خيااااااااااااااااااااااااااااااااااانة


قهلاً يا شباب
قلت لنفسي ياض يا سم-سم إعمل فيش
ذهبت الي قسم الشرطة اللي انا تبعوه
ومش هؤل اسمه عشان اسرار بلدي وانا مش خاين
والخيانة مش في دمي..تحت اي ظرف..وامام اي اغراء
ان شالله يبعتولي إستر بولينسكي الجميييييييييييييييييييييلة قوي قوي قوي
او ان شالله يغروني بحوالي 22 الف جنيه ثمن العربية البولينيز المتجنطة بتاعة محمد اللي عاوز يبعهالي
او ان شالله يهددوني بقطع التيار الكهربائي عن شقتي واعيش علي شمعه
نهايتو
وقفت في الطابور لاقيت طابور تاني ماشي بسرعة في الخباثة
اهه ده ياجدعان
ده طابور الرشوة لامؤخذة
ياراااااااااااااااااااااااااااااااااااااجل..طب مش تؤلوا
واحد راجل واقف في الطابور معانا جتلو لسعة شرف وامانة
قعد يسب ويلعن في الراشي والمرتشي وكوسة الحكومة وخيار الاستسلام
وبنات زي الورد يتحلو من علي المشنقة إشي محذق وإشي ملزق واستيلات فيديو كليب
بقدرة قادر كانوا بيخلصوا الفيش بتاعهم في ثواني
ليه ياعم الموظف المرتشي عشان بنات وشربتات وملظلظات وسكر نبات وبيدفعوا بالخمسات والعشرات
والراجل كان مبسوط قوي وهو بيبصمهم صوباع صوباع وهاتك يا تعفيص
في الورقة طبعاً
الخلاصة
ببص لائيت رجل الشرف والامانة في لحظة انتقل الي غرفة الموظف متخطي الطابور الطوووووووويل
وبقدرة قادر فيش واستفيش وبصم واستبصم وارطس واستأرطس...وخارج يمسح صوابعو ويتمخطر
نظرات نارية حاقدة من الشرفاء رافضي الرشوة في الطابور...جعلته يبتسم محرجاً وينسل منصرفاً في خفة القط
سموي تشدق ببضع كلمات عن الامانة ولما تقولون ما لاتفعلون الخ الخ الخ
وبشرت الشرفاء الواقفين حولي بإحدي الحسنيين إما النصر علي الموظف المرتشي وضرب الرشوة في مقتل
أو الشهادة يا رجالة وانتهاء الوقت دون التفيش والرجوع بخفي حنين
وصرخت فيهم إصبروا يا قوووووووووووووووووووم..انها المعركة
ثم نظرت حولي فوجدت الرجالة يتسللون الي غرفة الموظف فأستبشرت خيراً
وإبتسمت لنفسي في ثقة وفركت كفي وطرقعت اصابعي وقلت في نشوة سوف يظبطونه...نياهاهاهاهاه
وفجأة
خرج القوم واحداً بعد الآخر يمسحون اصابعهم من شحم الفيش
ما هذا؟!!!...
لقد فيشهم الموظف المرتشي..واستحوذ علي الدنانير والدراهم
خياااااااااااااااااااااااااانة..اللعنة علي والي عكا..اللعنة علي الابراج!!!!..

53 عبرني:

MiraMar يقول...

الاغنيه هايله
سمعتها قبل كده كانت مطلع لمسلسل سوري تحفه
صراحه انا اتفاجأت لما لقيتها عندك
اختيار موفق وذوق عالي
والبوست واقع نعيشه
وكفايه كده
:)
تحياتي

سمسم يقول...

ميرامار
......
وكفايه ليه؟!!

كلامك مكسب

وصمتك خسارة

ومرورك فرحنا

وتعليقك أمارة

تحياتي

أميرة البلطجية يقول...

انا لاحظت حاجة صدمتني
بايني كده والله اعلم قريت كلمة.زي ما تقول كده..سموى باين؟؟
سموك مين؟
أممم..طيب ححاول أعد لغاية تلاتة مليون ستمية وسبعتاشر لغاية متشيل اللقب ده عشان انت عارف ان ممنوع استخدام الالقاب دي غير ليا انا بس
وعلى فكرة
متشتمش والى عكه
ده حاكم واحنا الحكام مع بعتشينا منحبش حد يتكلم علينا
اوكيه؟
واحد
اتنين
تلاته
اربعة
خمسة
.
.
انت لسه مشلتوشششششششششششش

Anima يقول...

زعيم اوانطة انا ولا ايه
هههههههههههههههههه

يا بني دي الحكاية شغالة عندنا كمان

smraa alnil يقول...

ههههههههههههههههههههه


فكرتني يوم ما كنت بعمل فيش برضه

بس والله ما دفعتلوا حاجة
هو شافني راح مخلص الورق بتاعي علي طول

ههههههههههههههه

المهم عملت يوميها الفيش ولا ابشت الشاويش

koukawy يقول...

هههههههههههههههههههههههههههه
يا عيني عليك زي متكون حاي من المريخ
و مكنتش تعرف

سمسم يقول...

مولاتي
.....
زمن الاقطاع انتهي يا مولاتي

علي يا ويكا لازم يتجوز انجي

وتحيا بولاق حرة مستقلة

وانا ما بتهددش وما برجعش في قرار

ختوه

وعشان

كده

حالاً

هشيلوه

احنا

رجاله بردوه

أه

تحياتي

سمسم يقول...

انيما
.....
اييييييييييييييييييييييييه

علي رأي المثل

لا تعيرني ولا عيرك

ده الهم طايلني وطايلك

تحياتي

لفاس

واهل

فاس

سلام

يا

زعيم

سمسم يقول...

سمراء الكون
..........
اييييييييييييييييييييييييييه

يا عسل

ايه المود اللي مش حلو عندك ده

طب اتخطبتي وقلنا ومالو

فرصة وطارت من بين ادينا واستعوضنا

ربنا وقلنا اللي سبق اكل النبق

انما تقفلي المدونة من غير مقدمات ولا

مؤخرات..فلأ ثم لأ ثم لأ

انا نازل اهو اسخن الاتوبيس وجايلك

اناقش اسباب الاعتزال الفكري ده

ولا اقولك انا هجيب شلتي والبلطجية

ونجيلك نكسر حارتكو..يا إما تتراجعي

سلام

يالله يارجاله بينا علي حارتها

تحياتي

سمسم يقول...

كوكو
....
والله يا كوكو لو جه الكوكو بتاعك

وام مكاوك والكواكيو كلها وشافو

اللي انا شوفتو

لضربوا كناح علي كناح

وقالو الدنيا بقت سداح مداح

تحياتي

يا عسل

break يقول...

ايه دا
كل دا حصل وانا مش موجودة
اغيب يومين ارجع الاقى البلد مقلوبة كدا
لازم يعنى اتابع كل حاجة بنفسى عشان ميحصلش فساد
يلا اهوووووو اللى حصل
بس معلش اصلى جاهلة شوية
يعنى ايه رحت تعمل فيش؟ !!

loza يقول...

انا الى عاجبنى فى الموضوع رجل الشرف والامانه :D

لا ونعم

بس انا شايفه بردو ان والى عكا هو السبب لو كان ظبط موظفين عكا مكنش ده حصل

ض/خالد يقول...

أحلى من الشرف مفيش
:)
------------------------------

الواحد استمخ م التدوينة يا ابو السماسم يا شريف
:)

سمسم يقول...

بريك
.....
الفيش هو اختصار كلمة م-ف
يعني مافيش فايدة
ودي عبارة عن بصمات للأصابع بالشحم
الاسود اللزج تؤخذ علي ورق جوافة حكومي..ويتحري عنها في هيئة الدرك
ويخرج تقرير انك غير مطلوب في ايتها قضية او جنحة او تهرب من دفع تذكرة المترو
وعنها تستطيعين بموجب هذه الشهادة الميري الموثقة بجناحات النسر الحكومي
استخراج باسبور سفر او شهادة خدمة عسكرية او بطاقة رقم قومي او شهادة معاملة اطفال ان استلزم الامر
بإختصار الفيش هو بحث الحالة الجنائية
بمعني انت مننا ولا من الناس التنيين
تمت

سمسم يقول...

لوزة
....
وطي صوتك

انتن عليزة والي عكا يحطنا مع حسن الهلالي

في سجن المغول

ارجوك كُلي فينو وعيشي حياتك احسن

سلام

سمسم يقول...

