يا خاين يا غشاش يا دنيء يا سافل


أهلاً يا شباب

كلما نظر زوج - لا يغض بصره - إلى لبنانية ولو على شاشة التليفزيون نجد نظرة مستهجنة من الزوجة المصرية وكأنها تقول له "طبعا ما انتوا بتبصوا لأي حاجة من غير هدوم"، وتندب حظها انها ليست بجمال تلك اللبنانية المزعوم

فالفتيات يعتقدن أن الرجل - المصري- يعشق في اللبنانية شكلها فقط وأن اللبنانية من خلال" الملابس العارية" فقط تتفوق عليهن وتجذب أنظار الرجال المصريين

عاشقات للتغيير: أول ملاحظة سمعتها أن اللبنانية لا يفرق معها كثيرا ترك العمل والذهاب لعمل آخر فهي تحب التغيير لها ولزوجها والموضوع بالنسبة لها ليس كارثة مفزعة مثلما يحدث في البيت المصري عندما يترك الرجل وظيفته وكأن العالم انتهى لأن مفاهيم الرزق والسعي هناك تختلف عن مفاهيم السعي هنا لأننا نعشق الجمود والاستقرار بنسبة أكبر من المخاطرة والتغيير مثل اللبنانيين، ولذلك يشعر الرجل بوجود زوجة تشجعه ولا تخاف ولا تحب الجمود وتجعله يتعامل بحرية.

يعطيك العافية: يفكر الرجل في الارتباط من فتاة لبنانية دون المصرية، لأن الثانية تنهي مكالمة التليفون بجملة "يالا سلام يا باشا" وكأنه أمين شرطة بيكلم بتاعة بليلة في موقف ميكروباصات عبود، أما الأولى فتقول لزوجها "يعطيك العافية" بالطبع أنت مندهش عزيزي القارئ من إعجاب الزوج بهذه الملاحظة المحشوة بالتفاهة والسخافة، ولكن تأملها قليلاً "يعطيك العافية دي بتجنني.. شوف جمال الكلمة (العااااافية) تحس انك راجل كدة ومالي عين مراتك وبتدعيلك بالعافية .. تحس انك وحش وغضنفر" كلمة بسيطة ربما تسعد بعض الرجال لهذه الدرجة

الغيرة المنطقية: الزوجة المصرية محترفة تنكد عيشة جوزها وتتهمه بقائمة طويلة من الاتهامات سابقة التجهيز مثل يا خاين يا غشاش يا دني يا سافل، بينما نجد اللبنانيات يحترفن مجراة الزوج لفهم ما يقصد ولا يأخذن شيء علي محمل الجد الا لو كان فعلاً جد، ولن تجد واحدة بتلم عزالها وبترزع الباب وراها وتصرخ: أنا رايحة عند أمي...، إلا لوكانت اصولها مصرية
................................

إيييييييييييييييييييه...وأوف أوف أووووووف يابااااااااا !!!

14 عبرني:

أميرة البلطجية يقول...

ههههههههههههههههههههه
ههههههههههههههههههههه

islamist bloke يقول...

عارف بأة اللى أشد من اللبنانية بألف مليون مرة

الاسكندرانية

وخدها منى كلمة ثقة ولو مش مصدق جرب واتجوز اسكندرانية

يا راجل ده الدلع كلع والحلاوة كلها والسكر كله فى اسكندرية

اييييوووووووووووووووووووووه يا سمسم على اسكندرية.......واللا لما تحب واحدة وتحبك...........يااااااااااااااه......اموت انا فى القشطة

سيبك انت لبنان اية وسوريا اية

وبعدين انت مش متجوز؟ انسى بأة الحاجات دي وخليها للشباب المراهق اللى زينا....وصباح الفل

غير معرف يقول...

أعتقد يا سمسم إنك أسير الفكرة الخاطئة عن اللبنانية و التى فضحتها برامج تلفزيون الواقع
فاكر يا سمسم برنامج ميس ليبون اللى عملوه واقعى العام قبل الماضى
هل شاهدت كم الغيرة و قلة الذوق و الجليطة و الأسافين اللى كانوا بيعملوها فى بعض
للدرجة التى جعلت أصحاب محطة أل بى سى لا يكررون التجربة مرة أخرى
عموماً أنا ضد التعميم فى أى شئ
و ضد أيضاً إن نطلق أحكام بنسب لم يتم دراستها ...و شكراً لك يا سمسم
مــى

Anima يقول...

الظاهر انك واقع في واحدة لبنانية
طيب و المغربيات؟

سمسم يقول...

مولاتي
....
ههههههه!!!!

هههههههههه!!!!

تحياتي

!!

سمسم يقول...

أحمد
....
يادي اسكندرية اللي لحست مخك

يابني ممكن تروح تتجوز واحدة من هناك

تلاقي عمها المعلم عباس الزفر وابن

عمها الشاويش رجب وامها ركابها دسة

عفاريت تركي

ويخدوك علي المخازن في المينا وهاتك

ياضرب اسكندراني وهاتك ياروسيات

وبنشات وطاخ وطيخ وتخرج من تحت اديهم

عجين متأرص وفاضلك تخش الفرن

لأ يا عم الطيب احسن

تحياتي

سمسم يقول...

أنيما
.....
يا فندم ماتئلئيش عندي ليك واحد صحبي

ايه ايما وسيما ومركز إجتماعي وصحة

وعافية ورياضي بس يعني فاتو الشباب

بمحطتين....يعني عندو 85 سنة الا اربعة

شهور

ولكن

يقدس الحياة الزوجية

وعندو إنفتاح علي الدنيا

وعاوز يكمل دينو ويعيش

ايه رأيك يا جميل

تحياتي

سمسم يقول...

المجهولة مي
........
يا ستي دي مش احكام ولا دراسة ولا حاجه

من دي خالص.... الموضوع وما فيه ان

احنا عاوزين شوية إهتمامات متبادلة

من كلا الطرفين

تحياتي

ابن عدّى يقول...

على فكره ياسمسم الست لو انها تعرف الله وتعرف اوامر الله فى معاملة الزوج ما كانش فيه يا خاين يا غشاش يا دنئ يا سافل
وكما قال صلى الله عليه وسلم اظفر بذات الدين تربت يداك
كده ولا اييييييييييييييييه

Mohamed A. Ghaffar يقول...

اللهم عافنا واعف عنا

سمسم يقول...

بن عدي
.....
أحسنت

بس هتتعب شوية في البحث يا مااااااان


تحياتي

سمسم يقول...

عبده
......
انت خايف ولا ايه؟!!

تحياتي

Anima يقول...

ياض يا سمسم مين قالك أنا عايزة أتجوز

و كمان جايب لي واحد قد جدي

يخرب بيتك هههههههههه

سمسم يقول...

أنيما
......
الجواز يا بنتي نعمة واللي يرفسها يعمي

تحياتي