عاوز تحس بالعيد...؟!

كل سنة وانتم طيبين...

بؤلك عاوز تحس بالعيد بحق وحقيق...

نشن على اسرة فقيرة أو أيتام...

وده سهل عن طريق الجمعيات الكتيييير اللي انتشرت اليومين دول والحمد لله...

أو اسأل حد يكون دايس بين الناس في الحي بتاعك...

مش تقف وتستسهل وتقول أصلي معرفش حد...

المهم شيل كيس لحمة من عندك حتى لو كان اللى عندك مجرد كيسين بس...

وانت حتعوز اللحمة في ايه بعد اول يوم وطقوس الأكل...

حتحشر بؤك بقطع اللحم وتملأ معدتك ثم...الى الحمام يا والدي...

المهم...

خد كيس اللحمة دي وتصور بجد والله ان ده ثمن الجنة أو صك نجاتك من النار...

يا عم تصور كده بس واستحضر النية على ده...

وتذكر ان الموضوع مش بكثرة المعروض بل بالاخلاص في العمل ولو كان كيلو لحمة يتيم...

المهم عشان مش نطول...

انت بنفسك كده بهيئتك ومتبعتش حد..لأ روح انت يا عم بنفسسسسسسسسسسسك...

خبط ع الباب المتهالك بتاعهم...

شوف شقتهم عاملة ازاي...

شوف العيال لابسين ايه في العيد...

شوف اللعب البسيطة المكسرة اللي في اديهم...

شوف الابتسامة تشرق في سماء جبينهم وفي عنيهم...

مد ايدك في جيبك طلع كام خمسة جنيه عيدية وفرق على كفوفهم...

بطل بخل اليوم ده...

مش جايز يكونوا ايتام...

مش جايز يكون والدهم مبتلى بضيق الرزق...

مد ايدك بكيس اللحمة لمن يخرج اليك من أهل البيت...

لو حسيت ان عنيك حتدمع وانت راجع من عندهم...

وقلبك بيقفز متدفقاً بالسعادة...

أبشر يا مومبيه...

لقد قبلت منك يا معلم ...

والاعمال بالنيات...

يعني لو نيتك نجاة من النار وشراء الجنة...

فأنت وما نويت...

وذلك كله بكيلو لحمة فقط...

صدقني احنا ياما طول السنة بناكل ...

ويكفيك انت وعيالك كيلو واحد في العيد...

والله مش حتموت ولا عيالك حيجيلهم جفاف...

جرب وانت الحكم..!

وكل سنة وانتم طيبين...

بالحق...

لو عندك ابن او بنت خدهم معاك وخليهم يدوا عديات للأيتام والفقرا...

يوم ما ستبتسم وانت بعيييييييييد وعملك شغال ولم ينقطع...

(:


18 عبرني:

Ramy يقول...

(:

عندك حق

و كمان تربية الأولاد من صغرهم على فعل الخير

ده بيقربهم من ربنا

(:

noora يقول...

ماشاء الله عليك هذا التفكير والعقليه اللي محتاجتها بلادنا الإسلاميه حتى نعود مجتمع متماسك قوي .
غنينا يحسن الى فقيرنا .مع اخلاص النيه لله وحده مو علشان الناس تقول فلان بيوزع لحم

حليم يقول...

جزاك الله اى الكريم يجب ان نقوم بفعل الخير وسباقين اليه وهذا ما امرنا به الله ورسوله
وجزاك الله خيرا وكل عام وانتم بخير

بيتنا القديم يقول...

Ramy
....
بالتأكيد لازم نعود اطفالنا على فعل الخير للغير ..والغير هنا هو اي انسان من جنس البشر في حاجة للمساعدة..لأن الله أمر بني البشر ان يمدوا العون للآخرين بغض النظر عن اللون او الانتماء أو حتى الدين..الأهم اننا جميعاً بشر..ننتمي في النهاية الى أبينا آدم عليه السلام..وأبينا ينتمي الى التراب..والله هو الذى خلق من التراب بشراً..فلماذا يكره التراب بعضه بعضاً...!
(:
تحياتي

بيتنا القديم يقول...

noora
.....
الله يكرمك ويعزك...
في من هذه العقليات الكثير...
المهم هنا التنفيذ وليس التنظير فحسب...
جعلنا الله من الذين يقولون ويفعلون...
وكل عام وانت بخير
(:
تحياتي

بيتنا القديم يقول...

حليم
.....
ميرسي يا صديقي على الاطراء الذى ذهبت به إلى أبعد من ميدان التحرير..!
(:
نعم هذا ما امر الله به ورسوله صلوات الله وسلامه عليه..
الأهم أن نبادر فحسب...
خطوة واحدة وستليها باقي الخطوات بإذن الله تعالي..!
(:
تحياتي

كلمات من نور يقول...

كـــــل عـــــــ♥ــــام وانتــــــ♥ــــم بخـــــ♥ـــــــير وعيـــــــ♥ـــد سعيــــــ♥ــــد علـــــ♥ــيكم ــــو وعـــــــــ♥ــــلى الامـــــــ♥ــــه الاســــ♥ـــــلاميه واعـــــــ♥ـــــاده اللــــــــ♥ــــــه عليــــــ♥ـــكم بـــــــ♥ــــــاليمن والخـــــــــ♥ــــير تقبل الله منا ومنكم صالح الأعمال

بيتنا القديم يقول...

كلمات من نور
............
وانت بصحة وخير وسلامة..
(:
تحياتي

الفراشة الصغيرة يقول...

فكرة جميلة

جزاك الله خيرا

كل عيد وانت بصحه وسلامة

tamer يقول...

كل عام وانت بخير يا صديقي العزيز ..
والف شكر علي المجاملة الجامدة جداااااااً واللي انا اقل منها بكتير ، لكن طول عمرك مجامل قوى ، بس بجد انا سعيد لاول مرة من فترة طويلة ..
عيد سعيد مبارك للجميع

همسات وبحــ الحياه ــر يقول...

ماشاء الله
تفكييييير ايجابى وجميل
بحىى حضرتك عليه
كل سنة وانت طيب

بيتنا القديم يقول...

الفراشة الصغيرة
.............
ربنا يحفظك وكل عيد وقلبك في فرحة غامرة وعامرة..
(:
ربنا كما هدانا للقول نسأله ان يهدينا للعمل..!
(:
تحياتي

بيتنا القديم يقول...

tamer
......
تموووووووووووووووووووووغ..
Vous êtes les bienvenus mon ami ..
Vous le méritez déjà ...
(:
ان شاء نتوفق في ناشر عشان يجمع ابداعاتك في ديوانك الأول بإذن الله تعالي..
تك كير ..
(:
تحياتي وكل عام وانت بخير..

بيتنا القديم يقول...

همسات وبحــ الحياه ــر
...................
ربنا يحفظك ..
والعبرة ان نتخطي التفكير بخطوة عملية..
الموضوع بجد سهل بس يعني ممكن حد يتحرج او يتكسف ينفذ الاقتراح..
بس لو جرب مرة واحدة بس..
حيدمن فعل الخير..!
(:
كل سنة وانت وكل العيلة بخير..
وبالطبع تحياتي..!

عالمى ازرق يقول...

بقالى فترة مقرتش لحد بيكتب عن اقتراحات فعلا لها قيمة
كل سنه وانت طيب وعيدك أجمل انت وكل اسرتك
ومتحرمناش من مشاركة افكارك كل حين

بيتنا القديم يقول...

عالمى ازرق
.........
الله يكرمك ..
هي مش مجرد اقتراحات ..
دي حاجة كلنا نقدر نعملها وبسيطة جداً..
وفوق كده وكده فعالة وآثارها في القلب بيظهر بسرعة..!
(:
كل سنة وانت طيب..
ومش تحرمنا من مرورك اللذيذ..!

ساسو يقول...

كل سنه وانت بخير
عيد سعيد علي قلبك
تقبل مروري

بيتنا القديم يقول...

ساسو
....
وانت بخير يا فندم ...
مرورك مقبووووووووووول يا حضرتك
(:
تحياتي