وأنا صغير..!!


قهلاً يا شباااااااب

حتة إعتراف كده عالماشي

عارفين

وانا صغير كان ليا اهتمامات

افضل بكتير من دلؤتي

بس كان نفسي اكبر بسرعة

عشان يبقا عندي محفظة كبيرة

فيها شلنات كتير

وكمان عـ......شـ......ا....ن

اتجوز!

يا ريتني فضلت صغير

عجبي

30 عبرني:

L.G. يقول...

صباح الخير
كانت اهتماماتك النمل .. ونعم الاهتمامات مش الصورة نملة برضه
لأ عن نفسي شايفة الكبر عبر
حكمة وعلم ودين وأصحاب وعمل
الحمد لله

بيتنا القديم يقول...

L.G.
....
صباح النور والبنور يا فندم

تختلف الزاوية التي نحكم بها من شخص لأخر

لكن الإختلاف لا يفسد للنمل قضية..!!

عجبي

L.G. يقول...

يعني هي نملة تصدق اني بعز النمل جدا ومبرضاش أموته بجد مش هزار بحسه متفاني ودؤوب ومكافح يعيني بيفكرني بحال المصري اليوم

بيتنا القديم يقول...

L.G.
....
وعشان كده السيد يوسف شعبان قال للسيد رأفت الهجان :"ما تنساش ان مصر هي اللي جبتلك النملية يا رأفت..!!"
(:

Jana يقول...

لا ..لا
تؤ ..تؤ
ماصدقكش

يعنى اكيد المحفظة دلوقتى مافيهاش اكتر من الشلنات
وجايز كمان يكون فيها حفنة اوراق من فئة الربع جنيه والنص جنيه وان شا الله ما حد حوش
طب عاوز ايه تانى بقى !!!؟؟

بس بصراحة..لو ده كان شكلك وانت صغير
يبقى ليك حق تتمنى ترجع تانى
مش الصورة دى برضه قبل الحادثة؟؟

ولكن نرجع نقول ان
آل (س)الصؤننين الطعمين...هم اجمل حاجة فى زمنك الحالى...

دمت طيبا ...يا سمسم

بيتنا القديم يقول...

جانا
....
طب والله يا ام جني انا كنت اجمل من كده

حمار ايه -حمار بالفتح مش بالضم!!-

وطعامة ايه..عيون زرقا وشعر اصفر

وقوام بيبي ممشوق مجانص وترابيس وخلافو

لحد ما سواق الأتوبيس ربنا ينكد عليه

عفر في وشي فأحال البياض سواداً

والقوام ركاماً والصفار عُفاراً....

يالا بقا الله يسامحه..!!

(:

Jana يقول...

ترابيس!! ؟؟

بيتنا القديم يقول...

ام جانا
.......
ترابيس..!!

هي منطقة ما بين العنق وزقزوقة الكتف

الحتة اللي بيشيلوا عليها القصعة

واللي بيقعد عليها تامر لما ابوه

هيثم بيكون في الإستاد عشان يشوف المشط

بتاع الأهلي وبوركينافاسو..!!

(:

غير معرف يقول...

هي دي صورتك يا سمسم و انت صغير
فعلاً سبحان مغير الأحوال
بس تعرف البيبي اللي في الصورة زي القمر
كنت عايزة أسألك يا سمسم عن اللعبة هي ليه من ساعة الحلقة الرابعة ما اتكتبت محدش كتب تاني
دي جميلة قوي
مجهول رقم 2

بيتنا القديم يقول...

مجهول 2
......
"فعلاً سبحان مغير الأحوال..."

آه..أنت قصدك لما الوابور فرقع في وشي..؟!
لأ يا شيخـ....ة!!
ده انت عملت تجميل والحمدلله بقيت عال العال وصحتي بومب دلؤتي وبركب حناطير وبتحنطر..!!
الدور والباقي عليك انت ربنا يشفي يارب...بس ما تيأسيش اكتر من كده ويزيح ربنا..ده انا شفت ناس زي كده كتير وبعدين يا سلاااااااااااااااااام
بؤا زي العسل بعد العملية..!!
(:
شد حيلك..!!
ــــــــــ
بالنسبة للعبة
المديرة المسؤلة عنها هي الآنسة اميرة البلطجية...توجهي بالسؤال لها لعلها تعطيك جواباً او سندوتش..!!
(:
تحياتي..
يا خفة..
(:

غير معرف يقول...

