حوار هادف جداً


أهلاً يا شباب

اثنين سمعهم ثقيل جداً واقفين على محطة الاتوبيس ودار بينهم الحوار التالي

الأول : الاتوبيس ده بيروح مــصر الجديدة
الثاني : على الحديدة ليه انت طالب احسان

الأول : بذرة الكتان !! لا ..دي تلاقيها عند العطار

الثاني : جزار!! اه ..قوللي كده .. عايز تشتري لحمة

الأول : معك حق.. الدنيا زحمة ..علشان ده ميعاد خروج الموظفين

الثاني : نور الدين !! لا والله .. ماعرفوهش

الأول : ما بتشربوش!! ليه ..كفا الله الشر

الثاني : رأس البر !!! ..ده مــصيف هادي

الأول .: عايز تركب للمعادي... دي منطقة جميلة

الثاني : بليلة !! انت شكلك كده جعان

الأول : عيان!!! أي والله ..انت باين عليك عيان ..طيب ما تروح للدكتور

الثاني: الحنطور!! ده احسن من الأتوبيس ، وبيوصلني لحد الباب ههههههههههههههههههههههههه

الأول : هبــــاب !!! وانا اللي كنت فاكرك محترم

الثاني : اتخـرم !! هو مين ؟؟ هههههههههههههههه

الأول : عاوز اسـبرين ! ليه انت عندك صداع

الثاني : قراع !!! ينهار اسود . ده مرض خطير

الأول : فطير !!! لا والله مش عايز. وبعدين مش بأحب الفطير. تقيل على المعدة وتمنه غالي

الثاني: خالي !!! انت تعرف خالي ؟ ده راجل كبير في السن

الأول : الجن !!! نهارك مش فايت ..انت عليك عفريت

الثاني : لا والله ..ممعاييش.. انت عايز الكبريت ليه ؟ عايز تولع

الأول : أدلع !!! أدلع عليك انت!؟ انت ما تملاش عنيا
الثاني : يقبضوا عليا !! ليه

الأول : انت غريب يا راجل انت..شكلك شحات ، ( يدفعه من القميص) روح اشتغل شغلة تاكل منها عيش

الثاني : خيش !!! والله ده صوف انجليزي

الأول: بنتك زيزي !!! ربنا يخلي

الثاني : أنتاج محلي !!!! ده مستورد

في هذه الأثناء يمر شاويش ... يلفت انتباه الحوار

الشاويش : بتعمل ايه يا جدع منك له

الاتنين: ايوة يا شاويش ...احنا مستنين الأتوبيس

الشاويش :جواسيس !!!! نهاركم مش فايت ....قدامي على القسم بسرعة

16 عبرني:

أميرة البلطجية يقول...

أمممممم
انت محتاج قارئ مبيشوفش عشان البوست دي بذات

حوريه يقول...

صباح الخير
الدولة اللى بتحبس اللى يقول رأيه أو يرشح نفسه و توزع فيها الاتهامات و تصادر الابتسامات لازم الواحد فيها لايسمع لايرى لايتكلم
و حتى لو كان فى حاله ممكن يتعمل له تقرير بانه مختل عقليا و كله تمام يا فندم
بوست جميل ... تحياتى

سمسم يقول...

مولاتي
*****
والله عال

سيادتك سيبه المملكة...تضرب

تقلب...والجماهير متعطشة للإنقلاب علي

سموك ولا همك

وبعدين ناقصين كمان ناس مبتشوفش

يا حلاوة...يبقي وكستنا بجلاجل طرشان

وحولان وناس مبتشوفش

وتحيا اللوبيا حرة مستقلة...وتحيا

الوحدة العربية

سمسم يقول...

حورية
******
حورية ياختي ربنا يسترها معاك...عندنا

فراخ عاوزين نربيها

من الآخر

لا اري

لاأسمع

لاأتكلم

لا اعرف واحدة مستبيعة واسمها

حورية !!!

ياسمين يقول...

قريته قبل كدة وكان جايلى فوروورد

سمسم يقول...

أبلة ياسمين
**********
طب كويس يا ياسمين

وعلي رأي خالتي الله يرحمها

كتر التكرار بيعلم الشطار

والف شكر للفوروورد

حوريه يقول...

أبو السماسم العجيب
بتقول عندك فراخ عايز تربيها ؟
و الله ده انت اللى مستبيع
ياريت كان عندك مخدرات أقصد مخللات
كانت أرحم من الفراخ

سمسم يقول...

