عزيزيني القراء والقراءات..!!
بداية اشكركوم واشكركون علي حفاوتكم - حفا يحفو فهو حافي - البالغة بالتعليق حتي مع انقطاع خدمة النت..ولا اعلم كيف يا خلابيص عرفتم تقتنصوا وصلة نت غير اللي التمساح أكلها في قعر البحر المتوسط..!!
بداية ومنعاً للإصطدام هذوها الموجز محلي..يعني لوكل مش سيتيزين..!!
وابدأ معكم الان..احم احم احم
حاسس اني كتلة كبيرة تسقط سقوطاً حراً من فووووووووووووووووووووووق...ودي ملابسات شعوري...
1- بنطلوني الجينز انقطع من عند الركبة..اختي الكبري علقت اني دي موضة وسيف ابن عمك ماشي كده..!!
ملحوظة:
سيف ابن عمي ماشي كده..!!
2-رئيس التحرير عزمني علي بيتزا..انا كنت جعان ومؤدب طول ما هو كان بياكل معايا..رئيس التحرير قام يغسل ايدو..!!
ملحوظة:
قام يغسل ايدو..انا لوحدي مع البيتزا هانم..يا وعدي..!!
3-الشركة اديتني لاب توب..رئيس التحرير اقترح بعد الصلاة ان ابيعه واخلص نفسي..وكأنه يقرأ ترانيم الشر في رأسي..!!
ملحوظة:
ابيعه واخلص نفسي..هو اللي قال كده..يا حلولي..!!
4-سهيلة بقت تقول..الكلب بيعمل "هووو"..والقطة "نوو"..والمعزة "ماء"..وبابا "هووو"...نياهاهاهاهاه..ورغم ذلك انا منشكح..!!
ملحوظة:
انا منشكح..!!
5- اليوم اغلقت ملفاً ثانياً في حياتي والى الابد..هو كان مغلق من العيد اللي فات بس النهاردة كان رسمي...فاضل ملف اخير لأنهم ثلاث ملفات...خليك معانا يااااااااااااااااااااارب..!!
ملحوظة:
فاضل ملف اخير..!!
6- عاوز اروح المعرض بتاع الكتاب عشان اقابل ميس غادة بتاعة مدونة "برايد-عايزة اتجوز"..بيقولوا البلية جريت معاها وطبعولها كتاب بالشئ الفلاني..وحصلت شقلة فلوس..ومش متجوزة..طب ما انا كمان عايز اتجوز..سأباغتها والمأزون في يدي..!!
ملحوظة:
الساعة الثالثة فجراً وانا داخل آخد قسط من الراحة..ولربما يتطور الى طشت من الراحة..ربما من يدري..!!
(:
...............
ملحوظة في غاية الاهمية:
النور قطع وانا بقول يا بابلش وهنزل التدوينة...لذلك انا بنزله دلؤت الساعة 12 ظهراً بتوقيت وسط القاهرة..!!
9 عبرني:
هاهاهاها
بجد الواحد كان حاسس انه منقطع عن الدنيا بس انت كده لميت ليا اهم الاحوال فى موجز كتر خيرك يعنى
ملحوظة اللهم لا حسد انا النت لسه ماقطعش من عندى
ملحوظة سيبلى من البيتزا حتة
ملحوظة بيع اللاب توب لمديرك و تبقى ضربت كل العصافير بزلطة واحدة و لو حد جه يعاقبك قولهم المدير هو اللى سرقوا
ملحوظة ربنا يزيد انشكاحك على طول يارب و نسمع سهيله بتغنى هنا على البلوج
ملحوظة انقطاع الكهربا ده و ان دل على شيء فانما يدل على انك ...
سمسم هتكون مين يعنى
حبيبي
ربنا ينهي لك الـx فايلز بتاعتك على خير، وابدأ اعمل (فولدر) جديد لحياتك، تعمل فيه (دليت) لكل لحظات الحزن، وتعمل بيت جميل يبقى أفضل(كوبي) للبيت المسلم الذي ربنا يرضا عنه...
دمت بخير
:))))
لو اتجوزت حاخطفك
لو بعت اللاب توب حاخطفك
لو مديت إيدك على البيتزا حاخطفك
حاسامحك في ببلش مش مشكلة
ههههههه
مين اللي قالك على موضوع التمساح ده؟ مافيش تماسيح في البحر المتوسط يا جدع إنت
دي خدعة الحكومة عاملاها علشان تشوف البتوع دول اللي إسمهم مدونين هيعملوا إيه .. يبقوا يوروني شطارتهم
sa'7so'7te
..........
ملحوظة: ربنا يكرمك
ملحوظة:البيتزا خلصت
ملحوظة:ههههههههه..الملحوظة الاخيرة بتفكرني بمسلسل قديم اسمه حسن شرارة..!
(:
دمت بخير
sa'7so'7te
..........
ملحوظة: ربنا يكرمك
ملحوظة:البيتزا خلصت
ملحوظة:ههههههههه..الملحوظة الاخيرة بتفكرني بمسلسل قديم اسمه حسن شرارة..!
(:
دمت بخير
مدرس مطحون!!
............
الله يكرمك يا حبيبي..!!
وربنا يسعد قلبك..!!
(:
دمت بخير
عصفور المدينة
............
يا خبر..حضرتك عصابة لوحدك بقا..!!
بص يا عم عصفور مافيش داعي تعصب نفسك
شوف انت ايه اللي عينك عليه من
هزوها الملاحيظ واضرب عليه يا فندم..!!
(:
دمت بخير
يا مراكبي
.........
يا استاز مراكبي اؤكد لسيادتك بما لا يدع مجالا للشك ان التمساح تم ضبطه عن طريق ضباط قسم المباحث وقد ادلي باعترافات خطيرة..دون ان يمسه احد ولو بكف..تمساح خرع..وبعدين طلع سياسي وكده ومناهض..وكان ناوي يقلب دكة الحكم ويحول -من الحول- النظام..!!
(:
دمت بخير
إرسال تعليق