ضكتور خالد
..........
ايه الحكاية يا برنس

مش عويدك تمر علي عيانينك في الاسبوع

مرتين

سعيد بإستمخاخك

والله اسأل لك ان ترزق مثل هذا

الطابور لتدلي بدلوك وتقطع الطريق

علي المرتشين ورجل الشرف والامانة

ضكتور خالد

لنلتقي يا رجل في مثل هذا الزمان

والمكان كسيدين مهذبين

وليعلن النفير

ولتدق الطبووووووووووووووووول..!!

إبراهيم محسن يقول...

ههههههههههه
لأ ده طبيعي خالص
عارف
انا بعتبر انت لو واحد نام جعان
يبقى بسبب الرشوة
ولو واحدة مكلومة في ابنها اللي مات من السرطان
تبقى برده الرشوة
والخيانة هنا
في الضمير
احنا الأول بنخون ضميرنا
وكل واحد فينا يقول لنفسه
يا عم هو مفيش غيري
انا استثناااااااااااء

انت على فكرة دمك خفيف
وموتني ضحك
يعني ضحكتني وانا مليش نفس اضحك
:)

~ Bato0ot ~ يقول...

da el tabe3y :D eh el gedid fe keda??? bas a7san 7aga en taborak fede b3d fatra :D hehehehehehe

nana يقول...

فكرتنى وانت بتصرخ فى اللى حواليك لشحذ الهمة
بعبد المنعم ابراهيم فى فيلم بين السما والارض لما كان بيقول
اوبن زا جيييييييييت
هههههههههه

بصراحة لا احب اكون ممن يقولون ما لا يفعلون...اللى انت قلت عليهم
بس لا... ابدا.... متفهمنيش غلط انا اخر مرة عملت فيش مدفعتش رشوة ...تؤ تؤ تؤ ...عيب
فشر ...انا كان معايا واسطة بس
ومسحت ايدى من الشحم الاسود بمنديل معطر
! ! !

ولا تنسى قول واحد مش فاكرة اسمه دلوقتى
انه لا ينبغى قطع العشب المضر ...بل استئصاله من جذوره
والجذور بقى فى حالتنا دى مش تحت الارض ...لأ...دى فوق قوى صعب نطولها

تحياتى
ويجعلو بالشرف دايما عامر

سمسم يقول...

ابراهيم محسن
...........
خطوة عزيزة يا مان نورت بيتك ومطرحك

انظر حولك الرشوة سمة المرحلة

ومعيار التطور الطبيعي للمواطن

انا سعيد انك فرحان

تحياتي

وماتأطعش الزيارة

سلام

سمسم يقول...

بطوط
.....
واعوذ بك ربي من شماتة

الاحباء الاعزاء

تحياتي

ايتها المتشفية!!!

سلام

سمسم يقول...

نانا
.....
يا نهار غامق

انت بتتكلمي عن الجذور بالطريقة دي

يبقا انت كونتاكنتي

كونتا قاعد هنا

وكنتي قاعدة هنا

مخدوش يا بابا

مخدوش يا بابا

تحياتي

Islamist Bloke يقول...

تعرف ان انا كمان كنت فى مصلحة الاحوال المدنية من اسبوعين

عانيت من نفس اللى انت عانيت منه

اى واحدة تدخل بجيبة قصيرة و7 مفتوحة وكعب عالى........تلاقيه جرى خلص لها ورقتها

طيب اخد منها اية؟

لا فلوس......ولا جنس.....ولا حتى لمسة

طيب اية الفكرة؟

ربنا يهدي

غير معرف يقول...

أزيك يا سمسم
انت فعلاً صعبان عليه مش كفاية اليوم بتاع أيوة يا اخويا صح كمان يوم الفيش فعلاً الله يكون في عونك
تحياتي
مجهول رقم 2

سمسم يقول...

أحمد
...
طب ايه السر في اللي بيحصل

طب نروح لهم حاطين احنا كمان أحمر وابيض

ونديها محزء وملزء

قطيعة محدش بيفيش بالساهل

تحياتي

سمسم يقول...

مجهول 2
......
هنعمل ايه يا مجهول يا عزيزي

الدنيا قسم ونصيب

وقليل البخت يلاقي ايه....؟!!

تحياتي

مع ان نبرة كلامك غريبة شوية

تكونشي شمتان؟!!

غير معرف يقول...

