السلطانية


أمينة: رايح فين ياسي مرزووووووووووووووء

سمسم: رايح اجاوب عاتجات...فاكراني خرع ولاإيه...خلي ربنا يفتحها في
وشي

أمينة: أكتر من كده...ماهي مفتوحه في وشك يا خويا ضبه ومفتاح...مش
لسه مضروب بشلتين في وشك امبارح

سمسم: انت بتعيريني يا أمينة...انت اتغيرتي يا امينة

أمينة:معلش والنبي يا سي مرزووووء آخر نوبة يا خويا

سمسم: الرصاصة لا تزال في جيبي

أمينة: قولتلك آخر مرة يا خويا حرمت...متخنؤنيش بقا يا خويا

سمسم:ذا بولد آند ذا بيتيفول

أمينة: وده يطلع ايه يا خويا

سمسم: نامي يا وليه يا جهلة...دي معناها كثير من الماء عدي من تحت الكوبري بس باللنجليزي

أمينة: ربنا يسأفك فوق وتحت يا خويا...يا كيدهم...روح ربنا ينصرك علي بطوط بنت حوا وآدم

ويخزي عين اميرة البلطجية عنك...يا رافع راية مصر والدورة الأفريقية...يا معزز دور مصر الإقليمي ومستتها

سمسم: مخلاص يا وليه...إعمليلك همه ورصيلي حجر معسل اصطبح بيه

أمينة:ذاتس اوريت يا خويا...كان آي دو ياخويا حجر وز يو

سمسم: معلوم بردو نو بروبلم يا غاليه...والآن وسعونا الطريق...سيري يا نورماندي

***

الأول

"يا حسن...الإنتقام سلاح ذو حدين...صحيح هيئتل عدوك...لكن هيطرطش علي هدومك !!"
من فيلم أمير الإنتقام..فريد شوقي و مديحة يسري

***

هل تسعد عندما يمرر لك احدهم تاج؟

هي دي الصداقة الصدوقة...يعني حاجة كده زي تيمون وبومبة
هل مقدار سعادتك أو شعورك ايا كان- عند تمرير التاج لك- يختلف حسب المدون الذي يمرر لك التاج؟

طبعاً دي بيخلي النوايا تبان...مين اللي بيحبلك الخير...ومين اللي ناوي يعكلك الدنيا
هل تستمتع عند إجابتك عن أسئلة التاج؟

قدر إستمتاعي وانا قاعد علي كرسي في المواصلات والعالم كلها واقفة في الزحمة والحر والزهأ
هل ترى للتاج أهمية حقيقية؟

طبعاً مثل اهمية دور مصر في كاس العالم اللي جاي
هل فكرت في عمل تاج خاص لك من قبل؟

فكرت بس الأوماش مكفاش قلت خلاص اعمل بنطلون دلؤت والمره اللي جايه اعمل تاج
هل تفضل قراءة اجوبة التاج عند المدونين الاخرين؟ أم لا تهتم سوى بالتدوينات الأخرى فقط؟

هل في ذلك شك...ترجع اهمية القراءة لتعزيز دور ثقافتي بالآخر ونشر الغسيل علي حبال الفكر
عندما ترد على التاج ما الذي تراعيه اكثر؟

براعي ان محدش ياخد بالو
إلى من تحرص على تمرير التاج؟

الي خالتي وعمتو وساره...وتيته فايزة في حالة لو كانت عايزة...واونكل دنجل اللي يا رب يرجع لنا بالسلامه من جونتانامو
هل تحرص على قراءة اجابات من تمرر لهم التاج ؟ و هل تغير إجابتهم للتاج شيئا في ادراكك لهم ؟

من زمان مابحبش ابص علي حد...خصوصاً لو كان واخد بالو...ومن حيث إدراكي فانا افهمها وهي طايرة هي الزكاوه مش باينه عليا
هل تلتزم حرفيا بأسئلة التاج ؟

بصي يا مدومزيل...انا دوغري واحب الراجل الدوغري...وكنت احب اشوف تمثلية عيلة الدوغري بتاعة معالي زايد ويوسف شعبان
ما هي نوعية التاجات التي تفضلها؟

