يا كادحين ردوا عليا..!!




سؤال هام يا شباب
امامك قيم حسابية مختلفة
المطلوب إيجاد حاصل ضرب وطرح وقسمة ونصيب
كل قيمة عليها القيمة
ممكن يا شباب
1-خديجة
2-جمال
3-الجمال
4-منصور
5-مبارك
6-ليلي علوي
الحل
يقولون أن حالة من الاستياء والغضب الشديدين سيطرت على الغالية بنت الغالي "ليلى علوي" وأيضا على زوجها رجل الأعمال "منصور الجمّال" بعد قيام الشيخ "يسري مصطفى" -مأذون مسجد النور- الذي قام بعقد قرانهما بكشف النقاب، طبعاً نقاب الموضوع مش نقاب ليلي بالطبع .
كما قيل دون قصد منه- في جلسة خاصة جمعت شلة من المعازيم عن حقيقة المهر الذي حصلت عليه، وكذلك مؤخر الصداق الذي تم الاتفاق عليه بينها وبين زوجها عند عقد القران وفوجئ بانتشار الخبر بسرعة البرق.
وعندك واحد يخت بحري وصلحو:
المهر الذي حصلت عليه الحاجة "ليلى علوي" يا شباب عبارة عن يخت بحري فاخر قدر ثمنه بسبعة ملايين جنيه مصري(1,2 مليون دولار تقريبا)-لا عزاء لمنهوبي الدخل- ولم يتم تدوينه بالطبع بالقسيمة حيث كان بمثابة الهدية التي قدمها "الجمال" لها وعرف المأذون بذلك الأمر بالصدفة -يا حرام- أثناء عقد القران، بينما مؤخر الصداق الذي تم تدوينه في العقد هو خمسة ملايين جنيه مصري.(860 الف دولار تقريبا) -ايوووووووووووه يا جدعان-.
حياة خاصة
"ليلى علوي" ظلت ترفض الكشف عن حقيقة المهر -خوفاً من حسد الشعب- الذي حصلت عليه من "الجمّال" طيلة الفترة الماضية وكذلك الأمر بالنسبة لمؤخر الصداق لكون هذا الأمر يخصها هي وزوجها فقط وليس من حق أحد التعرف على تفاصيله، فهذه أمور خاصة جدا لا تهم أحدا على الإطلاق، فهي -كما تقول- كفنانة ملك للجميع -هاهاهاهاهاه- بينما كإنسانة من حقها أن تعيش حياتها بكل ما فيها مثل كل الناس.
غضب العائلة
أن أن اااااااااااااااان..!!
يذكر أن زواج "ليلى علوي" و"منصور الجمّال" أثار -كما قيل ونشِر ببعض الصحف المستقلة عقب إعلان الزواج- غضب كل أفراد عائلة "الجمّال"، وفي مقدمتهم بالطبع شقيقه "محمود الجمّال" والد "خديجة الجمال" زوجة السيد "جمال مبارك" رئيس لجنة السياسات ونجل رئيس الجمهورية "حسني مبارك" والوالي القادم للملكة السعيدة، بالإضافة لثورة وغضب أبناء "منصور" الثلاثة من زوجته الأولى، عيني عالصبر.
سؤال الحلقة القادمة
كم يخت يملكه الشعب المصري السعيد ..اذا علمت ان عدد الشعب هو 75 مليون يخت ..أ..قصدي فرد..وان الفاقد اليومي من الشعب حوالي 100 ألف ما بين فقر وجوع ومرض وقتل في اقسام البوليس.

10 عبرني:

ابن حـجـر الـعـسـقـلانـى يقول...

دى حسبة صعبة قوى ... و العلاقات متشابكة يا عم .. بس أنا عايز اسأل سؤال ... هو اسمك مش مكتوب فى القائمة ليه ؟؟

Bella يقول...

ياناش ياشر بطلوا قر

المفرض تكتب ع اليخت بتاعها كده

الواحد مش لاقي كلام يقوله صراحة بعد المصايب اللى نازلة فوق دماغنا فرادى وجماعات والملايين اللى بنشوفها بتترش سواء على شكل مهور او مقدمات او مؤخرات صداق

وملايين الشباب والشابات يعانون من العنوسة لضيق ذات اليد

حتى سي اسم الله عليه احمد عز دفع 25 مليون جنيه مهر للست شاهيناز النجار

يالهوي ياامي
يأكلوا كام شخص دول

Tamer Nabil يقول...

بما انى بليد فى الحساب

يبقى صعب الاجابة

دة انا بتعب من الارقام الصغيرة ما بالك بالارقام اللى مش عارف كم صفر جننها

يابوى

دة كتير اوى

هههههههههههه

قعبال كل الشعب لما يكون فى نفس المسوتى
تحياتى

عصفور المدينة يقول...

أيوة ما هو د عادي ما هو ده المستوى الحقيقي للشعب هوا مش دول من الشعب يعني
طب الكادحين بتوعك دول بيطلعوا في الميديا؟
يبقى مين واجهة الشعب يعني نموت نموت وتحيا الميديا

ammola يقول...

معلش لو سمحت
هو الكلام ده سياسة واللا اقتصاد؟
لو سياسة انا مش باتكلم فى السياسة
لو اقتصاد ..يعنى ايه اقتصاد
هما ولاد منصور زعلانين من الجوازة ذاتها واللا من المهر واللا المؤخر واللا زعلانين وخلاص

بيتنا القديم يقول...

ابن حجر
.......
لا اظنه سيكتب ولو كان الأمر كذلك لوجدت اسمك قبله..!!
.
.
.
خطوة عزيزة
نزلت سهلاً في بيتك القديم
وحللت أهلاً في قلبي
(:

بيتنا القديم يقول...

Bella
.....
دعينا ننظر للنصف المملوء من الكوب

إن بلدنا لسه فيها فلوس وبتتنهب..!!

الله عليك يا مصر..!!

دمت بخير

بيتنا القديم يقول...

Tamer Nabil
...........
حتي ولو مكناش في نفس المستوي

يكفي ان في فئة نقدر نتفاخر بيها امام

اصحاب المليارات في العالم

وكفايه انهم بيتعبوا علشنا

(:

دمت بخير

بيتنا القديم يقول...

عصفور
.....
للأسف الميديا حساسة حبتين خصوصاً جهة الكادحين..لكن دول تلاقيهم كومبارس ومجاميع في افلام الكوميديا التي تحدث يومياً عند افران العيش او علي سلالم الأتوبيس او في دهاليز واروقة اقسام الشرطة..!!

بيتنا القديم يقول...

ammola
.......
إظاهر وخلاص..!!
(:
دمت بخير