حد فاهم حاجة..؟!




الشاب المسيحي ده أكيد مش بيعبر عن كل مسيحيين البلد...
المسيحيين زي المسلمين لأنهم مصريين فيهم الوحش وفيهم الحلو...
بس بصراحة الوحش هو اللي مسيطر عليهم للأسف وبيحدد مسارهم...
ونزول الشاب الملتحي ده لغز محتاج تفسير ...
وتفسيره عند الكنيسة وأمن الدولة ( قال ايه الأمن الوطني هأووو) ...
الشاب بيقول انه تبع موقع" الحق والضلال" المسيحي...
وطبعا في الحالة دي احنا المصريين المسلمين الضلال ...
بالظبط زي رؤيتنا للمسيحيين انهم برضو ضلال وفي جهنم ...
بلاش بقا تماحيك واستعباط ولحس كتاف من كلا الطرفيين...
احنا اتفقنا نتعايش ولكم دينكم ولي دين صح...
طب ليه بقا نزول شاب زي كده ...
مسيحي وملتحي كمان ...
في وسط مسيرة اسلامية...
مين وراه وعاوز ايه...
ولا يمكن اللى خطط احداث السفارة الصهيونية مخطط لدي كمان...
على العموم الشاب ده يا اما شماس او كاهن وله دور محدد نازل ينفذه...
العلم عن الله ثم عند الكنيسة وبتوع الأمن الوطني...
هو ده بقا شعار "الله محبة" اللي شنودة خوتنا بيه...
طب الشاب ده طلع سليم وشباب المسيرة طلع متفهم للفخ ومحدش فكر يأذيه...
طب لو كان حصل العكس وشبع ضرب كان رد فعل الكنيسة ايه...
طب هو ليه اصلا نازل للمسيرة بالشكل ده...
بلاش دي...
لو كان واحد شيخ عملها واندس وسط مسيرة مسيحية كانت ايه النتيجة...
ويا تري الآخر كان حيسيبه من غير ما يظبطه...؟!
قلبي بيقولي انه مزؤء وانه احد صبيان الأنبا "فلوباتير الكذاب"...
واللي فاهم حاجة يفهمنا...!!

فين محلي..؟!

عودوا الى الميدان


من الصعب أن تحرض شعب على الثورة...

لكن من المستحيل أن تخمدها...

لقد هدأنا كما قال الشيخ الشعرواي ...

ولكن المفسدين لم يهدؤوا...

وظهر وجههم القبيح في تدبير أحداث السفارة ...

وما تلاها من قرارات لها رائحة المخلوع الكريهة...

لقد توهم البعض انه قضى على الشيطان...

حينما دخل مبارك القفص...

ولكن ظهر أن 30 عاما صنعت أكثر من شيطان...

ولذلك أيها الثوار عودوا إلي ميدانكم...

وافتحوا صدوركم للرصاص...

بل وللدبابات هذه المرة...

إن صداما حتميا تلوح بوادره...

لتكن مشيئة الله نافذة...

وليكن اتحادنا في جمعة المصير...

لا فرق بين إسلامي وغير إسلامي...

ولتكن جمعة إنقاذ الوطن...

إنقاذ دم الشهداء...

إنقاذ الثورة...

إنقاذ مصر...

بالحضن يا عصام..!

عصام شوقى ...
ضابط شرطة عادي جداً...
بس اللي عمله مش عادي...
عصام هو الشاهد الثامن فى قضية دبح الثوار...
عصام اتمارس عليه ضغوط وصلت الى حد التهديد ...
عصام وضع كفه على المصحف واقسم يقول الحق...
عصام شهد باللي شافه ضد مبارك والعادلي...
ولأن اللي بينزل علم الصهاينة بطل...
واللي بيقول الحق بطل...
عصام دخل سجل أبطال ثورة يناير...
وبعد نص ساعة كان في صفحة على "فيس بوك" ...
"كلنا عصام شوقي"...
فعلا كلنا عصام شوقي ولازم نكون كده...
عصام وقف بثبات قدام محكمة الأرض...
ولكنه تذكر وقوفه قدام محكمة السماء...
القاضي هنا المستشار أحمد رفعت...
لكن القاضي هناك هو الله سبحانه...
عصام مكنش يعرف انه شهادته رطبت أرضنا العطشانة للحق...
اهالي الشهدا هتفوا: "يا عصام يا عصام.. بشهادتك هنجيب إعدام"...
ودلؤتي مين أحق يمسك وزارة الداخلية...
شاب أمين زي الضابط عصام ولا ناس تانية...
أيه المانع نختاره وزيراً للداخلية...
ومؤهلاته إنه:
1-شاب طاهر غير ملوث...
2- نفض للتهديدات رغم ان فيها حياته...
3- رفض اغراءات دفاع مبارك...
4- انحاز لدم الشهداء...
5- قدم للمحكمة سي دي عليها لقطات قتل متعمد للثوار...
6-غيّر مسار قضية وطن...

الخاينين لأ..الأندال لأ..!


عمنا مصطفي بكري شعاره في الحياة والصحافة هو: أحلى من الشرف مفيييييييييييش..يا آه يا آه..!
واما البقرة الحلوب وقعت في ثورة يناير كان اول واحد واخد ديله في سنانه وناطط من أم السفينة..
طب فاكرين أما مصطفي بكري أمن الدولة أنعم عليه بتوصية من صفوت "الشريييييف" وخد ترخيص جريدة الأسبوع...
وده بعد اداء دور المشاغب والعميل المزدوج في تفتيت حزب الأحرار بتاع الله يرحمه مصطفي كامل مراد ...
بيفكرني مصطفي بكري بالواد النصاب بتاع موقعة الجمل رجب هلال حميدة اللي عامل في أمها شيخ ...
بس فين يروح حميدة في مصطفي بكري اللي جه من الصعيد حافي وأعاد تمثيل دور الفنان فريد شوقي في فيلم "الفتوة" بس على الطبيعة وبجدارة واقتدار طبعاً...
وبجد يستحق جايزة نوفل لأنه استحمل كام قفا من هرم السلطة وانت نازل كده على كام شلوت وكام تفة وشتيمة في سبيل الغاية اللي واضحة في الصورة دي...

عارفين مصطفي كان نفسه في ايه ...؟!
مصطفي كان نفسه ياخد لقب وزير اعلام ...!!
عشان كده مطاطي للطفل العجيب جمال مبارك مفنجر ثورة الإبداع...
وده طبعاً بعد اذن صفوت بيه الشرييييف...!
وكان بيناطح عمو عماد اديب على الوصول لهذا المنصب..
رغم انه مكنش محتاج فلوس...
لأنه كان متبني الخط القومي العروبي الثوري أبو رز بلبن ...!
يعني كان عمنا بشار النعجة يغرف من سورية ويديله...
والقذافي أبو توك توك يغرف من ليبيا ويديله ...
وهنروح بعيد ليه فاكرين قناة الساعة بتاعة ليبيا ...؟!
أهو القذافي كان مسلمها لبكري متشطبة
على المفتاح...
ده غير نفحات وتشهيلات وتسليكيات الأخوة في امن الدولة...
وكفاية تشجيعهم ونظرة الرضا من عيون العادلي...
بكرى اللي كان بيقف في مجلس الشعب مدافعا عن البقرة الحلوب قبل الثورة ويقول بالحرف:" ياجماعة انتو كده بتأذوا الريس...."..!
وكأن يعني الريس أطرش ومابيسمعش..!
وكأن شوية الجرابيع بتوع الوطني على شوية المستقلين مش بيسلموا الكراريس نهاية كل جلسة عشان يصححها سرور ويعرضها على عزمي وعزمي يعرضها على البقرة اللي نايمة في معلفة القصر..!
بكري اللي كان ولا يزال ماشي بمبدا "نافق عشان توصل" كانت الهدايا اياها مغرقاه ...
حتى انه وجد حرج في قبول بعضها احيانا عشان كانت ملهاش مكان ..!
وكان بيقبل بأي حاجة حتى انه مرة طلعوله العمال بثلاجتين من النوع الفخم بتاع الفلل والقصور ونزلوا بيهم عشان ملئيوش مكان ...!
بعد ده كله جاي بكري النهاردة على الفضائيات وعامل شريف وبيخلص تاره من اللي سقطوه في انتخابات مجلس الشعب قدام وزير الانتاج الحربي سيكو بيه مشعل...
ومش بس كده ده طلع كمان ثورجي قديم وزيه زي غيره ضرب كرنيه 25 يناير وحاطه على صدره...
ودلؤتي وبما انه أخذ شكل الشرفاء ونبرتهم وانجعص جعصتهم عمل فيلم كده خايب وجاب شوية ناس اتهمهم انهم من فلول النظام وعاوزين يقتلوه...!
طب ليه...؟!
وعشان ايه...؟!
طب متئتلتش ليه يا عم الثورجي من يوم 25 يناير لغاية دلؤتي...!
المهم الحاج جيفارا الشهير بمصطفي بكري اتهم واحدة كده اسمها جيهان سليمان وشخص يدعي محمد كمال من مجموعة سماها أولاد مبارك..!
زي كده ولاد ابو اسماعيل اللي كانوا عاوزين يقتلوا بوحة الصباح..!!
وصبح صبح يا عم الحاج...!
المهم العيال اعترفوا قدام النيابة بأن المخطط استهدف اقتحام منزل "تيفة" وضربه بزجاجات المولوتوف زي ما كان بيحصل في التحرير..!
وعلى رأي المثل اللي فاتوه مسلسل الثورة يألف حلقه ويتمرمغ في ترابه..!
المهم المخطط فيه أموال وفيه بلطجية ولزوم حبكة "ميولدي دراما" حشر عدد من رؤساء التحرير والإعلاميين معاه...
زي مجدي الجلاد وعادل حمودة ووائل الأبراشي وناس تانية ...!
الغريبة ان الجزء الثاني من فيلم الفتوة -اللي متعملش- كان المفروض المعلم أبو زيد بعد ما يخرج من السجن اللي دبسه فيه المعلم هريدي عمران بمساعدة المعلمة حُسنة والغزولي...
يستخدم طريقة مصطفي بكري البايخة اللي هي شوية بلاغات عبيطة للشرطة والنيابة لاصطناع بطولات و تزوير حقائق لخلق صورة ذهنية جديدة و نفى شبهة العمالة للبقرة الحلوب وجمال وعلاء والحاجة سوزي...
وبكده يخلص الفيلم بنهاية سعيدة ويستهبل مصطفي بكري المشاهدين السذج ويغسل سمعته الوسخة بشوية بلاغات وهمية ويكيف الجمهور اللي حيخرج في نهاية العرض يهتف:"لو المولتوف قصف رقبة تيفة..فالشعب كله تيفة..الشعب كله تيفة"...!!
ــــــــــــــــــــــــــــــــــــــــــــــــــــــــــــــــــــــــــــ
تحديث 10/9/2011:
1- التحقيق مع بكرى مستمر و هو يحاول خداع الاعلام بان البلاغات ضده حفظت .
2- قصر مصطفى بكرى به 40 غرفة و 140 تكييف و ثمنه اكثر من 22 مليون جنيه.
3- مصطفى بكرى تلقى اموالا من جهات مشبوهة و دول متعددة و لا يستطيع اثبات مصادر ثروته.

سيدي مبارك خرشم الله وجهه..!



مشكلة الشيخة "ماجدة" انها بتنام وتكسل تستغطى وتسيب الشباك مفتوح ومروحة السقف على آخرها وساعة الفجرية الهوا بيلفح لفح وبيتوغل وينتشر ..ويستمر..و يستمر.. ويستمر...!!