تخاريف


العولمة عملية تحول اجتماعى وثقافى وفنى تتزعمه فيفى عبده
الشفاهية سمــة ضرورية للملابس المستخدمةفى العولمة !
التغيير عملية شديدة الاهمية,تتم للطفل لما يكون مبلول
المبايعة ورقة بتكتبها لما تبيع عربية قديمة
غسيل الاموال اسوأ ما يمكن ان يحدث اذا نسيت المحفظة فى البنطلون قبل ما ترميه فى الحمام !
عملية السلام زى عملية اللوز بالظبط , بتنتهى برمى اللوز فى الزبالة
سلام عادل وشامل طيب عادل وعرفناه , مين شامل ده؟
الطهارة عملية معروفة عند المسلمين و اليهود
طهارة اليد عملوها ازاى دى ؟
الخصخصة تحدث فى الحدائق يوم شم النسيم , مع اكل الفسيخ و الملوحة
التنوير عملية تتم فى الشوارع عندما يسكنهاوزيرا !
الارهاب نوع من السلطة يقدم مع الكباب
رجال الاعمال اشخاص يعملون على فك الربط للرجالة وعمل الاعمال للستات
الجات اسم يطلقه اهل اليمن على نبات يشبه البانجو
الشريط الحدودى الشريط الجاى لعمرو دياب
عصر المعلومات عصر يمكنك فيه ان تحصل على ما تريد اذا دفعت المعلوم
سياحة الأثار خروج الاثار مع الخواجات من مصر للفرجة على العالم
قصور الثقافة لا يزال وزير الثقافة يبخث عن السبب وراء هذا القصور
المؤامرة الصهيونية ماركة جديدة من الشماعات نعلق عليها ثيابنا و اخطائنا !!
العمل بالسياسة يمارسه من يعمل سايس بجراش
البيئة شتيمة يطلقها الشباب على الطبقات الفقيرة
صندوق النقد ما يفرقش كتير عن صندوق الزبالة
حرية النشر تمارسها النساء على السطوح فى المناطق الشعبية
التعمير عملية تتم فى الغرزة
العمل الثورى مذكر العمل البقرىقطاع الاعمال زى قطاع الطرق بالظبط
التربية قديما كانت تقوم بها وزارة التربية والتعليم,الان يقوم بها تجار المواشى
شهادة الايزو شهادة مضروبة, بيشتروها زى الفلاحين ما بيشتروا شهادة محو الامية ويدفعوا فيها كيلتين دره !
احمد زويل صنع فى مصر ,بس متجمع فى امريكا

4 عبرني:

أميرة البلطجية يقول...

يا واد اتهد بقي
هههههههههههههههههههههههههههه
جامدة التعريفات دي
بذات حرية النشر والتعمير
ههههههههههههههه
ستات مصر قالوا كلمتهم
وكذلك الحشاشين
ملحوظة
معلش بس عشان ربنا
شيل الاوبشان الهباب ده بتاع ال
word verification
ربنا يباركلك
بيشلني صراحة

سمسم يقول...

مولاتي أميرة البلطجية
*******************
لقد تم سيادتكم إزالة الاوبشان الهباب ده بتاع ال
word verification
ربنا يباركلك اللي بيشل سيادتك

والمملكة بتؤلك من جوه قلبها

بعد الشر عليك ان شالله حاكم المملكة

اللي جنبنا...وانت تعيشي وتحكمينا

وتشلينا وتنئيطينا وتنكدي علينا سموك

كمان وكمان...وتورثي الحكم لولي عهدك

ومنه الي ولي عهده ومنه الي ولي عهده حتي

تقوم القيامة وتنكشحوا بالسلامة...آمين

أميرة البلطجية يقول...

بعينك
بعد ما اخش الجنة كده ان شاء الله واتمتع شوية حستدعيك
وطبعا حكون انا في درجة عليا من الجنة ان شاء الله
يا سلام علي سموي
دايما كده فكرة شعبها ..حتي في الجنة
يله نعمل ايه بقي
ومتشكرين يا سيدي على شيل الاوبشن ايه ده
انا كده ارتحت
ميرسييييييي

سمسم يقول...

مولاتي
*****
سيادتك إظاهر في خضم مسؤلايتك نسيتي

شىء مهم جداً

اولاً الجنة اول من يدخلها الفقراء قبل

الأغنياء وسيادتك بلا افية وارثة مملكة

طول بعرض

ثانياً وده الأهم ان الله ما استرعي احداً

علي عشرة من عبيده الا واوقفه للسؤال

عنهم يوم القيامة...وشوفي بقا سموك

كام سبعين مليون متشعلقين في رقبة

سموك...اللي مش لاقي شقة واللي جابها

بس مات من الفرحه ودفنوه

جنبها...واللي عنست ومتجوزيتش من تحت

راس سموك...واللي مستنيه الدور تغسل

الكلي والبذور المسرطنة اللي دخلها

وزير الزراعة عند سموك...واطفال

السرطان...والبنوك المنهوبة...ولا

الموضوع اياه...ولا بلاش نتكلم أحسن

عشان قانون الطوارىء اللي سموك عملاه

في المملكة

ويجعله عامر بحسك...قادر يا كريم