وتعطينا
ومن الممكن أن نعطي في أول الأمر ولا نأخذ ..
فيجب أن نكرر العطاء والجهد والعمل
حتى تتحرك الدنيا وتمنحنا بعض ما نريد
وهي آلة شحيحة بخيلة ..
تتحرك في أول الأمر ببطء شديد فتعطي قطرات من الخير ..
وعند ما نستمر في شحنها بعرقنا ..
تدور بسرعة اكبر وتتحول القطرات إلى سيل من العطاء ...
ولا تظن أن اقرب أصدقائك هم الذين يغمدون الخناجر في ظهرك ..
ربما يكونون أبرياء من اتهامك ...
ربما تكون أنت الذي أدخلت الخناجر في جسمك
بإهمالك أو باستهتارك
أو بنفاذ صبرك أو بكسلك
أو بطيشك ورعونتك
أو بتخاذلك وعدم احتمالك!
لا تظلم الخنجر ..
وإنما عليك أن تعرف أولا ..
من الذي أدار ظهرك للخنجر..
لا تتصور وأنت في ربيع حياتك انك في الخريف
املأ روحك بالأمل
الأمل في الغد يزيل التجاعيد من القلوب
يلهيك من الصعوبات والمتاعب والعراقيل
الميل الواحد في نظر اليائس هو ألف ميل
وفي عين المتفائل هو بضعة أمتار !
اليائس يقطع نفس المسافة في وقت طويل لأنه ينظر إلى الخلف
والمتفائل يقطع هذه المسافة في وقت قصير لأنه ينظر إلى الغد !
فالذين يمشون ورؤوسهم إلى الخلف لا يصلون أبدا !
فإذا كشرت لك الدنيا فلا تكشر لها
إظهر لها أسنانك
لكن لا تعضها..!!
وجرب أن تبتسم
(:

12 عبرني:

Bella يقول...

شكرا على جرعة التفاؤل الكبيرة هذه

اتعشم ان تجدي معي نفعاً

بصراحة انا محتاجة لاطنان من الجرعات واشربهم لوحدي

islamist bloke يقول...

لسة بفكر فيها حالا وعايز اقول لها متزعليش وخايف اكون انا السبب في غيابها تاني

تحية لاميرة البلطجية وكلمة برضة

انتي غالية عند ناس كتير........واجمل احساس في الدنيا - خلاف ما ذكرته الفاضلة اليسا- انك تلاقي فيه ناس بتحبك بجد وباخلاس

والسلام

بيتنا القديم يقول...

Bella
......
طب بالف هنا وشفا يفندم..

مطرح ما يمري يأتي بالتفاؤل..

ووالله الموضوع ماهو مستاهل إكتئاب..

أبشري بخير فإن الفارج الله..

(:

بيتنا القديم يقول...

أحمدوف
.....
انا مش عارف يا مان ايه التؤل اللي

عندك أختك أميرة ده..!!

دي زعلها مر قوي..ربنا يستر..ومتطلعش

بقررات ديكتاتورية قاطعة ماطعة ساطعة

بتصفية المملكة..وبيع الفارخ في المزاد

العلني..ولسه هروح انا ادور لي علي

مملكة تاني وبلطجية تكون طيبة وقلبها

كبير..وحلني بقا لما تبتدي تمارس

الديكتاتورية وهاتك يا فرمانات

وتدخلات وتلكيكات وانقلابات ...الخ الخ

او اخدها من قصرها واحجز كورنر في

التجمع الشعبي لدعم الديمقراطية

والتسول بجوار مسجد السيدة..!!

............................
ما علينا

طمني عليك عملت ايه في الجيش يا مان.؟!

وهل انت علي الحدود مع تل ابيب...

يعني هتظبط زي جمعة الهجان ورافت الشوان

ظبط يا مان كده وسلم لي علي الصول

سميح واوعي يديلك اربع مربعات...

واوعي تهوب جنب مزروعات البانجو اللي

في سينا عشان هي بتخص ناس كبار قوي في

العزبة بتاعة بلدنا

تك كير بالصلاة علي النبي...!!

(:

Jana يقول...

أحييك يا سمسم والله على الكلمات الجميلة الباعثة على التفاؤل

واسمحلى انادى معاك...علها تبتسم

بيتنا القديم يقول...

جانا
....
نادي يا فندم...

وآدي المكرفون معاك اهو....

بس هي قفلة الشباك...........

وحطه اديها علي ودانها..........

يا أمييييييييييييييييييييييررررررة

الفراااااااااااااااااااااااااااخ

جعانييييييييييييييييييييييييييييين

(:

L.G. يقول...

بصراحة من غير قراءة مفصلة
كلام في كلام مواساة وبس بس اللي مكتأبش قبل كده هو اللي بيقدر يقول الكلام ده
يا أميرة الأمراء أجيبلك المفيد
ماشي معاك الدنيا زفت وبعدين عايشاها عايشاها ارمي بأه الزهق والحزن وكل ما شابه بس عشان تمشي خفيفة في الدنيا مش لازم تبقى فرحانه وعندك أمل وطموح وخليكي عجوز في العشرين بس عجوز راضية مبتسمة الشباب له اكسير لو مش عندك خلاص رزق الفرح والسعادة رزق
ارضي بالقدر خيره وشره
واضحك خليك متفائل وهون المسائل البحر في يوم يتجمد وفلحظة بيرجع سائل وأهي دنيا ودايرة ببابا عبده وأهي دايرة وأيام بيعدوا

بيتنا القديم يقول...

L.G
...
الله ينور عليك..!!

بس

عشان خطري شوية تفاؤل منك انت كمان

الدنيا مش زي ما انت فاهمه

الدنيا زي ما قال عم فراج

مابتديش محتاج

وعجبي

L.G. يقول...

مش بقولك يا أسامة انت لسه طموح ولو ان أميرة صغيرة على الكآبة برضه بس على العموم احنا متكلين على الله ثم عليك تديني أمل وتفاؤل عن نفسي
عجوز من زماااان عشان كده مقدرة أميرة البلطجية
بين ليلة وضحاها يغير الله حال عن حال
خايفة الدنيا تكون زي ما أنا فاهمة مش زي ما انت فاهم
كنت زمان فاهمة الي انت كنت فاهمة
فاهم حاجة
متهيألي فاهم

بيتنا القديم يقول...

L.G
....
"كنت زمان فاهمة الي انت كنت فاهمة..."

من غير زعل يا فندم...

سيادتك مواليد ثورة 1919

أم زينا أواخر القرن الماضي..؟!!

سؤال برئ....

من غير بوكسات ولا تكشيرات..الله يخليك!

Jana يقول...

يا ..سمسم
على فكرة
L.G
كان ليها كومنت عجبنى قوى فى اللعبة على الحلقة الرابعة
يعنى قالت فيه الحاجات اللى انا كنت عايزة اقولها ..وأحرجت..عشان انا يعنى اللى كاتبة التالتة
وعشان كنت زعلت كده من تعليقك على نفس الحلقة فى حتة كده صغيرة تخص اللى كتبوا قبل كده.. يعنى انا
بص ده كان زمان
يمكن لمااقراه تانى ملاقيش حاجة تزعل قوى
مش عارفة يعنى
وان كنت اتفق معاك على المجهود الواضح فى الحلقة وان مشمش طموحه بان فى كتابته بشكل بديع
ف بليز اقرا ردها اللى هو نفس ما اعنيه
عموما بقى قريت كلمة العم فراج ميديش محتاج
وقلت يبقى انت فى رمضان كنت بتتفرج على حليمة وكريمة اللى بييجوا بعد ابراهيم عيسى انتظارا لاقامة الفجر
من الاخر يعنى عايزة اعرف رأيك فى الراجل ده
عشان محتارة فى نواياه جدا
ابراهيم عيسى طبعا مش العم فراج

واخيرا انا نزلت الدرافت اللى كان حمض عندى من زمان

سلام بقى

بيتنا القديم يقول...

أم جني
......
موضوعك الجديد بتاع الدروس الخصوصية هو وجع كل اسرة مصرية من ادني طبقة دخل الي اعلي طبقة...والمدرسون محترفون في صيد رؤس الموال لأن موسم الدراسة هو فصل التزاوج المالي بالنسبة لهم واعلي خصوبة ربحية يأتي بعدها شهور عجاف يكونون فيها في حالة كمون مادي قصير الأمد..!!
بالنسبة للوك الجديد...فألف مبروك لأن الواحد بصراحة لما بيشوف شئ جديد بيسعد ويفرح..!!
(:
بالنسبة لموضوع التعليقات وال جي فأنا لازلت مش فاهم حاجة..!!
بس هروح ادعبس عشان افهم..!!
(: