عالم بطيخ !!


أهلاً يا شباب
بالتأكيد كل واحد فينا في حاجات بتفكرو بحاجات
يعني كل ما انزل اشتري كو تشي افتكر العيد وأحلام الأطفال
بالذهاب الي السينما وأكل الكشري وشرب المرطبات والعصائر
والفشخرة علي الصحبة ونسف آخر جنيه في العيدية
البطيخ
لا تتعجبوا من ذكر هذه الثمرة علي وجه الخصوص
فكم لها من الأيادي البينات علي الأغنياء والفقراء علي حد سواء
قالوا عنه
حلوي الغني..وطعام الفقير
ماذا يعني البطيخ للأغنياء...مثلج...مقطع...ناضج...طازج...أحمر...شهي
ماذا يعني عند الفقراء...كبيرة...لذيذة...مع الجبنة القديمة...ولمة العيال وأم العيال
ماذا يعني البطيخ عند المراهقين...أخضر...مستقبل...يافع...حالم...مسلي ومثير للتفكير أثناء قزقزة اللب
كما أن للبطيخ قيمة إقتصادية عند العربجي !!...فالقشرة للحمار...والثمرة له...واللب يقزقزه بعد التحميص مع اصحابه
ماذا يعني البطيخ عند سمسم
يعني ان موسم الإمتحانات الجامعية "زمان" قد بدأ ...وذلك بداية الزهأ...والحق اقول لكم انه مع حبي لثمرة البطيخ وما تمثله لدي جميع طوائف الشعب وفئاته واحزابه وطبقاته الكادحة والمترنحة...الا انني لا أحمل له اي ود بإستثناء طعمه اللذيذ
فهو عادة ما يذكرني بشباب قد ولي وحان وضع دكر البط في الحلة
يذكرني بأصحابي الذين لم أعد بالكاد اراهم
كما يذكرني بأيام جميلة لم يعد بالإمكان إستدعائها كما لم يعد بالإمكان نسيانها
.................................................
إبتسامة
أحمد شعبان قاللي نكتة
واحد كمسري في جنازة ابوه شاف الدنيا زحمة وقف في الجنازة صائحاً في المعزيين: الجنازة فاضية جوة يا بهوات...بلاش الزحمة دي جنب الخشبة

29 عبرني:

غير معرف يقول...

خد منى كمان النكتة دي

واحد صياد سمك ماشى فى جنازة ابنه الصغير فبيعيط وبيقول: ده كان صاحي وبيلعب

مرة واحدة ماشية فى جنازة جوزها وبتلطم وبتصوت وبتقول يا يا سبعي يا جملى فواحد من المعزين قال لها ما تقوليش يا جملى لحسن يبرك باللى شايلينه
يبرك=ينزل الجمل على الارض

وبالنسبة لحاجات بتفكر بحاجات

وبعيدا عن الحب

اسكندرية بتفكرني بكل شىء
بتفكرنى بلا شىء
بتفكرني بحنين الى شىء غريب-فاكر السؤال اللى قلته فى التاج-اسكندرية بتفكرني بطفولة وشباب ومراهقة وبيتخيل لى انها بتفكرنى بخريف العمر كمان

وحاجة كمان بحس بحنين جامد جدا لما بشوفها

مسلسل الراية البيضاء

بفتكر ايام حلوة عشتها وذكريات جميلة

عارف يا سمسم

هئولك على حاجة مكسوف اقولها لاى حد

انا امنية حياتي تكون زوجة المستقبل اسكندرانية

وان شاء الله لما اتجوز هادور عليها اسكندرانية وهاجد -سأكون جادا- فى السعي

اهلى جايبين لى عرايس و شيخ المسجد كل ما يشوفنى يقوللى هنجوزك امتى يا شيخ احمد و احد اصدقائى يقوللى والله ما حد هيجوزك غيرى و الاخير ده بصراحة اللى عايز اتجوز عن طريقه -هو اخ يعني- وفيه حاجات كتير اوى

بس انا عايزها اسكندرانية

عايز اللهجة -ايووووووووة و صيغة فعل مفتوحة الثلاثة حروف -كلمتني- بينقطوها كاللامتني او كلمة كدبت بينطقوها كادابات

وكمان فيه كلمات كتير
هبالة وعباطة وحاجات كدة

غير الدلع والمرح وخفة الدم والجمال وحاجات كتير

لو تعرف تشوف لى عروسة اسكندرانية تبقى عملت معايا واجب يا سمسم


مش عارف مالى اليومين دول يا عم....كل شوية اجى اتكلم فى حاجة تفكيرى يروح للجواز....وكل ما افتح موضوع الاقيه اتفرع بتفكيرى للجواز

انا فكرت امسح الكلام اللى كتبته ده بس مش عايز اكتمه فى قلبي

متبئاش تنشر الكومنت ده يا سمسم اوك؟

اية تانى بيفكرني باية

الكمبيوتر اليومين دول بيفكرنى بحاجتين اتنين بس

انت وأميرة

اية تانى

مشهد الكلية عندنا

الاول لما كنت بشوفها بشعر بقشعريرة للاقتراب من المبني المهيب ده وصرح العلم الكبير ده

فى سنة 2 كنت بحس باليأس لما اشوفه

دلوئتى بحس بالندم انى مستغليتش وقتى فيها صح وبحس بالاحباط ان طلبة غيرى هيوصلوا للشعور ده لما ييجوا للحظة التخرج

النيل بيفكرنى باية

زمان كان بيفكرنى بافلام الخمسينات والرومانسيات والكلام ده وكنت بحب اعيش اللحظة وانا ماشى جنبه او فوق كوبرى قصر النيل

دلوئتى لما بشوف النيل بفتكر السمك الصغير اللى مبطلعش غيره واللى خنقنى تماما وجاب لى احباط من الصيد

اية تانى


السنارة بتاعتى

كل ما اشوفها افتكر رحلات الصيد الجامدة اللى الواحد حلم بيها وافتكر انى كنت ناصح جدا لما اشتريتها وانها من احسن الماكينات فى مصر -يعني متنصبش عليا فى الماكينة ولا الفايبر- لكن بحس انى انضحك عليا بشكل عام لما فكرت فى موضوع الصيد ككل

وكفاية كدة

سلام يا سمسم

محمد عبد الغفار يقول...

حلوي الغني..وطعام الفقير

صح النوم الكيلو بقى بتنين جنيه يا باشا

hesterua يقول...

حلوة قوى الأرتباطات الشرطية دى

انا غيرك
عندى ارتباط شرطى بعربيات شوى الدرة وبين الأمتحانات

كنت اشم ريحة الدرة المشوى
اعرف ان الأمتحان جاى

Anima يقول...

طيب و اللي مانع عليه الطبيب البطيخ؟
واللي محروم منه زيي

وااااااااااااااااااااااع



فهو عادة ما يذكرني بشباب قد ولي وحان وضع دكر البط في الحلة
هو انت عجوز؟

Dr.khaled يقول...

أضحك الله سنك يا سمسم

ربنا يرزقك من بطيخ الجنة

Unknown يقول...

الاول

صباح البطيخ يا عم سمسم

البطيخ دة بيفكرنى بالدنيا
وكمان بيفكرنى بواحد عبيط
بشوفة دايما فى الشارع وتقريبا مدمن بطيخ

وكمان بيفكرنى
بلم الاصحاب فى الصيف ومية البحر

تصدق البطيخ طلع مهم فى حياتنا اوى

سبحان الله

أميرة البلطجية يقول...

ونظراً لحب سياتك للبطيخ
ونظرا للاهمية الحزبية للبطيخ عندنا
قررنا نحن سمو الامير اعلان البطيخ فاكهة رسمية للمملكة
!!
المشكلة يا سمسم
اني مبحبششششششششششش البطييييييييييخخ
خالثثثثثثثثثثثث
بس يله..مرة من نفسك
تحياتي
حمار وحلاوة يا طييييخخخخخ

غير معرف يقول...

انت يا سمسم عليك شوية حركات

يعني ائول لك متنشرش الكومنت تئوم تنشره

اعمل فيك اية بس

حركة يعني جننتني

بيتنا القديم يقول...

عم أحمد
.......
هههههه
حلوة كان صاحي وبيلعب
كل مهنة بتطغي علي افعال اربابها
ربنا يجعل مهنتنا طاعته يا مان
جميل أن يكون لك ذكريات والأجمل ان تتستدعيها كل فترة تخرج منها بالدروس
وتضحك علي مضحكها وتنتحب علي مؤلمها

تحياتي
يا فش مان

بيتنا القديم يقول...

عبدو
.....
شكلك بتعز البطيييييييييييخ

علي العموم تعالي عندنا انا عارف

مكان جملة ممكن تحمل منه عشرة بطيخات

بتمن خمسة فقط مع إحتمال ان تقع منك

واحدة في الطريق تنكسر ويعشم سواق

التاكسي في واحدة لولادو وبواب بتكم

يرئعك عين قوم تديلوا واحدة وتنسي

الباقي في الأسانسير ويعوض عليك ربنا

تحياتي

بيتنا القديم يقول...

هستوريا
.......
موضوع الإرتباط الشرطي ده يختلف عند

البعض بس الحمد لله انه مرتبط بحاجات

حلوة ولو مابنكولهاش

تصدق ان المعفن دافنشي مكنش بيبدع الا

لما تقع انفه علي رائحة عرق إمرأة

الله يقرفوا البعيد

تحياتي

بيتنا القديم يقول...

انيما
......
متعيطش يا نيمو سد يا ماما سد

بيؤلك في واحد كان عيان والدكتور

مانع عنه حاجات كتير مايكولهاش

المهم كان قاعد بيحكي لواحد مواجعوا

زي ما انت بالظبط عملت واااااااااع

راح الراجل كان حكيم قالوه ده ربنا

شاللك الممنوعات دي من تموين رزقك

ولوشاء لوضعها لك ثانية فتذلل اليه

لعله يعيدها لك

بالنسبة لكوني عجوز...هو انا عجوز

عجوز بس رياضي

انا سيادتك عندي ثلاثون عاماً بس ده

سر اوعي تؤلي لحد يا نيمو

تحياتي

بيتنا القديم يقول...

خالد وليس بخالد
..............
وأضحكك مثله يا مولانا

انت عارف علي سيرة بطيخ الجنة

كان الشيخ كشك الله يرحمه بيؤل انه كان

في واحد جالس مرة يسمع موعظة من

أحدهم فذكر الرجل الواعظ ةما في الجنة

من نعيم وافكهة وحاجات خطيرة

راح صاحبنا قاله وهي الجنة مافيهاش

فسيخ يا مولانا

فقال له الواعظ وقد احمر وجهه: ليه

وانت عاوز تظفرها سيادتك

تحياتي

بيتنا القديم يقول...

مش فاهم حاجة
............
صباح البطاطيخ يا باشا

يا إستاذ مش فاهم حاجة يجب ان تدرك

طبيعة المرحلة التي نمر بها جميعاً نحن الأن

في مرحلة العوم علي مية البطيخ زهذه

المرحلة هي التي تسبق الخروج من عنق

الزجاجة دي لوكانت مفتوحة أصلاً ولها

عنق من اساسه

وتكمن اهمية البطيخ يا مومبييي انه

أحدهم يؤلك حظك زي البطيخ يا إما

قرعة و يا إما قرعة بردو

كما نهم قالوا والحق ما قالوا ان

الزوجة كالبطيخة بجامع حظك في الحالتين

وبخصوص رؤيتك للعبيط اللي بياكل بطيخ

طوا النهار فأنا باسئلك سؤال اخوي

ما بنا وبشويش بدون ان يحس بينا احد

المتلصصين في المدونة

هو حضرتك ساكن جنبي وبتشوفني كل يوم ؟!

تحياتي

بيتنا القديم يقول...

مولاتي
......
ومين قاللك انه بحبو

ده انا بعشقو

لا سيما لو متغاظ من واحد وباكلو

قدامو يبقا نهار سيادتو في لون اللب

وعليه ان يتفادي القذائف اللبية

المتطايرة من بؤ سموي في إتجاه حصون سموه

وعليه اما ان يقبل التحدي البطيخي

او ينسحب من المعركة والقعدة ككل

المهم

صوتك وانتي بتندهي علي البطيخ حمار

وحلاوة راااااااااااااااااااائع

سؤال: هو سموك ماكنتيش(.....)في الحياة

الأخري؟!!

المهم ما تيجي سموك نعملو مشروع وندمجو

مع مشروعات شباب الخريجين

فكرة

تحياتي

بيتنا القديم يقول...

عم أحمد تاني
............
يا حبيبي انت من يوم ما بقيت اخ لكل

المدونيين بقت افكارك واحلامك وحتي

طموحاتك وفلوسك اللي في جيبك ملك

لجميع المدونيين

تحياتي

عالمى ازرق يقول...

عارف الارتباط بشي بيفكرنا بذكريات حلوه
ومن كتر ماهى حلوه بتوجعنا اما نفتكرها لانها بتحسسنا بالشيء المفقود بحياتنا
هتلاقى جوه حياتنا حاجات كتير من دى سواء اماكن او اشياء او اشخاص

يا مراكبي يقول...

هو البطيخ لسة رخيص علشان يقدر الفقير يشتريه؟ كويس إن لسة فيه حاجة رخصة عندنا

لكن سيبك إنت .. أحلى حاجة هي النكتة .. والنكت اللي في التعليقات كمان .. حقيقي كنت محتاج شوية كوميديا دلوقت

Islamist Bloke يقول...

على فكرة النيو لوك جامد جداااااااااااااا واحسن بكتيييييييييييير من الاولانى

بصراحة ارتحت معاه اوى اوى

وده الاحتراف يا ريس

انت لما حبيت تغير ...عملت نيو لوك جامد من اول محاولة

مش ناس تانية يعملوه ويغيروه بعد يومين

تردد بأة هنئول اية فى الح...قصدى البنات المترددة

ياللا مش مهم


المهم انت عامل اية

انا فتحت المدونة تانى

ابئى عدي

سلام

bastokka طهقانة يقول...

اية النيو لوك الجامد ده
بصلي مع فحلقي مسأسأ شوية
لا بجد جنان

انت ليه بتقول ان البطيخ بيفكرك بشبابك اللي انقضى؟
انت اشتريت بطيخة قرعة؟
فكرتك بالشعر اللي كان
هيهيهيههيي

أميرة البلطجية يقول...

مبروك النيو لوك
اهو كده..انا اغير انت تغير
امال مستشار وكبير يوران أوانطة يعني
ربنا يباركك فيا لشعب
)نظرة برئية جدا متجاهلة البطيخة اللي ايدك وعايز تحدفني بيها)

بيتنا القديم يقول...

عالمي ازرق
..........
حاول الا تغرق في ذكريات الماضي الا

بالقدر الذي تستطيع معه العودة

الذكريات بحر رمال متحرك كلما تحركت

داخله إذداد غرقك فيه الي ان يحتويك

تماماً

فيخنقك

تحياتي

بيتنا القديم يقول...

يا مراكبي
.........
فيييييييييييينك يا باشا

عامل ايه جدير بالذكر

قصدي جدير بالذكر عامل ايه

الحمد لله ان أعانني فأدخلت البسمة عليك

متئطعش الزيارة

تحياتي

بيتنا القديم يقول...

أحمد
....
هو في ايه

ماهذا التخبيط مع مولاتي يا بوب

مبروك إعادة الإفتتاح

ويا تري ناوي توزع ايه بمناسبة

الإستفتاح

تحياتي

بيتنا القديم يقول...

