دايت...جـ2


تنويه هام:
يا جماعة سمسم برئ وانا صاحب القصة ، صاحب المدونة لا علاقة له بما يروى على مسامعكم واي تشابه فى مشاعر او ظروف إجتماعية او اسم بنتي وبنته هو محض أفعال القدر ليس الا...وللعلم انا اعرف سمسم من زمان لأنه تقريباً تاريخ ولادتنا متشابه وهذه من ظواهر القدر الغريبة..وربما ما سأكشفه الأن سبق صحفي تكتمه الرجل وهو انه يسير قدماً فى مشروع خطوبة من (مدونة) غير مصرية...يعني بتتكلم فرنساوي*..ساكنه فى الحارة اللى ساكنه فيها البت كارلا بروني زوجة الولا نيكولا ساركوزي..بس الحمد لله بتنطق "الراء" "راء" مش بتنطقها "غين" اهبطوا بقا!!
كنا فين...؟!!
آه تذكرت...!
كنت اقول ان الأماكن تؤثر علينا، فهي تفرض علينا عادات اجتماعية تفرضها الظروف، الطعام يختلف من مكان إلى آخر، اللغة تختلف، كل مكان له قصة، وكل قصة فيها أناس عاشوا أحداثها وهكذا الجامعة، وحتى المشاعر ومنها الحب يختلف من مكان لأخر..في صعيد مصر وفي قريتي بالتحديد حيث البراغيث تنمو كما تنمو حشائش السافانا فى جزر الباهاما..وحيث دجاج الدار يقاسمنا شطر طعامنا حتي يصير هو وجبتنا الدسمة بـ"الفريك" نهاية المطاف..الحب عندنا يعني في كل الأحوال الزواج..بغض النظر عن اي فلسفة ميتافيزيقية عنصرية تقذف بها الترع او تسربها القنوات!!
وهذا ما حدث معي حين تعلقت بها ورتبت أحوالي على ان اتقرب ناحية سطور حياتها أتلمسها وأقرئها عن قرب ومن ثم افاتحها فيما لا مفر منه...!
في أحد أيام التيرم الثاني وحين تعمدت التوجه الى الكافتريا كأحد"مريدين" الصوفية المخلصين...لم اجدها هنالك... تحرجت من الوقوف هكذا كـ"الترام" الذي سقطت "سنجته" فى منتصف الطريق...توجهت الى ثلاجة المرطبات ومددت كفى نحو أحد علب الكانز -علبة المياة الغازية- تناولتها...والتفت لأجدها...وكأننا على موعد إبتسمت لها لا أعرف لماذا...دهشت هى لوهلة ثم لم تلبث ان ابتسمت ابتسامة تعني "خلاص عرفنا ان سنانك بيضا ومش بتدخن ممكن تتاخر بقا"..تنحيت جانباً وثملني عطرها..!
يقول علماء المشاعر إن شجرة "الحب" ظهرت وبدأت تنمو بشكل طبيعي منذ ما يقرب من مليون سنة قبل ميلاد أبينا آدم عليه السلام، وهي شجرة نادرة الجمال تزهر اوراقها على مدار السنة وكل ما تحتاجه هو المناخ الدافئ، ووفرة ظلال الرغبة فى الآخر، واستقرار حرارة القلب، لهذا يتم غرسها فى اعمق مكان في الذاكرة...!
تعمدت ان اتأخر في دفع الحساب حتى فتحت حقيبتها وتناولت منها "حتة" بخمسين جنيه لتدفع ثمن ما اشترته..كالعادة أخبرها البائع ان لا فكة معه..وانا على يقين ان الفكة تغزو جيبه كما غزا الأسبان أمريكا الشمالية..!!
بسرعة وفى لمح البصر اخرجت الجنيهات واعطيتها للبائع..التفتت نحوى وقبل ان تتكلم قلت لها بلسان شهم مبين:
"واحد يا آنسة......آ.."..
أحمر وجهها غضباً في بادئ الأمر، وتخيلت انني سأنال صفعة تلخص رد فعلها..وترنح قلبي لثوان وأنا حديث عهد بالحريم...ولم اتعامل معهن مباشرة سوى مع أمي وخالاتي واخوتي البنات...و....ردت باقتضاب متعمد:
"متشكرة اوي...بس مالهوش لزوم...خلاص انا حرجع الحاجه طالما مش في فكة"..
طرحني الأمل أرضاً وثبت الأكتاف وعد القدر ثلاث عدات وقلت مفتعل التحرج:
" براحتك يا آنسة...بس عندينا الأخت مش بتحرج اخوها لما يجاملها"...
صوت رخم يقول:
"يا كداب الأخت بتصفع اخوها وبتصنع بأمعائه مومبار لو تهور ودفعلها الحساب ومالهوش دية عند عيلتها" -ده صوت ضميرى مش كلامها-...
إبتسمت وقد ادركت احراجي وقالت:
" طب كده انت ليك عندي واحد كانز اوك"...تبسمت بدوري ووافقتها...!
تكلمنا فى هذا اليوم كثيراً...علمت انها من اسرة ثرية الى حد ما فهى تملك سيارة 128 فيات موديل 79 بيضاء تسر الناظرين..لولا خبطة في الرفرف الأمامي الايمن كعادة النساء فى القيادة بأسلوب أختنا شادية "سوق على مهلك سووووق...واللي يطق يموت"..علمت انها ثاني اختين في "الدار" ووالدها طبيب عيون ومامتها مهندسة شعبة ميكانيكا لكنها ست بيت ولا تعمل...وعدتها بنسخ تلخيصاتي الخاصة وتصويرها لها مع تعهد منها الا تخرج لأحدهم حيث انني تعبت فيها وبذلت من الوقت والجهد ما كان يكفيني فى ان اتسرمح مع البنات....ضحكت هى فعرفت ان للجاذبية مفهوم جديد وقالت بحركة مباغتة:
" هو انت صعيدي..."
تعجبت من سؤالها وقلت:
"وافتخر..ولكن لماذا السؤال؟!!"..
قالت ووجها مشرق بذات الابتسامة:
" لا شئ..اصل في افعال كده بتاعة الناس الصعيدة"...

شعرت انها "هتلبخ" وشعرت هي انني شعرت وشعر الناس في محيط 10 كيلو متر حولنا بما شعرت به فاستدركت محرجه:
" لا اقصد ما فهمته انت..انا اقصد افعال الشهامة..زي الكانز مثلاً والرجولة...!"
قلت بحذر:
" الكانز وفهمناها انما الرجولة دي عرفتيها منين..؟!"
قالت:
"يوم الخناقة لما سالى شتمتك..؟!"
قلت مندهشاً :
" مين سالي...؟!"
قالت:
" يا عمنا سالي زميلتنا في الدفعة اللي انت كنت هتضرب هشام عشان ضايقها...انت نسيت؟!"
تذكرت على الفور البنت اللي كنت بتخانق عشانها وشتمتني وطلعت "جرل فرند" بتاعة واد عرفت دلؤتى ان اسمه هشام...قلت لها بضيق:
"والله خسارة فيه الأسم"
ضحكت وقالت:
" لا عليك لقد عجبتني يومها.." .
بغباوة مفرطة ارتفع حاجبي وسقط فكي السفلي في حركة مباغتة من الدهشة والفرح في آن واحد...وكأنما شعرت هي بحرج موقفها فقالت:
" ممكن تديني الـ(الدايت) اللى في ايدك وتاخد البرتقان دي اصل عامله رجيم" .
تنبهت اني وفي غمرة التفكير فيها عندما كنت في الكافتريا وحين سمعت صوتها من خلفي تناولت علبة (دايت) وان لا احبه...تبادلنا قلبينا مع العلبتين...او هذا ما كنت أظنه وقتها...!
الغريب انني في هذا اليوم استرققت النظر الى عينيها أعجبني لونهما العسلي الفاتح لا اعرف لما ارتبط لونهما فى مخيلتي بالشيكولاتة...وكأنما لمحت هى ذلك...فكانت تبتسم بعينيها كلما رأتني اتلصص عليها...ولو سألنى أحدهم ولماذا الشوكولاتة سأقول ليس فقط من حيث اللون ولكن المذاق ايضاً فكلاهما هي والشيكولاتة لهما نفس المذاق الطيب واللذيذ، أحسست ان عينيها ولونهما مصدر امتاع ومؤانسة، فهى والشيكولاتة كانت ولاتزال حاضرة دوماً في كل ذكرياتنا ابتداء من ذكريات الطفولة، وفي كل مناسباتنا لتزيدها متعة وبهاء...!
ودخلت قصتنا فى منعطف وردي له اتجاه واحد يعرفه الجميع نهايته دفتر اوراق المأزون...فهي أكثر من مجرد سرد أحداث...لأنها أقرب إلى حفريات في ذاكرتى البشرية تؤرخ لمنعطف مهم في حياتى وحياتها معاً، خاصة أن الأمر يتعلق برغبتى فى تحمل تبعات ما اصطلح على تسميته “الحب”،وكأن الصدفة منحتني عند ترشيحي للكلية ودخولى للكافتريا وعدم وجود فكة فى حقيبتها، جواز العبور إلى العالم الجديد الغريب "قلبها"، فدخلته من “أحلى” أبوابه، من الشيكولاتة...أقصد عينيها...فكلاهما له نفس اللون والطعم والأحاسيس..!
ولكن مهلاً...
أصغوا معي سمعكم...
الا تسمعون شيئاً...
انها سهيلة مرة ثانية...
ذلك الملاك الصغير المشاغب...
فتحت الدش وغرقت هدومها...
ياللمرأة منذ طفولتها وهى مشاغبة...
كان الله في عوننا نحن الرجال...
بالأذن أروح اشوف سهيلة
وارجع بعدين أكمل الحكاية...
...................
تحديث حقيقي:
امبارح الخميس بعد ما خرجت من الشغل جبت لماما إسدال صلاة ولا قيت واحد إسدال بيبي تحفة لسهيلة فأشتريته معاه وجبتلها نظارة شمس حمراء اللون...عشان الآنسة سوسو كسرت نظارتي وانا بصلي في المسجد...كنت بتحسر وانا شايفها بتعجنها وبتعمل فيها زي عود القصب في ايد زناتي...!
.............
* حقيقة علمية.

