يا عيني عالبساطة..!!


البساطة

هي مفتاح

أشياء كثيرة

فكن بسيطاً

في تعبيراتك

وكلامك

وأدائك

6 عبرني:

ammola يقول...

طيب
حلو كده؟؟
:)

Jana يقول...

بعد اذنك يا سمسم
انت اللى قلتلنا البيت بيتنا
ودلوقتى نوهت عن البساطة

امولة
انتى فين ؟
..وحشانى والله
انا عاملة صلصة طماطم تجنن
لو تحبى ابعتلك شوية
لحد الطماطم ما ترخص تانى
عايزة اقابلك بقا على الكورنيش ..لما الجو يتحسن
وفكرينى وانا مروحة اشترى البامبرز بتاع انوج ..يالا باى ..على رنات بقا

ميرسى يا سمسم
كنت عايز حاجة؟؟؟

ammola يقول...

نانا حياتى
والله العظيم انتى وحشانى اكتر
انتى بتعرف تعملى صلصة فى البيت يا سوسة؟؟؟؟؟
انتى كسلانة..انا اتهريت تمشية ع البحر واقول حتفضى مرة واقابلك
يا ريت تبوسى لى الولاد
سلمى لى على سمسم اوى وقوليله ياخدها ببساطة
سلام

بيتنا القديم يقول...

أمولة(1)
.....
ربنا يكرمك يا فندم..!!
يا سلاااااااااااام مافيش احلى من البساطة والله استني عليا..!!
جررررررررررررررررررررررررررررررر..!!

بيتنا القديم يقول...

جني
...
امولة كانت هنا من شوية ونسيت شنطة البصل..وراحت للكلين عشان تجيب المفروم
وبتقولك هي هتعدي على الساعتي عشان يظبطلها خلطة البوفتيك..ولازقالك ورقة على باب التلاجة كتبالك فيها وطي البوتجاز على العيال ومتنسيش الأكل يلعب لوحده في البلكونة احسن الحلل توقع بعضيها..!!
بالنسبة للكورنيش الحكومة محاصرة المنطقة عشان السمك عامل اضراب وبتوع الارصاد قالوا ان النوة جاية ببساطة عشان تبلع اي طمطماية ماشية على الشط لوحدها..!!
انت اخبارك ايه..؟!!
جررررررررررررررررررررررررررر..!!

بيتنا القديم يقول...

أمولة(2)
........
نياهاهاهاهاهاهاه..!!
جني بتقولك..انت كمان وحشاها بطريقة مفزعة..وموضوع صلصة الطماطم خلاها تعصر افكارها وتضرب تخيلاتها مرتين في خلاط عقلها وكانت النتيجة مكس غريب ادي الى فكرة سايلة القوام صفتها كمان مرتين وطرحت قشر الوساوس جانباً ووضعت العصير في حلة الابداع فوق نار التأمل..حتى احترقت اعصابها وفقدت صوابها وصاحت صيحات ارشميدسية وجدتها وجدتها..واخرجت القلم وتركت لك رساله على نفس باب التلاجة..تحت رسالتك..تقول لك
هي دلؤتي نايمة وبتحلم انها علقت في مدونة سمسم وقال ايه خير اللهم اجعله خير وانت جيتي وعلقتي وراها وسمسم حاله من حال بطوط لما ولاد اخيه سوسو وتوتو ولولو بيخلوه يدخن من ودانه..وبتقول قال ايه خير اللهم اجعله خير..في وش الفجر قال ايه شافت سمسم ماسك شوكة عظيمة في اديه ووشه بينور احمر متقطع زي لومض مولدالنبي..وقال ايه صوت فحيح بيخرج من حنجرته..وبيقترب نحو مدونتكم من غير رجليه ما تلمس الارض وعنيه بتنور زي صالة الديسكو يوم سبوع انوج..وخير اللهم اجعله خير بيضحك ضحكة زي بتاعة البيه يوسف وهبي في فيلم سفير جهنم تشبه كده:نياهاهاهاهاهاهاهاه
وختمت رسالتها بسؤالك:
تفتكري ببساطة يكونش الراجل هيطق مننا..ولا نبعت لقناة الناس تفسر لنا الرؤية دي..ولانكونش هنحج السنة دي بحري..!!
جررررررررررررررررررررررررررر..!!