طهقانة
.......
ايه يا طهقانة

سيادتك جايه تطلعي طهقك عليا ولا ايه

وبعدين يا طنط طهقانة ربنا خد مني كل

حاجة واداني شعر كتير

وأحب اؤكد لسيادتك ان شعري باديء من

عند حوجبيني لحد بعد وداني بحوالي اتنين

بوصة ونصف بتوقيت جرينتش

وحياة ربنا العظيم بتوحشينا فبلاش

تطنشينا وتسأعلنا بالشكل المريب ده

تحياتي

بيتنا القديم يقول...

مولاتي
......
شاكر جداً لثناء سموك

بس سؤال هو كل حاجة حلوة تتعمل في

المملكة لازم اسم سيادتك يظهر فيها

ما ينفعش نسبتها للجمهور قلباً وقالباً

المهم

ركزي معايا واوعي تتحركي احسن

البطيخة تيجي في حد غيرك

تحياتي

غير معرف يقول...

اسمع بقي يا سمسم
أقوى نكته سياسيه بالعالم

يقال أن جورج بوش دعى توني بلير على الغداء ..وبعد الغداء......خرجا للصحفيين
للإدلاء بتصريح صحفي ...!!

سئلهم أحد الصحفين ..ماهي القرارات التي اتخذتموها أثناء اجتماعكم .. ؟؟


قال الرئيس بوش : قررنا أن نقتل 20 مليون مسلم و دكتور أسنان واحد..؟؟؟!!


توقف هنا أخي القارىء ............
ماهو السؤال الذي يدور بذهنك في هذه اللحظه ..؟؟؟؟

نعود للنكته .........



الصحفيين إندهشوا طبعا ونظروا إلى بعضهم البعض والكل متلهف لمعرفة ......
لما طبيب أسنان واحد فقط ....؟؟؟؟؟؟؟

فقال أحد الصحفيين للرئيس بوش : ولماذا طبيب أسنان واحد؟؟

تبسم بوش....ثم مال على توني بلير........وهمس في أذنه

...ألم أقل لك إن أحداً لن يهتم بالـ 20 مليون مسلم ؟؟؟؟؟؟

انتهت النكته ...........هل ضحكتم ..؟؟؟؟!!!

أشعر بالخجل من نفسي في هذه اللحظه .......لأني عند قراءتي للنكته ...سألت نفسي.
لما طبيب أسنان واحد ......؟؟؟

بصدق وبصراحه ........مالذي فكرتم به عند قرائتكم للتصريح ...
بالذات حين قال بوش : سوف نقتل 20 مليون مسلم وطبيب أسنان واحد ..؟؟
ألم يدر بفكركم هذا السؤال ..ولما طبيب أسنان واحد ...؟!!!

انشغلنا بالطبيب الواحد ونسينا الـ
20 مليون مسلم ...!!!

منا.!!
وهذه هي سياستهم اللعينة.....!!
توجيه أنظارنا بعيدا .. وشغلنا بتوافه الأمور ....!!
وكانت هذه سياستهم حين احتلوا العراق........وهاهم اليوم ينتهجونها ..ليتمكنوا
من توجيه ضربتهم لإيران ......وبالطبع .......كل هذا شغلنا كعرب وكمسلمين عن مايحدث في فلسطين..!!
وعن مايحدث ...في أفغانستان ........!!!

كل ما أشعر به في هذه اللحظه هو الألم .......لما وصل إليه حالنا ......!!!!!

أشكر لكم مروركم
اعذروني إن لم تعجبكم النكته .....!!!


بدوي

koukawy يقول...

يا سلام علي البطيخ الساقع جنب الجبنه البيضه الحراقه اللي بالفلفل
و النكته سمعتها قبل كده و فطست من الضحك
هههههههههههههههههه

غير معرف يقول...

ياااااااه زى ما حضرتك قلت فالبطيخ معناه بدء موسم الأمتحانات التعيييييس جدااا و أن موسم الزهأ الشدييييد قد بدأ أيضا
سلامى ل ســـــــــهـيــلـــــة كثيييييييييرا جدا و أنا مازلت عند وعدى لها
و جزى الله حضرتك كل خير
و مبروووك على النيو لوك الجديد
و السلام عليكم