السلام عليكم ورحمة الله وبركاته
انت عشان تعمل الفيش تصدعنا معاك يعنى يا خى لا انت اول ولاآخر واحد يعمل فيش ولا هاتعملى فيها انك مش من مصر
انا جيت ومش هأخنقك اكتر من كده
كده ولا ايييييييييييييييه

Tondo Rotondo يقول...

Best wishes from Catalonia!

سمسم يقول...

بركات
.....
الف سمدالله علي الحلامه

سوري

قصدي الف حمدالله علي السلامة

ايه الغيبة الطويلة دي

يا تري جبتيلي التمساح اللي وصيتك

عليه

طب والفيل الافريقي يا تري نسيتو ولا

معاك في الشنطة

اوعي تكون اتجوزت من دارفور يا منيل

حاكم انا عرفك تحب تشبك الوطن العربي

في بعض

حمدالله علي السلامة ياباشا

سمسم يقول...

Tondo Rotondo
.............
Soy Bemerourk muy feliz mi amigo y deseo entrar en contacto con saludos a ti de El Cairo a la gente de Cataluña

اسكندراني اوي يقول...

ان اردت ان تنجز فعليك بالوينجز

ايه انت مش من هنا ولا ايه
عارف اللعنه لا تنفع هذه الايام لا على والي عكا
ولا على الابراج ههههههههههههه
اليوم يومك يا دمشقي
ههههههههههههههههههه
تحياتي ليك على البلوج الحلو ه دي

sa'7so'7te يقول...

الى والى عكا
رسالة من الناصر صلاح الدين تبين مدى سخطه من سوء تصرفك فى المصائب التى تحتل بلادك ...و اليك النصيحة
"يقول الناصر صلاح الدين.. بصراحة كدا و بالصلاة على النبى انت اللى غلطان ماهو اللى ما تركبوش يركبك و انت ماركبتوش كان لازم ترح كدا بالهدمة اللى على الحبل و تدخل عليه بوش الراجل المهم ابن سعادة المسئول"بارم ديله" ساعتها حتى ماكنش هيستجرى يدفعك فلوس... وهذه نصيحة مهداه اليك من الناصر صلاح الدين .. و معانا اهداء من جدو على لخالته فتكات....
"

سمسم يقول...

اسكندراني
.........
ايووووووووووووووووووووووه

انت فين أجدع؟!!

ما بتبنش علي الإمه ليه

ولا حد شايفك في المينا

من ساعة ما فريد شوقي خد منك السبحة

وقالك عملناها قبلك يا معلم

المهم

الف شكر علي مرورك الكريم

واتمني تكون مدونتي المتواضعة عجبتك

وعلي العموم البيت بيتك

سلام

سمسم يقول...

صحصحوتي
.......
الدم عسل مكرر

والوصف خفة بزيادة

وكلامك شربات حلواني

وقفشاتك كريم شانتيه

بعد كل ده عوزاني اقولك ايه

سلام يا معلم

تحياتي

غير معرف يقول...

كده برضه ياسمسم تظن فيا الظن السيء دا وصلت لدرجة الشماته الله يسامحك لازم تصلحنى و مش هاعلق عندك لغاية ما تصالحني
ومش تحياتي
مجهول رقم 2

سمسم يقول...

مجهول
....
وحياة ربنا العظيم انا مش قصدي حاجة وحشة

وعلي العموم انا غلطان

ومعدتش اكررها

خلاص بقا قولتلك غلطان فكيها

يالا فين الابتسامة

ايوه كده

تحياتي

М€ŝЋМΣŞĦ يقول...

بص للجانب المليء من الكوب
هما لما يخلصو بسرعه
مش حيبقي غيرك
ساعتها تهيص انت بقي في الحبر والذي منه


لوحدك يا عم, ابسط

غير معرف يقول...

السلام عليكم ورحمة الله وبركاته
الله يسلمك يا مولانا انت كيف وسهيله؟
فيه ايه يا ابنى هو انا كنت فى سيرك ولا انت فاكر انى شغال حاوى وهاطلع الفيل من الشنطه ولا الفيش لخبط المعلومات فى بعض يا ضنايا يا ابنى
وبعدين انا مش قلت لك
ابويا وصانى انى احسن النسل ودور على واحده بيضه وحلوه تفتكر يعنى ممكن آخد من دارفور عشان الوحده العربيه ما هما مش عاوزين يتوحدوا اغم نفسى ليه وابوظ النسل اكتر ما هو بايظ واعصى كلام ابويا ههههههههههه
واحشنى كتيييييييييير
كده ولا ايييييييييه

ammola يقول...

ازززززززززيك يا سمسم
مش فاهمة كوسة الحكومة وخيار الاستسلام مضايقنكو فى ايه ادعوا ربنا بس يكونوا اورجانيك مش مضروبين

سمسم يقول...

اونكل مشمش
..........
والله يا برنس انا اتنفخت انبساط

واتهريت انشكاح

عارف امتي

لما الراجل قفل الشباك الساعة 2

وقال خلاص بح

لخمستاشر نفر واقفين في الطابور محسوبك

منهم

تحياتي

سمسم يقول...

بركات
......
اخص عليك

هو انت مش عاوز تعمل حاجة لأمتك

طب ظبطلك واحدة من دارفور علي سنة

الله ورسوله

اخص عليك يا مادي يا دنيوي

اخص

اخص

اخص

سمسم يقول...

اموووووولة
..........
لأ اطمني

اوريجنااااااااااااااااااال

انا دؤتهم

غير معرف يقول...

السلام عليكم ورحمة الله وبركاته
ايه يا ابنى هى قصيدة اخص لابن ابوسهيله ولا استسهلت الكلمه
عندك استعداد نعيدوا تانى انا ما عنديش
كده ولا ايييييييييه

islamist bloke يقول...

انت فين؟

مش بنشوفك لية؟


فين الجديد يا عمو؟


واحشنا


والسلام

MiraMar يقول...

السلام عليكم
انت فين ؟
مش عوايدك
يارب تكون بخير
تحياتي

shaimaa يقول...

احلى حاجة فى البوست
ضحكت
نياهاهاهاها دى
عسل عسل عسل


الله يمسيهم بال خير يا رب
ويسعدهم اللى بيضحكوها يارب

سمسم يقول...

بركات
......
كده طبعاً

سمسم يقول...

أحمدوف
......
والله يا بني انت اللي قلقني في معشر المدونيين
خايف اموت قبل ما اطمن عليك
نهايتو
انت يا عسل عامل ايه؟
الحاجة ام اطاطا مشيعالك عروسة
بس لؤطة
55 سنة
معاها خمس عيال
عندها رصيد 60 جنيه في البوستة
وتقدس الحياة الزوجية
قولت ايه
نوزع الشربات

سمسم يقول...

ميرامار
......
يا أحلي ضكتورة في الحتة كلها

واجدع بنت في المجموعة الشمسية

انا بخير يا جميل بس عندي وعكة فكرية

اوعي تقولي تطلع مين فكرية دي

اكيد مرت عليك

تحياتي يا سكر

سمسم يقول...

شيماء
.....
عاوزنا نرجع زي زمان

قول الزمان ارجع يا زمان

تحياتي

غير معرف يقول...

خلاص يا سمسم عفونا عنك بس اوعى تكررها تاني علشان لو كررتها تاني هاعمل معاك مقاطعة زي اللي بنعملها مع المنتجات الأمريكية
فاهم
وقد أعذر من أنذر
مجهول رقم 2

سمسم يقول...

مجهول
....
لا احسبك تفعل

علي العموم حصل خير

ما محبه الا بعد أمصة

اليس كذلك

М€ŝЋМΣŞĦ يقول...

ههههه

انا شوفت المشهد ده فين قبل كده ؟
اههه
افتكرت
وانا بطلع البطاقه القديمه , كانت الموظفه كل خمس دقايق تشوف زحمه .. تقول لا كده مينفعش .. تقوم قافله الشباك شويه وتفتحه .. وطبعا الزحمه تزيد .. تقوم قافلاه تاني بعد ما تخلص واحد ولا اتنين .. لحد ما جت الساعه 2 ومحسوبك كان خلاص .. بقي غلايه بخار متحركه


بس نقول ايه ..ربنا علي الظالم

انا واحد صاحبي حب يطلع قيد عائلي من كام يوم الست قالتله لازم ولي امرك معاك ..قالها ليه ؟ قالتلو عشان يمضي تعهد .. راح جاب والده

ورجع ..قالتله تعالي بكره بقي عشان في ورقه ناقصه .. مع انها كانت تقدر تطلب الورقه دي وهو رايح يجيب باباه

ولا تعكر دمك .. كله بيروح في الغسيل