تاجات بباب واحد...وتاجات ببابين...وتاجات ديب فريزر...وكريازي

***

الثاني

"سي صابر...لو رايح الجبهة يا خويا عشان مصر...اللبس البلوفر عشان الجو برد علي خط برليف...
وهات معاك وانت راجع فينو إسرائيلي ولبن من غزة عشان الفطار"
من فيلم بدور ...محمود ياسين و نجلاء فتحي

***

هل كنتى طالبة شاطرة فى المدرسة ؟

لاحظ الضمير في التاج مؤنث...فينك يا يا نوال يا سعداوي تشمتي فيا

هذا يتوقف علي ماهية الشطارة وتعريفها في القديم والحديث...فسرقة الساندويتشات شطارة
والغش في الإمتحانات عند بعضهم شطارة والنط من علي السور والزوغان شطارة...والعكس صحيح
لكن علي العموم الشطارة تبدأ من البيت الأب والأم...والعنايه بالبشرة
إيه أكتر مادة حبيتها في المدرسة والكلية؟

كل المواد بفضل الله
إيه أكتر مادة كرهتها في المدرسة والكلية؟

كل المواد بفضل الله
كنت عايز تطلع إيه وأنتي صغننة؟

لص بنوك

***

الثالث

"انت جيت يا رمضاااان !!" من مسرحية العيال كبرت...حسن مصطفي و كريمة مختار

***

last beverage?

شاي بحليب

last phone call ?

من المواطن سيد كان حالف ان مراتو متتصلش بمامتها وبعدين هي مسددت لمامتها ومامتها رنت عليها...وبعدين انا قلتلوه مين اداك نمرتي
قالي عابر سبيل...قلتلو ظبط مراتك ومتبقاش في بيتك حنفي...مفهوم يا سيد...سمعت صريخ بعدها واظن انه كان سيد...الغريب اني نسيت
اسألوه انت سيد مين حضرتك

last instant message ?

رسالة بعتها لعمورة صاحبي...اعزز فيها سبل الصداقة بين طرفينا...وترسيخ العلاقات علي الصعيد الشخصوي

last cd played ?

فيلم المقاتل بتاع اخونا "جيت لي" اللي مات في الآخر ومتجوزشي الخالة "هيت يي بو" اللي كانت بتزرع الأرز علي مدرجات القرية
بوزها ناشف وحظها دكر...مع ان الولا جيت لي كان مئتدر...والمأزون علي بُعد فرسخ او مرمي حجر

last time u cried ?

وانا بكتب البوست بتاع عاوزه اروح الجنة عند بابا
date some one twice
been cheated on
lost some one special
been depressed
been drunk & throw up
favorite colors
made anew friend
fallen out of love
laughed untill u cried
met some one who changed ur life
found out who ur true friends were
is there some thing u want to tell some one
how many kids do u want to hv
do u wanna change ur name
wt did u do 4 ur last birth day
wt time u wake up to day
most visited web page
pass this
سمراء النيل...طهقان وطهقانة... انيما... احمد اسلام ست...محمد عبد الغفار...عين ضيقه...شارم...يا مراكبي...كلبوزة...كوكو الكميل...تسنيم...قطر الندي ..إرتعاشات...محمود بركات...شيماء...أحمد شعبان...الراقص مع الذئاب...لونلي...ياسر عوف...حورية...مشمش...كوكو...صلاح عبد الصبور
ـــــــــــــــــــــــــــــــــــــــــــــــــــــــــــــــــــــــــــــــــــ
نكتفي بهذا القدر مشاهدينا الأعزاء وكفاية لحد كده وقوموا نامو عشان تعرفوا تصحو بدري ...علي ان نعاود الإرسال بكم لما نصحا صباحاً

باي باي عليكم ورحمة الله وبركاته

17 عبرني:

أميرة البلطجية يقول...

حعد لغاية عشرة تكون جاوبت الاسئلة اللي سبتها
وإلاااااااا
واحد
اتنن
تلاته
سته
تسعة
عشرة
يا سيااااااااااااااااااااااااف

بنوتة من وسط البلد يقول...

امتر حاجة عجبيتنى فى ردودك
كم التواضع الشديد

غير الفقرات الاعلانية
علشان الملل بعيد عنك :)

صباح الفل

anima يقول...

يخرب بيتك انت عايز تنتقم مني كمان
أنا يابني مع اميرة البلطجية و بطوط

سمسم يقول...

مولاتي
*****
علي فكرة الباشمهندس سياف واخد اجازة

مولد النبي عليه الصلاة والسلام

وان شاء الله هكملك الأسئلة

وبلاش عصبية الملوك دي

هو شخط جوه الحلم وبره الحلم كمان

أطيعة محدش بيكولها بالساهل

تحياتي

سمسم يقول...

بنتوتة من وسط البلد
*******************
يا ستي التواضع ده تهمة لا انفيها وشرف

لا ادعيه

بس ايه معني كلامك " امتر حاجه عجبتني"

هو انت شغاله في هيئة المساحة

تحياتي

سمسم يقول...

انيما
*****
لأ انت مش معاهم...انت بتضحكي عليا

دليل ان مشفتش سحنتك في الكابوس اللي

فات

تحياتي

mabrakaat يقول...

محمود بركات
انت دايما بتثبن انك مصرى من اصل مصرى والمصرى حيفضل مصرى حتى فى احلامه سمك لبن تمر هندى وحتى فى خواطره ممكن تحسبه احيانا انه اهبل بس ده بسبب اللى بيعانيه فى الدنيا
انا من رأيى انك ترجع للجد احسن
مع حبى وتقديرى لخواطرك وفووووووق بعد حجر الاصطباحه ده والنبى لما اقابلك الاقيك هديت ايييييييييه ربنا يهديك ولااقولك يهدك

سمسم يقول...

بركات
******
لأ يهديك أحسن

تحياتي

واخرج من نافوخي احسنلك

تحياتي كمان مرة

mabrakaat يقول...

محمود بركات
انا تخين قوى علشان اخش فى نافوخك اعرفازاى انا دخلت
المهم هاخرج بس انت توعدنى انك هتعقل اتفقنا
وربنا يهديك ويهدينا جميعا اللهم امين

smraa alnil يقول...

لا انت اكد بتهزر
انت يا بيه من ضمن القائمة اللي عندي اللي كانت المفروض تعمل التاجين الاولانين
ماشي ماشي

بس ايه الاجوبة العسل دي
وايه التاج الغريب دة
بس لذيذ والله
تحياتشي

bastokka طهقانة يقول...

هاهاها اجاباتك لذيذة

سمسم يقول...

بركاتك
******
اوعدك

تحياتي

اول مخلص آية الكرسي اشوفك إختفيت

يالااااااااااااااااااااااااااااا

سمسم يقول...

سمراء النيل
**********
مما لا تتناطح عليه عنزتان

ولا يستطيع إنكاره الزمان

ان السائل الأحمر الشرباتي

الذي يجري في عروقك حضرتك

هو سكر

حر

وهو الحمد لله التاجات اتجوبت وعدتش اسمع

صوتكم تاني يالا اطلعو بره مدونتي يا

عشوائيين يا دول عالم تالت

تحياتي

سمسم يقول...

طهقان وطهقانة
*************
انت الذ

غيابك طال طمني عليك

تحياتي

mabrakaat يقول...

محمود بركات
انا اكتشفت انك كان عندك عقده ومن وانت صغير خاصه بالعفاريت وكنت ظالمك المهم طلع الموضوع اصعب علينا عشان نعالجك تروح عند شيخ مش طبيب نفسى وتقرا القرآن كله مش آية الكرسى بس وتفتكر دايما اني حبيبك وصاحبك محمود مش العفريت اللى بتخاف منه من وانت صغير ربنا يعفو عنك
مش عفروووووووووووتو
هههههههههههاااااااااااى

الراقص مع الذئاب يقول...

حرام عليك
بقي انا نايم وانت بعتلي تاج من ورايا خياااااااااااينة
اخص عليك يا سمسم

سمسم يقول...

الراقص مع الذئاب
*****************
رقصك مع الذئاب جعلك تأتي متأخراً

شد حيلك وورينا همتك يا جميل

تحياتي