حورية
*****
حيث المسألة طالبة معاك صراحة

فوربنا العظيم...متحرمنيش من زيارتك

وطلتك عليا وانا في الأوبرج...خلف قرص

الشمس...ومتنسيش حلاوة

الرشيدي...ومرطبان فاندو اصلي بحبو

جداً

ويجعلوه عامر

حوريه يقول...

عمو سمسم
ده انت قمر .. لو حطوك ورا الشمس تكسفها
اما البعدا بتوع الاوبرج
فالحلاوة الرشيدى و مرطمان الفاندو الاصلى بقوا موضة اديمة هناك
دلوقتى النوكيا ابو كاميرا بيضا ينفع فى الليلة السودا
اى خدمة انت تؤمر يا جميل
مين عامر ده ؟

سمسم يقول...

فارسة هوانم جاردن سيتي

حورية هانم

قال سيد درويش في أغنيته الوطنية

وعشان مانعلا ونعلا ونعلاااااااا

لازم نطاطي نطاطي نطاطي

أعتقد إن مرحلة المطاطية طولت قوي

وضهرنا وجعنا...لدرجة فقد القدرة

علي القيام مرة اخري

هو عمنا سيد درويش كان شغال مع

الإحتلال ولا إيه؟!!

شكراً علي المتابعة يا جميل

سمسم يقول...

حورية
*****
بقولك ايه

مش عارف ادخل علي مدونتك

هو انت مسنكرا الباب ولا ايه؟!!

حوريه يقول...

سمسم
مدونتى مازالت تحت الانشاء و التعمير و الاحلال و التغيير
الشكر لك يا فندم
احنا بنطاطى غصب عننا حتى لو كسروا ضهرنا
دايما لما اسمع عمنا سيد درويش بفكر بجد
اكيد دى خطة استراتيجية ارهابية تمويهيه
و يجعله عامر
تبرعوا لانشاء مدونه

سمسم يقول...

حورية
*****
بجد مالكيش حل

بجد بتفكريني بأيام الخير...ايام حسن

الهلالي...قبل ما يتزج به في سجن

المغول...وياسمينة يتجوزها السيد

شاهين...واللعبة القذرة بتاعة السيد

متولي والسيد بدران...الموضوع كبير قوي

وشكله هيخرج من بين إيدينا

ملحوظة

هي مدونتك لامؤخذه جالها إزالة من الحي

يعني معرفتيش ترشي كويس...ولا وئعت في

الزلزال...ولا هتشيديها برج الأحلام

وممكن تكتبنا الرقم البنكي عشان

توصلك التبرعات

ويجعله دايماً عامر...و...تامر

حوريه يقول...

عزيزى سمسم
و الله انت اللى مالكش حل
اقل لك انت بتفكرنى بمين من غير زعل ؟
شوف يا سيدى
انت بالنسبة لى تجمع بين النقيضين
قل لى ازاى ؟ طب لو ما قلتش ؟
كان يا ماكان
كان عندى زمان قط شقى اسمه سمسم و الله بتكلم بجد كل ما اشوفه اشده من ديله او من ودنه و هو فى منتهى الشقاوة و السعاده حتى عمل قلق فى البيت و خرج و لم يعدبعد كده قابلت زوجى الثانى لقيت نفسى تلقائيا بعاكسه و كانه هو سمسم و المصيبه ان اسمه كان اسامه تصدق ؟ لكن على نقيض سمسم الاصلى تماما دايما مبوز و لا يحب الضحك و الهزار و تطور الامر حتى اصبح يخلط بينى و بين العساكر اللى عنده .. قلت له لا يا عم انت لا سمسم و لا حاجه انت سم بس
و بعدين لقيتك .. قلت معقوله ؟ سمسم تانى ؟
ربنا يستر و الموضوع ما يخرجش من ادينا
اما المدونه
الظاهر ما عرفتش ارش بيروسول فزارها صرصور و سكن فيها .. اكيد هفتتحها تانى لما اخلص له اوراق تعيينه و نتفق عالمهيه و الذى منه
انا عايزه تبرعات عينية فكاهيه
و يعيش عامر و تامر الاخين الحلوين

حوريه يقول...

عمو سمسم
ياريت تخطف رجلك و تزور مدونة العزيزة سمراء النيل عشان تعرف ان فيه حد هيونسك و را الشمس
و يجعله عامر

سمسم يقول...

حورية
*****
إيه ده انت بلغتي عننا

وحياة ربنا العظيم مليش دعوة

هم اللي قالولي يابيه