فاقد الشئ لا يعطيه..!!


عندما يأتي أمير عاش عمره برفاهيه ..

وولد وفي فمه ملعقة من ذهب ..

وعاش غنيا ومات كذلك ..

لأقرأ له قصيدة يتحدث بها عن الفقر ..

قد تعجبني كلماته ..

ولكنها لا تحرك من مشاعري شيئ ..

فهي تفتقر إلى الواقعية ..

تفتقر الي الفقر..!!

11 عبرني:

اسكندراني اوي يقول...

صحيح ان فاقد الشيئ لا يعطيه

مدرس مطحون!! يقول...

على رأي المثل ليست النائحة الثكلى كالنائحة المستأجرة.............
يا ترى أنت مين فيهم يا سمسم؟
بس خد بالك الفقر الحقيقي فقر المشاعر والوجدان، فقر القيم والأفكار....
أما مشكلة فقر الفلوس دي حاجة قدرية ربك بيقدرها على كتير من البشر ماتعيبش صاحبها.....

بيتنا القديم يقول...

اسكندراني اوي
*************
أظن ان ما ذهبت اليه ووافقتني عليه

قد نال مرتبة الإجماع

ويستحيل الخلاف عليه

بعد الأن

(:

بيتنا القديم يقول...

مدرس مطحون
**********
أنا المستأجرة يا عنيا...

وزوري وجعني

وبعد ما خلص العزا

اكتشفت ان الميت يخصني..!

يااااااااااااااااااااااااالهوي..!

(:

ammola يقول...

بل بالعكس بأه يا سمسم انت واسكندرانى
مين فينا داق الفقر اللى بحق وحقيق؟؟
اللى فى الشتا مش لاقى غطا ولا لقمة تدفيه؟
بيتهيألى الحمد لله ماوصلناش للدرجة دى والا كنا زماننا فى الجرايد
ومع ذالوك الواحد
بيحس اوى اوى باى حد مش لاقى ياكل لدرجة والله العظيم-لما آجى آكل باحس انى باتسمم مش باكل-واتمنى من معاميعى ان حد يدلنى على حالة كده وانا اقسم معاها اللقمة والهدمة والغطاوأى حاجة تنفع تتقسم..يبقى فاقد الشىء ممكن اوى يعطيه لو كان عنده دم

بيتنا القديم يقول...

ammola
......
والله يا امولة سوف تؤجري علي هذه النية فمن لم يهتم بأمر المسلمين فليس منهم..!!
لو عندك وقت إكتبي في محرك البحث عندي بتاع المدونة كلمة "ليلة القبض علي المرتب"...في موضوع بيتكلم حوالين المعني اللي جه في طيات كلامك..!!
(:

غير معرف يقول...

معاك قوي في موضوع فاقد الشي لايعطيه وعلى راي الست الوالدة " الي ايده في النار مش زي الي ايده في الميا " فكيف يعطي شي لم يذيقه هو وكيف يبحث عن منافع اشخاص لم يذيق ما مر بهم معاااااااك بشدة

بيتنا القديم يقول...

قلوب
.....
ربنا يخليك يا فندم..!!

وربنا يجعلك مطيعه كده دايماً..!!

(:

Jana يقول...

ههههههههههههه والله يا سمسم انا اللى ضحكت بدموع دلوقتى..لما قريت ردك على كومنت مدرس مطحون

تدوينتك فكرتنى بنكتة قديمة اكيد انت عارفها ...بتاعة الطفلة المنحدرة من عيلة ثرية جدا ,وطلب منها موضوع تعبير عن بنت فقيرة جدا
فكتبت
كان فى بنت فقيرة قوى عايشة فى قصر صغير قوى والجناينى بتاعها كان فقير قوى والسفرجى كان فقير خالص...الخ

عموما
اهو انا بقى عشان السبب ده بقرالك انت بالذات

بيتنا القديم يقول...

جانا
....
يالهووووووووووووووووووووووووووي..!!
هههههههههههههههههههههههههههههههه
ياستي انشالله ميرسي يارب..!!

علي فكرة اعملي حسابك بكره عندنا حفلة عزاء عند شكورية هانم ... ماتنيه يعني...حضري شوية كلام من اللي بيخلو العين تسح...وخبي في شنطتك بصلة حراقة لزوم تحفيز العياط...
نسيت أؤلك...البيه اللي مات البوبي بتاعها...مالهوش في الجاتوه المحلي لكنه أكل حته صغننة طلعت معمولة في مصر مش من فرنسا..الكلب لما شاف العلبة مكتوب عليها ميدإن إيجيبت..عزت عليه نفسه..وإنكسر..واتقوقع..وانطوي..
وإكتئب..ومات!
المهم سواق شكورية هيجي بكره بالهمر ياخودنا..مش هوصيكي..!
وكلنا لها..!!
(:

يا مراكبي يقول...

بجد الكلام ده عجبني جدا جدا .. أنا أستأذنك إني أسجله عندي .. حقيقي حكمة غالية جدا