يحكي أن


يُحكى أن

عقبة بن عامر -رضي الله عنه- كان له كاتب، وكان جيران هذا الكاتب يشربون الخمر

فقال يومًا لعقبة: إنَّ لنا جيرانًا يشربون الخمر، وسأبلغ الشرطة ليأخذوهم

فقال له عقبة: لا تفعل وعِظْهُمْ.

فقال الكاتب: إني نهيتهم فلم ينتهوا، وأنا داعٍ لهم الشرطة ليأخذوهم، فهذا أفضل عقاب لهم.

فقال له عقبة: ويحك. لا تفعل؛ فإني سمعتُ رسول الله صلى الله عليه وسلم يقول:

(من رأى عورة فسترها كان كمن أحيا موءودة) [أبو داود].
..................................................................
تحديــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــث
ورد بالإسناد المتصل الصحيح في كتاب المستدرك للحاكم أن رسول الله صلى الله عليه وسلم قال: "من رأى عورة فسترها كان كمن أحيا موؤودة من قبرها" هذا الحديث الصحيح يخبرنا أن من رأى عورة لمسلم فسترها أي لم يبثها بين الناس بل أخفاها فله أجر شبيه بأجر من أحيا موؤودة أي أنقذ بنتاً مولودة دُفنت وهي حية كما كان جاهلية العرب يفعلون
فقبل أن يُبعث رسول الله صلى الله عليه وسلم بمدة كان هذا الشيء معروفاً عند العرب والله تبارك وتعالى ذكر في القرءان الكريم تقبيح وأد البنات، قال الله عز وجل: (وإذا الموؤودة سئلت بأي ذنب قتلت) والوأد فعل شنيع ، الرسول عليه الصلاة والسلام شبه أجر هذا الذي يرى عورة لمسلم أي ما يعاب عليه ويُستحى منه أن يطلع عليه الناس فيسترها بأجر هذا الإنسان الذي رأى موؤودة فأنقذها قبل أن تختنق بالتراب وفي ذلك أجر عظيم.
هذا فيما يتعلق بالأمر الذي لا يتعدى إلى الغير أما الإنسان الذي يغش الناس في تجارته أو تدريسه لعلم الدين أو علم الدنيا أو غير ذلك من سائر فنون المعاملات ذلك واجب كشفه ولا يجوز ستره، كالذي يبيع البضائع التي فيها عيب من غير أن يبين عيبها ففرض على من علم بحاله أن يحذر الناس منه وذلك بعد أن كان نصحه ولم يرتدع
كذلك من علم أن إنساناً خائناً يعمل عند شخص يجب عليه أن يحذر صاحب العمل منه وكذلك إن اراد إنسان أن يصادق إنسان فمن علم من هذا الإنسان ضرراً أو غشاً وخيانة يجب عليه أن يكشفه ويحذره منه، يقول له : لا تصادق فلاناً فإنه لا يصلح للمصادقة ، وإن كان لا يكتفي بهذا القدر إلا أن يكشف له ما هو السبب الذي يجعله غير صالح للمصادقة يبين له، يقول له فعل كذا وكذا ثم بعد ذلك إن بقي على مصادقته فوباله عليه أما ذلك الشخص فيكون قد برأ نفسه.
غيبة المسلم في بعض المواضع تجوز وفي بعض المواضع حرام فإذا كان للتحذير فهي واجبة ، بل فرض
الرسول صلى الله عليه وسلم قال لشخص خطب فأساء الخُطبة : "بئس الخطيب أنت" مع أنه ما سب الرسول ولا انتقصه بل على زعمه كان يعظم الرسول تعظيماً بالغاً، مع ذلك الرسول صلى الله عليه وسلم ما سكت له وذلك لأنه قال: من يطع الله ورسوله فقد رشد ومن يعصهما فقد غوى ، الرسول انتقده لقوله : ومن يعصهما ، ما قال ومن يعص الله ورسوله ، الرسول لا يرضى أن يذكره ويذكر الله في لفظ واحد على هذا الوجه لأنه فعل لا يوافق شرع الله تعالى ، مع أن قصده تعظيم الرسول.ا ه
قال أبو داود: أما الستر المندوب إليه هنا فالمراد به الستر على ذوي الهيئات ونحوهم ممن ليس هو معروفا بالأذى والفساد , وأما المعروف بذلك فيستحب أن لا يستر عليه بل يرفع قصته إلى ولي الأمر إن لم يخف من ذلك مفسدة , لأن الستر على هذا يطمعه في الإيذاء والفساد وانتهاك المحرمات وجسارة غيره على مثل فعله .
وهذا كله في ستر معصية مضت وانقضت , أما معصية رآه عليها وهو بعد متلبس فتجب المبادرة بإنكارها عليه ومنعه منها على من قدر على ذلك فلا يحل تأخيرها , فإن عجز لزمه رفعها إلى ولي الأمر إذا لم يترتب على ذلك مفسدة . انتهى .
هذا والله تعالي اعلي واعلم

