خديجة


خديجة
بنت مصرية شايلة همومها وهموم من حولها..البطاقة الشخصية آنسة موظفة تبلغ من العمر 38 سنة
يا نهار اسود بتقول 38 سنة ولسة متجوزيتش
ايوة كل شئ قسمة ونصيب
ام خديجة كان لها رأي آخر
بكاء عويل وندب لحظ ابنتها ذات القلب الملائكي
في كل مناسبة فرح اوكتب كتاب للعائلة في الاسكندرية ام خديجة تقلبها مندبة
اشمعني بنتي دي موظفة ومرتبها معدي جامد في شركة تأمين قد الدنيا
والحلاوة متسألش عليها كفاية ابتسامتها اللي زي الشمس وبعدين البنت مش حلاوة وبس كفاية اخلاقها
عن طريق موقع زواج محترم علي الانترنت بالفلوس كتبت خديجة الـ "سي في" الخاص بها
تشرح فيه احلامها ومشاعرها ومواصفات فارس احلامها
تقدم طبيب مصري من اصل تركي مقيم في السعودية
تم كل شئ في لمح البصر
تكفلت خديجة بمصاريف الفرح والشبكة والذي منه..وزيادة في حسن النوايا لم توافق خديجة علي شرط القيمة
بالبلدي شالت الليلة وتكفلت بكل شئ وتركت فقط الدور الذكوري ليلعبه العريس فهذا فقط ما يجيده
سافرت خديجة الي السعودية..عدة اشهر..عادت خديجة في لمح البصر الي حضن مصر..لكن هذا ليس الوجه الذي ذهبت به خديجة
الصمت كان شعارها ..الدمع كان مؤنسها..الهم كان الوحيد الذي يستطيع الكلام معها
الخلاصة عادت خديجة مسخ وحطام انسانة تحطم شراعها تحت ضربات عاصفة شيطانية
وتكسرت دفتها بعد اصطدامها بجبل جليد ظهر فجأة بين امواج حياتها الهادئة
خديجة كانت طالق
خديجة سلب ذهبها مع آخر شعاع للأمان في حياتها
خديجة صارت حطاماً بعد حفلات اعتداء بالضرب المبرح والاذلال والاهانة
خديجة لملمت أشلاء خديجة..واغلقت خلفها الف باب واسقطت المفتاح في بئر النسيان
خديجة صار عندها الامل مجرد كلمة يتشدق بها المتفائلون
والامان سراب يتوهمه من لم يجرب الخوف
والثقة معني لا وجود له الا في طيات كتاب الف ليلية وليلة
بإختصار
تحطمت خديجة..وليس في الامكان اعادة تجميعها من جديد
غير ان السبب الحقيقي وراء طلبها الطلاق بهذه السرعة لم تطلع عليه احد حتي امها
وإجابتها في كل مرة قطرات من الدموع التي قد تختصر اي كلام
تلك اللؤلؤة اغلقت صدفة الحياة علي نفسها وأحلامها
وإرتضت بالسكون في قاع النسيان
لعل الزمان يطوي جراحها بعد ان يطوي صفحاتها
........................................................
تمنيتُ في لحظةٍ
أن أذوب كقطعة ثلجْ
وأن تتخطفني الطيرُ في غفوتي
لتعلِّقني
فوق أسوار برجْ!
تمنيت أن أتسكع في شارع ٍ
كم قطعتُ وحيداً
معي قلمي وكتابي بكفِّي
على ضوء أعمدة الكهرباء الشريدة ْ
أرافق ظلـِّي الممدَّد خلفي
كحال بلادي البعيدة ْ

تمنيت لو أتمدَّد كالظلِّ فوق الرصيفِ
لأحضن خوفي
وألعق حتفي
وأبصق همِّي ببالوعةٍ
لا تعافُ مرارة جوفي

تمنيت لو مرة ً أن أقعْ
ببئر الشياطين والجنِّ كي أستمعْ
لما سيكونُ
وأينَ
وكيف يكونْ
فما عاد في الأرض إلا القمامة ْ
نلوك القمامةَ
نجرعها في سكونْ
وننضحها طاعة ًوخنوع ْ
ونغسلها بدماء الذين يعيشونَ
في عزةٍ وكرامة ْ

تمنيت في لحظةٍ
أن أسافر دون رجوعْ
بهذا القطار الذي يرتحلْ
بجوف الجبلْ
لعين الظلام التي أسدلتْ جفنها
في خشوعْ

تمنيت لو صرت مثل الدمى في المحالْ
يطالعني الناس دون اكتراثٍ
بلوني ورسمي
ومسقط رأسي
بدون سؤالْ
عن الوشمِ
والكيِّ فوق ملامح نفسي

تمنيت في لحظةٍ
أن أخيط الجراح بخيطٍ جديدْ
وأفقأ عين الصديدْ
وأطلق تنهيدة ً في رحاب الأسى
وألملم أشلاء حلمي الوليدْ
وأصغي لترنيمةٍ وكمانْ

تمنيت أسمع فيه صهيل الحصانْ
إذا رفع الحافرين بلهوٍ برئٍ وغرّ ْ
وأطلق للريح ساقيهِ تحت المطرْ
تمنيت أسمع كركرة الطفلِ
حين تلاعبهُ أمهُ وتزغزغهُ
تحت ضوء القمرْ
فينام بقلب يغرِّد فيه الأمانْ
...........................
واقعة حقيقية

24 عبرني:

koukawy يقول...

يا ساتر ربنا ما يوري حد
المضوع ده بيحصل كتير للبنات المصريين مع العرب

سمسم يقول...

كوكو
....
فعلاً

الناس بتتسرع وترجع تندم

سلام

loza يقول...

هى اتنازلت عن حاجاااااااااات كتيير فى الاول
والى بيتنازل من البدايه هيتبهدل فى النهايه
ونرجع لبوست الكرامه

خاصه انها كانت تنازلات غير عقلانيه

:(بجد صعبت عليا قووووووى
ربنا يتولاها برحمته

سمسم يقول...

لوزة
....
الف حمدالله علي سلامتك يا جميل

ربنا يتولانا جميعاً

سلام

break يقول...

انا رايى من رأى لوزة بردوا
اللى بيتنازل فى الاول بيندم فى الاخر لانهبيبئا مرخص نفسه
وكرامته بتضيع منه
وكمان اسلوب الجوازة كان غلط ازاى تدخل علىموقع وتعرض نفسها للبيع ؟!! وببلاش

هيا صعبانةعليا اوى بس كله من المجتمع اللى مبيرحمش
احنا 17 سنة اهو وحاسين اننا عنسنا :D
كلمة عانس دى بتخوف البنت اللى مبتخفش
بس ان شاء الله ازمتها دى تعدي على خير وتفوق لنفسها وتعرف قيمتها

تحياتى

يا مراكبي يقول...

لو كنت أعلم الغيب لأستكثرت من الخير

قدر الله وما شاء فعل .. وجعله في ميزان حسناتها

جميل جدا تفاعلك مع الحدث .. القصيدة فعلا معبرة .. أما الموسيقى .. حكاية

islamist bloke يقول...

سبحان الله

وفيه شباب عايز يتجوز ولو بياعة الياسمين اللى بتسرح فى الحسين

ودي مش لاقية زوج؟


دنيا



بالله عليك يا سمسم لو ادامك اى عروسة ..... 40 او 50 حتى ....انا موافق على اى شروط وبأى نظام وعندي شقة 3 وصالة وحشتغل قريبا باذن الله......... وهشيلها على راسي من فوق واكتب لها اللى عايزاه بس اتجوز بأى شكل

شوف الموضوع وانا معاك

والسلام

سمسم يقول...

بريك
....
"بس كله من المجتمع اللى مبيرحمش..."

أديك قولتيها

يبقا مش لازم نخضع لقياسات المجتمع

طالما ثبت لدينا خطأها

سمسم يقول...

يا مراكبي
........
أهلاً يا سيدي اللورد

وينك...عسالله تكون بخير

ازي الاولاد..عاملين ايه..كله تمام

طب الحمدلله

الست دي بقا يا سيدي تبقا بنت خالة

والدة أحمد صاحبي..وان شاء الله هعمل

عمرة للسعودية واحصل علي عنوان

الدكتور ده ومش هؤلك هعمل فيه ايه

وصيتك المدونة

سلام

سمسم يقول...

أحمدوف
.....
الله يسلم حالك

وينك يا رجال

شو مابتظهر

عندي الك زوجة كتييييير منيح

ما يعبها شي

سوي حول صغير في كلتا العينين

مع عرج لا يلحظه الا حاقد مدقق

وتهتها في الكلام في حدود 24 حرف

مع ارتعاشة كبار السن 65 سنة تقريباً

لكنها تقدس الحياة الزوجية

ومستعدة لبدء المسيرة

نحو المستقبل

بس ليها شروط

علي العموم مش وقتها

وافق انت وانا هحاول اقنعها

سلام

أميرة البلطجية يقول...

تمنيت أسمع كركرة الطفلِ
حين تلاعبهُ أمهُ وتزغزغهُ
تحت ضوء القمرْ
فينام بقلب يغرِّد فيه الأمانْ

وانا كمان
:(

kahramana يقول...

لا اله الا الله

انا برده مع لوزا انها اتنازلت كتير
و اللى ييجى بالساهل يتباع بالساهل برده

ربنا يتولاها و يخفف عنها

Sharm يقول...

لم اتعجب انها واقعة حقيقية بل انى كنت سأقول في من خديجة الاسطورية كذا خديجة حقيقية

~ Bato0ot ~ يقول...

bgd 7aga sa3ba awy..el mogtma3 fe masr byfdal ydghat 3al bnt 3ashan tetgwez b taree2a ghareeba !!!
w da khalaha shalet el lela w etnzlt 3n 7agat kteeer :S

MiraMar يقول...

مؤثره

سمسم يقول...

مولاتي
.....
ان شاء الله

تصبر تنول

فرجو قريب

سلام

سمسم يقول...

كهرمانة
.......
مكانش بمزاجها

قبل ما تحسبيها

حاسبي المجتمع وكلام الناس

وعلي رأي اللي قال

كلام الناس لا بيقدم ولا يأخر

سلام

سمسم يقول...

شارم
....
كم في الزوايا من خبايا

سلام

سمسم يقول...

بطوطة
.....
هكذا صار الحال

وهكذا وصل المآل

ربنا يتولاها

تحياتي

سمسم يقول...

ميرمار
.....
ممكن ماتكونيش خدتي بالك

مع ان الخط ابيض زي البرسيل

يا ستي الحكيمة

دي واقعة حقيقية

حقيييييييييييييقية

تحياتي

MiraMar يقول...

حقيقيه ومؤثره
وكلمة مؤثره ليست حكر على القصص الخياليه ممكن أن نتأثر بالواقع الحقيقي
ولا نملك تغييره
عااااااادي
الحل التاني البديل للتأثر اني ابكي على حالها وحال ناس كتير في ظروفها الصعبه والعن الظروف اللي اضطرتها لكده
ولأني مش عايزه أبكي ولا ألعن الظروف ولا أملك تغيير الواقع
اكتفيت بالتأثر
تحياتي

سمسم يقول...

ميرامار
......
وانا اكتفي الان بأني فهمتك

لاتغضبي

تحياتي

nana يقول...

لو تعلموا الغيب ...لاخترتم الواقع

كان الله فى عونها
ولكن من يعلم ! ! ؟؟
لعلها تسعد من جديد
تضحك من جديد
تفتح قلبها...وتداوى جرحها...ويبعث الله من يستحقها
فتخرج من سجن حزنها
فتسدل الستائر على خوفها
بدلا من ان تسدل جفونها
من جديد

القصيدة رائعة
تمنيت لو صرت مثل الدمى فى المحال
يطالعنى الناس دون اكتراث
اكثر من رائعة

تحياتى

سمسم يقول...

نانا
....
بل تعليقك هو الاكثر من رائع

جميعاً ومن قلوبنا ندعو لها ولمن في مثل

ظروفها بأن يبدل الله لهن خيراً ممن ابتلين

به..وان يعوض صبرهن خيراً

تحياتي يا عسل