قليل من الحياء كثير من الـ...!!


أهلاً ياشباب

ليس مألوفاً أن نرى امرأة عربية تأخذ زمام المبادرة وتتحدث عن موضوع الجنس الذي يعتبر الحديث فيه محرماً أو عيباً أو قلة أدب.
هذه المرأة هي هبة قطب أول طبيبة مصرية اختارت لنفسها هذا المجال الشائك للتخصص فيه "الطب الجنسي والاستشارات الزوجية " والتي تعد الأولى فيه ليس في مصر فقط بل في العالم العربي بأسره.
تقوم الدكتورة هبة بتقديم برنامج تلفزيوني بعنوان " كلام كبير" يتم بثه من العاصمة المصرية لدول الشرق الأوسط.وقالت قطب عن برنامجها،:" نتحدث عن الإستمناء..الجنس عبر الإنترنت، نحن نتحدث عن الجنس وشهر رمضان، نتحدث عن ليلة الدخلة، وكذلك أمور كثيرة يجهلها الكثير من الناس
سؤال هل يا دكتورة تعلم العرب كل شيء بدءاً من الوضوء وإنتهاءاً من تصنيع الأقمار الصناعية وإقامة المفاعلات النووية ولم يبقي غير العلاقات الجنسية لكي يتعلموه، علماً بأنهم وبشهادة الفضائيات العربية هم أبرع الناس فيه !!!
لا حياء فى الدين
مقولات اصبحت عبئا على اخلاقنا وقيمنا وعلى الاداب الدينيه بعد ان حملها البعض مالا تطيق واتخذوها مظله لاباحة كل شئ حتى اصبح ما يحدث فى غرف النوم منشورا ومتداولا على شاشات الفضائيات فى اطار دينى احيانا واطار اخلاقى احيانا اخرى
ومن اعترض كان المواجهة ضده تحت دعوى "لا حياء فى الدين"ومن حق الانسان ان يتعلم ما يجهله فى حياته الجنسيه، وكأنهم فى غفله عن كونها فطره جبليه داخل الانسان السؤال الى اى مدى يصح ان نحصل على المعرفه فى حياتنا الخاصه على الملأ وامام الصغار والكبار؟؟؟؟؟؟؟ والى اى مدى يصح للمراهق ان يتصل بمذيعه شابه يسألها عن امور خاصه جدا فتقوم باستضافة امرأه لترد عليه؟؟؟؟؟؟؟ العلماء يصفون ما يحدث بحاله من العبث الاعلامى لا هدف لها سوى الكسب من خلال الاثاره فيقول الدكتور فتحى الفقى الاستاذ بكلية الشريعه جامعة الازهر "ان مقولة لا حياء فى الدين "مقوله ملغوطه لان الدين كله حياء وكما قال رسولنا الكريم صلى الله عليه وسلم ان "الحياء شعبه من شعب الايمان" وكان النبى كما روت كتب الحديث اشد حياءا من العذراء فى خدرها ولم يكن النبى يصرح بما يخجل من الكلمات وهو يرشد المسلمين بل كان يكنى لذلك عندما استنفر الناس للقتال ورأى صحابيا تبدو هيئته انه لم يكن مستعدا فقال له لعلنا اعجلناك وكان صلى الله عليه وسلم يحيل السيدات اللاتى يأتين اليه يسألنه فى امور دينهن الى السيده عائشه لكى تشرح لهن هو سلوك يعلمنا أن أمور النساء يعلمها النساء الفقيهات للنساء السائلات
ويقول الدكتور محمد المسير ان المجتمعات الاسلاميه تواجه ظاهرة خطيره لا يجوز اهمالها حتى لا تدع المتلقى فريسه لهؤلاء اللذين يعبثون بعقول البشر وبدعوى انه "لا حياء فى الدين" ويمررون من تحت شعارها كل مناف للقيم دعوى للوسيله واشاعة المنكر وتعميم الانحرافات بكل تفاصيلها
ومعنى انه "لا حياء فى الدين" ان الانسان يسأل عن امور دينه العامه والخاصه ولا يتحرج من عرض سؤاله بادب الكلمه وادب الموقف وفى اطار الضوابط الاخلاقيه بين السائل والمجيب
ويشير الدكتور حمدى طه استاذ الاعلام بجامعة الازهر ان هذه الموجه لن تستمر طويلا خاصة وان هناك قنوات جاده تظهر بين الحين والاخر والناس يبحثون عن الجاد وليس كما يقال ان الناس تبحث عن التافه من الامور
وبعد يا دكتورة هل يخجل اللذين يديرون قنوات الجنس الكلامى ويتوقفون عن هذه المهزله؟!!
أشك

28 عبرني:

يا مراكبي يقول...

أعتقد أنك تتفق معي في أن المغزى من هذا البوست ليس تجريم الحديث عن حلول للمشاكل الجنسية والتي يجهل عنها عالمنا الشرقي الكثير .. لكننا نتحدث عن الإسلوب أو الوسيلة التي يتم من خلالها عرض الموضوع .. وخصوصا أننا في عصر السعي وراء الكسب المادي السريع عبر إستغلال هرولة الناس وراء كل ما هو مغر ومثير

ينطبق ذلك أيضا على تفسير الأحلام و التداوي بالخزعبلات .. إلخ من الأشياء التي تجذب الناس دون تعقل منها

Sampateek يقول...

دكتورة هبة بتتكلم بمنتهى الاحترام و التدين عن هذه المواضيع بشكل علمي خالي من الاسفاف و الابتزال
انا معاك ان ميصحش ان المواضيع دي تتعرض في التليفزيون و انها مفروض تكون على شرائط فيديو مثلا لتثقيف المقبلين على الزواج او من لهم مشاكل حميمة مع ازواجهم

لكن الست لا غبار عليها الصراحة حتى لبسها محترم جدا و مواضيعها فعلا في الصميم

انا مع كل برنامج هادف ينشر الوعي الديني و العلمي و الثقافي في مجتمعنا

تحياتي لموضوعك الشائك
و لشخصك المحترم

Islamist Bloke يقول...

انا كنت بقرأ لدكتورة هبة على موقع بص وطل زمان اول ما طلعت وطلع الموقع

وبصراحة كانت لغتها واسلوبها محترمين جدا وكانت مبتقولش اى حاجة وحشة والاجمل انها كانت بتربط كل حاجة بالدين ودايما تربط الجنس بايات قرانية جميلة بتتكلم عن العلاقة الجنسية يعني بتخليك تعيش الاسلام صح كدين روحاني وعلاقات مادية وجنسية كمان يعني بتقولك الاسلام ما اهملش الجنس من الحياة البشرية زي باقى الاديان غير الواقعية

مش عارف بأة اليومين دول بتقول جديد واللا لا....لكن هى عموما النظام بتاعها اخوان مسلمين....السيستيم اللى ماشيين بيه هو هو مبيتغيرش

وربنا يهدي الجميع

اه فيه خبر حلو

الجماعة الاسلامية بدأت تحيا من تانى

انا عايز اعرف الحكومة خرجتهم لية وازاى؟

واحد زي ناجح ابراهيم او عصام دربالة-على راسنا من فوق طبعا- بس الناس دي عملت اللى محدش فى الدنيا عمله مع الحكومة المصرية...ومع ذلك افرجوا عنهم....ربنا ينصرهم لو كانوا على حق....وعايز اعرف اكتر عنهم

وخلينا نشوفك يا سمسم

اه على فكرة

اميرة كلمتني من يومين بطريقة وحشة جدا.....وبتقولى كلام بايخ جدا وانا زعلت اوى بصراحة
هى بتقولى انى كلمتها بكلام مش عارف ماله و خاطبتها بالقاب هى مش متعودة عليها وبناء على ذلك انا اصبحت شخص مش كويس وهى مع الناس الكويسين مش بتنشر تعليقاتهم وبتديهم كلمتين فى العضم وبعدين مش عارف اية...حاجة سخيفة كدة

قلت اعرفك بس بما انك كبير العيلة....بس مش من باب شكوى او حتى مصالحة....فكك

قلت اعرفك الحياة فيها اية بس

وسلامي للجميع

غير معرف يقول...

