اللي إختشوا ماتوا...!!


عارفين يا شباب
يحكى أن حريقاً شب في أحد حمامات السوق العريقة ,
فبدأ الناس يتراكضون و يصيحون من خلال سحب الدخان الخانقة ,
و امتدت ألسنة اللهب لتأتي على المناشف و الملابس و كل شيء ,
و استطاع قلة منهم الخروج من الحمام و هم شبه عرايا لينجوا بأرواحهم ,
و أما البقية الذين تملكهم الخجل من فكرة الخروج إلى الشارع فقد لاقوا حتفهم ...
فقيل المثل المشهور : يالليّ اختشوا ماتوا..!!
اقول هذا بمناسبة بنتين -فتاتين يعني- في سن العشرين والخمسة وعشرين كانوا مستقلين معي الميكروباص من شارع الهرم - ولا مؤخذة- وهاتك يا احاديث جانبية ، طب وانا مالي ..كل واحد علي راحته..يعني انا لو معايا شقيق - انتيم يعني- في المشوار كنت حكيت وخدت واديت معاه..!!
المهم هاتك يا هئ ومئ وطبلة ورق..وحاجات وبتاع وشاي بالنعناع..الخ الخ
الي أن صك مسامعي ما احسبه صدمة بجميع المقاييس..لأنني وببساطة شديدة لو اردت ان اتكلم فيما تكلمتا فيه مع أنتيمي لكان ذاك همساً وبصوت خفيض فضلاً انه لن يكون في الموصلات اصلاً لأن للحيطان ودان..فما بالك لما لا يكون هنالك حيطان اصلاً..ويكون افاك لهما وهما جالستان في الكنبة الخلفية...والميكروباص كله مترين في مترين..كنت اعتقد من طريقة كلامهما انهما مثقفتين يتقيدان بالبرستيج بغض النظر عن مسألة الأدب...لكن ما حدث هو مسلك ينافي الأدب شكلاً وموضوعاً...واليكم الحوار...الذي كان يصل الي مساميع من حولنا من سيارات..حتي ان السائق لاحظ إحراج باقي الركاب فوضع شريط كاسيت هابط ليغطي علي الفضيحة...واليكم الحوار المعيب:
-يا بنتي تصدقي ان فلانة هتسيب فلان حبيبها..!!
- ليه دول بيموتو في بعض...!!
-عشان هي عايزة تتخطب ..وهو مش مستعد دلؤتي..
- يا سلام..!!
- تعرفي ان هي حكت الموضوع ده للبت فلانه فسألتها نفس السؤال..ليه عايزة تسيبي خطيبك
- وبعدين..؟
- وبعدين ردت عليها وقالت عشان عاوزة اتخطب بقا واتجوز....
-اممم..!!
-راحت البت سألتها تاني وليه مستعجلة علي خطوبتك...وجوازك؟!
- هه..!!
فاااااااااااااااااااااااااااااااااااااااااااااااااصل من الضحك الهيستيري ذو رائحة قلة أدب...ثم....
-قالتلها هي اللي عايزة تتخطب وتتجوز مش بتكون نفسها (.................)...ثم
فاااااااااااااااااااااااااااااااااااااااااااااااصل من الضحكات الزبالة كأنها خرجت من حنجرة بالوعة حكومية...!!
ثم تطرق الحوار الي محاور هلس في تهيس في محمد فؤاد وعمرو دياب...والديك بيحب الفرخة..!!
ولا عزاء للأخلاق ولا حتي للأنوثة بمفهومي علي الأقل..!!

22 عبرني:

عصفور المدينة يقول...

فلولا كان من القرون من قبلكم أولوا بقية ينهون عن الفساد إلا قليلا ممن أنجينا منهم

Bella يقول...

مسكين

تعرضت لمحنة اخلاقية مريعة

متفهمة موقفك تماما لان هذه البلاوي نقابلها كل يوم والاحاديث الجانبية والهيئ والميئ حدث عنه ولا حرج

فلك كل العذر ان تخجل مما سمعته

المصيبة ان قلة الحياء أو فلنقل إنعدام الحياء هو السمة المميزة لعدد غير قليل من البنات والذي استغربه اين أهاليهم وعلى ماذا تربوا في بيوتهم اذا كان هذا مايحكونه وهم بين الناس فعن ماذا يتحدثون اذا جلسوا في مكان مغلق !!!!!

