دعاء أم مثقفة..!!


ربنا يبعد عنك الأشرار ..
ويجعل لك في كل خطوة دولار
ويبعد عنك أولاد الأيه ..
ولا يخيبك خيبة الجنيه
ويجعل أعمالك كلها حسنات ..
ويكفيك شر شهادة المخالفات
ويحوش عنك كل الشرور ..
ويكفيك شر كمين المرور
ويكون لك دايما في العون ..
ويكفيك شر فاتورة التيلفون
ويجعل لك كل الناس حبايب ..
ويكفيك شر بتوع الضرايب
ولا يجعل عيالك محرومة ..
ولا يخيبك خيبة الحكومة
ويجعل أصحابك كلهم اخلاص ..
ويكفيك شر سواقين الميكروباص
ويحميك يابني من ابليس ..
ويكفيك شر سواقين الجيش والبوليس
وينور لك طريقك بالبركات ..
ويكفيك شر الحفر والمطبات
بدعيلك وبدعي لكل أولادي ..
يكفيكم شر الركود الاقتصادي
ويكثر في جيوبكو النقدية ..
ويرحمكم من شر الدروس الخصوصية
ولا يحرمكم من أكل الفول ..
ولا يخرب بيتكم بفواتير المحمول

10 عبرني:

يا مراكبي يقول...

آمييييييييين

بيتنا القديم يقول...

مراكبي
.....
لك وحشة...ومحبة لم ولن تنقطع يا مان
.
.
.
شفت شوية الدعوات المخربشة دي...
مش تؤلي دعاء الشيخ فقلان وعلان...
أجدع من الماماوات مفييييييييش
(:
دمت بخير

اسكندراني اوي يقول...

هو الجنيه دلوقتي مش خايب دا طالع امام الدولار والعمليه اخر بشبشه
بس بجد شويه دعا ربنا يجعلهم من نصيب الشعب كله

قلوب حائرة يقول...

نسيت باقي الدعوات ياابو السماسم
اللهم ارزق بناتنا بعرسنا واكفيهم شر الغربان وارزقهم بذرية تبعد على النت والمواقع الجنان واجعلهم بارين بوالديهم الغلبنين الكادحين سلامي ليك يا فندم ودمتم بخير

بيتنا القديم يقول...

إسكندراني
.........
ايوووووووووه ياسدنا اللافندي..!!
هي دي الروح الوطنية اللي لازم نغرسها في عين كل مواطن..أ..قصدي في راس كل مواطن..!!
الهي يعمر بيتك ويبشبشلك ايامك يا هندسة..!!
(:
ودمت بخير

بيتنا القديم يقول...

قلوب
....
ملحوقة يا فندم..ننزل نسخة تانية منقحة ومزيدة مضاف اليها الهامش اللي سيادتك طلبتيه..!!
.
.
.
ربنا يوفقك..ويسعد ايامك..واوقاتك
.
.
.
(:
دمت بخير

sa'7so'7te يقول...

ايه الدعاء العصرى ده
مش عارفة ليه تخيلت انه اللى يدعيه مدرس من ايام محمد افندى و قاعد على القهوة يفتكر ايام زمان و بلاوى دلوقتى

امين لينا و ليك يا سمسم باشا

بيتنا القديم يقول...

سخسوختي
......
اييييييييييه محدش بيكولها بالساهل..
وانت اخبارك ايه؟!
(:
دمت بخير

Jana يقول...

بيقولك
ايه هى العملة الصعبة!!؟؟

هى الجنيه المصرى

عشان لا تعرف تصرفه بره

ولا تعرف تصرفه جوه

.
.
واصلا متعرفش تجيبه

جات لناس كتير على الموبايل

بيتنا القديم يقول...

جانا
....
بالطبع اتفق مع رهط العلماء الذين توصلوا لهذا الوصف الجامع المانع..!!
واقترح بدوري ان نعود الي نظام المقايضة والمبادلة والمشاحتة..والأخيرة مجربة وجايبة مفعول..!!
(:
(:
(:
مالكيش دعوة بالسياسة احسنلك..!!
دمت بخير