أوفقك يا أستاذ أسامة فيما ذهبت إليه ..من خطأ مفهوم لا حياء فى الدين !! و هذا يذكرنى ببعض العبارات المغلوطة من أمثلة ..إتق شر من أحسنت إليه !! و التى كانت فى الأصل ( إبقى سر من أحسنت إليه ) ..تخيل المعنى الجميل المتمثل فى عدم البوح بالإحسان أو المباهة به يتحول لى الحرص من المحسن إليه الذى حتماً و بحسب المثل المغلوط سوف يأتى منه شر

أما بالنسبة لموضوع د/ هبة قطب ..فهى مع إحترامى لزيها و محاولتها الإلتزام بالأسلوب المهذب ..و إلا أن الموضوع بحد ذاته لا يليق عرضه على الملأ.. لذلك كنا نقوم بإستضافتها فى بعض الندوات للتحدث للاخوات المتزوجات أو المقبلات على الزواج
لذلك أنا مع الرأى الداعى لدراسة هذه الثقافة و لكن بضوابط
جزاكم الله خيراً يا أستاذ أسامة على هذا الطرح.. و بارك الله لك فى ذريتك
أم تســنيم

tasneem يقول...

أنا لن أتكم فى هذا الموضوع فحضرتك تكامت فوفيت فجزى الله حضرتك كل خير و لكن سأتناول تلك النقطة التى تناولتها حضرتك و هى كلمة لا حياء فى الدين و أولئك الأشخاص الذين يستخدمونها فى غير موضعها فيبيحون بها كل محظور فحسبنا الله و نعم الوكيل فى هؤلاء
تحياتى لحضرتك و تدويناتك التى تأتى فى وقتها و مكانها المناسب تماما
و السلام عليكم
و سلامى لسهيلة لا ينتهى

غير معرف يقول...

السلام عليكم ورحمة الله وبركاته
كثير من........ الله أعلم
الوضع واضح والمغزى مفهوم
من يبدأ بمنع ختان الإناث ويدعو إلى وجود ثقافه جنسيه بين الناس على الشكل الغربى ماذا تتوقع منه؟
خطه موضوعه بإحكام وينفذها نظام عميل مغزاه هدم الجيل الصاعد وتدمير شباب هم بنية هذا الدين وقوام مجتمعاته
عبرتأمامى قصه صغيره كان يحكيها صديق فى اوروبا ان إبنته ذات السادسة عشر سنه أصرت المدرسه أن تعرضها على طبيب نفسى لماذا؟
لأنها ما زالت بكرا فبالتالى هى تعانى من آلام نفسيه
هل يصل مجتمعنا الى غباوة الأوروبيون وهمجيتهم فى التعامل مع الغريزه مع كل هذا التقدم العلمى ؟
من رأيى أنها مرحله أخرى من مراحل التاريخ الغريبه التى تمر علينا
ولكن يبقى ان الناس تعرف أن الحياء شعبة من شعب الإيمان
بارك الله فيك على اثارة هذا الموضوع
بمناسبه أن الأخت تتكلم وتلبس باحترام فهذا الموضوع ليس طرحاللنقاش بهذا العلن الا يكون هناك كثير من الحياء
ولاّ اللى اختشوا ماتوا؟؟؟؟؟؟؟؟؟
كده ولا اييييييييييييييييييييه

koukawy يقول...

انا يا سمسم مش موافقاك في الرأي لأن انا شايفه ان الست محترمه و بتنقي الفاظها جدا و فعلا اللي بتتكلم فيه مهم و ان فيه طلاق كتير جدا بسبب مشاكل من النوع ده
و بعدين لما واحده تتصل بدكتوره ست لتستفيد
احسن ما تتصل بشيخ راجل و تسأله و يديها فتوي و صدقني في ناس كتير بتحتاج ارشاد سواء ستات او رجاله
بس من رأي انها مش بتعمل كده للكسب المادي
و في نفس الوقت مش بتخرج عن الحدود

حوريه يقول...