ربنا يوفقك يا سمسم


كلنا كنا عايزين نتجوز

وبعضنا اتجوز

والبعض الاخر مازال عايز يتجوز


انا عايز اتجوز

فيها حاجة دي؟

ادعي لي اتجوز

وسلام للمتجوزين

سمعني يا جدع

بيتنا القديم يقول...

أحمدوف
.....
قهلاً يا صديقي الصدوق....
ايش لونك واحوالك في الجهادية...
ويا تري يا هل تري شغلتك ايه علي المركب يا عسكري...
وبتتعامل مع الشاويش عطية ازاي...
ويا تري يا هل تري لك حد خدم قبل كده معانا في الجيش في البحرية في الطيران
شكلك مش غريب عليا...!!
ــــــــــــــــــــــ
يارب يا احمد يا بن حوا وآدم
تتجوز
مثني
وثلاث
ورباع
ياااااااااااااااااااااارب
ويخرج الله منك
صلاح الدين
خالد بن الوليد
عصام الدين الحمامصي
رفعت الشاندويلي
يا رب
(:

عصفور المدينة يقول...

أيوة بس الشلن اتلغى قبل ما تكبر

بيتنا القديم يقول...

عصفور المدينة
............
(:
ياريس

دي

احلام

من

تلاتين

سنة..!!

يعني

ساعة

ما

كتب

نجيب

محفوظ

بين القصرين

والسكرية

ووش اجرام..!!

(:

غير معرف يقول...

نفسي اعرف ليه إصرارك أني واحدة
و أنصحك بلاش الذكاء دا
أميرة معندهاش تعليق غير للي عندهم بلوجر و أنا معنديش
تحياتي
يا
أذكى الأذكياء
مجهول رقم 2

بيتنا القديم يقول...

مجهول 2
......
انت زعلت يا ميمي..!!

يختشي كمييييييييييييييييييييلة

حبوب نن عموووووووووووووووووووه

اعملك بلوج وانا اخلي طنط أميرة ترد

عليك..!!

وعلي فكرة بسببك اذدادت قناعتي بضرورة

حصر التعليق فيمن يملك بلوج فقط..!!

شوفت بقا عمو بيعزك ازاي يا غننه..!!

(:

semsem يقول...

يارتنى فضلت صغيرة
وفضلت كل احاجات الجميله والاحلام بردو صغييرة

غير معرف يقول...

كان ممكن توفر الكلام دا كله و تقولي مش عايزك تعلق عندي تاني
سلام يا سمسم
مجهول رقم 2

شيمـــــاء يقول...

وياريتك فضلت صغير
علشان المحفظة فاضية ولا علشان اتجوزت
( ايقونة بسمة ملائكية تمسحها لمحة شر )
انت عارفنى بحب اهدى النفوس

بيتنا القديم يقول...

سمسم
....
نورتي بيتنا القديم يا فندم

واعتبريه مرسمك

دمت بخير

بيتنا القديم يقول...

مجهول2
.....
اولاً براحتك..!!

ثانياً مقدرش اؤلك كده لأن ده بيتك مش

بيتي..ولو انا اخلاقي كده ماكنتش انت

من الأول استمريت تعلق عندي

لكن في الفترة الأخيرة دي تعليقاتك

أصبحت خشنة وبصراحة يعني ردودها عندي

كانت هتكون سخيفةوانا ما بحبش اتساخف

علي حد ممكن اكون بحترمه واعزه

لذك انا قلتك من زي قبل في رد من

قريب ارجوك نتقيد بأدب الحوار وبلاش

جمل من قبيل "اذكي الأذكياء" و "وليه

فاكرني واحده مش واحد"...طب وانا

ايه اللي هيفرق معايا...وهل رأيت في

مدونتي ما يخدش الحياء او انها عش

عنكبوت يجتذب الرائحة والغادية..؟!

لو كان الإحترام يعني لديك الزعل فأهلاً

به ومرحباً....

واكرر المدونة مدونتك ومدونة كل

الناس بشرط مرعاة ادب الحوار بين الجميع

ملحوظة اخيرة..لو مش عاوزك تعلق عندي

كنت حذفت تعليقك هذا او ما قبله او

علي الأقل منعت تعليق من ليس له مدونة

دمت بخير

بيتنا القديم يقول...

شيماء
.....
اهلاً بالطيبة البلسم الكومل...

اللي تتحط علي الجرح تطيب...

(:

دمت بخير

عين ضيقة يقول...

لأ وبتتكسف كمان
خير خير خير

ياعم يارب تتجوز يارب ويبقى محفظتك كلها شلنات بس تبقى مخرومة وانا ماشية وراك بقى الم

هههههههههههههه

وربنا ما يحرمك من النمل يارب

غير معرف يقول...

