أبوشبت !


الحاجة (ماما) حفظها الله كانت لما تغلب فى سموي وانا صغير –تصوروا محسوبكم كان صغير- وتحتار تخمدني ازاي كانت تلجا الى الموروث الشعبي من مخلفات الزمن الغابر
فكانت تستدعى من الذاكرة شخوص وكيانات هلامية ولكنها ارضية...ولم تكن الحاجة (ماما) حفظها الله على إطلاع واسع بالتقدم التقني الغربي حتى تستلهم منه وحوش الفضاء...فكانت تكتفى بالمذؤبين والزومبى وانصاف المتحولين أمثال "ابورجل مسلوخة" والذى اتسائل كما يتسائل غيري فى قرارة انفسهم من الذى تجرأ وسلخ رجله..وماهو اسمه الحقيقي فى شهادة الميلاد..ولماذا لم يذهب الى القصر العيني لتلقى اسعافات السلخ..؟!!
كذلك (أمنا الغولة) ولا اعرف من اعطاها لقب امنا هذا وهل لها صلة بالحاجه كريمة مختار محترفة ماما نونا ؟!!..ربما يحسم هذا الأمر تحليل الـ(DNA) وينتهى الجدل حولها...نهايتو
ومن جملة هذه الشخوص لم يكن يسترعى انتباهى سوى الأخ "ابو شبت" ..!!
و(أبو شبت) هذا لمن يجهل نسبه العظيم هو مكس او كوكتيل من مجموعة عناكب اتولدت ملتصقة ولم يعبأ احد بفصلها ولربما لم يتقدم الطب فى زمان ولادته او أهملته امه لقلة الوعى الطبى وندرة مراكز تنظيم الأسرة..وبالرغم من رعبى الشديد من (ابي شبت) مع العلم انني لم التقيه مطلقاً حيث كنت أدخل دنيا الاحلام متأخر وهو مخوفاتى بيحترم مواعيده..وأحياناً أبدر يكون هو واخد أجازه عارضه عشان طفل عبيط شد شباتاية منه فى الحلم..!!
الا انني كنت اكن لهذا المخلوق الوهمي الكثير من مشاعر الشفقة...رغم منظره المقزز في خيالى..حتى انني كنت حينما تصطحبني الحاجة (ماما) حفظها الله عشان اشيل ليها الشنطة بتاعة الخضار في السوق كان بيكون يوم جمعة بعد الصلاة وكنت بكون سعيد جداً والتهم بعيني كل شاردة وواردة في السوق..وفجأة تنادي بائعة الجرجير بصوت حياني (خش عاشااااااااباااااااااااااااااااات..)!!
يالهوى..!!
أجدنى ملتصق كقط مبلول بساق الحاجه (ماما) حفظها الله...وهى تحاول جاهدة ان تخرج أظفارى التى نشبت في ملابسها..وعبثاً تحاول أن تهدئ من روعى..وانا قلق و أتلفت من حولى والدنيا زحمة جداً وأتسائل..من اي اتجاه سيخرج (ابو شبت).
المشكلة انى لما كبرت دلؤتي تغير مدلول ابو شبت لدى اختفت صورة الرجل الشبتية- يرحمه الله- وما عاد شبتاً من اولاده يحب ان يعمل فى مهنة والده التى اكل عليها الدهر وشرب (مخوفاتي عيال) الا ان القيمة لا زالت على حالها فى الوعي الباطن..صراع اللاوعي بعد شحن يوم كامل سلباً وايجاباً وانتظار اي مخوفاتي يأتى الى طفل كبير عشان افرغ طاقتى وأعود للعب فى الصباح غير مكترث بما سأقابله الليلة فى احلامي...!

16 عبرني:

darkness يقول...

مساك الله بالخير و الرضا

شخبارك يا بيتنا القديم؟

شلون احوالك؟

اتمنى انك تكون بخير و نعمه

و انت كنت مغلبها من صغرك؟

الله يخليها لك و يطول بعمرها و يرزقها الصحه و الطاعه

اللهم امين

احنا عندنا اسامي مختلف عنكم

عندنا احمارة القايله
و ام السعف و الليف

:)

هم كلهم يمارسون هالطريقه

:)

عصفور المدينة يقول...

عوووووووووووو

أسامة بارك الله فيك أسلوب رائع حقيقة أراه تنويعا في أسلوبك

afew good men يقول...

بص عاجبني مودك

بس خد بالك

الموضوع بتاع ابو شبت
لما بنكبر بنوصل انها كان حدوتة قبل النوم وبنحكيه برضو لاولادنا

التراث دا انا بعتبره اجمل تراث لانه بيتعامل معانا من خلفية الابداع

يعني دلوقت

حنقول ايه
نحكي لاولادنا عن الافلام الامريكي ولا تيتانيك

ولا حوارات النت

لازم يكون فيه ابو شبت وأبو رجل مسلوخة
وهما يطلعوا عندهم حالات من التخلف اللي بيزول في فترة متأخرة

بس بيحافظ علي البراءة
وبيحافظ علي مبادئ لذيذة

جدا كلنا بنموت فيها


وعموما حلو الجو بتاع أبو شبت
ويارب يدوم الشبت

ويطول عمر الحاجة ويخلهالك

يالا اشوفك مع شبت تاني

انت ياعم ممكن تلاقي بيتنا جنب بيتكم القديم

حاول تخبط

مافيش كلاب في بير السلم

حيعجبك الجو والله وخصوصا في حالة السلام العادل اللي انا فيها دلوقت

تحياتي

بيتنا القديم يقول...

darkness
........
حيا هلا بيك دارك نيس

نورت بيتك القديم

انا الحمد لله بخير أعيش فترة سلام نفسي

بعد اتفاق الدوحة الذى ابرمته بين

آمالى وواقعى........!

(:

لا عليك..مجرد تخاريف..!!

(:
المماوات نعمة لا يمكن ان تعوض ودائماً ما نقلب تحت ارجلهن عن الجنة حتى نصاب بركلة زهق منهن وهن يصرخن :"بتدور على ايه عندك ياااااااااض...جرررررررررر"..!
(:
إحمارة القايلة
أم السعف
أم الليف
اممممممممممممممممم
أظن ان هذه العائلة تمت الى عائلة المخوفاتية عندنا بصلة...؟!!
نعم اظن ذلك
فكلهم أبناء وطن مخوفاتي واحد..!!
(:
دمت بخير
وبجد انت انسانة ظريفة وجدعاية وشلولونك...!!
(:

بيتنا القديم يقول...

عصفورى
......
ايووووووووووووووووووووووووووه

يا جدع

اشتقت لك اشتقت لك

وسلام من روحى بعتلك

(:

فييييييييييييييييييييييييييييينك

الشهرة والاضواء والكاميرات أخدتك مننا..اممممممممممممممممممم..لك حق
ياباشا..!!
مين قدك دلؤتي...!!
عربون سيناريو لفيليمين "عودة عصفور"
ودعوات لزيارات عواصم العالم..!!
وحفل عشاء عند ابو شقرة..!!
(:
عيييييييييييييييييييييش يا صديقي
هكذا الحياة إذن..!!
(:
ربنا يخليك يا استاذنا اسلوبنا هو امتداد اسلوبك يا عميد المدونيين..!!
(:
دمت بخير

بيتنا القديم يقول...

afew good men
.............
اممممممممممممممممم
انا محتار..!!
حاسس اني اعرفك معرفة قوية يا والدي
طيب ما تديني ايتوها اشارة..!!
بسبس كده او اغمز بطرف عنيك..!!
"التراث دا انا بعتبره اجمل تراث لانه
بيتعامل معانا من خلفية الابداع"
الجملة دي حلوة وعجبتني كان دايماً
بيقولها واحد صاحبي اسمه احمد شعبان..!!
(:
"السلام العادل
اللي انا
فيها دلوقت"
بس عرفتك
انت علاء مبارك..
طالما قلت سلام وعادل...
صح؟!!
يا حلولي...!!
ذكاء خارق
مشلوح النظير
عشان تعرف بس
نياهاهاهاهاهاهاهاه
(:

غير معرف يقول...

ابو شبت...!
هههههههههههههههههههههههههههههههههه
لما بقيت راجل ....
بقيت حنين على كل الناس مش بس مامتك......
عجبتنى فيها تانت ...
وكان نفسى ابقى معاكم ....
واشوفك وانت خايف واطبطب عليك زيها

بيتنا القديم يقول...

مجهول
....
متشكر جداً يا فندم

"تانتك" بتدحرج لك السلام..!!

(:

afew good men يقول...

بزمتك أنا لو علاء مبارك

كنت حقعد اقري في المدونات

ياعم دانا كان زماني في عالم تاني اكيد كنت دلوقت في هواي او سوبسرا

عموما عجبني الذكاء مشلوح النظير

مشلوح علي الآخر

وبرضو انا مصر تروح تشوف جناحاتي المكسورة
عشان تتأكد ان اننا من مصر شارب من نيلها لما خلاص الامراض مش سايبة حته

يالا تحياتي

مستنيك هناك

من غير بسبسة ولا غمز

بسهولة حتعرفني اول ما حتقري

بس لو معرفتش مش حزعل

يالا تحياتي

بيتنا القديم يقول...

afew good men
.............

أحرجتني يا فندم

بص انا حقولك

انا دخلت مدونتك

امبارح فعلاً

لاقيتها بعافية شوية

يعني البلوج غريب

حسيت انه اتلغى او هكرز

تف تف تف الشر بره وبعيد

المهم انا دخلت تاني دلؤتي

بس لأنى السن اتقهقهر بيا -حلوة

اتقهقهر دي - بالاضافة الى الزهايمر

الجحوظي..!!

لم استطع تبين شخصكم الكريم..!!

وعلى رأي المثل اللي ما يعرفك يجهلك

وهنيالك يا فاعل الخير والثواب ويا بخت

من عرف نفسه وعفى..وحسنه قليلة وكده

(:

واحد مش فاهم حاجة يقول...

انا برضو مفهموى كان زيك كدة عن الحواديت دى

بس مش عارف مع انها كان فيها معانى عبية

يعنى صفات وافعال مش المفروض انها تظهر بالشكل دة لطفل

بس شايفة مهمة اوى

احسن مالطفل يقرا ميكى

وكدة

Jana يقول...

طب شفت أم شبت بقى !!؟؟
اهى دى الاصدار الجديد 2008
قررت ابتكارها عشان انيم بيها الولاد ..مادام زوج المذكورة عمل شغل معاك
:)
ربنا يحفظها مامتك ويكرمها فيك
بلغها اننا سنتبع المسيرة..ولن نسمح ان تضيع ذكرى ابو شبت العظيم او ان تتضمحل قيمته البوبعية
وستظل الحاجة مامتك ربنا يكرمها صاحبة براءة اختراع ابو شبت
والحقوق محفوظة

تحديث
الاخ ابو شبت العظيم ..مطلوب فى بطولة الجزء الخامس من سكريم 5
I know what you did last summer
عليه التوجه الى هوليود ..ويروح بايده فاضية وهم حيعملوا اللازم
او يستسهل ويروح مدينة الانتاج الاعلامى ..بس ياخد فى ايده حزمتين شبت مورورين
ههههههههههههه
تدوينة فعلا جميلة
ربنا يحفظلك الحاجة وسلامى ليها

بيتنا القديم يقول...

واحد مش فاهم حاجة
................

اممممممممممممممممممم

مالو ميكي بقاااااااااااا

(:

طيب

على فكرة انا لسه جاي من عندك

لاقيتك فاهم كل حاجه يا لئيم..!!

(:

بيتنا القديم يقول...

Jana
.....
"بلغها اننا سنتبع المسيرة..ولن نسمح ان تضيع ذكرى ابو شبت العظيم او ان تتضمحل قيمته البوبعية
وستظل الحاجة مامتك ربنا يكرمها صاحبة براءة اختراع ابو شبت
والحقوق محفوظة"
.
.
.
شوية ميه وكرسي اسند طولي يا جماعة

سبوني خلى الدمعة تفك عن نفسها

إهئ اهئ اهئ...سنييف..شنن شنن .!!!

بقا ماما وقفت مع زويل على مرتبة

واحدة ..!!

ابوشبت والفمتو ثانية فى مشنة واحدة

ياما انت كريم يارب

فرق نابت يواد يا عطيه..!!

loooooooooooooooooooooooool

(:

إيهاب رضوان يقول...

أنا مثلك فى عشقك للسكر ولكن ساخنا ، فعندما كنا صغارا فى القرية كنا نلتف حول جدتى أطال الله عمرها وهى تخبز لتصنع لكل منا رغيفا ساخنا ممتلئ بالسكر ويسمى "أبورى" .. لا يزال مذاقه على فمى رغم انقضاء الأيام وتغير الزمن .. تحياتى لمدونتك البديعة فى مواضيعها وإخراجها الفنى .

بيتنا القديم يقول...

إيهاب رضوان
...........
تشرفني زيارتك

ونقلت تعليقك

فى التدوينة اللي فوق

يا فندم

طب عيشاً في بيتك القديم

(: