أهلاً يا شباب..انتو لسه قاعدين؟!
غريبة..مزهئتوش من القعدة؟!...
علي العموم ده شىء يفرحني إن القعدة بخير...!!
نصيحة لازم كل واحد يخلي بالو من قاعدته ..ووقت اللزوم يتبري منها وينكر معرفتوا بيها...
الأخ اللي رافع إيدوه بيسأل إشمعنا؟!
هؤلك يا بلط..
بعد 11 سبتمبر كل واحد مشترك مع القاعدة ...بيروح جونتانامو..
يارب إحفظنا يارب..
طب ونعمل إيه وربنا خلقنا جميعاً بقواعد؟!
سؤال جميل..نعمل إيه نعمل إيه...آه
وقت اللزوم إخلع قاعدتك وارميها واجري....
ولو ما أمكنش ...في دلؤتي عيادات خاصة بتاعة داكترة باعوا ضمايرهم..بيعملوه عملية خلع قواعد..وبسرعة وانت قاعد!!
المهم ما طولش ..قولوه لأ طول..
حكاية الواد شلقاني ...حكاية طريفة جداً
يا شباب إحنا كنا قاعدين باليل علي شط الترعة اللي في زمام قريتنا الصغيرة التي لم ولن يذكرها التاريخ...!!
مع العلم إن اعلام الناس والمفكرين نشؤا فيها...
بتؤولوه مين؟!
معلهش ما هو الجهل وحش..
أمثال الحاج عزوز الله يرحموه..
وسيادة الباشا فتحي ..أمين شرطة قد الدنيا مين اللي بيكهربوا الناس في المدرية!!
وفتحية الغازية...اللي تصورت تصاوير كتيره قوي مع السادة الوزراء..واعضاء الحكم المحلي..وغيرهم..
أقولوكم تاني ولا كده كفايه!!
المهم الولا شلقامي..جاب لنا لبشة قصب ..وزعتها عليهم بالعدل زي ماعودتنا الحكومة..
خت انا عشرين عود ..وكل واحد كان نصيبوه بحسب حبه للوطن..فيه اللي خد خمسه وفيه اللي خد عشرة..وفيه اللي خد كل حاجة وسافر برة..وفيه اللي خد ولامؤخذة علي قفاه..وكله يهون في حب الوطن..
المهم علي انغام طنين النموس ولسعاته الوطنية..وبمصاحبة سيمفونية مص القصب صعوداً وهبوطاً..
إنفتح الكلام..
كلمه من هنا وخبصه من هناك ..كلام فارغ ونكت قبيحة..ومَسك في سيرة الناس..المهم الواد شلقامي زودها حبتين أم جايب سيرة العمدة الكبييييييييير وعيالوه..وهاتك يانكت..وإحنا نكركر..وهاتك يانكت كمان وإحنا بردوه نكركر...كركركركركركركركركركركركركركركر..!!
المهم يا شباب مطولش قولوه لأ طول..القصب عمل معانا دماغ وسلطنا وكل اللي عندو حاجه بخصوص العمدة الكبير ومراته وعيالوه قالها...وفي ظل هذا الموقف الفكاهي الذي قل مايحدث بعد إحتلال العراق..والإنقلاب علي حماس..وطنيط حسن نصرالله ونرفزته للسنيورة..
طلبت مع الواد شلقامي..إنه ولا مؤخذة يعني..يطرطر!!
أنا آسف علي جرح المشاعر قصدي يعمل ببيه بالأفرنجي يعيني..
المهم قام علي حيلوه وشلح الجلابية لكن أخفي إرتباطوه بالقاعده تبعوه..بس علي مين إحنا عارفين إنها معاه منين مايروح..مش بس إحنا اللي عارفين..ده كمان فتحي أمين الشرطة عارف..وهو وسوس للعمدة الكبير بالسر دهوه...راح العمدة الكبير مبلغ العمدة الأفرنجي اللي تحت إيديوه "البنطالون" اللي منه بيطلعوه قرارات ضرب النجوع اللي حوالينا ..مش "البنطالون" بس..ده كمان تحت إيدوه "الكونكرس" وهيئة التلفونات والصرف الصحي!!
المهم مطولش قولوه لأ طول..
مشي الواد شلقامي شويتين عشان يداري...وعنها وسمعنا صوت إندفاع المياه..بدأ متقطع في الأول عشان الحصوة اللي سده المنافد عندوه الشر بره وبعيد عنا وعن السامعين..وبعدين أخذ الإندفاع مجراه الطبيعي بعد ما شرخ صخرة كانت في طريقوه...ماتتعجبوش ربنا كبير قوي!!
وأطمنا أكتر لما حملت الريح رزاز الولا..الله يقرفوه ويقرف اللي جابوه..ويقطعها صحبه مهببة بزفت اسود عليه وعلي اللي جايبينوه..
المهم فجأة إنقطع الإتصال..قصدي صوت إندفاع المية..قلت مش مشكلة ..ماهو الولا بجالوه 45 دقيقة مندفع ..يريح حبة ويكمل بعدين..
لكن فجأة سمعنا صوت صفعة علي القفا مميزة..وسمعنا صوت الولا شلقامي بيصرخ وينادي علي واحد من الشلة..راح المذكور قام ورايحلوه..
وبعدين سمعنا صفعة أخت الأولي بالظبط وصوت بينادي علي واحد تالت من الشلة..
وهكذا واحد ورا التاني لحد ما صفصفت عليا لوحدي...
وعلي ضوء عمود النور الوحيد في القرية واللي أنا قاعد تحته ..شفت خيالات جيه بتجري عليا وتحوطني...وعربيات زرقة جيه هي روخله بأقصي سرعة...
قمت فزيت ونطيت ...وأطلقت ساقي للريح وانا بقول بأعلي صوت..
تحيا العمدة...يسقط القصب..تحيا مرات العمدة..ويسقط العميل شلقامي...يحيا ولاد العمده..وتسقط الطرطرة...يحيا الباشا فتحي أمين الشرطة...ويسقط الهكسوس!!
لكن صفعة علي قفا العبد لله جعلتني اتيقن ان النفاق منوش فيدة ...روحت صرخت لما ضربوني علي القعدة وعرفت إنها إتكشفت..يااااااااااااااولاد الكاااااااااااااااااااالب..!!
فاهمين حاجة؟!!
0 عبرني:
إرسال تعليق