السلام عليكم
أنا لم أقصد أنا أخالف أدب الحوار
دا كان من باب حبي و أعتزازي بك و بمدونتك يعني زي ما بيقولوا كده بحب أنكشك لكن واضح أني أخطئت
و بالنسبة ان الاحترام يعني لدي الزعل فزعلي و أنسحابي هو من باب أحترامي لنفسي و للأخرين
و أقدم لك أعتذاري
مجهول رقم 2

بيتنا القديم يقول...

مجهول 2
......
"فزعلي و أنسحابي هو من باب أحترامي لنفسي و للأخرين...."
خطأ آخر قد يكون أفدح من سابقه...
كيف تتأتي الموده والمحبة كما قلت في طيات كلامك...ثم ها أنت من أول لحظة عتاب وموقف مصالحة مع من تحب وتحترم تعلن إنسحابك..!!
يا أخي الكريم ان كنت وكما تقول اخطأت اسلوب "المناكشة" فلا تحجر علي من تحب ان يعاتبك لقد عاتب رب العزة سبحانه نبيه الكريم في الأعمي الذي جاءه يتزكي وقد تولي النبي صلي الله عليه وسلم عنه لأمر ثبت انه مخالف لمراد الله...!!
وها انا وانت - ولله المثل الأعلي- في موقف عتاب وتعلن انت اغلاق باب مودتك ومحبتك لي..وكأني لم اكن استحقها..وان كان الأمر كذلك..فأنت اهل ان تمنح محبتك للآخرين ولا تنظر منهم جزاءاً ولا شكوراً..!!
وعلي العموم الحمد لله ان النوايا الحسنة لكلانا ظهرت وبانت..وللمرة التانية بؤلك لو ينفع ان الواحد يغادر بيته ويتركه هكذا يبقا اقدر اؤلك سيب بيتك القديم..!!
وعلي رأي المثل من نسي قديمه تاه..!!
ملحوظة
......
بخصوص المناكشة..ممكن اؤلك ان ما يصح بيني وبينك في العالم الحقيقي من مناكشة ومناكفة حقيقة لا يمكن ان يحدث بنفس القدر علي صفحات الويب لأن الناس يقرؤن ما يكتب والعقول تتفاوت في الفهم والتحصيل والمراد من الكلمات
فوجب الإحتياط والتفكير ملياً فيما يكتب قبل ان يكتب..!!
انا آسف لو كان اسلوبي جاف معاك..لكن يا سيدي لا محبة الا بعد مناكفة..وعاوز اشوف تعليقك دايماً
واقترح عليك انك ضروري تعملك مدونة
عشان نتعرف عليك عن قرب..!!
دمت واسع الصدر
محباً لمحبينك
رحيماً بالعاتبين
(:

بيتنا القديم يقول...

عين
...
"ياعم يارب تتجوز ..."

تاااااااااااااااااااااااني..!!


الله يسامحك

عقبال لما نفرح فيك انت بقا..!!

(:

ammola يقول...

انا حاكتب تعليقين فى بروجرام واحد
التدوينة اللى فاتت انت فعلا اثرت نقطة مهمة اوى وهى الدعاة والمشايخ اللى قاعدين مع مذيعات متبرجات او محجبات ومشخلعات بجد دى كارثة لانهم بيقروهم ع الخيبة دى
اما بأه حكاية ياريتنى ما كبرت فكنت يعنى حتعمل مدونة ازاى وانت صغير؟ده كلام برضة
ومين ماكانش عايز يكبر وهو صغير ولما كبر عايز يتسخط تانى

بيتنا القديم يقول...

أموووولة
........
"عايز يتسخط تانى..."

(:

الله ..الله..الله

ايه التجديد البلاغي اللفظي ده...

جعلك الله من المجددينات..!!

بالنسبة لكم الأخطاء والإخفاقات

والرعونة والطيش وتضيع الفرص وفوات

الوقت..اتمنني ان اعود صغيراً بشرط ان

اصطحب معي خبرة ووعي الفترة التي انا

فيها...

(:

غير معرف يقول...

السلام عليكم
لقد عجزت أن أجد في الكلمات رداً على ما قلت
و لكن أستطيع أن أقول أني لا أقدر على مفارقة من أحببتهم و أحترمتهم
تحياتي الخالصه
مجهول رقم 2

بيتنا القديم يقول...

مجهول2
.....
هذا لأنك ببساطة الأفضل..!!

دمت بخير

ومحباً لإخوانك

(: