صراع الاوغاد علي طشت الغسيل


رئيس الكوبانية في الثمانين من عمره يجيد كل انواع القتال والشلاليط..نمس ومخضرم..يجيد استخدام جميع انواع الاسلحة التي خلقها ربنا بداية من المطوة الي سفن الفضاء الليزرية..كما يجيد سواقة جميع شئ له عجلات بداية من التوك توك حتي الحصان ابو جناحات..كما وهو الاهم يجيد فنون التفاوض لكل شئ وعلي أي شئ..بداية من السروال حتي صيغة الولية وجهازها اللي دخلت بيه..الا ان نقطة ضعفه الوحيدة الخيار الاستراتيجي
ـــــــــــــــــــــــــــــــــــــــــــــــــــــــــ
استيقظ رئيس الكوبانية علي صوت رنين الكوز الجوال..جذب اليه حبل الكوز ووضعه علي اذنه السليمة..قائلاً نصف ناعس:
ايه ياولاد الجزمة مش هعرف انام زي مخاليق ربنا ولا ايه
صمت قليلاً ثم بغضب مكبوت قال:
طب ومصحيتونيش ليه يا شوية غجر
بعنف القي الكوز من يده فدشه علي الحصيرة
وصرخت زوجته بغضب وهي تطبطب علي العيال:
ياراجل يا مدهول صحيت العيال ولسه منيماهم منك لله يا بعيد
لم يعر سيدة الكوبانية الأولي إنتباهاً لأنه يعتبرها خنيئة..ودلف الي الكبانيه واغلق الستارة خلفه بعنف
ظبط نفسه وارتدي البيجامه السكري في لموني الشمواه التي حصل عليها في برنامج الجائزة الكبري
سرح شعره امام المرأة الوحيدة في القصر ووضع السبغة السودا بعناية
ونظر الي الامام بعزم وحزم
وحزم
وحزم
وحزم
ـــــــــــــــــــــــــــــــــــــــــــــــــــــ
جلس رئيس الكوبانية حول طشت الغسيل وامامه اعضاء مجلس قيادة المترو..ومر كثير من الوقت وهو يتفرس في الوجوه مما ذاد الجو كهربة وشعللة..ثم قال فجأة محتداً:
مين خد ساندويتش الفينو اللي عملتهولي مراتي من علي التسريحة
حملق الجميع وقالوا بصوت واحد:
مش احنا..عشان احنا ما بنحبش الفينو ابو سمسم..ده اكيد فرج فرج فرج عميل الموساد..اللي جه وسهر معانا اول امبارح علي سطوح القصر الجمهوري
صرخ رئيس الكوبانية في اعضاء مجلس قيادة المترو قائلا:
يعني ايه يا استاذة ازاي عميل الموساد يدخل البلد وانتو نايمين..
لم يتلق اجابة لأن الجميع كانوا ما بين مشغول بلعبة علي الكوز الجوال..او واضع سماعة الام بي ثري علي اذنه ويدندن
صرخ فيهم بعنف فطار طقم اسنانه في الهواء واستقر في حلق احدهم..مما استدعي هبوط افراد مكافحة الحلوق من سقف الخُص بتاع عشة الاجتماعات..وبمهارة شديدة وبدون أي ألم قطعوا للرجل رقبته وفصلوا رأسه عن جسده واخرجوا طقم السنان سليم ومية مية
وضع رئيس الكوبانية الطقم بين درديره وتبسم ابتسامة ذات مغزي..وقال للجميع:
مين ياشطرين اللي هديلوا حاجة حلوة ويقبض علي عميل الموساد الرهيب
إستعبط الحاضرين وحاولوا التسلل واحداً تلو الآخر بحجة الذهاب الي الكبانيه..أمرهم رئيس الكوبانية بالجلوس..ثم قال بزفرة قرف خنيئة:
إستدعولي رأفت الهجان
قال الجميع في صوت واحد:
بيقضي شهر العسل في تل ابيب مع إستر بولونيسكي
قال رئيس الكوبانية مندهشاً:
ايه ده هو لحق باعنا
قال الجميع بصوت واحد:
من يوم ما استلم شوغلنتو الجديدة في منظمة جواسيس بلاحدود
رد رئيس الكوبانية بإشمئزاز:
طب اندهولي جمعة الشوان
رد الجميع بصوت واحد:
بيقضي سنة سجن في تل ابيب
رد الرئيس مصدوماً:
ليه ماهو ملفه اتقفل من بعد ماجاب الجهاز
رد الجميع بصوت واحد:
عض صوباع رئيس الموساد الاسرائيلي وهو بيهرب منه
هتف الرئيس بنفاد صبر:
طب حد يشوفلي ادهم صبري
رد الجميع بصوت واحد:
مع مني في المستشفي
صعق رئيس الكوبانية قائلاً:
ليه كفانالله الشر البت صحتها حديد في عشرة الخمسين وماشيه علي رجليها
رد الجميع بصوت واحد:
إتقلبت بسبت الغسيل من فوق سطوح مبني المخابرات عشان كانت بتنشر الطقم بتاع سي ادهم اللي هيلبسوه في عمليته الجديدة
صاح الرئيس متوتراً:
طب وفين قدري
قال الجميع بصوت واحد:
عليه قسطين متأخرين من اقساط التلاجة وهربان من بتوع شارع عبد العزيز و مش عايز يدفع
صرخ الرئيس منفعلاً:
طب فين نور ورمزي ومحمود
رد الجميع بصوت واحد:
نور في مستشفي الجلاء مع سلوي عشان بتولد..ورمزي خدوه بتوع الفضاء عشان يصلحلهم الدش..ومحمود تعيش انت..
صاح رئيس الكوبانية منفعلاً:
لأااااااااااااا..أوغااااااااد.. الا محمود ده لا بيهش ولا بينش..وعليه فلوس جمعية..وبيكون نفسه..ايه اللي حصله
رد الجميع بصوت واحد:
رجلو اتكسرت لما حاول يمنع وحوش القمر من اختطاف سندويتش الشاورمة بتاع نشوي بنت نور اللي عضت لسانها هي كمان ونقلوها عنبر الكسور اللي في كلية الزراعة بعد ميدان السيدة عيشة
انتصب رئيس الكوبانية قائلاً بحزم:
اذن لم يعد لي ولا خيارة واحدة..جهزوا لي الموتوسيكل النفاث بتاعي اللي اخترعوه علمائنا في عيد شم النسيم اللي فات..انا هقوم بالعملية دي لوحدي
ثم اردف متسائلاً وهو يداعب المطوة في يده:
قولتولي بقا عميل الموساد ده لابس ايه
رد الجميع بصوت واحد:
اسمه فرج..ولا بس تي شيرت مقلم عليها بادش مكتوب فيه "لو سمحت ماتسلمش عليا انا في عمليه سرية"..وساكن في عمارة خمستاشر علي اول فيصل الدور الرابع الشقة اللي علي ايدك اللي بتاكل بيها وهتلاقي جنب بابها صفيحة زبالة
والباب مكتوب عليه"فرج فرج فرج..عميل موساد ممنوع الازعاج"
شخص رئيس الكوبانية ببصره قائلاً بشرود:
انا اللي هدور عليه بنفسي..
ثم قال وقد اغرورقت عيناه بالدموع متأثراً:
حد معاه ساعة يا جماعة يشوفلنا الماتش النهائي هيتذاع الساعة كام قبل العملية
ثم قال وهو يدير الموتوسيكل:
ادعولي يا شباب اعرف الاقيه من بين 75 مليون مصري كلهم شبه بعض
دار الموتوسيكل عندما هتف الرئيس بقوة:
ياعدوووووووووووووووووووووي
صاح والموتوسيكل يمخر به عنان الفضاء مخلفاً وراؤه خيطاً ابيض إتنسل من رجل البنطلون:
ادعولي يا غجررررررررررررررررررررررررررررررررر
وانطلق رئيس الكوبانية الهمام الي اعماق المجهول
دون شمعة
دون ولاعة
دون كبريت
ودون ان يأخذ الورقة اللي فيها العنوان
ــــــــــــــــــــــــــــــــــــــــــــــــــــــــــ
انتظروا الجزء الثاني في العدد القادم:"الرئيس مسكوه في المترو"

22 عبرني:

Nsreen Bsunee يقول...

