خيبة خليجي..!



الواد المذيع يا عيني خايف أحسن البنت تطلع هويتها مضروبة ومش تكون امريكية وكأن الأمريكان يعني ملائكة ومش محتلين الخليج..شوفتوا ازاي متحمس وهو بيطلع بسبورها وعمال يقول أهو عشان محدش يقول انها ضحكت علينا...!
والبت في الآخر طلعت إسرائيلية معها جنسية أمريكية مثل معظم اليهود..وطبعا غنت للحبايب في قصورهم وفيلاتهم والنقطة بالتأكيد كانت نازلة ترف والواد الوليد بن طلال أنتج لها ألبوم تبع روتانا وقناة دبي احتفت باللي خلفوها...!
الواد المذيع الإسرائيلي فطسان على روحه من الضحك على عبط المذيع الإماراتي وامجاد يا عرب أمجاد...!

10 عبرني:

كلمات من نور يقول...

خيبة في الخليج وخيبة هنا وخيبة هناك ...خيبتنا بقت بالكوم

М€ŝЋМΣŞĦ يقول...

المشكلة يا سمسم إنى بتكلم عربى, و مش بعرف أتكلم خليجى!!!!!!!!

أهى واحدة زى دى تحترمها, بتتكلم عربى و إنجليزى و عبرى و مش بعيد فرنساوى .... وكمان مش بعيد تلاقى مامتها كانت شاطرة زيها و ضحكت على أبوها إللى ممكن يكون إماراتى وفاكر مراته أمريكية هيه كمان.

باى ذا واى, أى ووز أوت فور بوليتيكال إيشيوز. و لأه يا سيدى انا معكشنيش أمن الدولة لسه, سم أذار بوليتيكال ريزونز هيه إللى عكشتنى ذاتس أوووووول.

أميرة البلطجية إذ نو وييير تو بي فاوند أن فورشيناتلى.

سلام ختام

الفقيرة إلى الله أم البنات يقول...

متغاظه ومحروق دمى

samy يقول...

واية الجديد فى كدة

هههه

دة طبيعى ما هو الخلجين على رأى المثل

الفلوس مع ......

مكملتش احتراما للمدونة بس

والناس المحترمة اللى فيها


متحرقوش دمكو


شكرا

كلمات من نور يقول...

عندكم تاج مهم يا جماعة الخير
ادخلوا هنا :

http://mamanooor.blogspot.com/2010/05/blog-post_15.html

بيتنا القديم يقول...

كلمات
.....
نعم هي كذلك بالفعل..!
(:
نورتي بيتك القديم..!

بيتنا القديم يقول...

М€ŝЋМΣŞĦ
........
مشمش بك هنيئا لك أعجميتك الخليجية..واحترام الاعداء من أخلاق الفرسان..!!
(:
وقاك الله شر العكشات الفحولقي وأيدك بعكشة بمبي تنقلك من فضاء العزوبية الى سجن الزوجية..آمين..!
(:
أهم حاجة ان مولاتنا اميرة البلطجية تكون بخير..وده بس المهم..!

بيتنا القديم يقول...

الفقيرة
......
لو دمك هيتحرق عشان اشكال زي دي يبقا حرام عليك..!
(:
نورتي بيتك القديم..!

بيتنا القديم يقول...

سامي
....
والله نصيحتك في الجووووون..!
(:
نورت بيتك القديم..!

بيتنا القديم يقول...

كلمات
.....
فين التاج..أنا رحت هناك مش لاقيت حاجة..يكنش التاج اتسرق..؟!
(:
نورتي بيتك القديم..!