سمسم
مساء الخيرات
مع احترامى لرايك .. الدكتورة هبه سيدة محترمه و متعلمة و برنامجها نافع وواقعى و تثقيفى
عندما تقرا فى التراث الاسلامى ستجد اشياء لا تصدق تقال بكل جراة و بلا حياء .. و مع تغير الزمن و استحداث مشاكل لم تكن موجودة لابد من مناقشتها عن طريق انسان متعلم بلا حياء ايضا فلا حياء فى الدين
بس بوست جميل ... تحياتى
ارجو تشريفى بمدونتى لقراءة قصتى الجديدة اجازة طويلة
و شكرا
ناديه

أميرة البلطجية يقول...

يادي الفضايح
اغيب يومين ارجع الاقيك بتكلم في مثل هذه الامور؟؟؟ طب اعلق انا ازاي دلوقتيييييييييي
!!
بص بقي
طبعا انا اعرف هبة قطب..لكن مش متبعاها ..مش لسبب معين يعني..انت عارف انا مش غاوية تلفزيون..لكن ليا رأي......زي ما المراكبي قال...المواضيع اللي من النوع دي فيها مشاكل بتمس الجميع..مراهقين ومقبلين ع الجواز ومتزوجين..فأكيد انت مش قصدك ان الكلام فيها يتمنع تماما..لأن الناس عندها مشاكل..اما بقي رفضك ان مراهق يكلم ست عشان يسألها في موضوع زي ده..فخليني اقولك..لو كان السؤال حاجة كده من باب الفضفضة..اقولك اه..لكن ده سؤال طبي اكتر منه فضفضة..ونوع من سؤال اهل الذكر ان كنتم لا تعلمون..والست دي صاحبة علم..بل انها متفرد فيه ومفيش حد من الرجال ظهر عشان الرجال والشباب يلجأولوا..وعلى حد علمي الاسلام ممنعش ان الراجل يسأل الست ان كانت صاحبة علم ..مع الالتزام بقي بكل الضوابط الخ..وهي فلا بشهادة الجميع محترمة وغير مبتذلة لا في مظهرها ولا في كلامها..ودي استاذة في الجامعة ومحاضرة..وكلامها كله من وجه نظرية طبية وسيكولوجية...كونها بقي بتيجي ع التليفزيون فيبقي اللي الموضوع ميخصوش بيتفرج ويحصله فتنة..فالحقيقة مش عارفة كيفية تقنين الموضوع لكن فيه مشكلة..المواضيع دي حرجة بحيث ان الناس متروحلهاش وخصوصا مثلا لو شباب صغير ومراهق..بيلجأوا للمجلات الصفرة وصحبة السوء..اوظن الست دي نفعها اكتر من ضررها
بالنسبة للاخ احمد..اللي بيستشهد بيا كمثال للدنيا اللي بيوريلك عاملة ازاي..فانا مش حتكلم في موضوعه ع الملأ كده..وكل واحد ربنا يسامحه
تحياتي وسلامي لسهيلة
متجبلهاش سنزي بقي طلعت سكه

Leonardo يقول...

أعتقد إن الموضوع أساسه الجنس ..
نتكلم عنه أصلا وللا لأ ؟
د. هبة بتتكلم عن علم وبتتكلم عن حاجات تهم الناس فعلا مش من باب الرفاهية
وبتتكلم بأسلوب محترم وبتستشهد بآيات وأحاديث من القرآن والسنة
أمال إيه المشكلة ؟
المشكلة إنها بتتكلم فى الجنس وعن مشاكلنا الجنسية اللى اتعودنا من صغرنا على إنها تابو كبير ممنوع نقرب منه وإلا نبقى قليلى الأدب والحياء !

الفتاوى فى الأمور الجنسية على أى موقع دينى تحظى بأكبر نسبة مشاهدة
الفضائح الجنسية فى الجرائد الصفراء أو حتى صورة شبه عارية ترفع مبيعات هذه الصحف
القصة أو الفيلم الذى يهاجمه البعض لجرأته يحظى بأعلى نسبة مشاهدة
الكليبات العارية ... المواقع الساخنة ... إلخ

كل هذا الكبت ومازلنا مصرين على دفن رأسنا فى الرمال والتقفيل ع الموضوع ..

هل يأمرنا الإسلام بهذا ؟
لاأعتقد !
الحياء شىء والخجل المرضى وسلوك التابو شىء آخر

ثم أننا لانتحدث عن برنامج مثير للغرائز أو برنامج من الحكى والنميمة
نحن نتحدث عن طبيبة تتحدث بالعلم والدين عن أمر أساسى من أمور حياتنا
وكمّ المشاكل فى البيوت نتيجة الجهل الجنسى أكبر من أن يتم تجاهله
والمفاهيم الخاطئة انتشرت كالنار فى الهشيم نتيجة مصادر المعلومات الخاطئة من مواقع مشبوهة وأفلام البورنو
بالطبع لأنه لاتوجد مصادر معلومات سليمة متاحة للمعلومات حول الحياة الجنسية

رأيى الخاص أن برنامج ومقالات الدكتورة هبة ليست ضد الحياء فى الإسلام وإنما هى من قبيل العلم الواجب علينا طلبه لنؤسس حياة سليمة وطبيعية

أما عن المفاجأة من الأحاديث حول الجنس فهى بسبب التربية الخاطئة على التعامل مع الجنس على أنه تابو وليس غريزة خلقها لنا الله مثل باقى الغرائز وينبغى لنا أن نتعلم كيف نتعامل معها ونهذبها لاأن نتجاهلها ونتعذب بها

سمسم يقول...

حبيبي مراكبي
..........
انت فين يا معلم؟!!

جدير بالذكر اني اتفق معك وهذا ما

كنت اقصده بالفعل

تحياتي

سمسم يقول...

كلابيزو
......
"ميصحش ان المواضيع دي تتعرض في

التليفزيون...."

بس هو ده اللي كنت عاوز اسمعه منك

تحياتي لردك الشيق

ولشخصك السمبتيك !!!

سمسم يقول...

أحمدوف كلانشيكوف
............
سلامات يا عترة..!!
ايه بقا يابني تداعي الأفكار ولغبطة الأوراق دي في التعليق..!!
ايه اللي دخل الإخوان في موضوع د.هبة
وايه اللي دخل الأتنين في حوار الجماعة الإسلامية؟!!
علي العموم انا عارف انك بتمر بفترة إمتحانات وهارديسك العقل احياناً بينقل داتا منكان داتا تانية
د.هبة يا سيدي تعدت حدود العلم والطب والثقافة الي حدود بيزنس المعلومة وتشويق الهدف وإثارة القضية
شوية مصطلحات وخروج عن النص في غالب الأحيان مالهومش لازمة..وإنفتاح علي البحري لضمان اعلي نسبة مشاهدين
المصيبة ان نصف الشعب المصري من الشباب وكل هؤلاء الشباب ما بين سن الثلاثين الي الأربعين لم يحالف معظمهم الحظ ليتزوجوا..يعني في الآخر مواضيع هتجلب امراض نفسية واخري عضوية جنسية بالتأكيد
بالنسبة لموضوعك انت والأخت أميرة البلطجية فمعنديش خلفيات بس اكيد لو في حد منكم غلطان فبتأكيد لازم يصلح ويعتذر في إطار الأخوة اللي اتعودنا عليها..والخطأ وارد من الجميع
تحياتي

سمسم يقول...

أم تسنيم
........
"الموضوع بحد ذاته لا يليق عرضه على

الملأ..."

هذا ما أردت قوله منذ البداية

بارك الله فيك

تحياتي

سمسم يقول...

تسنيم
.....
"كلمة لا حياء فى الدين و أولئك

الأشخاص الذين يستخدمونها فى غير موضعها

فيبيحون بها كل محظور....".

بارك الله رجاحة عقلك وحسن منطقك

تحياتي

وتحيات الحاجة سهيلة المشكلتة !!

سمسم يقول...

بن عدي..مجهول
............
"من يبدأ بمنع ختان الإناث ويدعو إلى

وجود ثقافه جنسيه بين الناس على

الشكل الغربى ماذا تتوقع منه؟"

لا اتوقع منه الا كل فساد وإفساد

ربنا يكرمك

تحياتي

سمسم يقول...

كوكو الكميل
...........
"و في نفس الوقت مش بتخرج عن الحدود.."

أخ اول مرة نختلف يا جميل

يبدو ان تقدير الحدود قد يختلف من شخص لأخر تبعاً لرؤيته في مدي الخير من وراء هدف ما..الا ان ما لانختلف عليه ان البرنامج غير موجه لفئة المتزوجين او من هم علي اعتابها..بل بسبب كونه من الفضائيات فيحرص قطاع كبير من المراهقين ومحدودي الدخل ومن لم تحالفهم فرصة الزواج علي المشاهدة بل والمشاركة
وعندي كلمة صغيرة قوي..زمان كانت المحلات بتعرض اللانجري والأندروير بالداخل في اقسام خاصة ويكتب علي المحل يوجد ملابس داخلية بالداخل
اما اليوم فتعرض هذه الأشياء لجذب الزبائن لمشاهدة اقسام الملابس الأخري
وللأسف تجدين الشباب الصغير والمراهقين صفوف اما فتارين العرض مبحلقين في المانيكانات
ارجو إسقاط هذا علي ذاك
تحياتي

سمسم يقول...

حورية
.....
ايييييييييييييه الغيييييييبة دي؟!

المهم

"عندما تقرا فى التراث الاسلامى ستجد

اشياء لا تصدق تقال بكل جراة و بلا

حياء..."

يعني إحنا كده بنعيد نفس الخطأ التاريخي

تحياتي

سمسم يقول...

مولاتي
.....
"ونوع من سؤال اهل الذكر ان كنتم لا

تعلمون..."

في رده علي سؤال المرأة التي جاءت

تستفهم كيف تتطهر من الحيض قال لها خير

البشر صلي الله عليه وسلم"خذي قرصة

وتتبعي بها اثر الدم"

فسألت المرأة كيف؟..فاشتعل وجه النبي

حياءاً وخجلاً...وقال سبحان الله !!

فتدخلت ام المؤمنيين عائشة رضي الله عنها

وإنتحت بالمرأة جانباً وفهمتها عملي

ست لست كيف تتبع أثر الدم بقطعة

قماش معطرة بعد إنقطاع الحيض والإغتسال

فهل في هذا رد علي تعليق سموكم الكريم

ادام الله ظلكم المجيد

ودولتكم البلطجية

تحياتي

سمسم يقول...

ليوناردو
........
اهلاً بيك يا كابتن في بيتنا القديم
بص يا برنس ما فيش مشكلة ان احنا نتتكلم في الجنس وعمر الجنس ما كان تابو في التراث العربي او المصري علي وجه الخصوص الا تري ان نصف النكات جنسية ان لم يكن معظمها ومعظم كتب الأرصفة جنسية وصور الجرائد والمجلات من قديم الأزل جنسية وكتب التراث تذخر بأبواب جنسية علاجاً واوضاعاً وكيفية
يعني مافيش تابو ولا حاجة
اذن المشكلة هو نقل كل ذك علي الملأ في جو مشحون اصلاً بالجنس من خلال الفيديو كليب والأفلام والنت والموبيلات يعني احنا بنعاني ظاهرة إنفجار جنسي يصاحبها سعار جنسي مفضوح يعني الجنازة مش محتاجة حد يلطم ويصوت فيها
وعلي فكرة الدكتورة هبة لم تأتي بجديد لنؤسس عليه نحن الأميين من وجهة نظرك عالمنا الجنسي الذي كان يعاني الفوضي والبدائية حتي حطت الدكتورة هبة برحلها فوق كوكبنا المجهول
وعلي فكرة اي بنت من زمان مش من دلؤتي لما بتوصل للمرحلة الثانوية ان لم تكن الإعدادية بتكون عارفة معظم الكلام في الموضوع ده فما بالك بالذكور الشياطين منذ الإبتدائية
ثم أي ام قبل زفاف ابنتها تدلي لها بما يكفل لها حياة جنسية جيدة والباقي بالتعاطي مع الحياة الجديدة ورغبة الشريكين
والخلاصة ان الدين قال اتقي الحيضة والدبر...وترك لك باقي الموضوع فافعل وافعلي ما تشائين بدون حرج طالما تجنبت هذين الموضعين
في النهاية الجنس مثل إلتقام الرضيع ثدي امه فطرة من دون تعلم ولا خبرة مسبقةالا تتفق معي في هذا
تحياتي

غير معرف يقول...

