كلوديوس وفلانتاين..وسمسموديوس!!


ناخد بريك من موضوع الخوف..
وهنوضح سؤال الاستاذ"يوسف المصري"في البوست القادم بإذن الله..
اما هالحين سنتكلم في موضوع آخر..
من جملة النفايات التي يدفنها الغرب في مجتمعاتنا..
المهم يا شباب..
تذكر أشهر الروايات أنه في منتصف القرن الثالث الميلادي..
كان هناك إمبراطور روماني يدعى كلوديوس..
و يريد أن يجعل الرجال يتطوعون في جيشه..
ولما كان قلة من المتزوجين يُقبلون على التطوع..
أُخذ يشجع على العزوبة، ويمنع الزواج..
فلم يعجب هذا الأمر فالنتاين وهو أحد الأساقفة بالكنيسة المسيحية في روما..
وأخذ يشجع على الزواج ليكافح نوازع الرذيلة في المجتمع المسيحي..
وأخذ يعقد قران العشرات سراً..
في غرف مظلمة..
عوووووووووووووو..(صوت ذئب يتسلم نوبته اليلية من زميله في الغابة)!
وكان لا بد من الشموع..
لم تكن ام هاشم قد فتحت توكيلاً للشموع في اوروبا بعد اكتفاء منطقة السيدة زينب..
التي صارت رمزاً لمشاعر الحب الحالم
ارتخاء جفون العين..والابتسامات البلهاء..والبنطال المسقط لزوم العبط الحيثي..
وكان لا بد من الهمس كذلك حتى صارت تلك الأمور طقوسا تقليدية متوارثة عندهم
وفي إحدى الليالي...
اعوووووووووووووووووووووو..(صوت ذئب يعاني من زائدة دودية)!
سمع الأسقف والعروسان وقع أقدام
طك..طك..طك..طك..(كان ايامها تستعمل القباقيب الخشبية اديداس)!
إنهم جنود كلوديوس
كابساااااااااااااااااااه..يالهوووووووووووي..يابلاك داي..يا بلاك داي (عندهم ستات بتصوت بالحياني ايامها)!
عند ذلك لاذوا جميعا بالفرار
اجري يا ابو آندرو..وراكي يا ام كاترين..(نقل الينا نحن الشرقيين بعدها ان الجري نصف الجدعنة)!
وتمكن العروسان من الهرب
يا بختهم
وقُبض على فالنتاين
قانون طوارئ ومخالفة الدستور
وحكم عليه بالموت
مزيد من الدراما والتشويق
وفي انتظار تنفيذ الحكم كان المتزوجون والعشاق -قلالاة الادب بعني- يأتون إلى سجنه
ما ينساش الجميل الا ندل
ويلقون إليه بالزهور وبطاقات الحب
كان هيموت ونفسه ياكل حواوشي سخن بالطحينة رغم القولون
وأعدم في يوم 14 فبراير سنة 269 للميلاد
اييييييييييييييه..مادايم الا وجهه..!
ومن يومها صار هذا التاريخ عيدا يحتفلون به كل عام
السؤال بقا يا حلوين يا طعمين..
مالنا احنا بقا ومال القصة دي كلها..
ولماذا نشارك غيرنا اعيادهم..
بغض النظر عن الناحية اللاخلاقية لما يرتكب خلاله..
وسؤال تاني..
لماذا لا يحتفل الغرب هو ايضاً بعيد الاضحي ونراهم يذبحون الخرفان..
بدل من ذبح اهلنا في غزة والعراق وكابول..
هذا مجرد سؤال..
برررررررررررررررررررررررررررررررررررررررئ..!!
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سمسموديوس: ده مش قديس..ده انا ولا مؤخذة صاحب المدونة!!

18 عبرني:

ض/خالد يقول...

ايه يابني الحلاوة دي...
الحمد لله انا معنديش حب حب ولا بغض....

انا عندي ما هو أهم قريباً ان شاء الله...

جامدة طريقة العرض....:)

بيتنا القديم يقول...

ض/خالد
......
عزيزي الدكتور خالد..يغمرني كرم مرورك..وجميل تعليقك..!!
وان كان ثمة حلاوة فهي مستمدة من كريم اخلاقك يا فندم..!!
ودعنا نري يا مان الاهم لديك..!!
(:
دمت بخير

YHYيــوســف الـمصـرى يقول...

السلام عليكم ورحمة الله وبركاته
............................
صديقى العزيز :) اولا اشكرك على ردك الجميل على تعليقى واهتمامك بسؤالى
اصل بينى وبينك انا الموضوع ده خد منى فترة كده وكان معقدنى حبيتين !
مستنى البوست الجديد بفارغ الصبر !
ومتأكد اننا هنتكلم فيه كتير اوى اوى
بجد انا سعيد بيك جدا وسعيد انى عرفت مدونتك وبيتك الجميل ده :)

البوست بتاع الفلانتين لذيذ بجد والافتكسات الى انت عملها فيه بجد دمها خفيف حسستنى ان احداث الموضوع كانت فى العتبة ههههههه
بجد أستمتعت واستفدت من البوست كتير
تحياتى
وابقى تعالى بص على بيتك التانى انت ميتجيش ليه ؟ :)
سلام يا سمسوديوس بك :)

غير معرف يقول...

هو لسه فى حد بيحتفل بالعيد ده؟؟
ام توتة

only spot يقول...