38 عبرني:

غير معرف يقول...

ممكن نكون انا اول وحدة تعلق دابا

و ممكن نكون انا رقم 20 اللي كتعلق

المهم بغيت نقول التدوينة زوينة بزاف كنتمنى نقرأ النهاية و في نفس الوقت كنتمناها تطوال

غير معرف يقول...

نسيت نقول تبارك الله عليك

بيتنا القديم يقول...

نيمو
....
"ممكن اكون انا اول واحد بتعلق دي اللوقت و ممكن اكون رقم 20
المهم عايزة اقولك التدوينة حلوة قوي و باتمنى اقرا النهاية و في نفس الوقت بتمناها تطول"
.
.
.
Merci pour le compliment belle et, si Dieu le veut, l'histoire se termine bien la fois dans la codification ou dans le monde réel
Chacun des plus minces Je salue et vous remercie à nouveau.
(:
سمسم..!
طب والله ساركوزي يتوه في مثل هذوها الكلام...آدي الفرنساوي بحق وحقيق..!!

Nohaz يقول...

opazzzzzzzzzz u speak farancaweee
opaaaaz

mabrook
da awalan

thanian enta hatzel el bent en gebtelha ezdal???

salam joey on tv now

غير معرف يقول...

واحشني

و أميرة وحشتني أوي

والناس كلها

تحية حب خاصة لسمسم

أحمد هندي

غير معرف يقول...

جميل جميل جميل
مستنية اشوف اخر علية الشيكولاتة دي جواز ولا حساسية ولا ايه
بس اسلوبك تحفة في السرد وتشبيهاتك كمان
وحاجة كمان عيزة اقولها الصعايدة دوول اجدع ناس رغم اني من اول الصعيد الجيزة يعني مش جوه اوي لكن بجد بستجدعهم جداً

تحياتي ومنتظرة مصايب سهيلة

Unknown يقول...

ههههههههههههههههه

بجد بجد من احلي المدونات اللي مريت عليها و اكييييييييييييد هاجي علي طول

قيد يابني عندك مدونة بيتنا القديم

و اكتب ملحوظه: بيتنا القديم الاسم اللي خلاني دخلت هنا :)

بجد حسيت بنفس مشاعرك و انت بتحكي
ربنا يخليلك كل اللي اتكلمت عنهم في البوست

(ههههههه) مانا مش هقعد اعد بقي هو انا هعلق و اعد هي حاجه واحده

(ههههه) :P

ياسميـن

نوته و قلم

Unknown يقول...

ايه ده كمان معين حراسه علي المدونه :)

طيب اكتب يابني (ده الواد اللي بيكتب اللينكات بتاعة المدونات اللي انا زبونه فيها) عندك اللي انا نسيته .. مدونه رمانيه علي الاخر :)

ده اللي لاحظته و لو عندك اي تعليق قول ..ههههههههه

طب عشان الحراسه

اقول بقي الامضاء الشهيره :)

ياللا

1

2

3

4

5

Smile:)

ياسميـن

نوته و قلم

غير معرف يقول...

سمسم
مشفاهم حاجة

اصبت اخيرا بنوبة تخلف عقللي رومانسي

no comment

بكام اسدال سهيلة ؟؟؟؟؟؟

بيتنا القديم يقول...

Nohaz
.....
الله يبارك فيك يا فندم...!!
وبعدين انا بهيس بكلام أظنه يمت للفرنساوي بصلة..!!
الحق اقول لك ان معرفتي بالفرنساوي مثل معرفة الفلاح بعلم الذرة..!!
ولكن صحابي الله يسترهم واقفين جنبي وقفة العالم مع مصر في 67...!!
(:
حلو المسلسل ده...؟!!
salam!!
(:

بيتنا القديم يقول...

أحمدوووووووووووف
...............
صديقي واخي وانتيمي ...!!
عااااااااااااامل ايه فوق التبة..!!
على رأي المثل:
التبة جزااااااااااااااز
والصاعقة رامبو في رامبو...!!
(:
أخبارك ايه بجد والله العظيم واحشتني انت اكتر...بدعيلك يا بني تخلص جيشك على خير وبعدين تبقا غني اوي وبعدين تبقا كويس ومسرور وسعيد وبعدين تفتكر انك نسيت تتجوز...!!
(:

حمدالله بالسلامة...!!
وربنا معاك
اخوك
سمسم

بيتنا القديم يقول...

نورة (الخشن)..!!
...............
"الصعايدة دوول اجدع ناس"...!!
.
.
.
انت
عنصرية
صعيدية
متطرفة
يا نوره!!
(:
سهيلة بتقولك: دي مش مصايب يا تانت
دي تفانين وعجايب..!!
(:

بيتنا القديم يقول...

عاقلة علي ارض الجنون
..................
اسم مدونتك يا ياسمين عجيب..!!
انت عايشة ازمة واقع مع الكرة الارضية
ولا ايه؟!!
(:
"مدونه رمانيه علي الاخر"..!!
يا ستي انشالله ميرسي عالآخر..!!
(:
نخطف رجلينا لمدونتك ونشوف ايه الموضوع!!
ميرسي على مرورك
تلاجة بيتنا فيها عصير..خدي علبة او واحدة رمانه وانت خارجة..!!
(:
دمت بخير

بيتنا القديم يقول...

afew good men
.............
بكم إسدال سهيلة..؟!!
امممممممممممم
سؤال مرتاب فيه..!!
عاوز تعرف احنا ننتمي لأي وسط إقتصادي
ده شغل مخابرات وكي جي وان..!!
طيب انا بردو ناصح وواعي وصاحيلك اوي
الاسدال جبته بألف جنيه الا تسعمائة وخمسة وخمسون جنيهاً..!!
مش غالي طبعاً..!!
إحنا كده عيلتنا الألف جنيه عندنا زي العشرة جنية عند عوام الشعب..!!
(:
أفهمك..!!
القصة قصة..!!
قد تتقاطع..وقد تتوازي..وقد تتعانق
الا انها لا تمت لواقعك الحقيقي بصلة..!!
المهم
انا
ماشي
في
مشوار
خطوبة
من
مدونة
غير
مصرية
تتكلم
الفرنساوى
كما نتكلم
نحن العربية
(:
فاهم حاجه...؟!!

darkness يقول...

مساء الخير

يعني الحين يا سي بيتنا القديم

ده مش اسلوبك؟؟

عموما الاسلوب روعه

و مش حلو كده

قول القصه كامله

لا تقطع فيها


!!!!!!!!!!!

إبراهيم محسن يقول...

اسلوب سردك للقصة جيد جدا ومرتب وجذاب ، يجبر القارئ للسطر الأول على الاستمرار حتى النهاية .
القصةدي احداثها كانت سنة كام ..؟

بالتوفيق .. بس ليه الحبر السري ؟
:)

Nohaz يقول...

aiwa al mosalsal 7elw
a7san men 7ar2et el dam
begad ana mazhola men el bashofo
we mashakel as7aby
begad
el donia ba2it 3agiba we el sa7 ghalat we el ghalat sa7

غير معرف يقول...

ايوون انا متعصبة للعرق الصعيدي

وقول لسهيلة في وحدة زيك كده بتعمل مصايب بس على كبير اسمها نوره الخشن

:))

بيتنا القديم يقول...

darkness
........
يا هلا بالطيب الغالي...!!
عامله هاوشة لييييييييييييه؟!
صج والله بنشتاقلج كتيييييييييير ..!!
(:
يا ستي انا برئ من احداث القصة براءة الديب من دم بن يعقوب عليهما السلام
واي تشابه بيني وبينها من محض خيال الواقع...!
وكم من واقع هو ضرب من خيال..!
(:
هكمل القصة وان شاء الله من غير انقطاع
عشان خاطر عيونك يا فندم..!
(:
دمت بخير

بيتنا القديم يقول...

إبراهيم محسن
...........
امممممممممممم
الدهاء يقطر من حروف تعليقك...!!
ليه بس يا ابراهيم وانا اللي بقول انك فاهمني وعارف اني صفحة بيضا من البيت للجامعة ومن الجامعة لمطحنة الحياة...!!
(:
متشكر يا "هيما" على إطراءك الغالي
وفى سرك الحبر السري يلزم فى بعض الاحيان
(:
دمت بخير

بيتنا القديم يقول...

Nohaz
.....
مين قال...؟!
هي ليست بعجيبة يا نهي مطلقاً..!!
من يضفى عليها صفات العجب سوانا..!
نحن من يعطيها نكهة القبول من عدمه...
اختياراتنا وتصرفاتنا هي من تشكل في النهاية معالمها وتضاريس وجهها الذي نشاهده ومن ثم لا نرضى عنه...
ارجو يا نهي ان تاخذي عظة مما حولك وان تعملي العقل فيما تسرع فيه الآخرون..!
(:
دمت بخير

بيتنا القديم يقول...

نورة (الخشن)!!
.............
سهيلة نايمة دلؤتي..أول ما تصحى ان شاء الله هقولها اللي انت قولتيه..!!
(:
انت متعصبة للأخلاق والفضيلة...
لديك حنين لزمن المجدعة الذي لازالت بقاياه موجوده بالفعل فقط ان دققنا النظر من حولنا...
ثمة شباب اعياهم البحث عن فتيات يكن لهم ستر وغطا..وفي ذات الوقت زوجات وحبيبات وقت اللزوم....
والعكس صحيح...
غاية ما في الأمر ان اختلط الحابل بالنابل فأصبح البحث عن الجدعنة والفضيلة كالبحث عن مشبك غسيل فوق سطح القمر...!!
(:
دمت بخير
يا صعيدية هانم..!

غير معرف يقول...

well semsem i got 2 lessons 2day
1 neseto delwa2t
2nd en lo 2azeet 7ad betetradelak nafs el aza even after years
like 2 etklmo 3ala sa7bety kalam kazer...zolm tab3an.. bentohom herbt ma3 el mechanicy
wa7da a3rfha kanet hatekhreb bait wa7ed metgawez
delwa2t gat el tekhreb betaha

ana batfarag
we ba7awel aawalan at3alm en mazlmsh 7ad
i saw 7ar2et alb el set b4 we haia khaifa 3la betaha
we delwa2t nafs el 7ar2a de shaifaha fe el bent el a3rafha we hia khaifa 3ala betaha

ah el dars el awalani
shoft hussien el emam embare7 fe el me7war
mostadif sally el kan said akeed 3arfo
7aga qazera
we ye2olak opra kanet gaiba wa7ed ta7awal men set le ragel bas 7ab yb2a 7amel fa tarak el ra7em we keda
takhial??

غير معرف يقول...

والله انا حسه ان سهيلة دي فالاخر هتبئى بنتهم هما التنين يعني البطل والبطلة جابوهلنا زي الافلام العربي

والبوست اللي بعدو هيخووها واللي بعدو تكون راحت المدرسة والخ الخ الخ لحد متتجوز ونفرح بيها

أفلمت جامد انا

بيتنا القديم يقول...

nohaz
.....
بداية

جميل ان الانسان يبص حواليه وياخد دروس وعبر من احوال الناس..!!
اللي يظلم حيتظلم واللي يخرب بيت حد ربنا اكيد مش حيسيبوا الا لو تاب واصلح ما افسده بعمله..!!

ثانياً

الأجمل من كده اننا نخرج بيقين ان ربنا جبنا في الوقت ده عشان نتعلم درس ومش نخوض نفس التجربة ومش نسمح لحد اياً كان ان يفسد حياتنا..يعني تكون عنينا مفتحة اوي اوي اوي لأي محاولات تهدف لمثل هذه النتائج..!!

ثالثاً

انا مشفق على شاملبليون اللي اضطر لعمل عملية زراعة عنين اتنين عند مستشفى مغربي بسبب تدقيقه في رموز حجر الأخ رشيد...مع ان الترجمة في الأخر كانت مهزلة:"ادلع يا رشيدي على وش......الخ الخ الخ"..!
وده اللي انا بواجهه لما بترجم تعليقك اللي لا هو انجليزي ولا عربي وأظنه يمت الى اللغة المسمارية التي استعملها النجار المصري القديم فى الكتابة على خشب المعابد..!!
(:
تفائلي..!!
لن يضرك التفاؤل فى شئ..!!

بيتنا القديم يقول...

نورة (الخشن)!!
.............
من تعجل الثمر قبل اوانه...
عوقب بحرمانه...
لا تتعجلي يا آنستي الأحداث...
قديماً قالوا:
ياتدوينة النهاردة بفلوس
بكرة ببلاش..!!
(:
فاكره الفيلم الهندي لما البطل والبطلة عثروا على طفلة رضيعة قامو ربوها وغذوها وكبروها وفى النهاية طلعت امهم...!!
(:

MiraMar يقول...

