المؤتمرات عادة ما تنتهى فقط بالكلام اللى مالوش لازمه مع اقترحات وتوصيات لا اول لها ولا اخر ..
مع دعوة للغداء تنحشر فيها أجساد الصحفيين مع المدعويين أمام أصناف الطعام التى تتكرر في كل مرة..
بعد الجزء النظري من اللت والعجن يأتي الجزء العملي فقد حان وقت فتح البوفيه ..
ويساق الحضور إلى أرض الحشر وقد تدافعت الاجساد وهجم الرجال والنساء بعد جوع كافر..
........................
تحديث: كم اثلج صدرى هذا المنظر البديع في فندق (سونستا) أمس..!
10 عبرني:
ايه ده
الصورة دى من الفندق؟
ولا ما كتبته لتعبر عن ما حدث فى الفندق
على كل حال التزاحم حتى أى شئ ارفضه إلا لو كان للدخول للجنه هازاحم للصبح
طب نحسدهم على قدرتهم على اللت والعجن
ولا على الجوع الكافر
شكرا
ههههه
هو داه البوفيه؟؟؟؟؟؟؟؟؟؟؟؟ الله عالخضرة
بس داه من مياة النيل رأسا؟؟؟ علشان بس الخضرة والفاشيولا والذي منه ؟؟؟ ولا نقعوه وغسلوه ونظفوه؟؟؟
لو اتعقم انا حاكل خس بس كابوتشي ...احسدونا بقى
الفقيرة
......
(((((((((:
لأ طبعا الصورة تجريدية تعبيرية تنكيتية قصدت بها أنها قمة البساطة في مقابل قمة الاصناف الغريبة للأكل اللي الفنادق بتعمله..!
كان نفسي والله التقط صورة للتزاحم بس تراجعت حفاظا على خصوصية الزملاء الصحفيين والمفكرين المعازيم..!
على فكرة في الجنة ان شاء الله بعد رحمة ربنا بنا نحاول نفتكر بعض ونتزاور بإذن الله ..عسانا نكون من أهلها..!
(:
نورتي بيتك القديم يا فندم..
سامي
....
على الاتنين والله يا استاذ سامي..!
(:
منور بيتك القديم يا فندم..
البيت منور بصحابة
كلمات
.,....
((((:
يا ستي دي صورة مضادة للي بنشوفوه في البوفيهات العجيبة دي..
طب اقربها امبارح يعني في سنوستا كان في مثلاً صنف مكرونة وصنف رز -ده اللي انا عرفت اميزه عشان بنعمله في البيت عندنا- لائيت الناس بتاخد من ده على ده..طب يعني ما الاتنين نشويات ومش مستهاله يعني تملا الطبق بكل شئ واي شئ..طب بلاش دي..تصوري كان في طشت - سرفيس- أم علي جنبا الى جنب مع التورتات والحلويات..كل اللي نال نصيبه من الحلويات وفي الاول ارتاب في شكل ام علي لما انتشرت اشاعة طعمها التحفة أعاد الكرة وأغار على ديار ام علي بحجة واشمعنى أنا مخدش..!
(:
نهايتو أهي دي بقا المؤتمرات بس من الداخل..!
سيبك من ده كله نورتي بيتك القديم يا فندم..
أنا عارفه طبعا إن سونستا عملت وليمة والناس ملئت الأطباق من كل الأصناف بشكل يخلي الطبق شكله يجيب عسر هضم وغثيان لعيني وقلبي ومعدتي وطحالي وفشتي وياريتهم بياكلوه ......زالأجانب بيحبوا يتفرجوا قوي على المصريين في البوفيهات بجد بنبقى مسخرة ....غلا من عافاه الله من هذا ..........أصل أختك كان ابوها ضابط بحري على مركب أجانب كنا بناكل البيض العيون بالشوكة والسكينة والتوست و احنا 5 سنوات فطبعا من شب على شيء اتشبشب عليه ( القصد شاب بس اصله الوالد شبشنا برضه )
بيتك منور باصحابه
سامي
....
ما هو انتم اصحابه..!
يعني منورين بالعافية..!
(:
كلمات
.....
يا الف اهلاً وسهلاً يا فندم بأميرة البحار..!
(:
عشان كده كل ما ادخل مدونة سموك يجيني دوار البحر..!
(:
منورة الشط والساحل و(الئِمة)على رأي أهل اسكندرية..!
إرسال تعليق