ليلتكو فل!!

أهلاً يا شباب
اللي دمه تقيل يهوينا ويورينا عرض كتافه
يرجع تاريخ النكت إلى العصور القديمة حيث كانت تلجأ إليه الشعوب للسخرية والتهكم على أوضاع معينة والشعوب العربية والمصرية بصفة خاصة معروف عنها خفة الظل ونرى أن الشعوب العربية نظراً لظروف الاحتلال لجأت إلى السخرية على هذه الأوضاع بالنكت والسخرية على جيوش الاحتلال وهناك نوع أخر من النكت للسخرية على العادات والتقاليد والطباع السيئة كالبخل مثلا...وهذه بعض النكات اللي هنختم بيها النهاردة

وليلتكم عسل يا أحلي متسكع ومتسكعة مر علي مدونتي...وبسرعة أحسن البوكس جاي...وأنا مامعيش بطاقة

واحد كبابجى اتجوز فرش لمراته السرير بقدونس
مرة ولد سأل ابوه هل الحب اعمي يا بابا قاله بص في وش امك و انت تعرف
واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة
واحد عصبي اتجوز واحده عصبيه يوم الولاده... الولد بيقول للدكتور وسع إنت...نزل إيدك ...ابعد ...أنا هانزل لوحدي
واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ قومي انت لايكونوا ستات
وحدة تقول لحبيبها أهلى مسافرين والبيت فاضى قالها أقرئى قرأن ومتخافيش
راجل بيقول لمراتة مش قولتلك يا ولية تصحينى الساعة 6 قالتله معلش ياحبيبى اصلى جيت اصحيك لقيتك نايم .
ترزي مراته قصيرة فك التانية بتاعتها
مره واحد بيستهبل أتجوز واحده بتستهبل, جابو ولد عمل نفسه ميت

صيدلي اتجوز صيدلانية... خلغوا تركبية... بدل ما يهشتكوها.. كانوا بيرجوها

6 عبرني:

islamist Bloke يقول...

اية يا عم سمسم

كنا عايزين نكت اشد من كدة

بس هى حلوة برضة ومنقدرش نقولك لا

اقولك انا حاجة كدة على قدنا

طفل بيسأل ابوه يا بابا انتو جبتونى منين؟ قاله انا رشيت شوية سكر تحت سجادة الصالة وتانى يوم لقيتك تحتها

الواد مكدبش خبر وراح جاب سكر ورشه تحت السجادة وتانى يوم بيبص تحت السجادة لقى صرصار قاله لو مكنتش ابني كنت قتلتك

هي هي هي هي هي

وبالنسبة للسمك

اطمن انت وأميرة
منظم الرحلة اتصل بيا امبارح الساعة 11 بالليل وقال لى بوغاز السويس مقفول عشان فيه نوة واعصار وحاجات كدة وممنوع خروج اليخوت دلوئتى عشان حالة البحر فتم تأجيل الرحلة للجمعة اللى بعدها

يارب متتأجلش لبعد كدة

ومش ناسيك فى السمك طبعا يا باشا

وبجد بجد والله لو انت من سكان القاهرة قابلني وخد نصيبك فى ايس بوكس يا معلم وهاعمل حسابك فى حتتين بونجز على كيفك بس ابقى اشويهم انت بأة

-واحدة صاحبتنا طماعة شويتين ال اية كمان عايزاهم مشويين وبالطحينة والسلطات-تقولش انا ونيس مثلا ومظبط مع البحر على 3 كيلو بورى بالطحينة

عموما انا اكل السمك ماشى....اعمل عليه عزومة لاصحابي ماشى.........اهدي للناس الغالية برضة ماااااااااااشى...انما اصطاد سمك واديه لقطة........لااااااااا

تسقط ميريت وولادها

سمسم يقول...

حبيبي أحمد إسلام سيت

أشكر أميرة البلطجية مولاتي غن هي

عرفتني علي شخصية زيك

تمام نكتتك دي وهندرجها في المنهج

التيرم اللي جاي...واللي ما يضحكش

يتسحب منه الكارنيه

سيبك من ميرت وتوابعها

ومش عارف ليه حاسس إنك هتؤع في مطب

الضيف أحمد ثلاثي اضواء المسرح...لما

راح يصطاد فحب يكبر دماغه راح لمحل

اسماك وطلب أسماك نية...راح الراجل

بسلامتو ملالو المشنة مالذ وطاب من

مشوي ومقلي...وطبعاً وجب بطحينة

وسلطات وكانت فضيحة بجلاجل

بيؤلك واحد بخيل بيصطاد علق في

الصنارة ورقة كتب فيها طعم وأنتظر

فغمزت الصنارة فأخرجها فوجد الورقة

مكتوب فيها علي الجهة الأخري ...سمكة!!!

koukawy يقول...

loooooooooooooooooooooooooooooooool

سمسم يقول...

كوكوواي
*******
الله يكرمك يا جميل

وحشتينا

هو إحنا موحشناكيش

koukawy يقول...

و دي تيجي برضو يا سمسم افندي
ما هو لو مكنتوش وحشتوني ما كونتش جيت صوصوة و مشيت

سمسم يقول...

الكوكو الكميل
*************
يا هانم مرحب بيكي في اي وقت

كوكو كميل خالي من انفلونزا الطيور