أفلام المراحيض تطفح في العيد


أهلاً يا أحلي شباب وكل سنة وانتم طيبين...المهم!!
الحمد لله الذي عافانا تصوروا يا شباب إن الهجوم علي ثوابتنا الدينية والوطنية والأخلاقيه أصبح سمة أفلام هذا العيد،المخرج العالمي -بمعيار حجم العري في افلامه- خالد يوسف المصري للأسف وأعلن الثورة على جميع الجبهات فبعد الجدل الذي رافق فيلمه «هي فوضى» مع يوسف شاهين، ها هو يراهن على إحداث المزيد من الإسفاف والشذوذ والسحاق، مع «حين ميسرة» الذي يعرض قريباً في صالات السينما، بعد طرحه موضوع المثلية الجنسية عند النساء البعيدة كل البعد عن مجتمعنا المصري والعربي ولا توجد الا في الغرب.
وبعدما أطل علينا الممثل الغريب"خالد الصاوي" من بلاعة «عمارة يعقوبيان»، ها هي غادة عبد الرازق تسير على الطريق "الوسخ" نفسه في «حين ميسرة»، وتطل عبر خمسة مشاهد في العمل القذر الساعي الي تفجير ما تبقي من البنية الأخلاقية عند المصريين والعرب عموماً، لتؤدي دور امرأة تحاول الإيقاع بسمية الخشاب تصوروا!!
وهذه الأخيرة -التي أساءت إستخدام نعمة جسدها- تقوم بدور البطلة القادمة من منطقة عشوائية فقيرة، لكنها تتمتع بأنوثة صارخة، تجعلها فريسة للرجال الذين يجبرونها على امتهان الرقص بعد تعرضها للاغتصاب، يعني بتنتقم ممن اغتصبوها بإحتراف الفاحشة عجبي!!
وعلى رغم أن العرض الخاص للفيلم حدّد يوم الثلاثاء 18 من الشهر الجاري، صوّرت مشاهد غادة عبد الرازق في سرية تامة وأحسب ان مكان التصوير كان في مراحيض التحرير او مقالب الزبالة التي تليق بهذا العمل الغير مشروع، ولم تتضح معالم شخصيتها إلا بعدما تسربت عن عمد، لقطات لها عبر إعلانات الفيلم التي انطلقت قبل أيام، وتضمّنت مشاهد لغادة تقبّل فيها سمية الخشاب !!، بينما الأخيرة تعلّق: «هو انتو ملقتوش غير جسمي، تطمعوا فيه رجالة ونسوان»، فيما ترد عليها غادة بحدة: «هو انت عندك غيره يا روح أمك»!.
هذه الوساخة يقدمها خالد يوسف مع السينارست ناصر عبد الرحمن ضمن أحداث العمل الذي يكذب ويدعي أن هذا واقع الحياة في الأحياء العشوائية التي تحيط بالقاهرة، مع ان هؤلاء الناس الفقراء البسطاء أشرف مليون مرة من مخرج العمل ومنتجه ومؤلفه وممثليه، حيث تعيش في عششهم وبين أزقتهم وحواريهم وشوارعهم النخوة والمرجلة وحماية بنت الحتة، وشهامة الرجالة الجدعان مع جيرانهم.
وفيما طلب المتغرب "خالد يوسف" تأجيل الحكم على المشاهد حتى عرض الفيلم، قالت غادة عبد الرازق، إن يوسف عرض عليها دورين قصيرين في الفيلم، طالباً منها الاختيار بينهما "يالها من ديمقراطية الخلاعة والعري والشذوذ"، ولأن الدور الأول كان تقليدياً من وجهة نظرها، والثاني جريئاً، ترددت كثيراً في قبوله حتى أقنعني يوسف بضرورة خوض التجربة!!
في الفيلم الداعر تقابل سمية الخشاب في رحلة هروبها من الفقر والعشوائية، الي احضان الفلوس عبر هز الوسط وإمتهان أقذر مهنة في التاريخ.
أعجب شئ إن الشركة المنتجة لفيلم «حين ميسرة» أرسلت 500 خطاب اعتذار للوسط الصحفي والسينمائي المصري بعد التأجيل المفاجئ للعرض الخاص الذي كان من المفترض إقامته قبل أيام، والسبب عدم انتهاء عمليات طبع الشريط وتحميضه، يارب يتحرق الفيلم و والممثلين فيه في الدنيا قبل نار جهنم قال الله "إن الذين يحبون أن تشيع الفاحشة في الذين آمنوا لهم عذاب أليم في الدنيا والآخرة"سورة النور.

