نجح المصريون..!!


نجح المصريون..
بفضل روحهم العالية..
روح 73 والاستنزاف وما بعد الوكسة والنكسة..
نجح المصريون ودمعت عين شعب اوهنه الغلاء والذل والكبت..
نجح المصريون بفضل الله..
ثم بأدائهم القوي وعدم الاستهانة بالمنافسين..
ولم يقولوا ان 99 % من اوراق اللعب في يد الكاميرون..
نجح المصريون بفضل الانضباط الذي فرضه المدرب الوطني..
حسن شحاتة..
مصري ابن مصري..
مرتبه اقل من ربع مرتب المدرب الاجنبي..
وتفوق على مدرب الكاميرون اوتوفستر..
اليوم وللأمانة أقول..
أن منتخب مصر..
قدم أحسن مبارة كرة قدم على الإطلاق..
ضمن كل المباريات الإفريقية..
مبارة من الطراز الرفيع..
خطوط متكاملة..
خطة هجومية..
لاعبين من المستوى العالمي..
متحلين بالإنضباط..
والاندفاع الإيجابي..
اليوم شاهدت منتخبا يلعب كرة جميلة..
ومدرب عجيب وقائد وطني
الى أقصى مستوى..
رفض مجرد الدفاع..
وآثر روح الهجوم المنضبط..
4 لاعبين من الطراز العالمي في مصر:
أبو تريكة..
زيدان ..
عبد ربه..
والحضري..
مبروك لمصر..
هذا اللقب المستحق..
وياريت نكون بهذه الروح..
في الصناعة والسياسة..
ونهزم اعدائنا خارج الملاعب..
مصر مش مبارك..
مصر مش جمال..
مصر مش الحزب الوطني..
مصر مش كامب ديفيد..
مصر ابوتريكة وحسن شحاته..
مصر سميرة موسي..
مصر يحي المشد..
مصر الشهيد عبد المنعم رياض..
والله هنوريلك يا امريكا..
انت واسرائيل..
مصر مش زي ما انتو فاكرين..!
وراجعين..!!

11 عبرني:

Jana يقول...

الفرحة جميلة يا سمسم
والنصرة عظيمة
واللى الناس كانت عاملاه فى الشوارع ده ..طاقة مكبوتة..كانوا عايزين يطلعوها بأى شكل من الاشكال
أحدهم قاللى قبل كده ان قراءة القرأن والبكاء والتضرع اثناء القراءة...بيطلع الطاقة دى..
اما الطاقة الايجابية بقى...فيا ريت نطلعها بنفس الحماس ..والعزيمة...كان زماننا حررنا الاقصى

مبروك يا مان...قوللى لو اخدت انت ال 18 مليون حتعمل بيهم ايه؟؟

بيتنا القديم يقول...

ام جني
.....
خطوة عزيزة لذيذة يا فندم..!!
تصوري احداهن بادرت بالصووووووووويت
الشدييييييييييييييييييييييييييييييد
عندما احرز كابتن ابوتريكة هدف المباراة..!!
وبسؤالها عن حقيقة هذا التفاعل الحياني
قالت ضاحكة انها كانت في حاجه شديدة لهذا الصريخ..وكانت تبحث عن سبب لا يلفت اليها الانظار والاستهجان..!!
تحية لأبو تريكة الذي نفس عن الملايييين..!
(:
انا لو اخدت الـ"18" مليون دول هعمل مشروع كبيييييييييييييييييييييير بحجمهم بس يكون من المشروعات ذات النمو السريع..واشغل الشباب والشابات..وافتح بيوت..واجوز اللي حوليا..وبعدين..وبعدين..وبعدين..اصحا من النوم..!!
(:
وانت اخبارك ايه؟!
(:
دمت بخير

الراقص مع الذئاب يقول...

السلام عليكم
الف الف الف مبروووووووك لمصر
وعقبال كاس العالم
مش نخده....ندخله بس

الولاد كانوا جامدين اوي امبارح وفعلا منظمين
ودا اللي كان متوقع منهم

بيتنا القديم يقول...

الراقص مع الذئاب
...............
عزيزي الراقص مع الذئاب..شق علينا غيابك عن بيتك القديم..لعل المانع خير..!!
كيفك وكيف حال ذئابك الراقصة معك..!!
(:
مبروك لكل واحد بياخد اللعب جد..وبيرسم الفرح علي وجوه الملايين..!!
وان شاء الله ندخل كاس العالم..!!
(:
دمت بخير

غير معرف يقول...

اه..الماتشش ده حسسنى ان لسه فيه امل
لسه فينا أمل
:)
ندى

امرأة تقول الذي لا يقال يقول...

من ساعة ما مصر كسبت بجد بزعل لما حد يقوللي مبروك
بحس بكم تفاهة في الناس مش قادرة أوصفها
ويمكن كلمة تفاهة مش هي الكلمة الصح بس انا مش لاقية حاليا كلمة تانية توصف اللي حساه
بس بجد أول مرة ألاقي حد بيتكلم عن الموضوع ده من وجهة النظر دي
أحييك

Nsreen Bsunee يقول...

فرحتى متتوصفش الحمدلله

مبروك يا سمسم

امرأة تقول الذي لا يقال يقول...

سؤال بعد اذنك
الدعاء اللي انت جايبه في المدونة ده ممكن أنزله منين؟؟

appy يقول...

مصر هى المصرين هى الاطفال الحلوة المصريين دول الورده الحلوة اللى مستنيه جناينى يحطها فى بوكيه حلو

Blank-Socrate يقول...

مصر مش مبارك..
مصر مش جمال..
مصر مش الحزب الوطني..
مصر هى هى هى هى كامب ديفيد..
مصر ابوتريكة وحسن شحاته..
مصر سميرة موسي..
مصر يحي المشد..
مصر الشهيد عبد المنعم رياض..
مصر هى مصر مش شخص
مصر هى العالم و الشهيد
لكن مصر السلام
و المعاهدة
احنا منقدرش نحارب امريكا
ثانيا احنا نحارب علشان ارضنا فقط
و عملناها و رجعت ارضنا و ماتوا اهالينا وبقوا شهدا
عزيزى
ارحب بان اكون شهيد و لكن لاجل مصر فقط
ثم كل الدعم المعنوى و المادى لشعب و لكن لشعب يحترم نفسه و ليس شعب يتاجر بقضيته

موجة يقول...

جميل الكلام ده
حقيق احنا عملنا شيء كان مستحيل

خالص تحياتي
احمد