شعبي الطيب الحبيب المهااااود




ياشعبي حبيبي ياروحي يابيبي
ياحاطك في جيبي يابن الحلال

ياشعبي ياشاطر ياجابر خواطر
ياساكن مقابر وصابر وعال

ياواكل سمومك يابايع هدومك
ياحامل همومك وشايل جبال

ياشعبي اللي نايم وسارح وهايم
وفي الفقر عايم وحاله ده حال

احبك محشش مفرفش مطنش
ودايخ مدروخ واخر انسطال

احبك مكبر دماغك مخدر
ممشي امورك كده باتكال

واحب اللي ينصب واحب اللي يكدب
واحب اللي ينهب ويسرق تلال

واحب اللي شايف وعارف
وخايف وبالع لسانه وكاتم ماقال

واحب اللي قافل عيونه المغفل
واحب البهايم واحب البغال

واحب اللي راضي واحب اللي فاضي
واحب اللي عايز يربي العيال

واحب اللي يائس واحب اللي بائس
واحب اللي محبط وشايف محال

واحبك تسافر وتبعد تهاجر
وتبعت فلوسك دولار او ريال

واحبك تطبل تهلل تهبل
عشان ماتش كوره وفيلم ومقال

واحبك تأيد تعضض تمجد
توافق تنافق وتلحس نعال

تحضر نشادر تجمع كوادر
تلمع تقمع تظبط مجال

لكن لو تفكر تخطط تقرر
تشغلي مخك وتفتح جدال

وتبدأ تشاكل وتعمل مشاكل
وتنكش مسائل وتسأل سؤال

وعايز تنور وعايز تطور
وتعمللي روحك مفرد رجال

ساعتها حجيبك لايمكن اسيبك
وراح تبقى عبره وتصبح مثال

حبهدل جنابك واذل اللي جابك
وحيكون عذابك ده فوق الاحتمال

وامرمط سعادتك واهزأ سيادتك
واخلي كرامتك في حالة هزال

وتلبس قضيه وتصبح رزيه
وباقي حياتك تعيش في انعزال

حتقبل ححبك حترفض حلبك
حتطلع حتنزل حجيبلك جمااااال

9 عبرني:

Oma يقول...

to7faaaaaaa
ur style is very interesting w momte3 keda
sha3b tayeb elsha3b elmasry da..aw bema3na as7a sha3b 3abit :D

غير معرف يقول...

هههههه الموضوع دا اتهري في كل المدونات والمنتديات شوف جديد احسن

غير معرف يقول...

السلام عليكم ورحمة الله وبركاته
ازيك يا عم سمسم
سلاماااااااااااااااااااااات وبس
كده ولا ايييييييييييييييييييه

L.G. يقول...

أيون أيون
موافقة

بيتنا القديم يقول...

Oma
.....
بالظبط كده يا فندم..!!

مدونتك حلوة انا كنت هناك دلؤتي

يارب كده زيارتك عندنا تكون كتير

نورتي بيتك القديم يا فندم

(:

بيتنا القديم يقول...

سقرااااااط
...........

فينك يا عسل

حارمنا من انسك كده ليه؟

هو اللي اخدك مننا ايه؟

(:

بتنورني دايماً...طب نورني ليه؟!!

طب ماهو بيتك القديم..!!

(:

صح؟!!

بيتنا القديم يقول...

حلو
....
اوك يا حلو...!!

بيتنا القديم يقول...

بركات
.....
ازيك يا قاهر الهكسوس..!!

بحبك يا مدهول...!!

(:

بيتنا القديم يقول...

إل جي
.....
ههههههههههههههه

يا خبر وانا اللي كنت فاكرك من

المقاومة ...طلعتي من الثوار..!!

(:

بلغوا عنها قبل ما تبلغ عننا يا شباب

(: