اتق الله يا أم جمال


الست ام جمال رضي الله عنها
عامله جهد جبار في موضوع القرأة للجميع
واشي يفط
واشي اعلانات
واشي يالا كلنا نقرأ
ناهيكم عن نقرأ ايه ولمين
وقد تم تستطيح الشعب تماماً
فغنوا للحمار بدل من الحبيبة
وانشدوا الغزل في حب العنب والجزر والخيار
وهي الفاكهة والخضروات التي نجت من مذبحة يوسف بك والي
اللي من خيره تم افتتاح مستشفي السرطان للأطفال لإستقبال ضحايا
البذور الاسرائيلية المسرطنة
المهم
يفط القرأة للجميع ماليه شوارع المحروسة يمين ويسار
لفت نظري اطفال نايمة تحت الكوبري
وآخريين بيبعوا دره مشوي في عز الحر في ميدان التحرير
لكن اللي حرق دمي بصدق
منظر العيال الغلابة اللي بيجروا ورا عربيات السياح العرب
ويخبطوا علي شبابيك العربيات في عز النهار ووسط الإشارات
وهيبوسوا ادين العرب عشان يشتروا مناديل او يدوهم ربع جنيه
وحبيبنا العرب اللي مانسيوش فضل مصر قبل البترول
يروحوا قافلين شبابيك العربية وهاتك يا إشمئزاز
بجد الفلوس اللي اتعمل بيها دعايه لمهرجان القرأة
يفتحوا كام ملجأ
ويعينوا كام اسرة
يا حاجة ام جمال متخفيش الطبقة اللي بتقرأ ومابتشغلش عيالها
اهاليهم بيجبولهم مدرسين اجانب
يشرحلهم ويدرسلهم المناهج
وفي الصيف الفقرا منهم بيكونوا في الغردقة وشرم الشيخ
والاغنية بيسافروا فرنسا والولايات المتحدة
اما اطفال اشارات المرور فبالكاد يتحصلون علي ثمن العيش الحاف والجبنة الاسطنبولي
يا حاجة اصرفيهم علي الغلابة اولي
تلاقيهم نور في تربتك
بدل ما تنور بحاجة تانية
اللهم هل بلغت اللهم فاشهد

16 عبرني:

Jana يقول...

سمسم
انا حالغى شروة السمك
حيث المكان اللى انت رايحله قريب
ممنوع فيه دخول السمك
لأنه مافيهوش صابون بريحة...تغسل بيه ايديك بعد الاكل

لكن متخافش الشروة مش حتروح عليك
ممكن ابعتها للورثة او... لمحامى مستبيع....على حسب

لكن مقلتليش
انت بتحب الحلاوة
بالفزدق ولا باللوووووووز

اه ...كنت حانسى
تحب ابعتلك...
رجل المستحيل..ولا تان تان...ولا لاكى لوك...
حيث القراءة غذاء العقل والروح

ولا ابعتلك احسن
DVD
و
CD
فيلم الكرنك
وابقى سلملى على نور الشريف وخدلى منه صورة وعليها اهداء الله يخليك ....واديله حتة من الحلاوة باللووووووووز

تحياتى
ووداعا

فى القلب يقول...

صدقت كلام فى الصميم
يكتبهولك فى صحيفه أعمالك

بيتنا القديم يقول...

جني
...
احنا بتوع الاتوبيس

امال فين الديمقراطية

اختي المواطنة ارفعي رأسك

لقد مضي عهد العرقسوس

بيتنا القديم يقول...

في القلب
.......
ربنا يخليك يا برنس

خطوة عزيزة يا جميل

وخليك دايماً معانا اون لاين

شيمـــــاء يقول...

الله ينكد عليك
لا ولا حرام
الله يسامحك

على راى سواق التاكسى
مش يغذوا البطون الاول قبل العقول
هو فيه عيل بيذاكر من غير ما يكون شبعان

الله يسامحك بجد

أميرة البلطجية يقول...

هي جت على دي
.
.
دماغك
.
.
ويجعله بالتكبير عامر

lonely يقول...

والله يا سمسم عندك حق
مناظر الاطفال دى بتتعبنى كدا
بس انت نسيت حاجه مهمه جدا
يعنى هى فلوس دعايا مهرجان القرائه للجميع بس اللى ضايعه
لا لا ما عندكشى حق
ونسيت فلوس المؤتمرات والاحتفالات
والفلوس اللى بنجيب بها فرق اجنبيه يلاعبونا ويمسحوا بينا الارض ويغلبونا
يا راجل ما تعدش

بيتنا القديم يقول...

شيمؤه
.....
اللي يـ.....ولا اقولك

بردو

الله يسمحك

عسل وانت لسانك طو....قصدي طيب

بيتنا القديم يقول...

مولاتي
......
ءأنت التي تقولين هذا

اين الثورية

اين الديمقراطية

اين الملوخية

رحم الله زمان

كان للحق رجاله ونسوان

بيتنا القديم يقول...

لونلي
.....
جمييييييييييييلة قوي يمسحو بينا الارض

ده احنا طلعنا شعب كلين ونحب النظافة

هو مش رئيس وزرائنا بردو اسمه نظيف

ايييييييييييييييه

ربنا يعوض عليك يا وطن

Zika يقول...

والله كلام منطقي جدا

loza يقول...

مبدأ الشعب المصرى ايييييييييه...!!!؟




اللهم لااعترااااااااض

بيتنا القديم يقول...

العربي
......
معاك انو منطقي...بس فين اللي ينفذ

الست عايشة دور سيدة مصر الاولي

والمنطقة العربية...وعايزة تبقي

زعيمة القرأة قبل مدام خديجة مرات

ابنها جمال ما تسرق الاضواء وتاكل الجو

منها والهانم تتركن علي الرف او تطلع

معاش مبكر

ايييييييييييييييييييييييييه

قطيعة

محدش

بيكولها

بالساهل

بيتنا القديم يقول...

لوزة
....
النيل رواني

والتنطيش جواني

يبقا انت اكيد المصري

نهايتو

انت عامله ايه دلؤت

break يقول...

انا شوفتها فى الاعلان يعنى وحسيتها مش عارفة تتكلم
فعلا اليفط مغرقة الدنيا
دعاية محصلتش
اللى معاه قرش و محيره بئا

بيتنا القديم يقول...

بريك
....
يا خبر ابيض

وكمان بتتكلمي في السياسة

انا ماليش دعوة

نزلني هنا يا اسطي