Crazy frog


مش أحياناً تحس إنك سنس ووسيم ومشاعرك جياشة - توقف إستعمال هذه الكلمة منذ وفاة الفنانة بديعة مصابني- ويعتريك إنشكاح لا مبرر له على الإطلاق وترتسم على محياك إبتسامة من تلك التى يصفها الناس بالبلهاء..!!
.......................................
تحديث: يا صديقى لست ضفدع..!

من روائع طارق..!


قال صديقي طارق..
في لحظة سمو روحي..
وسباحة فكرية..
وتحليق نفسي مبدع :
"نصيب النعجة السمينة تقع في فم الديب الأهتم..!"
ـــــــــــــــــــــــــــــــــــــــــــــ
تحديث: براوة عليك يا طارق..!

هابي برث داي تو يو .. يا مفتي


الحفل الساهر الذي أقامه نادي "ليونز" المشبوه، والذي يرأسه مستشار البابا شنودة، امتد حتى الثانية عشرة والنصف ليلًا، ولم يقطع لحظات الأنس إلا دخول فنان مصر الاستعراضي الأول راقصًا وهو يحمل "تورتة الإفتاء"، وظل يغني بلسان أعجمي مبين: "هابي برث داي تو يو .. يا مفتي"، وهنا ردد الماسون الحاضرون محتفين بالصيد الثمين: "سنة حلوة يا جميل"!

الرجل الطفل..7


الرجل الطفل..
يظل يحمله بين يديه..
كلما جاءت واحدة لتخطفه من صدره تحشاها..
ويظل ينتظرها هي ليعطيها ما تملكه عنده..
من جسده وحاضره وماضيه ومستقبله..
لا يكل ولا يمل في البحث عنها..
غير مكترث بثقل ما يحمله بين ضلوعه لها..
باحثاً عنها في كل مكان يمكن ان يجدها فيه..
حتى اذا ما عثر عليها ووجدها تنفس الصعداء..
ومد كفه واخرجه من صدره ومسحه بمنديله وطبع قبلة عليه..
ثم دسه بين كفيها ونظر بكل حب في عينيها طويلاً..
راجياً منها ان تحفظه بجوار قلبها وبين ضلوعها...
لأنه يحبها ويحب ان يظل هكذا بجوارها حتى يدخلا الجنة سوياً..
هامساً لها بكل شوق الدنيا: وحشتيني..بحبك أوي..!

الرجل الطفل..6


الرجل الطفل..
سعيد بأنه كان داخلها موفور الحماية..
قلق يريد أن يخرج ويثبت لها قدرته على حماية نفسه..
يشعر بذعر وخوف شديد ويتشبث بها عند خروجه منها..
تظل في وعيه أنها جذوره ومنبته وأرضه التى استقرت فيها بذرته..
حتى اذا ما رأها تنبت لديه مرة أخري بنبتة جديدة رقص قلبه طرباً..
وظل يراقب ذات التجربة التي مر بها بكل شغف وحب وشوق..
يقبل رأسها يديها يهتم بغذائها ودوائها ويقلق لصحتها ويسهر اذا تعبت..
حتى اذا حان الوقت حمل أرضه في السيارة وذهب الى المستشفى ..
ليشاهد نبات جديد يخرج من أرضه يصرخ خوفاً وذعراً ويعود ليتشبث بها..
فيبتسم لها ويقبلها بحنو بين عينيها حامداً الله على سلامتها ..

الرجل الطفل..5

الرجل الطفل..
مختلط المشاعر أحياناً..
عطوف دائماً..
متردد في قراراته المصيرية..
يبحث عنها حتى يأخذ مشورتها..
فاذا وجدها واطمئن لسلامة منطقها..
واسعده رجاحة عقلها..
لم يتردد في ان يقول لها بكل ثقة..
رأيك إيه يا حبيبي.؟!

الرجل الطفل..4


الرجل الطفل..
لم ولن ينسى حضن أمه وضماتها الغارقة في الحنان..
يكبر ويكبر ويظل هكذا ينمو جسده ويشق شنبه وجهه بالعرض..
إلا انه يتحرج في أن يطلب من أمه أن تفعل به كما كانت تفعل قديماً..
ويظل في قرارة نفسه يبحث عن الأم والحبيبة الموعودة..
حتى اذا ما هبطت عليه هديته من السماء..
ظل يحوم حولها متظاهراً بعدم الإهتمام برغبته الدفينة..
وفي لحظة قوة طفولية تضعف مقاومته الرجولية..
فينهار ملقياً نفسه بين ذراعيها ويعود اليه الشعور بالأمان..
مرة أخرى..