60 عبرني:

غير معرف يقول...

السلام عليكم ورحمة الله وبركاته
كل سنه وانت طيب
والعام القادم على عرفه آمين يا رب
انت زعلان ليه العيد ده عيد لحمه وواللحمه الحمرا جالها حمى نزيفيه وقلاعيه ومعرفش اييه
الناس دول قالو نعوض الشعب الغلبان باللحمه البيضا بدل اللحمه الحمرا واهو كله لحمه ومتعه
كده ولا اييييييييييييييييييه

Bella يقول...

كل سنة وانت طيب
وعيد سعيد
ويارب تكون احسن دلوقتي

المراحيض دائما ماتطفح في مناسباتنا المتعددة

اصبحت المراحيض لاتجد متنفسا لتطفح فيه الا في هكذا مناسبات
فتجد طفح في العيدين
وطفح في اجازة نصف العام
وطفح صيفي

وهكذا

هذا هو الوقت المنتظر لتمويل افلامهم وتسويقها على المراهقين الذين يحملون العيدية

بس كده

السينما المصرية انتحرت منذ زمن طويل
وتبعتها الدراما التليفزيونية

walaa يقول...

والله انا كنت حتكلم عن الموضوع ده بعد ما شوفته على التلفاز حضرتك اتكلمت فى موضوع مهم جدا
انا كان فى رأى ان ده مخطط امريكى والخونه من المخرجين بينفذوا هذا المخطط بيدعوا علنا الى الشذوذ الجنسى فى التلفاز اين الرقابه؟؟؟؟؟؟؟؟؟فين الرقابه وفين الوازع الدينى هنا دا بدل ما يحربوا اى حاجه وحشه تدخل المجتمع هما اللى بنشروا الفساد فى المجتمع بقت امريكا واسرائيل بتنفذ اللى هى عيزاه بسهوله
زرعوا الفساد فى المجتمع دلوقتى بيزرعوا الشذوذ وبكره هنتحول الى مجتمع امريكى بامر من مبارك وخده من امريكا لازم نتحرك لتحرير هذا المجتمع من الفساد د

تحياتى لك ولاء

موجة يقول...

اولا : مع سعادتي بالتعرف عليكي و التشرف بمدونتك الرائعة
فان حبيت ااقدم تنويه بسيط .. اني انا و الله راجل ههههههه شاكر جدا تحيتك ليا و تعيدك عليا في مدونتي موجة بصيغة المؤنث فانا حبيت اوضح هذا الامر مش تقليل من شأن البنات خالص هههههههه بس توضيع لشأني انا
عندك حق و الله
ازا كان مشهد يوحي بعلاقة رجل و امرأة يعد مشهد فاضح و مثير و لا يحترم مشاعر المشاهدين
فان مشهد يمثل علاقة شاذة بين مثليين اكيد اشد قسوة على مشاعر الجمهور
يولع الممثل اللي عمل الدور
منش السؤال ازاي عمل دور زي ده
فهو في النهاية ممثل و هيا ممثلة مستعدة تتعرى مقابل اجر .. فالممثلة لا تختلف باي حال من الاحوال عن بنت الليل الا باحترام نفسها و تقديم ما يناسب دينها اولا و تقاليد مجتمعها
ان اسس التمثيل مبنية في الجحيم
فليرحمنا الله
خالص تحياتي

شيمـــــاء يقول...

عندك حق طبعا
بس على فكرة الظاهرة دى منتشرة
لو سمعت الشيوخ والداعيات و هما بيحكوا عن البلاوى اللى بيسمعوها عن الموضوع ده هتعرف انهم كتير

بس الفجاجة فى العرض و استخدام القذارة شر مقرف

خليهم يستنوا فضيحة عيد تانى زى اللى بتحصل فى وسط البلد ازمة التحرش و بعد كده بمنتهى البراءة يسالوا ايه السبب

حسبى الله ونعم الوكيل

أميرة البلطجية يقول...

أولاً..كل سنة وأنت طيب ويا رب السنة الجاية إنت والحاجة إن شاء الله على عرفات
ثانياً... أحييك ع البوست وبقول من قلبى أمين على الدعاء فى نهايتها

نهاز يقول...

بالراحة علي نفسك ما تتنرفزش واحدة واحدة كده و براحة
الاول كل سنة و انت طيب انا فرحانة انك دايما فاكرني
انا كتير باجي بس مش بكون قادرة علي كتابة تعليق
موضوع الفيلم بقي و مشكلة الشواذ في مصر هقولك حاجة...انا في منطقة التحرير شفت منهم و في مطروح في احد معروف جدا ومرة انا و زملائي مروحين واحد مهم اتعاكس و انا جنبة متعاكستش اتعاكس من راجل
ده غير ان ساب شغل مرة لان مديرة قاله تعالي اعيد بييك
انا مش ببالغ لكن الموضوع ده موجود و في موقع ليهم علي النت للمصريين الي كده
وادخل الشات اي برامج شات هتلاقي
ايوة موجودين و مش مفروض ننكر ان القرف ده موجود
لان لازم نلاقي علاج له
الفساد مش هينتر لسه لا هو فعلا متنتشر بس واجبنا ان نحمي الي بنحبهم منه
ان بدل ما ننكر وجوده نشوف اسبابة و ازاي نمنعه و نبعده عن الي بنحبهم

انا نفسي اعرف واحد اغتصب في السعودية لانه اية في الجمال وهو طفل وبقي معقد مبيخرجش الا للضرورة من بيته وعزل نفسه عن الاولاد او البنات

كل سنة و انت طيب و متتفرجش علي الاعلانات بتاعت الافلام دي غض بصرك يا راجل
وكل كتير في العيد:)

نهاز

أميرة البلطجية يقول...

أه...رساله خاصة..سلم على بركات عشان بعتلى كومنت بيسأل عليا ومش عارفة ارد عليه أزاى..وقوله كل سنة وهو طيب واختلاف وجهات النظر لا يفسد للود قضية طبعا :)

ammola يقول...

السلام عليكم...كل عيد وانت بخير ويارب الايام الجاية تكون افضل من اللى مشيت
وشكرا جزيلا على المعايدة
والله يا سمسم انا يعنى ليا ملحوظة بسييييييييطة اوى وده رايى الشخصى..ان اللى يمد ايده فى -ولامؤاخذة-القاذورات...مشيها قاذورات
اكيد اييييه حتتوسخ يعنى قصدى اقولك ان الوسط ده بكل ما يشمله من فنانين وافلام وحاجات كده هو القاذورات والافضل اننا مادام مش عارفين نزيلهم يبقى نتجاهل وجودهم ومانحاولش نشغل نفسنا بيهم ولا باخبارهم لانهم ما يستاهلوش اننا نضيع وقت عليهم وده ما يمنعش اننا ندعو لهم بالهداية فربنا قادر على كل شىء

جمعاوى روش طحن يقول...

كل سنة و إنت طيب الأول

عيدكم سعيد

و بلاش مبارك

أما عن موضوع البوست

فده يوسف شاهين


جو يعنى


مستنى منه إيه ؟

عالمى ازرق يقول...

والله لسه هنشوف اكتر
اعتقدج لو فيه موقف لنقد النوعيه دى من الافلام ومقاطعتها
على الاقل علشان متكونش دى مصر بالنسبه للى بيشوفها من بره
هيحد شويه من كم القذاره اللى بيعرضوها علينا فى الاعياد وكمان خارج المواسم

كل سنه وحضرتك بخير
وعيد سعيد عليك وعلى كل اسرتك
وعلى الامه الاسلاميه كلها بأذن الله

دمت بخير

doha يقول...

هقول ايه
هقول بجد
المقاطعه برضه لهذه الافلام سيئة السمعه
ربنا يرحمنا
وعلى العموم كل سنة وانت طيب

М€ŝЋМΣŞĦ يقول...

كل سنه وانت طيب يا سمسم

break يقول...

بعيد عن ان الكلام اصفر


بس كل سنة وانت طيب
و عيد سعيد
احنا كنا عايزين ندخل فيلم فى العيد بس ملقيناش غير حين ميسرة وهى فوضى
محاصرين
فقلنا بلاها سينيما خالص و خلينا فى قهوة بالبندق
قوم اشربلك انت كمان قهوة بالبندق و روق كدة

السكندرى يقول...

الأخ سمسم تحياتى لك وأنحنى لك تقديرا على هذه المدونة الرائعة بكل ما فيها
وأنا سعيد بزيارة مدونتك وسعدت أكتر بإنك حاطط لنك مدونتى ومدونة زوجتى ولاء فى السيد بار بتاعك

عودة إلى البوست

أخى الفاضل
أنا من المؤمنين بمبدأ المؤامرة على الإسلام

وعندى دلائل كتيرة على كدة ويمكن لو شوفت البوست بتاعى قبل الأخير حيتضح بعضها

المهم

إعلم اخى أن كل هذا العزف على أوتار العرى والفحشاء والشذوذ مؤخرا فى مجتمعاتنا وراءه مايستروا صهيوأمريكى

والعازفين فيى تلك الأوركسترا هم الخونة والشواذ بالفعل من ابناء جلدتنا وهم من يسميهم الأمريكان بالمعتدلين

والذين يملوا بصورة ما من قبل الإدارة الأمريكية والصهيونية لنشر تلك الفواحش فى أوطاننا

فلعلك لاحظت ظهور قنوات الكليبات التى أصبحت أشبه بدور الدعارة التى بدأت تنتشر

ومنها قناة مثل روتانا التى تعمدت فى يوم عرفة عرض فيلم قذر لا أعرف إسمه لكنى شاهدت مشهد قذر منه وانا أقلب فى القنوات لمتابعة أخبار الحجيج

وعلى حد علمى أن صاحب تلك القناة عربى خليجى

لكن تفوح من هذه القناة رائحة النجس الأمريكى بكل صورة من عرى وتضليل للمشاهدين

الشاهد من كلامى أخى الكريم أن هؤلاء المخرجين والممثلين والإعلاميين العازفين فى أوركسترا الفحش الصهيوامريكى

أقسم بالله انهم مستأجرون من قبل الأمريكان بصورة ما لا أعلمها وبتسهيل حكومى من الأنظمة العربية الخائنة


ولكن يبدوا فى افقى علامة إستفهام كبيرة

أين الرقابة اين الشيوخ والمفتى وشيخ الأزهر

زى ما بيفتوا فى أشياء لا تضر ولا تنفع لتنفيذ أوامر حكومية

ها هى القضايا الحقيقية التى سيسألون عنها أمام الله يوم القيامة
أين فتاواهم فى مثل هذا الفحش العلنى
أو التزوير والفساد والغلاء والإحتكار
والعمالة

حسبنا الله ونعم الوكيل

أسف على الإطالة
لكن أصلى مولع نار من شوية الرويبضة اللى بتحكموا فى مقدراتنا وإحنا مكتوفى الأيدى

تقبل تحياتى

السكندرى
جيل الصحوة

الراقص مع الذئاب يقول...

السلام عليكم ورحمة الله وبركاته
اخي الجميل سمسم
تقبل الله منا ومنك وكل عام وانت في طاعة وقرب الي الله عز وجل

سملت يمينك اخي الكريم....ويكفي العنوان

افلام المراحيض تطفح في العيد
ما ابشع ما يقدمه هؤلاء الكلاب القذرة ليشوهوا بها صورة مجتمعنا

دمت في خير اخي الكريم

Nsreen Bsunee يقول...

