شمروا يا رجاله


أنت و الصلاة: الحرص علي الفريضة علي وقتها في جماعه – يفضل في المسجد – يساوي 100,000 (مئة ألف) حسنة في ليوم الواحد أو 3,000,000 (ثلاثة ملايين) حسنة طوال شهر رمضان !!!!النوافل : الحرص علي 12 ركعة في اليوم : 2 قبل الفجر , 6 حول الظهر , 2 بعد المغرب و 2 بعد العشاء يبنى لك بها قصر في الجنة في غير رمضان بنص حديث الرسول – صلي الله عليه و سلم - فما بالك بالحرص عليها في رمضان.

أنت و القرآن: كل حرف بحسنة و الحسنة بعشر أمثالها و في رمضان بسبعين ضعفًا، إذن قراءة الجزء الواحد = 4 مليون حسنة تقريبًا، فكيف لعاقل أن لا يقرأ جزءًا علي الأقل يوميًا لتحقيق هذا الثواب غير العادي ؟؟ و لم لا نجتهد و نقرأ جزئين يوميًا ( بعد الفجر و قبل النوم مثلا ) لنختم مرتين ؟؟

أنت و الصدقة:بسبعين ضعفًا في رمضان و هي تطفئ غضب الله على العبد، خصص مبلغًا معينًا تتصدق به كل يوم و سترى لهذا أثرًا رائعًا في حياتك.

أنت و التراويح: الحرص عليها أفضل من تضييع وقت رمضان الثمين المليء بنفحات الله في التمثيليات و الفوازير و غيرها من مضيعات الوقت و حاول إن استطعت أن تصلي في مسجد يقرأ بجزء يوميًا لتضاعف من ثواب القرآن اليومي.

أنت و صلة الأرحام: و ابدأ بمن بينك و بينه خلافات و كن أفضل منه فلن يقبل الله صيامًا من مسلمَيْنِ بينهما مشاحنات أو عداوة.

أنت و الدعوة للخير: ادعُ الناس لكل هذا الخير الذي عرفته و شجع القريبين منك على الحرص على الطاعات.

الصحبة الصالحة: صاحب في رمضان صديقك الحريص على طاعة الله لتعينوا بعضكم البعض على الخير و ابتعد عن رفاق التهييس والهيبرة.

انظر إلى أمر المولى بالصبر على رفاق الخير أي مقاومة هوى النفس في الانصياع إلى أهوائها أو مصاحبة غيرهم من محبي الدنيا في سورة الكهف "و اصبر نفسك مع الذين يدعون ربهم بالغداة و العشي يريدون وجهه و لا تَعْدُ عيناكَ عنهم تريد زينة الحياة الدنيا و لا تطع من أغفلنا قلبه عن ذكرنا و اتبع هواه و كان أمره فُرُطا"

الدعاء: كان الصحابة يحرصون في رمضان على دعوات محددة يركزون عليها في الصلاة و كل المناسبات طوال الشهر و يقولون: فوالله ما يأتي رمضان الذي يليه إلا و قد استجيبت كلها، و لا تنس مهما تعددت دعواتك أن تدعو الله أن ينصر الإسلام و المسلمين في الأرض كلها و أن يعيد للمسلمين المسجد الأقصى و فلسطين و ما ذلك على الله بعزيز .

24 عبرني:

break يقول...

كل سنة و حضرتك طيب
ربنا يبلغنا و يلغك رمضان على خير ان شاء الله
و نطلع منه فائزين
و مغفور لنا
جزاك الله خيرا :)
تحياتى

Jana يقول...

لك ان تتخيل ما حدث لى...عندما فتحت مدونتك....فانطلق عبد المطلب يشدو بأجمل الكلمات والالحان واحبها الى قلبى منذ كنت صغيرة(يعنى من 3-4 سنين كده)....ففوجئت بابنتى تبكى حيث جاء رمضان ولم اشترى لها الفانوس بعد
ثم جاء ابنى وقرر الغاء المصيف المقرر بعد ايام ان شاء الله
لأن التصييف فى رمضان حرام..وعلى حد قوله انه ممكن يشرب من البحر غصب عنه فيفقد صيامه
احاول حتى الان اقناعهم ان الاغنية ليست الا فرحة مسبقة بدخول رمضان
ولكن....لا حياة لمن تنادى

كل سنة وانت بخير والى الله اقرب وب سهيلة اسعد
وجزاك الله كل خير ..على ادخالنا فى المود الرائع وسماعنا للاغنية البديعة

اللهم بلغنا رمضان
واجعلنا جميعا من عتقاءه هذا العام
اميييين

المهم...صايم ولا زى كل سنة؟؟؟؟؟؟؟

koukawy يقول...

الحمد الله بفضل الله و رحمته
ان انا رمضان اللي فات و اللي قبله عملت اغلب النصايح اللي مكتوبه
و كنت سعيده اوي و نفسي يفضل رمضان علي طول
مع اني بصلي بانتظام الحمدلله علي طول بس بحس فيها فرق صلاة رمضان الحمدلله
ربنا يوفقني رمضان ده كمان
اللهم اعنا علي ذكرك و شكرك و حسن عبادتك
اللهم بلغنا رمضان يا رب و لا تحرمنا اجره

أميرة البلطجية يقول...

هههههههههههههه انت بتلخص دروس عمرو خالد..كويس..اول خطوة ايجابية تعملها قبل رمضان
شاطر يا اسامة...بكرة ان شاء الله تبدأ تلخص دعوة للتعايش
هههههههههه
اسامة..خلاص..بلاش الطوبة دي كبيرة اوي..طب انا اسفة..عمرو خالد اللي بيلخص منك
:P
كل سنة وانت طيب
متنساش تدعيلي في ليله النص من شعبان ان شاء الله

سمسم يقول...

بريك
.....
بابا جابلك الفانوس ولا لسه يا جميل

اوعي تعملي نفسك بقا نينه ولاه طنط

لازم يجيلك فانوس كبييييييييييير

وتدوري في الشقة في الخباثة وتؤلي حالو

يا حالو رمضان كريم يا حالو

المهم

تقبل الله منا ومنكم والسنه الجايه

جمعاً في فلسطين

آمين

سمسم يقول...

ام جانا
........
هههههههههه

طب والله إنكم حقاً عائلة لذيذة جداً

ربنا يبارك فيكم وعليكم ويجمعكم في

الجنة...ويعجل لكم الخير ويصرف عنكم

الشر

اللهم آميييييييييييييييييييييييين

بالله سلمي لي علي الكتاكيت

الفوانيس جنب جامع السيدة اسعارها

حلوة ومنوعة بجانب الجانب الروحي وعبق

التاريخ بتاع المكان

كل سنة وانت طيبة

سمسم يقول...

كوكو
....
طب ده جميل

الصلاة من الآخر صلة بالله اللي احنا

كلنا محتاجين اليه ومفتقرين الي رحمته

كل سنة وانت طيبة يا كوكو

وان شاء الله يا عسل نتكعبل فيك في احد

اركان الكعبة في العشر الأواخر من

رمضان

آمييييييييييييييييييييييييين

سمسم يقول...

مولاتي
.....
انت يا بنتي كنت شغاله في الكنترول بتاع ثانوي قبل كده
بجد قراريه ومذاكرة
بس انت
عسل
وسمن
ودقيق
وشيكولاته
وبيض
وفانليا
وفارمسيه
وبيكبودر
والمرة الجايه هؤلك علي طريقة عمل البيتي فور

Anima يقول...

رمضان كريم و تقبل الله صيامكم

break يقول...

هوا انا قاهرنى غير موضوع الفانوس ده
ماما وعدتنى و مجابتليش لسة
يا عينالى حاجة حلوة مفاجأة
يا هتكبر دماغها منى للأسف
جمعوا بئا و جيبولى واحد
بيغنى
و كبيييييييييييييييير

sa'7so'7te يقول...

كل سنة و انتو كلكوا طيبيييين
وحوى يا وحوى
بس انت المفروض توزع علينا فوانيس و بلاش البخل ده
بجد ربنا يخليك على البوست ده لأن انا اول ما فتحته فرحت جدا برمضان
بس عندى سؤال: هو الركعتين اللى بعد العشا دول غير الشفع و الوتر؟

سمسم يقول...

أنيما
.....
الجميل اخباره ايه

يا تري انت كمان باباكي جبلك الفانوس

بجد حاولي تتكلمي في مدونتك عن رمضان في

المغرب بتعيشوه ازاي واجمل حاجه في

عاداتكم فيه

الصلاة الاكل الاسرة البيت الزيارات

الخ الخ الخ

ملحوظة

طبعاً انتم محظوظين عشان بلدكم اسمها

المغرب وده احسن توقيت في نهار رمضان

يا بختكم بإسمكم

سمسم يقول...

بريك
....
وعندك واحد فانوس بيغني وحوي يا وحوي

لأحلي ضكتورة في شمال إفريقيا والجيزة

وعنبر الحالات الحرجة والمستعجلة واللي

رايحة الاخرة

وصلحوااااااااااااااااااااا

سمسم يقول...

صحصحوتي
.......
أخيراً صحيتي من نومك...مع ان اسمك
صحصحوتي يعني لازم تكوني مصحصحة علي
طول
بردو نفس السؤال...جابولك الفانوس
ولا لسه
لو كان لسه...عليك بالتالي

* إستخدمي استراتيجية عاااااااااااء
وااااااااااااااااااااااااء
مالييييييييييييش دعوووووووووووووة
عاوزة فاااااااااااااااااااانوس
سنيف سنيف إهئ إهئ إهئ

* حددي طلبك بالإشارة لأحد فوانيس
الاقارب...يعني زي بتاع فلانة او علانة

* ارفضي ما يقدم لك من طعام حتي يبت في طلبك ولا بأس بالمرور علي المطبخ في حال لم يشعر بك احدهم

في حال فشل ما سبق عليك باللجوء للخطة
البديلة رقم 424
التي سيتم شرحها لك في رمضان بعد
القادم...او فوضي امرك لله
كل سنة وانت طيبة
بالنسبة للشفع والوتر فهما منصوص
عليهما بالإسم ويتم تأجيلهم لما بعد
صلاة التراويح حتي يتم ختام صلاة الليل
بهما
كل عام وكل المسلمين بخير

Islamist Bloke يقول...

انا هادعي ربنا انى اتجوز

ربنا يتقبل دعائى

يارب ابقى كويس...........و اموت على الاسلام الحق

دي اهم من الجواز



ربنا يهدينا اجمعين


والسلام

سمسم يقول...

أحمدوف
.....
ربنا ينولهالك يا نور عيني

يا رب جوز احمدوف بنت حلوة ومطيعة

تعرف ربنا وتاخد بيده الي طاعتك

عشرية ومش حشرية وبألوظة ومش كلبوزة

تحافظ علي الواحد وتعيش علي رغيف واحد

آمييييييييييييييين

sa'7so'7te يقول...

يا سمسم
و الله اسمى سخسوختى " سارة-زوزو"
و بعدين كل النصايح دى انا بتبعها عشان اغير الموبايل فكر فى حاجة تانيه للفانوس

أميرة ويلز يقول...

كل عام وانت بالصحة والسلامة

هذه اول زيارة لى هنا وقد شدنى اسمها بيتنا القديم
وعندما دخلتها شعرت بروحانية رهيبة

جزاك الله خيرا على هذا البوست الرائع

اللهم بلغنا رمضان

تحياتى لك

غير معرف يقول...

السلام عليكم ورحمة الله وبركاته
كل عام وانتم بخير وربنا يهدى
كده ولا اييييييييييه

سمسم يقول...

سخسخوتي
.......
لقبك غريب وعجيب المدلول

هل هو من مصدر كلمة سخسخة

اي ضحك حتي فطس من الضحك

ام هو من مصدر لتخبط في دماغو فسخسخ

علي العموم لا حجر علي اختياراتك

واكيد المعني في تلاجة الشاعر

المهم

في طريقة بس مخليها للحبايب

وهي كالتالي...تدلي من فوق صور

البلكونة في حال كان الارتفاع مناسب

مع وضع مرتبة اسفنج في الدور الارضي

وبلغي وكالات حقوق الكميلين والكميلات

ومحطات التلفزة وعم شكري وخالتو فوقية

وعلي الملأ افضحي المحاولات المستترة

والدؤبة لمنعك من حقك الدستوري

التاريخي في تملك فانوس كما نصت بذلك

فوازير بوجي وطمطم

دمت بخير

ملحوظة

لو زاد ارتفاع البلكونة عن خمسة طوابق

فالأفضل كتابة طلبك في اكثر من ورقة

حيث من الممكن الا يسعفك الحظ في اكمال

مسيرتك الفانوسية الديمقراطية

فوتك بعافية

سمسم يقول...

اميرة ويلز
.........
يا الف سهلاً يا الف اهلاً

خطوة عزيزة والتانية لذيذة

الكفر كولاتو نور بيك يا فندم

كورسي للهانم ياض يا مخيمر غور اعملك

همه...يا اهلاً يا اهلاً

وازي الناس حداكم في كفر ويلز مش

كويسين كده ومزئططين ومبطرخين كده

والعرض عرضين

بت يا نعسه حضري دكرين بط للهانم يا

بت واخبزي مشلتت يا بت جومي فزي

اومال اعملي همه

المهم

اميرة ويلز المدونة مدونتك وما انا الا

ضيف عندك والبيت بيتك حتي ولو كان قديم

كل عام وكل الناس بخير

ودمت بخير

سمسم يقول...

بركات
.....
مش هؤلك غير كلمه واحده

الرجل اذا إستأمن اخاه علي سر وجب

عليه كتمانه

الله يسمحك

وخلي بالك من نفسك

Islamist Bloke يقول...

والله يا سمسم انت مشكلة

اعمل فيك اية بس؟ عموما ربنا يبارك لك

ربنا يتقبل دعائك واهم حاجة موضوع تعيش على رغيف واحد

والسلام

سمسم يقول...

احمدوف
.....
تأكد ان دعائك وصل السما

دمت بخير