الرجل الطفل ..3


الرجل الطفل..
دايما شايف نفسه مثقف جيداً ويفوق الآخرين..
مهتم وشغوف باحوال الدنيا من حوله..
وحقيقة الأمر انه يبحث عمن يهتم لأحواله..
عندما يقابل نصف قلبه ينطلق في دروب الثقافة..
حتى اذا رأها تبتسم له علامة انها قرأته من الداخل..
ينحى الثقافة جانباً ويعترف لها بصدق مشوب بالحرج..
انه يستئذن في الدخول لقلبها ليتلقى دروس محو الأمية العاطفية..

الرجل الطفل..2

الرجل الطفل...
يحب المفاجآت دوماً..
يفاجئ أمه..
وزوجته..
يطرق الباب ويرسم بسمة عريضة يمنحها لمن يفتح..
تتكرر بسمته هذه صافية ثلاث مرات في حياته ..
يوم ان تفتح ماما ذراعيها لتضمه بوافر حنانها..
يوم ان تفتح حبيبته قلبها لتضمه بوافر حبها..
يوم ان تفتح طفلته عينها ليضمها بوافر حبه..

الرجل الطفل..1


الرجل الطفل...
يلجأ الى كل طريقة يثبت بها تفوقه على من حوله...
وأهليته الكاملة لنيل شهادة خريجي جامعة الحياة...
حتى ولو كانت بعض الطرق تنتهى بتدمير حياته...

لمحتك يا بلدي

تصوري يا بَت يا مصر بقالي كتير مش بفكر فيك..
جايز عشان مطمن انك في ايد أمينة..!
ولا يمكن عشان حاسس ان بكره زي اول امبارح ..؟!
على العموم وانا فايت النهاردة الصبح..
لمحتك يا بلدي لسه صاحية قلت اقولك ..
صباح الخير يا بَت..
......................
تحديث: مش حتقلعي الأسود بقا يا مصر ..؟!
بقالك كتير أوي لابساه..!!

يا شباب عيب ..!


يا جماعة ده انتو سُونيه..طب العلمانيين يقولوا علينا ايه..!
يا اخ عيب كده..يا بن والدي سيب كتفه وبلاش تعضه..!
يا خونا حد يحوش الشباب حتقطع بعضها..!
يا جدعان انا عارف مين اللي خد الشبشب..!
استهدوا بالله وانا حرجع شباشبكم تاني..!

تاكل ولا تنام خفيف


كيف الحال
كيف الكيف
قوول قوول
مانتش ضيف
تاكل ولا تنام خفيف...؟!
.......................
المنيو: عندنا زغاليل ويرور وسمان..
واللي بلا سنان بياكل فدان..
واعملك شوربة ابو قردان..
بلسان عصفور الجنة كمان..
وفطير بالكاري وشيبسي لطيف..
ها..مقلتش..تاكل ولا تنام خفيف..؟!

الـ26


ربيعي السادس والعشرون
أتاني بعطر حلمت به سنين
فابصرت عمري بقلب سعيد
يخفق خياله إلى مدى بعيد
**
عبرت بحبي الجبال والأنهار
رسمت بأملي الرحال والأسفار
حصدت الفرحة وسط الأمطار
ورقصت لفرحتي بين الأشجار
**

فيا رب سدد بالحق كل خطاي
وبصرني واهدي لديني دنياي
.............................
كل سنة وانت طيبة يا مرمر
التدوينة من مدونتك الي مدونتك..!

الف مبروك يا متر..!!

هل أقول الف مبروك يا صديقي...
كذلك كنت في اول يوم عرفتك فيه...
أم هل أقول الف مبروك يا شقيقي...
وهذه ايضاً كانت في السنوات الأولى من مشوارنا معاً...
اعذرني فمع انك تكبرني بعام كامل الا ان شعوري نحوك يجعلني اقول..
الف مبروك يا محمد متولي..يا طفلي الذي تمدد طولاً في قلبي..واثمر رجلاً..
عندما احتضنتك في الكوشة بالأمس وانت بجانب نصف قلبك وحبك الأبدي..
شعرت بأنني أزف أبني وليس اخي أو صديقي..
تعلقت عيني بك منذ اول الحفل حتى توزيع الجاتوه..
ولولا أن حبي كانت معي ومصرة على العودة للبيت مبكراً..
لمكثت حتى أوصلك على عشك الصغير..
بارك الله لكما وبارك عليكما وجمع بينكما في خير..
..................................................
تحديث: أشياء كثيرة لها معنى في حياتنا وتستحق ان نبتسم لها..!