اكتشفت ان زي ماواحدة صديقتي بتقولي اني من جيل الثلاثينات

ههههههههههههه

بهذه المقاييس اعتبر نفسي من أوائل القرن التاسع عشر وضميري مرتاح

ولا عزاء للتربية والاخلاق ودور الاسرة إذا كان للاسرة دور

break يقول...

ياااااااااااااااه
البلوج دا واحشنى اوى
حمدلله على سلامتنا بعد الامتحانات و نورت البلوج

:)

ammola يقول...

ده اسمه تفتح وانفتاح والبنت زى الولد ماهيش كمالة عددولاحياء فى الدين والعلم ودى حاجات تبيعية كل الناس عارفاها
وده من مبادىء تانت ايناس الدغيدى وميس يسراوالدكتورة هالة سرحان ع الاخر

اسكندراني اوي يقول...

انت قلتها كلمه حكمه في عنوان البوست

المصيبه ان دول كترو اوي

واستفحلو في المجتمع وللاسف كلهن طالبات جامعيات

حنقول ايه ربنا يهدي

sa'7so'7te يقول...

بس انا برضه مش فاهمة اجابة سؤال هى عايزة تتخطب ليه

معلش انا لسه طالعة من الامتحانات و مش عارفة اركز فى حاجة
بس تشكر يا سمسم باشا انا اول مرة اعرف اصل المثل ده
D:
و ليا زيارة تانية لما افهم

قلوب حائرة يقول...

قيل في الاثر اذا لم تستحي فافعل ما شئت بس عفوااستاذي الحديث ده بعيدا عن موقع سيادتكم متاكد انه كان في ميكروباص لا سوري متاكد ان دول كانوا بنات من الاساس وياعيني عليكي "انووووووووووووووثة " اتظلمت قوي معانا

بيتنا القديم يقول...

عصفور
......
صدقت!

بيتنا القديم يقول...

بيلا
...
"اكتشفت ان زي ماواحدة صديقتي بتقولي اني من جيل الثلاثينات..."
ان كان الأدب مرادف للثلاثينيات...فأهلاً ومرحباً به..!!
(:

بيتنا القديم يقول...

بريك
.....
يااااااااااااااااااااااااااااااه
يبقا الخبر اللي انا سمعتو كذب..!!
والضفدع اللي توحش وتوغل واكل خمسة بتوع صيدلة...طلع فشنك..!!
أهلاً بيك
في بيتك القديم
خدي راحتك
علي الآخر
(:

بيتنا القديم يقول...

أموووووولة
..........
ربنا يهديهم

او

يقصف عمرهم

قادر يا كريم

(:

بيتنا القديم يقول...

اسكندراني
.........
" وللاسف كلهن طالبات جامعيات ..."

يعني تم إختراق جدار الأسرة اخلاقياً من

جهة المرأة...!!

حصن آخر سقط في يد الأعداء..!!

):

بيتنا القديم يقول...

سخسوختي
.......
"بس انا برضه مش فاهمة اجابة سؤال هى عايزة تتخطب ليه..."
.
.
.
):
!!!

بيتنا القديم يقول...

قلوب
....
"ده بعيدا عن موقع سيادتكم متاكد انه كان في ميكروباص......"
يا خبر..!!
انت بتشكي فيا...!!
ايتها السماء ارعدي....
ايتها الأرض زلزلي.........
قلبي..قلبي...آآآآآآآآآآآآآآآآآه
):

قلوب حائرة يقول...

عفوا سيدي الفاضل لم اقصد الاساءة لسيادتكم انت تعلم تماما اني اقدرك واحترمك وما اقصده واكبد انت تعلم ذلك ان هذا الكلام لايصح ان يقال الا في مكان واحد واعلم انها منكشة لذيذة من سيادتكم

بيتنا القديم يقول...

قلوب
....
قد عفونا عنكم يا فندم..!!

(:

Hend.Feps يقول...

السلام عليكم

بجد بجد بجد انت كدا مشوفتش حاجة ... تعالى تجول فى انحاء جامعة القاهرة المبجلة و سترى ما لا يسر عدو و لا حبيب ....

ياااااااااااه ... احنا اللى بنشوفو كتير ... كتير بجد ... اكتر من قدرتنا على الاحتمال بكتييييير ... القدر يحملنى على قطع مسافة لا بأس بها حتى اصل لباب الخروج الاقرب للمترو ... و يا سلام على بتشوفوا فى الطريق ... حاجات مستفزة ... و ترشق فى عينيك غصب عنك ...

لن انسى اول يوم لى فى الكلية و والدى العزيز قام مشكورا باحضار بطاقة الترشيح اللى كنت نسيتها ... لاقيته اول ما رجعت البيت بيقولى ( و هو مش بيتكلم بالفصحى خااااااااالص ) هند , انا مش عايزك تبقى زى اللى انا شفتهم دول ... دى نماذج سيئة للغاية ... الراجل جراله كدا من يوم واحد و خمس دقائق بس ... انا انتحر مثلا بأة و لا ايه الحل

و اللى بجد يفرس و يغيص و يكيد و يعلى الضغط و يجيب السكر و يضرب الدم فى النافوخ ... ان البنات اللى تتمنالها ربنا يهديها و يشفي تفكيرها كلهم بلا استثناء محجبات ... مرة كنت بتكلم مع واحدة صاحبتى عن لون شعرها القديم و الجديد و كدا.... فبالمرة قلت الفت نظرها أن بردو فى حجاب يعنى .. هى اصلا كويسة يعنى بتقرأ قرآن و بتصلى فى الوقت و كدا ... قالتلى انا نفسى بس خايفة اتجنن بعد ما البس الحجاب عشان كل المحجبات سلوكهم مش كويس ...

طب هما لبسينه ليه طيب .... ايه السبب ... يعنى اغطى شعرى و اسيب ولد يحط ايده على كتفى ... ايه المنطق يعنى ... و لا القصة بأة اللى تتطلع برة الحجاب باتقان و تفنن ... و كأن لسان الحال يقول انا محجبة بس عندى شعر لونة كذا و شكله كذا حتى شوفوا ...

انا كدا متمالكة نفسى و مش عايزة اسرد المشاهد اللى بشوفها بأم عينى و أسمعها بأم أذنى لأنى هاخد وقت طويل و هتكسف احكى اغلبها يعنى ...

و يبقى عزائى الوحيد ان كليتنا مافيهاش الحاجات دى من جواها ... مبتعذبش الا لما بمشى فى الجامعة ... حفظ الله كليتنا المصون من روائع قلة الادب العربى على رأى يا مراكبى

بيتنا القديم يقول...

Hend.Feps
.........
الله يكون في عونك وتحية عطرة لوالدك..!!
شدي حيلك عشان تخلصي الجامعة بسرعة..!!
تك كير
(:

L.G. يقول...

معلش أكتر حاجة عجبتني الصورة معبرة قوي وجملة هئ ومئ وطبلة ورق الوزن جميل فيها جرس صوتي .. عذراً يعني
بصراحة الحكاية فهمتها ان البنتين كده كده وخلاص من غير ما أدور على تفاسير النقط .. بس كان المفروض بجد والله تدور راسك وتقوم زاغرلهم جامد اسم أسامة اسم أسد راح فين الأسد !! كنتم خير أمة أخرجت للناس تأمرون بالمعروف وتنهون عن المنكر بجد الناس دي لو لقت الباقيين على الأقل بيزغرولهم كانوا اختشوا غصب عنهم
ولو اني تربيت على أن من الاتيكيت الا نتحدث في وسائل المواصلات أصلا بجد الدرس ده كان باين في تالتة ابتدائي ودمتم

بيتنا القديم يقول...

L.G.
....
بصراحة الأسد احياناً بيقلق من القرود اللي صوتها عالي...وانا إستنبطت انهن كذلك..!!
فأنكرت بقلبي..احسن ما يتخرشم وجهي..وفي قسم الشرطة ممكن يتعملي قضية تحرش وخلافه..!!
):
دمت بخير

L.G. يقول...

ربنا يعزك ولكن محفظتي أعزها الله دائما تقول لي حديث للرسول الكريم عندما أقول لها أبتعد عن الناس عشان الناس وحشة وقليلة الأدب تقول الحديث ما معناه أن من يخالط الناس ويصبر على أذاهم خير ممن لا يخالط الناس ولا يصبر على أذاهم المفروض انك يكسفوك أصلا وتاخد أجر انك ضحيت بنفسك عشان ربنا المرة الجاية أمانة تزغر جامد ولو حد قالك بتزغر ليه قلها فيه صرصار
شفت التواصل الفوري ده

بيتنا القديم يقول...

L.G.
....
"شفت التواصل الفوري ده..."
هههههههههههه
طب ما اجيب معايا صرصار بجد إحتياط يعني..!!
(:
تك كير