اردت ان اعلق على البوست
ولكن تعليق الاخ احمد اسلامست
لفت نظرى

فعلا انت خنأ
والله العظيم
خنأ
اه والله

أميرة البلطجية يقول...

كويس اوي
عموما يبقي العيب مش في الدكتور هبة اذن
كما انه مش عيب في اللي بيسأل
العيب في الدكاترة الرجالة اللي مش بتتخصص في المجال ده عشان تقضى حاجات الرجال والشباب المسلم

حوريه يقول...

سمسم
احيييك بشدة على خفة دمك التاريخية
حورية

islamist bloke يقول...

تداعى الافكار وارد برضة..ان ما كانش لسعان تام
(:

بالنسبة للاخت اميرة...انا ماغلطتش فى حاجة ومش عارف اصلا اية الموضوع....هى قلبت فجأة و انا متكلمتش الا هنا

وزي ما قالت...كل واحد ربنا يسامحه

و محبش ان اى حد يزعل منلا...خصوصا ان لها عليا أيدي كثيرة

المهم انت اية اخبارك.....امتحاناتي قربت وهتخلص بسرعة وواحد صاحبنا هيتدبس هيتدبس فى مشوار العهد الجديد
(:

ادعى لى يا سمسم عشان متوتر جدا اليومين دول....عندي بكرة امتحان قران فى 5 أجزاء من التوبة للكهف واللى حافظه بجد قليل...والباقى لخبطة والتحريرى مفيهوش لخبطة

خايف جدا وربنا يعديها على خير

سلامي للجميع

والسلام

سمسم يقول...

مجهول
....
الله يسامحك

صوتك كشفك

وفضحاك ملامحك

تحياتي يا .....!!

سمسم يقول...

مولاتي
....
اسم الله عليك

اهو انت جيبتي المفيد

ومنكم نستفيد

تحياتي

يا بلطجة !!

سمسم يقول...

حورية
.....
عجبك كده عمال اهريق علي ودناتي

مياه مثلجة من الزير بتاعنا ومش

عاوزة تبرد

وحياة ربنا العظيم ما تحرجيني تاني !!

تحياتي

سمسم يقول...

احمدوف
.....
شد حيلك وسيبك من اي مؤثرات خارجية

وركز لأجل ما ربنا ينفخ في صورتك!!

بخصوص توتر العلاقات علي الحدود بين

مدونتك ومدونة العزيزة اميرة وحشد

هذا الكم الهائل من المشاعر السلبية

بين طرفيكما مع انكما حلفاء زي

لامؤخذة افغانستان وباكستان او زي

المالكي ومقتدي الصدر او زي واشنطن

وتل ابيب

بإختصار زي الظافر واللحم !!

فأنا ارجو واتعشم ان تتداركا هذه

التوترات بالإعتذار المتبادل من دون

قول مين الغلطان مع حتمية ان يبين كل

طرف ما الذي اغضبه واثار حفيظته من

الطرف الآخر فلربما كلمة لم يلقي

احدكما لها بالاً عكرت صفو علاقتكما

الأخوية او مداعبة لفظية ثقيلة ليست

في محلها او تشبيه يرفضه طرف منكما

علي العموم خيركم من بدأ بالسلام

والإعتذار..والمؤمنون اخوة..ومش انا

اللي هوصيك علي اميرة يا معلم احمد لو

نظرت الي حجم ثنائك عليها وإحترامها

لك لحسدتكما!!

استوب

وقف

عيد آخر كلمة من فضلك

لحسدتكما

يانهار مش مدون في النتيجة

يبقا اللي حصل ده نتيجة حسد من سموي

انا آسف يا جماعة

يالا حصنوا مدونتكم وريحوا بالكم

تحياتي