ههههههههههههههههههههه
هههههههههههههههههههه
ههههههههههههههههههههههه
ههههههههههههههههههههه
ههههههههههههههههههه

Nsreen Bsunee يقول...

هههههههههههههههههه
ههههههههههههههههههه
ههههههههههههه
ههههههههههههههه
ههههههههههههههههههه

Nsreen Bsunee يقول...

سمسم بجد والله حاموت من الضحك
هههههههههههههههه
ههههههههههههههههه
ههههههههههههههههههههه
ههههههههه
خير اللهم اجعله خير
انا قاعده على باب المدونه لغايه ما الجزء التانى يتنشر

هههههههههههههههههه
هههههههههههههههههههههه
رمزى خدوه يصلحلهم الدش
ههههههههههههههههههههههههه
ههههههههه


انت
م
و
ه
و
ب


جدا

ربنا يكرمك

islamist bloke يقول...

مش ممكن يا سمسم

صباح التهييس

فعلا انا اتخنقت اوى اوى من نور ومراته اللى عمالين يجيبوا فى عيال وهم عدوا 60 سنة ........ نبيل فاروق معيشهم حياتهم الطبيعية زيادة حبتين

وجامدة برضة حكاية منى اللى اتشقلبت من فوق سطوح المخابرات عشان كانت بتنشر طقم سي أدهم ........ اللا هو كان طقم قطونيل واللا امبراطور يا سمسم؟
:)

صباحو عسل

والسلام

نوهاز يقول...

bernam 3ala nar hadi2a
اعتقد هيعاد النهاردة في دريم
محمد مدبولي بتاع دار النشر
بيقولك صلاح نصر من اخلص المخلصين لمصر
اتجوز اعتماد خورشيد عشان العمارة الي قصادها كان فيها يهود جواسيس كان عايز يراقبهم

تصدق احنا ظلمناه

الراقص مع الذئاب يقول...

السلام عليكم

يخرب عقلك

بجد جااااااااامدة يا سمسم
ايه يا ابنتي التهييس دا
اضحك الله سنك
وفي إنتظار الجزء الثاني


سلام بقي عشان الفيل راكن صف تاني

بيتنا القديم يقول...

Nsreen Bsunee
..............
بكون سعيد جداً لما ابقا سبب لرسم الضحكة علي وجوه الناس اللي حوليا
.
.
.
اضحكي من قلبك!!
(:
دمت بخير
مش هسيبك كتير علي باب المدونة..!!
ربنا يكرمك

بيتنا القديم يقول...

أحمدوف
.....
صباح الفل والياسمين علي عيون احلي الحلوين..!!
ازيك يا برنس
اخبار سموك ايه؟
ومبروك علي الماجيستير
عقبال الدكوتراه
ان شاء الله
.
.
.
قطونيل..!!
(:
ممكن
ههههههههههه
دمت بخير

بيتنا القديم يقول...

نوهاز
......
المشكلة بقا انهم ماطلعوش يهود ولا جواسيس ولا دياولو طلعوا بيمثلو ساعتها فيلم حسن ومرقص وكوهين بتاع المرحوم محمد فوزي!
بس نصر طلع اصيل ومرضيش يطلق الحاجه اعتماد بعد ما طلقها من جوزها الاولاني
اصيل بردو..!!
(:
سأشاهده بإذن الله..!!
دمت بخير

بيتنا القديم يقول...

الراقص مع الذئاب
..................
سعيد بك
وبذئبك الذي اصطحبته معك
في مدونتي
.
.
.
(:
علي فكرة الفيل خده الونش بعد ما كلبش العجلتين اللي ورا
شد حيلك وربنا يخلف عليك..ولو عايز ادهم يتوسطلك..هو يعرف ناس!!
(:
دمت بخير
سلام

lonely يقول...

هههههههههههه
والله انت كريم شانتيه وعسل
ضحتنى من قلبى

بيتنا القديم يقول...

lonely
.......
طب الحمد لله..!!

انا سعيد لأنك سعيدة

دخول البسمه علي قلب مؤمن ليس بالشئ

السهل

له اجر كبير عند ربنا

(:

دمت بخير

ammola يقول...

ده مش انا بس اللى مثقفة الثقافة العالية دى
بس عارف ...انت غلبت نبيل فاروق لانى بقالى فترة مش باقراله لانه بيكرر نفسه كتير
لكن انت مالكش فى احمد خالد توفيق؟

بيتنا القديم يقول...

ammola
.......
اولاً مش الاسكندرانية بس هم اللي عندهم ثقافة..لأ يا فندم الثقافة مرض معدي..داير يصيب..اللي يهوب مالهوش حبيب..!!
ثانياً انت مدحتيني وقلتي اني غلبت نبيل فاروق..ثم قلت بعدها ان نبيل فاروق بيكرر نفسه..!!
حيرتيني يا شابة..!!
(:
د.احمد توفيق حبيبي من زمااااااااااان
دمت بخير

حوريه يقول...

ههههههههههههههههههههههههه
ههههههههههههههههههههههههد
هههههههههههههههههههههههه
مش
ممكن
يا سمسم ...
راااااااائع..
عايزين الجزء التانى ..
ربنا يخليك ..
حوريه و معاها كل سمك البحر الابيض المتوسط

بيتنا القديم يقول...

حوريه
......
من عنيا يا فندم يخرج بس الراجل من الكراكون وندفعلو الكفالة ونرجعو قصره الجمهوري..وبعدين نقعد حول براد الشاي وطقطقة الفحم..وبخار الماء المتصاعد من انوفنا بالرغم من الكوفيات والجواكت الثقيلة التي حشونا داخلها اجسادنا المتكتكة..!!
(:
مش هتأخر!!
دمت بخير
انت وسمك البحر
ههههههههههههه
(:
تحياتي

ammola يقول...

ولا تحتار ولا حاجة
انا بطلت اقرا لنبيل فاروق لانه بيكرر نفسه
لكن انت كتابتك متجددة علشان كده انت غلبته
مش معقول كده ...التعليق عايز مذكرة توضيحية كمان؟
تك كير
دمت بخير
:)

بيتنا القديم يقول...

أمولة
.....
(التعليق عايز مذكرة توضيحية كمان؟)
.
.
.
لما تكون المذكرة التوضيحية بالجمال ده
يبقا اظاهر كل مرة هنحاول نعمل مش فاهمين ونسألك..!!
(:
دمت بخير

MiraMar يقول...

ههههههههههههه
حلوه أوي ضحكتني بجد
ربنا يسعدك
:)

بيتنا القديم يقول...

MiraMar
........
ربنا يسعد قلبك يا دكتورة..!!

ويحقق شفاء الملايين علي ايدك..!!

عندما يجتمع الاحترام مع خفة الدم..!!

يبقا اكيد ميرامار..!!

سلمي علي اميرة البلطجية..!!

(:
دمت بخير

بنت الكوبانيه يقول...

اخى
ممكن اعرف مين الى كتبلك السيناريو((الحقير))معلش على اللفظ (((بحب بلدى طبعا)))
ياااريت فى الجزء الثانى تحسن من وضع الرئيس واااالا الكوبانيه حتعتقلك

اااعزرنى بحب بلدى

بيتنا القديم يقول...

بنت الكوبانية
.............
نورتي مدونتي المتواضعة ورأيك خاص بك بالطبع وتلك هي الديموقراطية..!