34 عبرني:

sally يقول...

يشرفني اني اكون اول واحده تعلق علي القصه التحفه دي
مش عارفه ليه بحس ان سير الاولين دايما بتخلق موود تحفه
تحياتي علي القصه التحفه
و علي المدونه كلها لانها اكتر من روعه و انا قريت كل البوستات بتاعتك علي فكرة و عجبني اسلوبك جداااااااا
بالمناسبه
كنت هتنسيني اقولك عيد سعيد

غير معرف يقول...

بعد أذن حضرتك ممكن تقولنا تفسير كلمة عورة هنا بالظبط ايه ؟؟؟

كدا ممكن المعنى اللى يوصل انى اشوف القتيل و هو بيقتل و استر عليه ...

انا مش بشك اطلاقا فى كلام الرسول صلى الله عليه و سلم ... بس بعد اذنك ممكن توضح الحديث اذا كان صحيح و لا ضعيف و لا ايه ... و اتقال فى اى موقف و ايه تفسيره ...

و كمان يا ريت اعرف الهدف من نشر البوست دا لأنى مش قادرة اوصله ... مش قادره اوصل للرسالة اللى عايز تبعتها من ورا البوست دا ؟؟؟

هند

مشروع انسان يقول...

امممممممممممم
طيب نقول عيد سعيد
وتقبل الله منا ومنكم
ومش عارف الحكاية اللى انت كاتبها
وصحتها
ورواها ابو دواود
لست ادرى
المهم
كل عام وانتم بخير

عصفور المدينة يقول...

السلام عليكم الحديث ضعيف

والستر طبعا فيه أحاديث أخرى وليس المقصود به التستر على الجاني حتى يتمادى في جنايته ولكن من يرجى له الصلاح يستمر في نصيحته بدلا من فضحه أما من كان مصرا ولا يرجى صلاحه أو كانت جنايته تضر غيره فكيف تستر عليه

جزاك الله خيرا

غير معرف يقول...

اهم من الحديث الموضع اللى اتقال فيه
عشان استخدام الأدله فى غير موضعها
يغير مفهوم الحقائق
وفيه فرق بين عوره
وذنب او جريمه
وفيه حديث بيقول
من رأى منكم منكرا
فلغيره بيده فان لم يستطع فبلسانه
فان لم يستطع فبقلبه
وذلك اضعف الايمان
ما قلش يستر عليه

غير معرف يقول...

اهم من الحديث الموضع اللى اتقال فيه
عشان استخدام الادلة فى غير موضعها يغير الحقائق
وغير كده فى حديث نصه ( من رأى منكم منكرا فليغيرة ...الخ الحديث)
ومقالش يتستر عليه
وده يتوقف على معنى العورة فى الحديث اللى انت بتحكى فيه

شهر ديسمبر يقول...

استخدام الادلة فى غير موضعها يغير من مفهوم الحقائق
مفهوم العورة يختلف عن الموضع اللى انت كاتبة فيه البوست
فى حديث تانى بيقول( من رأى منكم منكرا فليغيره..الخ الحديث )

عصفور المدينة يقول...

جزاك الله خيرا للتحديث

Young entrepreneur يقول...

السلام عليكم. العدد الثالث من مجلة طراطيش كلام نزل بفضل الله, منتظرين زياراتكم و تعليقاتكم.
Trateesh Kalam

غير معرف يقول...

لسة مش قادرة أحدد هدف حضرتك بالظبط ؟؟؟؟؟؟؟

يعنى حضرتك عايز توصلنا ايه من ورا القصة و الحديث و التحديث ؟؟؟؟ ايه بالظبط اللى انت شايفه احنا بنفضحه و المفروض نستره و ايه اللى بنستره و المفروض نفضحة ...

التحديث زاد الالتباس ...

كمان حضرتك بتقول ان لو شفنا حد بيغش او بيضر غيره لازم نقول لولى الامر عليه ... طب افرض واحد هينتحر او بيشرب خمر زى الحالة بتاعت القصة ؟؟؟!!! ايه الوضع

ماهو لو كان اللى بيعملوا دا مش حاجة كبيرة مكنش ربنا حرمها من الاول ...

و كمان اصلا الجار دا اللى كان رايح يبلغ ... افرض هو عنده اولاد صغيرين مش عايزهم يتأثروا بجيرانهم دول ...

أكيد يعنى انا مش هفهم أكتر من صحابى جليل .... ما عاذ الله ...

بس الموضوع debatable

انا نفسى أعرف هدفك ايه من وراه؟؟؟؟

دا للأفادة لينك للتعريف بالصحابى عقبة بن عامر رضى الله عنه ...
http://ar.wikipedia.org/wiki/%D8%B9%D9%82%D8%A8%D8%A9_%D8%A8%D9%86_%D8%B9%D8%A7%D9%85%D8%B1_%D8%A7%D9%84%D8%AC%D9%87%D9%86%D9%8A

شكرا ليك لأنك طرحت الاسم دا و انا مكنتش اعرفه مما أدى الى البحث عنه

هند

بيتنا القديم يقول...

سالي
....
يا فندم لقد تملكنا الخجل وتعرق جبيننا
من ثنائك المبالغ فيه..وإنه لو تعلمين شرف عظيم..دخولك بيتنا القديم وقراءتك
للمجموعة الشخابيط علي جدرانه
عيد سعيد لك وللأسرة الكريمة
دمت بخير
ــــــ
هند
...
اهلاً هند وكل سنة وانت طيبة
عورة هنا بمعني ذلة او معصية تخص فاعلها ولا تتعلق بمن حوله او بمعني لم يلحق اذي بالمجتمع بوجه عام
القتل كبيرة متعدية وهو إعتداء علي المجتمع لأنها تفقده ميزة الامان وتجعله في حالة تشتت وتصرفه عن هدفه وتشيع الخوف بين افراده..ولذلك جعل الله القصاص عقوبة رادعة للغير حتي لا تسول له نفسه بتكرارها
مما يعني ان مثالك الذي طرحتيه في غير محله
الهدف من وراء نشر البوست مشاركة الآخرين خاطرة مرت علي ذهني فأحببت ان اطرحها وامرهها علي اذهان الآخريين فرب سامع اوعي من مبلغ
الخلاصة
اردت ان اقول-ان كان هذا لب ما تسألين عنه- ان اهل المعاصي الفردية التي لا تتضر سوي انفسهم ولا يتعدي بها علي غيره هم في الحقيقة نهب للشيطان وانفسهم وعلينا سترهم ونصحهم بالحسني حتي يتغمدهم الله بتوبة من عنده
دمت بخير
ــــــ
امام الجيل
.........
وانت في اتم خير وموفر الصحة والعافية
دمت بخير
ــــــ
عصفور المدينة
............
أحسنت قولاً
وانا اكرر ما ذهبت انت اليه فأقول
الستر علي الناس قربه وطاعة لله
والتستر علي المجرم المتعدي معصية وإعانة علي ظلم بين
دمت بخير
ــــــ
مجهول
...
شتان بين ما قولته انا وما إستنتجته انت...راجع ما قاله عصفور المدينة
دمت بخير
ــــــ
مجهول
....
راجع ما سبق ذكره
دمت بخير
ــــــ
ديسمبر
.....
اتفق معك في مقدمة كلامك واختلف في الباقي...ولما لا ترجع الي حديث سيدنا ماعز الذي زنا وشدد عليه عمه ان يعترف علي نفسه امام رسول الله وبعد إقامة الحد عليه ووفاته امسك النبي الرحيم بعمه وزجره وقال له"هلا سترت عليه بثوبك"
هل المثال واضح
دمت بخير
ــــــ
عصفور المدينة
............
وجزاك مثله
دمت بخير
ــــــ
محمود
.....
جهد مشكور وانا هلبس هدومي ورايح اتفرج واقرأ
دمت بخير
ــــــ
هند
...
أعتقد اني اجبتك في سابق ردي عليك
ولا بأس بزيادة سطر آخر من اجلك
الانتحار وشرب الخمر غير الاتجار في الاسلحة الغير مرخصة وبيع الخمور للناس
بمعني ان الأول معصية تخص فاعلها وحده ويجب ان نمنعه منها وننصحه وقد نحجر عليه في سبيل المحافظة علي حياته ولكن نتحري في كل هذا عدم فضحه علي رؤس الناس حتي ان كانت له توبه لم يعيره احد بسابق معصيته..والعكس في المثال الثاني واضح فبائع الخمور يدمر غيره وبائع السلاح يشيع القتل في المجتمع
ملحوظة: قبل ان تقولي لي طب ما السكينة سلاح وبتتباع!!..اقول ان كل شئ يعتبر سلاح من الحجر الي شعاع الليزر
ولكن ما جري العرف علي تسميته سلاح هو ما اقصده مثل المسدس والقنبلة النووية
هل اتضح لك الأمر
دمت بخير
ــــــ
وشكراً لمن شرفني بالتعليق
دمتم جميعاً بخير

غير معرف يقول...

حلوة قوي القصة يا اسامة والاحلى المعنى الا وراها ويارب يرزقنا الصبر على والمجاهدة وحسن التغيير

بيتنا القديم يقول...

قلوب حائرة
.........
اللهم آمييييييييين
اخبارك ايه
شدي حيلك في الطاعة زي رمضان
وربنا يوفقك لطاعته
دمت بخير

غير معرف يقول...

ربنا يخليك يااسمة ويجعله عامر يافندم بس انا للاسف ومن سوء حظي مش اعرف حد اسمه هند الا قولي هي مين هند دي انا للعلم بدر شبكة الاخبار العربية وصلت يافندم

بيتنا القديم يقول...

قلوب حائرة
...........
اووووووه
وصلت يا فندم
وجزاكم الله خيراً
انا آسف
للغبطة
ربنا يوفقك

Nohaz يقول...

حلو قوي الكلام ده
المشكلة بقي ان في ناس يا سيدي والله بدقن و حاجين بيت الله و عندهم قدرة علي اعطاء الفتاوي مقولكش

بس عند حته الغيبة و النميمة و طبعا عارف الفرق بينهم مقولكش

يقولك لا انا لازم احذر صاحبي ان اتشتم في غيبته
ويوقع كل الناس في بعض
طبعا في ناس بيكون ده علي هواها
وناس تحتقره

المهم ان انا فعلا بتوجع اما بشوف كده
مش بقول اني ملاك
بس اقذر حاجة فعلا الي يثير الفتنة بين الناس

Hadota ... حدوتة يقول...

السلام عليكم ورحمة الله وبركاته

بص انا اول ما قريت كنت هقولك ان فعلا الانسان يستر الناس بس بشرط ميكونش فيه ضرر للانسان دا ولا يتعدى الضرر غيره

قومت كملت قراية لقيتك كاتب كده فى التحديت
كويس والله منا طلعت بفهم اهو
هههههههه


تحياتى

بوست جميل
:)

بيتنا القديم يقول...

نوهاز..!!
.........
شرفتينا وآنستينا ونورتينا وكوفرتينا
اتفق معك فيما ذهبتي اليه بغض النظر عن الدقن والحج..!!
المعصية لا تعرف إستايل معين ولا وطن لها
علي كولن مثل هؤلاء غالباً ما يمقتهم الناس وينجرفون الي مذبلة التاريخ
لا عليك منهم
دمت بخير

بيتنا القديم يقول...

حدوتة
.....
وعليكم السلام ورحمة اله وبركاته
فشر قطع لسان اللي يؤل عليك كده
ده انت بتفهمي وكمان ست الستات
نصيحة:
يبدو انك من النوع المتسرع في إبداء احكامه واراءه...خذي وقتك في القراءة
والتحليل...وبكل هدوء إعطي تصور لما فهمتيه حينها يأتي حكمك صحيحاً مثل قرص الشمس
دمت بخير

3abdo me7tas يقول...

جزاك الله كل خير

بجد أنا استفدت كتير من البوست ده

بيتنا القديم يقول...

عبده
....
وجزاك مثله وربنا يخليك يا مان
وشد حيلك في الطاعات ولا تكن رمضانياً
وخلينا في بالك
دمت بخير

عين ضيقة يقول...

عارف
نفسى اشوفك واطبق فى زمارة رقبتك

انت مش كنت نزلت بوست من فترة بتقول انك مش هتكتب تانى

رجعت امتى؟
وبعدين مش تطمنا انك رجعت؟


اخص عليك اخص

عموما
كل سنة وانت طيب

break يقول...

للأسف انا كنت كدة
و اول امبارح بالظبط قلت كلام عن حد مكنش المفروض اقوله
هوا حقيقة بس ستره كان احسن
ومتضايقة من نفسى اوى :(

break يقول...

فى حديث تانى صريح
" من ستر عورة أخيه المسلم ستر الله عورته يوم القيامة و من كشف عورة أخيه المسلم كشف الله عورته حتى يفضحه بها في بيته" .

و دا صحيح متهيألى

بيتنا القديم يقول...

عين ضيقة
.......
شاعرة...وشرسة في آن واحد..!!

طب سماح النوبادي

وكل سنة وانت طيبة يا فندم

دمت بخير

غير معرف يقول...

السلام عليكم ورحمة الله وبركاته
حمدا لله على السلامه
كفاره يا عم سمسم اللى مش مسمسم
غاوى حرق دم وبوظان اعصاب عادتك ولا ها تشتريها
انا ليه عندك عتاب طويل ومحبه زايده وعشان كده انا النهارده بسلم عليك انت وسهيله وبس
وصحيح البشير بيسلم عليك وبيقولك ان النافع هو الله
كده ولا ايييييييييييييييييييييه

bastokka طهقانة يقول...

ايوة صح
صدق رسول الله

جزاك الله خيرا

اوروفوار

غير معرف يقول...

وهم كمان وحشونى وفى دعواتى
:)

Jana يقول...

السلام عليكم

من ستر مؤمنا فى الدنيا ستره الله يوم القيامة

حديث جميل..اعرفه لاول مرة
خاصة ربط الستر باحياء الموؤدة

دمت بخير

بيتنا القديم يقول...

بريك
....
العيب ليس فقط الوقوع في الخطأ
العيب في عدم التراجع عنه
إصلحي ما بينك وبين من قلت عنها او عنه هذا الكلام او علي الأقل عودي امام من تكلمت امامهم وبرئي ساحة من تناولتيه بالتجريح
وهذا سيفي بالغرض ان فعلتيه
وبعدين ما تزعليش من نفسك كده
كلنا عارفين ان الورد احياناً بيكون فيه شوك..لكن الذكي من يتخلص منه
.
.
.
دمت بخير

بيتنا القديم يقول...

بركات
.....
بركة انك بخير
خلي بالك من نفسك
وشد حيلك في الغربة
ولما تيجي لينا كلام تاني مع بعض
.
.
.
دمت بخير

بيتنا القديم يقول...

طهقانة
......
اورفوار ورحمة الله وبركاتو
.
.
.
ماتنسيناش من دغواتك..!!
.
.
دمت بخير

بيتنا القديم يقول...

مولاتي
.....
الورد دايماً ريحتو فيه
وجودك
عطر
المكان
.
.
.
ولا يمكن نسمحلك بالهرب..!!
دمت بخير

بيتنا القديم يقول...

جانا
....
طب الحمد لله أني اضفت لبحر معلوماتك
قطرة احسبها هامة..!!
شفت بقا انا مفيد ازاي
مفيد
بس
مش
فوزي
(:
دمت بخير