طبق اليوم..ارز مفلفل باللحماس والفتحجاج


المقادير:
دجاجتين من حماس او فتح شامورتي.
كوب رز فلسطيني مغسول ومنقوع بدماء مقاومة.
لحمة راس دحلان مقطعة قطع صهيونية صغيرة.
1 مكعب ماجي أمريكي.
بهارات اسرائيلية مشكلة.
ملح وفلفل عربي معتق.
2 ملعقة كبيرة سمنة غزاوي.
2 فص ثوم مهروس تحت جنزير دبابة ميركافا صهيونية.
رشة هيل مطحون ناعم من طائرة اف 16 امريكية.
عمل الحشوة:-
نسيح السمنة في غزة ونضع الثوم في الضفة ونقلبه بملعقة امريكية ثم نضيف لحمة راس دحلان ونقلبها الى ان تنضج.
- نضيف البهارات الصهيونية والملح والفلفل العربي ومكعب الماجي الامريكي والهيل اللي رشتو الـ إف 16 ونحرك ثم نضيف الماء الساخن من حدود الضفة والرز ونسلقه نصف سلق لحد ما تسخن وتولع حريقة أهلية.
- نحشي بها الدجاج ونخيطه تخيطة بنت كلب امريكاني او يمكن استعمال اعواد الخشب -لا مؤخذة محدش يفهمني غلط-وبعدها نضعهم في وعاء طبخ كبييييييييير الحجم من نوع 1967ونضع عليهم الماء الساخن والملح والهيل وعود قرفة وورقة غار ويسلق لمدة ساعة ونصف وما نستعجلش الحاجات دي هتخلص علي بعضها ببعضها.
- نصفيهم كلهم ايوة كلهم لأنهم كلهم زي كلهم وندهنهم بالزبدة الصهيونية السايحة ونحمرهم بالفرن المايكرويف الامريكاني من الاعلى.
مقادير خلطة الارز:
لحمة حمساوي مفرومة.
بصلة فتحاوي مفرومة.
4 فصوص ثوم مقاومة مطحونة .
ربع كوب زيت لاجل ما تسخن العملية.
1 مكعب ماجي بالطبع امريكي.
3 كوب ارز غزاوي.
ربع ملعقة كركم او مكركروم لزوم التعاوير والخدوش .
ملح وفلفل طبعاً هتلائيهم في سوبر ماركت تل ابيب.
بهارات مشكلة ودي كمان في نفس السوبر ماركت.
ملعقة صغيرة كاري بس من النوع الهاري.
لوز مقلي وليمون شرائح للتزيين لزوم الطبخة الملعونة.
فطر جواسيس طازج صهيوني وعملاء للامريكان ومش هنغلب نلائيهم.
طريقة التحضير:-
نقلي بالزيت البصل والثوم ثم نضيف اللحمة المفرومة ونحرك لغاية ماتصبح اللحمة ناعماااااااااااااااااااااااااااااااااااااااااااااااااااااااه.
- نضيف فطر الجواسيس ونقلب ثم نضيف باقي المقادير وهي البهارات والماجي والرز والملح والفلفل ونضع مرقة الدجاج التي سلقنا بها الدجاج ايام 1967 لكي يغلي الى ان يستوي الارز جداً جداً جداً.
- نضعه في طبق امريكاني وفوقه الدجاج الفلسطيني المحشي ونزينه باللوز المحمص وشرائح الليمون ويمكن اضافة بقدونس الاطفال المفروم تحت اقدام الصهاينة.
وبألف هنا وشفا
وتحياتي للشيف الامريكي القدير أبومازن

16 عبرني:

الديب يقول...

الشيف الامريكي ..
ده اسرائيلي

:(

لا حول ولا قوة الا بالله

سمسم يقول...

الديب
......
يا سيدي اهو المطبخ الامريكي ماليان شيفات كتيييييييييييييييييييير
اشي كرزاي واشي المالكي واشي عباس
واشي حاجااااااااااات كتييييييير
مرحب بيك في مدونتي المتواضعة
تحياتي

break يقول...

انا لما شفت الصورة الاول جعت اوى
وبعدين عديت على الموضوع من غير ما اقراه بشوف الوصفة سهلة ولا هتحتاج كتير
لقتها كتير قلت مش مشكلة الصورة شكلها مغرى :(
وبعدين اتفاجأت بالموضوع بئا بعد ما كنت بحضر نفسى عشان اعملها
اه والله
انا اتضحك عليا وهرفع دعوى عليك بئا
انا كمان استغربت حضرتك تنزل موضوع زى دى ليه !!
وقلت انتى مالك يا بت يا بربر هوا حر

ومازلت مصرة ان هم يضحك و هم يبكى :(

سمسم يقول...

د.بريك
......
معلش يا بربر..!!

هدعبسلك علي وصفة بجد المرة اللي جاية

علي رايك هم يضحك وهم....!!

هقول ايه غير انك عسل

تحياتي

أحمد شعبان يقول...

سمعت طبعاً عن مؤتمر التضامن الذي أقامه أحد المراكز الإعلامية النشطة هنا لبحث آليات دعم الشعب الفلسطيني المحاصر والجائع وتكلم الجميع بإخلاص ثم بعد انتهاء فعاليات المؤتمر ساقونا إلى البوفيه المفتوح وكان الجمبري الجامبو الطبق الرئيسي عظيماً فعلاً

مفيش فايدة إن شاء الله
:)

سمسم يقول...

شعبان
.....
صديقي الصدوق

بجد طعم الجمبري كان تحفة

بعد ماآكلت الاستكوزا تمنيت ان يشتعل

الوطن العربي قطعة بعد قطعة كل يوم

لنعقد ندوة بعد ندوة

وجمبري بعد جمبري

واجيال ورا اجيال

عايشين عشان بطننا

واللي نقولوا اليوم

هنرغيه بعد كام سنة

تحياتي

ولوانك معجبتنيش ومدستش معايا في

الجمبري التحفة

تحياتي لكلا من حماس وفتح

ومطعم (.....)للمأكولات البحرية

ودعم الندوات العربية

تحياتي

Islamist Bloke يقول...

لا حول ولا قوة الا بالله

الواحد اتخنق اوى..... قمة الغباء فى كل مكان

ربنا ينصر الحق والصواب

اللهم امين

والسلام

متنساش تدخل عندضاكتور خالد..... عامل تدوينة عايز رأيك فيها

سلام

ض/خالد يقول...

كان معكم من قناة الطبيخة
سمسم أبو العافية
:)

سمسم يقول...

أحمدوف
.....
انت فين يابن الحلال؟!

عملت ايه في البحث عن لقمة العيش؟!

ومن ضربت هذه المرة ؟!

فعلاً يا عم احمدوف وطننا بحر متلاطم

الامواج من الغباء

هدخل اهو عند الضكتور خالد

علي فكرة الراجل لسه معلق تحتيك اهو

تحياتي

سمسم يقول...

ضاكتور خالد
...........
هل هلالك يا جميل

فينك يا باشا

عندي توصية اني اروح عندك عشان فيه

مفاجأة..انا رايح اهو

تحياتي

Anima يقول...

كدة حيجيني تسمم غذائي

سمسم يقول...

أنيما
.....
الف الف الف سلامة عليك يا باشا

تحياتي

مدونة محمد يوسف يقول...

أحييك يا سمسم على طبق اليوم غير العادي طبق سياسي محترم طيب ممكن تسئلى الشيف ابو مازن عن طبق الغد بصفته احسن واحد فاهم في الاطباق
اتمنى من الفلسطينيين ان يقاطعوا طبق اليوم اللى انت قدمته يا سمسم وان يقرروا ياكلوا طبق أمريكاني صهيوني بس محتوياته تبقى برده لحوم امريكية وفراخ صهيونية وتوابل برده من عندهم

ولا فض فوك

سمسم يقول...

ضكتور محمد بن يوسف
.................
اخيراً افتكرتني وتعطفت بتعليق

ان شاء الله الطبق بيتعمل في العراق

علي نار المقاومة وفي الشيشان

وافغانستان

انظر حولك

المقاومة في كل مكان

تحياتي

عين ضيقة يقول...

اللى بيحصل ده لا يثير الا جم الحزن
والقرف
والاحساس بالمهانة




وربنا يستر

سمسم يقول...

عين ضيقة
.......
جميعنا نشاركك الرأي

جميعنا يشعر بما تشعرين به

جميعنا نرثي لحالنا

ان لله وانا اليه راجعون

تحياتي