:)
هاااااااااااااا مين هناك
سلام صعيدي شحط محط لولد العم
سمسم الدهشوري

انت مش عارفني
انا فتافيت السكر من الدهاشنه
اباه عليك
:)))))))))

انا صعيديه بردو
ومفيش حد أحسن من حد
:)
انا صعيديه رغم اني معرفش شكل الصعيد ايه
أنا بس أعرف دماغهم وأخلاقهم وطباعهم ولغوتهم:)وكفايه كده

مش لاقيه تعليق مناسب مستنيه أعرف نهايتها أو بدايتها مش عارفه
أصل ساعات بنتخيل انها النهايه وبالعكس بتكون هيه البدايه الحقيقيه
مين عارف
بس من غير فلسفه سبحان الله ربنا حباك بنعمه اللهم يدمها عليك
القبول من عند الله
ربنا يحبب فيك خلقه"دعوة أمي"
:)
سلامي لسهيله ربنا يبارك لك فيها
ووتشوفها عروسه زي القمر
:)

بيتنا القديم يقول...

MiraMar
........
دكتورة "ميرا" يا اعز أخت صديقة في الدنياأخبارك ايه...؟!!
عارفة
أنت وآخرين "كنزي"الذي منحني الله اياه من خلال المدونات...لا أجد ثمة وصف يمكن تخيله او تسعفني اللغة به يعبر عما يضمره قلبي لكم..!!
أحياناً بتخيلنا كلنا مع اسرنا بشكل او بآخر وقد التقينا وتكلمنا وقام كل واحد منا من امام الكومبيوتر ليبتسم فى وجه الآخر..!!
(:
"ساعات بنتخيل انها النهايه وبالعكس بتكون هيه البدايه الحقيقيه
مين عارف"
حقاً مين عارف..!!
(:
سلامك لسهيلة وصل...
ومن ناحية زي القمر..
فهى كذلك بالفعل..
ماشاء الله لاقوة الا بالله...!
(:

الفقيرة إلى الله أم البنات يقول...

سمسم
البنت تربية راجل..والولد تربية إمرأة
المهم من هو الرجل..ومن هى المرأة
اما ان تشكو من تصرفات ست البنات..وشقاوتها
بكرة هتبقى قرة عين لك..وتفتكر نوادرها..وانت دامع العينين..من السعاده
متابعين..ومنتظرين

غير معرف يقول...

dear simsim
look
watch this movie

http://www.watch-movies.net/movies/you_dont_mess_with_the_zohan/#
then tell me what u think plz
its important
nohaz

ammola يقول...

ماليش دعوة بالقصة دلوقتى
انا سمعت مشوار
وخطوبة
بجد؟؟؟؟
ربنا يكرم يارب ويتمم لك بكل خير
ويجعلها خير رفيقة لدربك واما حنونة لسهيلة و تجيبوا لنا سهيلون و سهيلات تانيين مدونين ومدونات ايشى بالعربى وايشى بالفرنساوى وايشى فرانكو آراب
والله يا سمسم وبجيت ترطن بالفرانصاوى
يافرحتهم بيك فى البلد
:)

بيتنا القديم يقول...

nohaz
.....

شفت مقاطع من الفيلم..غريبة..!!

بداية دي بروبجندا إسرائيلية للمجتمع

العسكري والجيش والفرد الاسرائيلي

لن تبهرنا هوليود...الفيلم مبهر

والممثل كوميدي كوميدي فعلاً..!!

ولقطات اشتبكاته مع الفلسطينيين

العرب مثيرة للسخرية من تصوير

السينما الغربية للأراجوز العربي

على العموم ده مش حكم على الفيلم

محتاج اشوفه كله...!!

أحاول انزله عندي واشرفه ونتناقش

بعدها...!!

أخيراً إسرائيل بقا ليها سوبر مان

على الطريقة الكوماندية الأمريكية

لك الله يا سلفستر انت وآرنولد..!!

(:

بيتنا القديم يقول...

ammola
......

بوووه وبعدهالك عاد يا امولة يا بت

عمي هي السميطة في يد اليتيم

عجبة ..!!

(:

وبعدين ما انت خبرانه اني خت دكة

فرنصاوي فى مركز الدهاشنة للهاجات

والبرطمة حدى دوار حضرة العمدة..!!