ههههههههه
انت ميه ميه يا سمسمدويس
تعرف دى مشكله من ضمن مشاكلنا اننا بنقلد تقليد اعمى وده لان معظم افراد المجتمع ماشين بمبدا زى ما الناس ما بتعمل بنعمل دون الوقوف والنظر بتروى اصل التقليد ده ايه ويا ترى هينفعنى ولا لا
يلى ربنا يهدينا كلنا
تحياتى ليك يا سمسم

يا مراكبي يقول...

حلو قوي قوي السؤال اللي في الآخر: طيب هما ليه ما يحتفلوش يعيد الأضحى والا الفطر؟

lonely يقول...

والله الاحتفال بالحب موش محتاج ايام ومناسبات وتواريخ واساطير
اللى بيحب يووم ما بيشوف حبيبه بيبقى عنده يوم عيد
اما خيبة الفلانتين دى
فدا ليه ناسه الفاضين
سيبهم يحتفلوا
خليهم يهيصوا شويه

ma2tshren يقول...

ايه ياسمسم ايه العقد دى يعنى هما يدبحو خرفان دول روقاق ميعملوش الحجات بتعتكم يمتوحشين انتو دوول بتوع القلوب مش زيكو ياي قال كحك وخرفان قال بس بج بوست جامد زاى ماعودتنا ديما

لماضة يقول...

سمسديووس
ههههههههههه والله يا سمسم انت زى السكر
تقريبا كمان هديك وسام اللماضة قريب
اخر كام تدوينة جامدين اوى
دايما جايه متاخره
والله عندك حق واحب اضيف معاك تساؤل برضه بالنسبه للتدوينه دى
اشمنى احنا بنحتفل بالحب فىيوم واحد ليه منحتفلش بالحب كل الايام
نحب ربنا
ونحب بعض ونحب بابا وماما وانور وجدي الله يرحمه؟؟

appy يقول...

هههههههههههههه انا بطلت الصنف ده من يوم ما عرفت اضرارة بالعقل يعنى هو الزم يوم فى السنه بعينه جتهم فقع عنيهم

بيتنا القديم يقول...

يــوســف بك الـمصـرى..!!
مصر كلتها بتسلم عليك..!
انت انسان مهذب وجميل..
مدونتي تعطرت من اثار خطواتك فيها..
عاجل بالبوست ان شاء الله..
الغريبة وكأني اعرفك من يجي عشرومييييييييييت سنة..!!
من ايام حسن الهلالي ويسمينة والسيد شاهين ومتولي وعابر سبيل والسيد جعفر ربنا ينتقم منه..!!
(:
لا عليك تلك افتكاسة اخري..!!
(:

بيتنا القديم يقول...

ام توتة
.......
رزق بتوع الورد على....
ربنا اكيد...
بس طالما في شباب مش فاهمة...
في دبايب هتتباع في اليوم ده بالذات..!!
(:
دمت بالدباديب...آ..قصدي بخير
(:

بيتنا القديم يقول...

only spot
.........
ربنا يخليك ويسعد قلبك يا فندم..!!
ويكفينا شر التقليد فيما لا يفيد..!!
(:
دمت بلا تقليد..!!
وبالطبع..
بخير..!

بيتنا القديم يقول...

يا مراكبي
.........
انا اقول..انا اقول..انا اقول...
عشان معندهومش خرفان..!!
(:
بالطبع هؤلاء الناس اتقنوا ما هو عملي وفهموا قوانيين الحياة..!!
اما نحن فتلزمنا انتفاضة فكرية ثقافية وعقائدية..!!
(:
دمت بخير يا كسفني بمجياتك لبيتك..وانا اللي مش كويس معاك...
بس هعوضها والله..!!
عملت ايه في التانجو..!!
بالحق
ايه اسم الفندق اللي باللي باللك..عشان عاوز اروح هناك واعترف انا ايضاً..!!
(:
دمت بخير

بيتنا القديم يقول...

lonely
......
جلبي جايد نار يا لونلي يابت عمي..عشوف الشباب بضيع جرشينتها علي الفاضي..بجول لو كانوا اتبرعوا بيهم لغزة..او كانوا برو نفسيهم بسندوشتات طعمية..مش كان احسن..!!
(:
دمت بخير

بيتنا القديم يقول...

ma2tshren
..........
يا فندم يا فندم..
مش لازم يقلدونا في كل شئ..!!
يعني من الممكن ان يكتفوا بالتسئية..اما تيك واي الفتة فممكن نبعتهولهم من حضرموت او ابوشقرة..!!
احنا ناس نعرف الاصول بردو وعارفين ان دول خواجات..!!
(:
دمت بخير

بيتنا القديم يقول...

لماضة
....
ياااااااااااااااااااااااااااااه
انت لسه بتحبي انور وجدي من ساعة ما وقع منك الريال وانت بتغني معاه معانا ريال معانا ريال ده مبلغ عال مهوش بطال...الخ الخ..!!
مش كان هيتجوز عليك زينات صدقي وانت قولتيلوا قال من همه خد واحده قد امه..!!
(:
اخبار يكموك ايه..!!
والجثث..والتبس بتاع اونكل مشرحجي..!!
(:
زورينا كتير..!!
دمت بخير

بيتنا القديم يقول...

appy
....
تعملي ايه فيهم بقا..!!
حفنة من المراهقين المارقين..!!
مافيش حل غير ان احنا نساهم ونجوزهم..!!
(:
دمت بخير