زينب..!


...بعد أيام وعند عودتي مساءاً من عند الطبيب وتحديداً في ميدان التحرير أمام مدخل فندق هيلتون، شاهدت فتاة شابة تهرول وسط السيارات مذعورة تبكى وتصرخ يطاردها نفر من الرجال، وقفت أنا والمارة نتابع ما يحدث والذهول يسيطر على الجميع...

رفقاً بها لو سمحت..!


العنف الذي تتعرض له المرأة في بعض البلدان الأوروبية و في أمريكا في حالة ارتفاع، أفلام هوليود شئ والواقع عندهم وكمان عندنا شئ تاني، 95%من ضحايا العنف في فرنسا من النساء و30% من النساء الأمريكيات يتعرضن للعنف الجسدي من قبل أزواجهن البهايم(!!)، و للبلدان العربية نصيب كبير في الموضوع بس للأسف مش عندنا إحصائيات عشان الفضائح.
أمك حملتك 9أشهر في بطنها ما بين الآم الوهن وآمال الاحلام لمستقبل طفلها.
زوجتك تطبخ تنظف تربي اولادك..ثم وهو الأهم تظلل ببسمتها هجير حياتك.
ابنتك تلعب تكبر تتزوج ويظل قلبها معلق فيك محبة وشوقاً وحنية فطرها الله عليها.
بجد احنا محتاجين حملة يكن شعارها ما قاله النبي الرحيم صلوات ربي وسلامه عليه.."رفقا بالقوارير".
المرأة نعمة من ربنا تخيل حياتك من غيرها - مش عاوزين استظراف- لو عندك قارورة من اللي احنا ذكرناهم فرفقاً بها ده لو كنت بتحب النبي ومتقفى أثره..!

سمك لبن شيعة ودروز ..!







كون حد يتجوز هو حر..
كون واحدة تتجوز هي حرة..
كون السمك يتاكل مع اللبن ويتشرب بعده تمر هندي ..
محل نظر
كون درزي تختلف عقيدته عن عقيدة عموم المسلمين يتزوج شيعية جعفرية ..
محل نظر
ملحوظة:
20% من جنود جيش الاحتلال الصهيوني من الدروز ، وشيوخهم يفتون بجواز قتل الفلسطينيين ومناصرة اليهود لأنهم الأقرب للروح الدرزية.
ملحوظة كمان:
الف الف الف مبروك عقد قران الدرزي سمير القنطار على المذيعة في قناة العالم زينب برجاوي، واحلى حتة جاتوه للأستاذ حسن نصر الله واديها مقاومة برجماتية يا عم نصر الله يا عسل..والنقطة دي جاية من طهران..وانا وانت..!

موعد مع إبليس..!


:صباح الفل يا إبليس بيه
:صباح الخير يا بني .. اطلع بينا على سنة 622::
:ياااااااااه .. سعادتك إيه اللي هيوديك هناك .. دي الدنيا كات صعبة أوي أيامها
:وحشوني والله يا عكروت .. أعمل ايه بقى .. نفسي أشوف أبوجهل
:ما تشوفش وحش يابيه .. وصلنا خلاص
ينزل إبليس من العربية .. ويخبط الجرس على بيت أبو جهل .. تفتح له الشغالة
:الأستاذ أبو جهل موجود
:أيوه موجود .. مين حضرتك ؟
:قولي له إبليس
:دقيقة واحدة
يخرج أبو جهل
:أهلاااااااااااااان .. إزيك يابو مُـرّة .. واحشني يا راجل .. إيه الغيبة الطويلة دي .. اتفضل اتفضل
:والله هفيت على بالي اليومين اللي فاتوا .. والعالم بتوع القرن الواحد وعشرين خنقوني .. قلت آجي أشرب معاك كاسين .. حجرين .. الموجود بقى .. أي حاجة
:على حسابي وللا على حسابك ؟
:أيوووه عليك .. انت لسه نتن زي مانت .. يا راجل ده انا بقالي 200 سنة ما شفتكش .. ده اللي انا علمتهولك ؟
:آه .. ههههههههه .. طب اقعد بس اقعد .. ده الحالة بقت كرب أوي .. ونفسي أفضفض لك شوية
:خير يا بوجهل
:لا والله مافيش .. فاكر انت آخر مرة كنت معانا لما اتفقنا نطلع من رجل قبيلة .. ونقتل محمد
:آه .. كانت فكرة مالهاش حل
:بس الخطة فشلت .. وقدر يهاجر يثرب ومن بعدها ما شفناش يوم حلو .. والعملية نشفت أوي وبدأوا يقفلوا علينا طرق التجارة .. العيشة بقت صعبة أوي يا إبليس يا خويا
:بس بس قطعت قلبي .. طيب أنا جاي لك في مشوار حلو .. هيفتح نفسك
:مشوار ايه يا معلم .. قوللي
:شوف يا سيدي .. أنا جاي لك دلوقت من القون الواحد وعشرين .. فيه شغلانة جامدة أوي في مصر ظبطتها تظبيطة ما حصلتش .. وأنا حاسس بيك قلت آخي آخدك تتفرج .. أرفع روحك المعدنية شوية
:بس ما يكونش التظبيط الخايب بتاعك زي شغلانة من كل رجل قبيلة دي
:كده برضه .. الله يسامحك .. بس اطمن المرة دي .. هتيجي جون يعني هتيجي جون
:والمشوار ده هنروحه ازاي
:اركب بس اركب .. ما تخافش مش هأخرك
ركب أبو جهل العربية مع إبليس .. ووصلوا القاهرة .. أبو جهل تـَنـّح
:إيه ده يا إبليس يا خويا .. احنا لسه في الدنيا ؟؟
:هههههه .. جمد قلبك ياراجل .. احنا بعد 1400 سنة من أيامكم
:وايه الناس دي .. عاملين في نفسهم كده ليه
:إيه مش عاجبينك ؟
:يعني .. الستات لابسين عريان قوي .. والرجالة شكلهم شبه الستات .. وبص الواد ده ماشي مع البنت ازاي .. بيحضنها في الشارع كده .. اخص عالرجالة
:ههههههه .. ياراجل ماتقولش كده .. دول على فكرة مسلمين
:إيه ؟؟ .. هو دين محمد وصل لغاية هنا
:آه طبعا .. من زمان أوي .. بص الجوامع أد إيه .. واللي انت سامعه ده اسمه الأذان .. بينادوا عالناس وقت الصلاة عشان يصلوا
:الله ؟؟ .. أمال مالهم قاعدين كده ما بيتحركوش .. وعشرة عشرين واحد بس اللي داخلين الجامع
:آه .. أصل النهارده فيه ماتش .. واللي قاعدين دول بيتفرجوا عالماتش في القهوة
:ماتش ؟؟ .. إيه ده ؟؟
:دي فكرة حلوة من أفكار أخوك .. الناس بتحب الرياضة .. فيها حاجة دي ؟
:لأ مافيهاش
:أنا قعدت بقى أكبرها وانفخ فيها لحد مالناس بقت تحبها أكتر من الصلاة
:يابن الإيييييييه ؟؟ .. ده انت هتروح جهنم
:فال الله ولا فالك .. فقري طول عمرك
:بس ايه اللي مكتوب عالحيطان ده ؟؟ .. الإسلام هو الحل ؟؟ حل إيه ؟؟
:ما هو ده اللي انا جايبك عشانه
:طب نورني .. ايه الموضوع
:شوف يا سيدي .. بعد الأيام بتاعتكم المسلمين وصلوا للدنيا كلها وحكموا البلاد دي بالقرآن اللي جابه محمد
:أيوووووووه .. حكموا البلاد دي
:آه امال ايه .. بس اخوك ما سكتش
:أيوه طمني كده .. عملت ايه بقى ؟؟
:فضلت ورا ناس منهم .. لغاية ما طلعت في دماغهم إن القرآن ده كان بتاع زمان بس .. وما ينفعش الزمان ده
:معقول ؟؟ وصدقوك ؟؟
:طبعا .. ومن يومها بطلوا يحكموا بالقرآن .. وفضلوا يحاربوا الناس اللي عايزة تحكم بالقرآن .. ويقولوا عليهم أسامي تضحك أنا اللي علمتها لهم .. رجعيين .. متخلفين .. متطرفين .. إرهابيين .. حوارات كده
:الله ينور عليك .. أهو كده الشغل الصح .. طب ليه بقى رجعوا يكتبوا الإسلام هو الحل عالحيطان
:أصل مع الوقت الناس اللي انا ربيتهم دول بقوا حرامية كبار أوي .. وسرقوا كل حاجة في البلد .. لحد ما ناس بقت مش لاقية تاكل ..
(يسمعوا صوت واحد بيصرخ .. الحقونيييييي .. هيموتونيييييييي)
أبو جهل :ايه ده ؟؟ .. تعال نخلص الراجل ده بسرعة ده بيستنجد بينا .. أنا جاااااااااااي
إبليس :بس رايح فين .. انت اتجننت وللا إيه ؟
:اتجننت ؟؟ .. انت مش سامع الراجل بيستنجد بينا .. دول بيسرقوا الموبيل بتاعه وهيموتوه .. ده واحد رافع عليه سيف
:لا ما تقلقش .. ده عادي دلوقت
:إيه اللي عادي .. ما حدش ينجده ؟؟
:آه .. ما هو أنا خليت الناس دلوقت تنسى حوارات النجدة والمروءة .. والوهم بتاعكوا بتاع زمان ده .. دلوقت لو واحد قعد ينادي على الدنيا كلها الناس ولا هاتعبره
:اخص على الناس .. ده انت بوظت الناس خالص يا جدع.
:أمال كنت فاكرني بالعب الكام ألف سنة اللي فاتوا دول .. شغل يابا
:طيب .. كمل الحكاية .. الحرامية الكبار سرقوا البلد .. وبعدين ؟
:مش بس سرقوها .. كمان بوظوا كل حاجة .. الناس لا بقت عارفة تسكن ولا تتجوز ولا تتعالج .. وبقت البلد مسخرة بين البلاد التانية .. فالناس اتخنقت وبقت نفسها تلاقي حل للمشاكل اللي هي فيها
:وبعدين
:رجع الناس يفكروا تاني يحكموا بالقرآن .. وناس كتير طلعت تقول ان الإسلام هو الحل .. بس أنا كنت مظبط بقى شوية ناس يطلعوا في الفضائيات والجرايد فترة طويلة .. الناس وثقت فيهم وبقوا يصدقوهم .. وخليتهم يقولوا إن الإسلام ما ينفعش حل .. وخلينا نجرب فكر جديد وكلام من ده .. وادونا فرصة تانية
:يعني معقول فيه ناس لسه بتفكر يحكموا تاني بالإسلام .. زعلتني يا شيخ
:ما تقلقش .. أخوك شغال .. هم في الآخر اتفقوا يخلوا الناس هي اللي تحكم بينهم .. اللي تختاره الناس يمشي .. عشان كده كل فريق منهم بيعمل إعلانات لفكرته .. ومنها اللي مكتوب عالحيطان ده .. وبيسموا الشغلانة دي انتخابات
:طيب وانت ايه اللي مخليك مطمن أوي ان أغلب الناس مش هتختار الإسلام هو الحل
:لا طبعا .. هو الموضوع مش كده .. تعالى بس اوريك .. انا معزوم النهارده مع اصحابي على قعدة كده عشان نظبط موضوع الانتخابات ده
: وإيه الزحمة دي .. الناس دي كلها بتعمل ايه ؟
:ده واحد نازل الانتخابات وجايب الناس في الشادر ده عشان يقول لهم هيعمل ايه
:ده من بتوع الإسلام هو الحل وللا من اصحابك ؟
:لا ده ولا ده .. أصل فيه ناس تانية كتير مش عاجبها اللي عملناه في البلد .. وبيقولوا لازم نصلح البلد ومش شرط نقول الإسلام هو الحل لإن كل الناس مسلمين .. بس بيني وبينك اصحابي خايفيم منهم أوي عشان ناس نضيفة مش حرامية زيهم .. ياللا وصلنا اهوه
( يدخلوا فيللا فخمة .. يدخل ابليس ومعاه أبو جهل .. الناس بتبص لابو جهل ومستغربين من شكله .. مزمزة هانم تستقبلهم )
:أهلا أهلا إبليس بيه .. إيه اللي معاك ده ؟؟ .. لقيته فين ده ؟
:أهلا مزموزتي .. لا ده صاحبي عمرو .. بس هو كان رايح حفلة تنكرية وجبته على هنا وما لحقش يغير
:آآآآآآآآآآه .. تصدق ده انت فعلا شبه عبد الكعبة اللي كان في فيلم امبارح ..
:آه .. ماهو يبقى ابن اختي
:ابن اختك ؟؟ ( تخبطه بإيدها على رجله ) .. دمك خفيف أوي يا سي عمرو
:لمـّي إيدك يا ولية انتي .. ده انتي قليلة الحيا صحيح .. انتي من أصحاب الرايات الحُمر وللا إيه ؟
:رايات ايه يا دلعدي .. حُمر ؟
ابليس :لا لا ما تاخديش على كلامه .. ده أصله شيوعي .. وغير كده عينه دايما زايغة على الروسيات .. ما عندوش نظر .. هو فيه أحلى من حريم مصر
تقرصه في خده :عسل يا إبليس بيه .. عسل .. طول عمرك دمك زي العسل
ابليس :طب خلينا في موضوعنا .. الشلة وصلت وللا لأ .. كانوا قايلين لي عايزينـّي النهارده
:كلهم جوه .. مستنيينك من بدري
( يدخل ابليس وأبو جهل .. الناس يشوفوا دقنه وشكله يتخضوا .. ويلموا الورق اللي في إيديهم )
إبليس :ما تخافوش .. إيه ؟؟ .. ده عمرو صاحبي .. أمان يعني .. هو أنا يعني غشيم أجيب لكم حد كده وللا كده
:لا مؤاخذة يا بيسو .. احنا شفنا دقنه قلنا إرهابي وواخدك رهينة وللا حاجة
:يا عبيط .. انتوا هتكدبوا الكدبة وتصدقوها .. مانتو عارفين ان ما حدش بيعمل كده .. المهم .. وروني عملتوا إيه .. إيه الجديد السنة دي
واحد :كتير .. البركة فيك يا ريس
التاني :شوف يا سيدي .. أنا اتفقت مع مقاولين أصوات ندفع للناس فلوس .. ويدونا صوتهم .. هنغريهم بمبالغ كبيرة أوي .. وموبيلات .. وأكل
إبليس :طب ولما ياخد الفلوس ويديهم صوته يا حدق .. هتعمل فيها ايه دي ؟
التالت :عييييييب .. معانا أهو ورق تصويت فاضي .. هادي له اللي متعلم عليها باسمي ويديني الفاضية اللي هياخدها من جوه
إبليس :معقول برضه .. مش بطال .. غيره
الرابع :شوف يا سيدي .. عملنا كشوفات بالناس اللي في شركاتنا وكل واحد طلع لهم ولعيلتهم آلاف البطايق في دايرته
إبليس :قديمة .. ما هو الناس اللي قصادنا كتير برضه وممكن عددهم يبقى أكتر مننا
الرابع :هههههههه .. ما هو احنا بوظنا الكشوفات اللي فيها الأسماء .. ما حدش هيعرف مكانه الجديد .. أي واحد يروح يدي صوته هيحتاس ونلففه على ميت لجنة لحد ما يزهق ويروح
إبليس :براوة عليك يا وله .. أهو كده الشغل وللا بلاش .. إيه رأيك يا عمرو
أبو جهل :لا والله ما هذا بالرأي .. الناس لو مخنوقة منكم فعلا هيفضلوا يدوروا لغاية ما يعرفوا لجانهم
التاني :أمال انت رأيك فيه يا فتك ؟
أبو جهل :ليس لهم إلا السيف .. ادبحوهم .. اسألوني انا
إبليس :اتنيل اسكت انت .. الكلام ده ما عادش ينفع .. ما تشوفوا لنا حاجة تانية يا جماعة .. فين أيام زمان لما كنا بنغير الصناديق
الخامس :ما هو الجماعة اللي جوه اللجنة دلوقت مش تبعنا .. وما نقدرش عليهم ياريس .. وممشيينها ميري أوي
إبليس :طيب .. على أي حال خلينا نشوف .. بيتهيألي احنا نجحنا فعلا نقنع الناس ان فيه تغيير وفكر جديد .. وطلعنا بطاقات كتير .. وشوية بالفلوس .. وما فيش حد أصلا هيروح يدي صوته .. نتوكل على الله .. وربنا يسهل
.................
transported