ماتخافيش عاد خوك لما يبرطم فرنساوي

ساركوزي ذات نفسه بيوجف حيران يوضرب

كف بكف من العلام اللي آني فيه..!!

هيع هيع هيع هييييييييييييييع..!!

(:

الله يبارك فيك يا امولة ادعيلي بس

الموضوع يمشي على خير..!!

تك كير

Jana يقول...

طب وينفع يعنى الخبر المهم ده يستخبى فى النص كده
صحيح انت موزع عصير رمان وعامل شغل جامد بس مش حتهرب من شربات الورد
والجاتوه ...انا عايزة ميلفاى شيكولاتة ..
نظام احجز نسختك..اقصد قطعتك من الآن
:))
يا سمسم ..الف مليون دشليون مبروك
ربنا يتمم بخير ...ويوفقك وييسر لك ويبارك لك .. وكفاية كده عشان الحق اكتب كلمتين فرنساوى عجب عصرت مخى والله عشان افتكرهم خصيصا للعروسة ..ومش عايزين تريقة

Bonjour
felicitations
متعرفش يا سمسم فين الاكسوو اللى بتتحط على الE
نكمل بالفرانكواراب احسن عشان الفضايح
جو سوي تريه كونتونت بور توا
انا حافظة ايام الاسبوع بالفرانسيه على فكرة ..بس نخليهم المرة الجاية وحأوظفهم فى التعليق بأى طريقة
هههههههههههههههههه
وأى سؤال يا سمسم
avic plaisir
le plus simplement
يا حلولى طب مانا شاطرة اهو
:)))))))))

بيتنا القديم يقول...

ام البنات
..........
يا خبر...!!
انا نسيت ارد على النور اللي منور مدونتي بجد انا مش جدع ولا صعيدي ولا حاجه خاااااااااااالص..!!
"البنت تربية راجل..والولد تربية إمرأة"...!
طب ما انت زي الفل اهو وليك في علم النفس امال مستخبيه عننا ليه؟!!
كلماتك لها معاني لا يدركها مثل خبير!!
(:
سهيلة تدمع عيني لها منذ اليوم الاول من ولادتها لا سيما بعد وفات شقيقتها الوحيدة سلمي..
دمت بخير!

بيتنا القديم يقول...

جني
...
تأخرت عن الحصة..!!
ومش عاويدك..!!
لا عليك..!!
لم يفتك الكثير..وما فاتك في الدنيا ان شاء الله تدركيه في الآخرة..!
(:
فرنساويك عال العال بس محتاج شوية سلاقون وسنفرة ودوكو وقليل من سايبس ودهانات اوعى وشك المشهورة.!!
(:
ربنا يبارك فيك..!
إحتمال اسافر قريباً..!!
دعائك!

غير معرف يقول...

neseet a2olake l film kazer gedan
bas enta at least hatshoof agza2 tefham el modo3
hoa 3an super hero isreali
we sokhria men 67
we 7aga akher elet adab
we en el palastinine hobl
el mosiba en e3lanat el film fe mbc
we lo et3rad fe dawla 3arbia de mosiba akbar

nohaz

بيتنا القديم يقول...

Nohaz
.....
لهم الحق في شن الحرب علينا بشتي الطرق..!

فى وعيهم وثقافتهم ان البقاء للأقوى

وهم لن يسمحوا لنا ان نساويهم في

القوة فضلاً ان نفوقهم في اي مجال ولو

صناعة ببرونات الأطفال..!!

اما نحن...!

فليس لنا الحق ان نعيش حشرات على

هامش التاريخ يا إما ان نختار بكل

شجاعة خيار الديناصورات التي لم تستطع

التأقلم وحماية نفسها مع عظم حجمها

بالقياس للكائنات الأخري..وان نختار

ان نتحفر ونصبح حفريات فى معارض لندن

وباريس ونيويورك..!

(:

لا عليك تلك طريقة للحرب النفسية..!!

تقابلها عباطة من الـmbc أو تعمد..!

(: