فتحها عمر..وحررها صلاح الدين..فمن لها الأن



أهلاً يا شباب


هذه اللفتة الجميلة من مدونة مولاتي أميرة البلطجية


وسموها لاطشاها من مدونة كلبوزة لكن سمباتيك


وانا بدوري بلطشها لأنها تستحق النشر واللطش

ايدكم معانا ننجح حملة الدفاع عن الاقصى اللي متبنيها الزميل
قاســـــــم أفنـــــــــدي
يقول:
بأقترح نبعث في اليوم ده (3 مارس) رسالة إلي اليونسكو لتخصيص لجنة دائمة لمراقبة والحفاظ علي المسجد الأقصى (كأثر تاريخي)وفقا لاتفاقية حماية التراث الثقافي والطبيعي أسوة بحملتهم للحفاظ علي أصنام أفغانستان وننشر نسخة من الرسالة دي علي كافة مدواناتنا ومنتدياتنا ومجموعاتنا البريدية. مع العلم أنهم بالفعل قرروا إرسال بعثة تقصي للحقائق يوم 23 فبراير
مكتب اليونسكو برام الله
b.lamine@unesco.org
مكتب اليونسكو بجنيف
geneva@unesco.org
ولو نجحنا وقدرنا نحرك الجبال بصوتنا نعمل يوم تاني للتضامن مع حقن دماء العراق فدم الانسان أعظم حرمة
ممكن أعرف رأيكم وهل دي أولوياتكم زي ما هي أولوياتي ولا أنا غلطان والأولي أشغل بالي بكريم وهالة وهند وتامر؟أفيدوني أفادكم الله
تحديث نص الرسالة المقترحة
:Mr. Koshiro MatsoraUnesco GMDear Sir,We acknowledge and appreciate your great efforts to protect and save the priceless human heritage all over the world. Recently, we read that a group of professional investigators has been sent by the Unesco to Jerusalem to investigate the situation of Israeli excavations at the area of Al Masjed Al Aqsa, which we have a big concern that this may affect the foundations and lead to buildings collapse for one of the most important historic elements of this area and allover the world.We do support your efforts and your investigation group and looking for assigning a permanent chamber near this area to monitor, announce and stop any trial to destroy our heritage either for political or religion reasons.Thank you
and best regards,Sincerely,

18 عبرني:

أحمد شعبان يقول...

ربك كبير
/
أنا متفائل ياسمم.. أكيد اليونسكو حاتعمل حاجة..مش ممكن حاتسيبنا كدا.. أكيد مش حتسبنا
نياهاهاهاهاهاها

أميرة البلطجية يقول...

لحم كتافك من خيري يا سمسم
صباح الخير

كلبوزة لكن سمباتيك يقول...

هههههههههه اميرة

ملكوش حل

ازيك يا سمسم مرحبا بك عضو مميز معنا

بيتنا القديم يقول...

أونكل احمد شعبان
***************
إزيك يا ريس بنتي سهيلة بتسلم عليك وبتؤول فين عمو احمد شبعان...هي بتنطئها كده
مرحباً بك يا كولكيعة اليأس الحجري(نوع من الفحم الحجري
)وإحنا مستنيين ايه من واحد بيكسل يغسل وشه لما بيقوم من النوم...يابني الأقصي في خطر مش فريق الأهلي بتاع الدوري...إظاهر انك مش واخد بالك
ابوك هيتجوز يا سلطان ...ابوك هيتجوز يا معلم سلطان...ابوك هيتجوز يا ابو السلاطين...ابوك هيتجوز ياسي سلطان يئطعني يا خويا ان اؤلتلك

بيتنا القديم يقول...

مولاتي
******
الأنا العليا عندك ضاغطة علي الأنا

السفلي وكاتمة علي نافسها...ومنطقة

اللاشعور عند سموك النور قاطع فيها

لكن إطمني علاجك عندي بس طولي بالك

بيتنا القديم يقول...

كلبوزة لكن سمباتيك
*****************
وحياة ربنا العظيم عاوز استقيل من عند مولاتي بس انت عارفه العيال والمسئولية والنادي والجمانزيوم...الخ
ولا مؤخذه يعني مش محتاجه مساعد في مملكتك انت كمان...والله انا اجري زهيد
ومطبلاتي كبير قوي...وشرس جداً مع المعارضة...ده لو سمحنا ان يكون في معارضة من اصلو...وهظبط الموضوع لولي عهدك عشان ينولها من بعدك...وهظبطلك الدستور علي مزاجك...عايزة الدستور طويل قصير بكم من غير كم...زي مانت عاوزاه...والترزية تحت إيدينا ومجلس الشعب في جبنا...وهنعمل احلي وطن ومملكة ونغيظ اميرة البلطجية بس وحياة ربنا العظيم اوعي تؤليلها لاحسن ترفدني دي قدرة وتعملها وشرانية انا عارفها

أحمد شعبان يقول...

سمسم الجميل
وكما جاء في المسرحية خالدة الذكر (العيال كبرت) والتي استشهدت بها، كان رد سلطان: أيوه سونا أجدع ناس
/
/
بالرجوع لما سبق

أميرة البلطجية يقول...

سمسم
لسوء حظك اني جيت تاني وقريت
يعني منتاش مسافر اهو ولا حاجة
وقاعد وفارش ولامم حواليك الناس كمان
وكمان عايز تقلبي وتشتغل معاون لحد تاني؟
اممممممممممممممممممممممم
انا حمسك اعصابي واعد لحد عشرة
واحد
اتنين
تلاته
.
.
. عشرة
.
.
ميه وحداشر
الحق خد مندونتك وعزل من هنا لحسن انا شايفة عفاريت بتتطنط اودامي

بيتنا القديم يقول...

مولاتي
*****
ده إسفين حاسبي مادوسيش عليه

وحياة ربنا العظيم متفوري دمك

قطيعة...تئطع الحكم وسنينه...مية

ياواد يا سنافر(وزير الري في المملكة)

عطر يا واد ياحمو ( وزير التجارة)

المرسيدس للأميرة يا واد يا بسطويسي(

وزير النقل والمواصلات)

وحياة ربنا العظيم النوبادي سماح سموك

ده انا بهزر بهزر...حتي

شوفي...كركركركركركر...وكمان..كركركرك

ركركركركركر

والله ماعرف ان سموك راجعه المملكة بدري

هوانت مش اؤلتي هتشأري علي كلبوزة

لكن سمبتيك...وعلي قاسم افندي في

العزبة اللي جنبنا...وعلي الناس

اللي بتتكلم الماني سموك

علي العموم معدتش اكررها

ولو حصل وكررتها متزويدنيش في المرتب

ولا تديني علاوة

ماشي الحال

عين ضيقة يقول...

لينا رب

بس ياريت ما ننساش ان لينا ارادة

سلام

بيتنا القديم يقول...

عين ضيقة
*******
انت فين...يا مرحبا بيك

طبعاً لنا رب

وطبعاً لنا إرادة

وكما قال عمر المختار

نحن لن نستسلم

ننتصر

او نموت

35L يقول...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

بيتنا القديم يقول...

أحمد شعبان باشا
**************
لا تتناطح عنزتان

ولا تختلف دجاجتان

علي ان المرحلة

هي مرحلة سونا

وكمان إنشراح

وخلي السلاح صاحي...هاااااع مين هناك

بيتنا القديم يقول...

35L
***
هل تدري ماأنت مقبل عليه

ستفضح افكارك

وتكشف عقلك ليدلي كل مدون بكوزه فيه

ستجعل من بنات افكارك مشاعاً للأخرين

اللي هم إحنا

وهؤلاء الأخرون

اللي هم إحنا بردوه

لن يرحموك

لن يشفقوا عليك

سيرجموك بنقدهم وتهافتهم

سيشاركون في صلبك علي قارعة المدونيين

إن كنت يا هذا مستعد...فلتنطلق إذاً

كمذؤب يبحث عن جرعة دم

كحية تبحث عن ارنب بري من أجل ان

تعيده للست والدته

كعقرب نبيل يزيل الحشائش من الطريق

كذئب يأخذ بيد العجائز ليعبر بهم

الطريق

إذن سر علي بركة الله...وليحفظك الرب

houty يقول...

انا دائما باجى عندك الاقى حاجات حلوة
ده موضوع كويس ولازم الكل ينضم اليه
بس انا جئيت بعد اليوم المحدد
ان شاء الله اشارك معكم فى يوم العراق

Majed Jarrar يقول...

السلام عليكم،

مدونة لطيفة يا سمسم
:)

بيتنا القديم يقول...

houty
*****
الف حمدالله علي السلامة...ايه الغيبة دي

والف شكر علي الإطراء الجميل

وإن شاء الله المرة اللي جاية هتكون

مشاركتك في تحرير العراق من الأمريكان

بالمناسبة انا لامح في كلامك إنك من

المقاومة صح ولا انا غلطان...متخفيش

مش هؤول لبوش ولا لديك تشني

بيتنا القديم يقول...

majed jarrar
************
وربنا العظيم انت إنسان حلو

بجد اسمك حلو ومدونتك حلو

كلك علي بعضك...علي بعضك حلو...زي

ما قال كاظم الساهر

ودي بجد مش مجاملة مانت عارفني ماليش

فيها كما هو واضح للعيان...ياراجل

اول مشوفت اسمك منور عندي...لبست

الشبشب بتاعي الجديد اللي بيطلع نور

وخت سلالم بتنا القديم ورا بعض...وفي نفس

واحد...ورحت مدونتك بس يا

خسارة...بعد ما وصلت نسيت ان

مخدتش "الديكشنري" معايا