سمسم
ازيك
تعرف انى كنت عاوزه اكتب عن موضوع المدونين المثليين لانهم كتير جدا بشكل يخوف وعلى فكره السينما مهما كان هى بتصور الامر كما هو يعنى علاقه جنسيه شاذه خارجه عن الدين والمالوف لكن المدونين الشواذ بيتكلمو عن الموضوع كانه علاقه انسانيه ورومانسيه وشئ طبيعى وانهم واقعين تحت ظلم المجتمع المتخلف اللى هو احنا افتكر انهم اخطر بكتير من اى فيلم سينما ولازم حد يلمهم ويقف قصادهم لان الانترنت والفضاء التدوينى بيتصفحه اطفال عندهم 15 و14 سنه لما يقرو قصه رومانسيه عن علاقه بين اتنين رجاله تفتكر لو ماثرتش فى 100 مش حتاثر فى 1 الموضوع محتاج وقفه
والسلام عليكم يا سمسم ياريت تشرفنى بزياره مدونتى
سلام

بيتنا القديم يقول...

بررررركات
.........
"واهو كله لحمه ومتعه..."

لأ طبعاً مش كده..وانت عارف كده..!!

علي فكرة أختك أميرة البلطجية بتسلم

عليك وبعتالك كومنت عندي انا

نشرتهولك تحت بتؤلك كل سنة وانت طيب

(:

وانا كمان بؤلهالك...يامان!

(:

بيتنا القديم يقول...

Bella
......
"السينما المصرية انتحرت منذ زمن طويل وتبعتها الدراما التليفزيونية.."
هذا ما اتفق اهل الرأي عليه..!
ولاحياة لمن تنادي...!
(:
كل سنة وانت يارب بألف خير
ظبطت الخروف ولا لسه..؟!
(:

بيتنا القديم يقول...

walaa
......
"ده مخطط امريكى والخونه من المخرجين بينفذوا ...."
أصبت كبد الحقيقة..وانا جمعني مع الفنان حمدي احمد لقاء صرح بأن هنالك سيناريوهات يوضع فيها بعض المشاهد والجمل لتوظيف فكرة معينة ويدفع تمويلها من الخارج حتي ولو كانت القصة فاشلة او لم تدر ارباح اهم حاجة الفكرة والمشهد ينتقل للناس مثل الفيرس
وقد كان...!!
دمت بخير
وكل عام وانت والأسرة والأستاذ سكندري بكل خير وأتم سعادة
(:

بيتنا القديم يقول...

موجة
.....
ههههههههههههه
أوت يا معلم..!!
أنا ميل زيك مش فيميل..!!
علي العموم حصل خير..ربما اسم مدونتك هو اللي عمل خلط عندي...
المهم
"..فهو في النهاية ممثل و هيا ممثلة مستعدة تتعرى مقابل اجر...."
المشكلة ان هي كل ما تتعري بتعري أجيال وراها بنات بتقلد وشباب متعسر إقتصادياً وإنهيار اخلاقي علي اسس فوضي خلاقة بشرت بيها الحرباية كونداليزارايس
"..فليرحمنا الله..."
أحسنت قولاً وأختم بما ختمت انت به
كل سنة وانت طيب
(:

بيتنا القديم يقول...

شيمـــــاء
............
مش معقول هقول رمضان جانا بعدما مشي رمضان...!!
بس غيابك عن مدونتي يخليني اتجنن واقولها
اخبارك ايه؟!!
وكل سنة وانت طيبة الأول
المهم
والله ياشيماء حاجة تطهق..والواحد مبقاش عارف يلاقيها منين ولا منيين
علي رأيك.."حسبنا الله ونعم الوكيل"
دمت بخير
(:

بيتنا القديم يقول...

أميرة البلطجية
..............
والله يامولاتي ولاليك عليا حلفان عاوز اقصقص تعليقك وانشره لوحدوا في بوست بره علي باب المدونة وكمان ابروزو
يا سلااااااااااااااااااااااااااام
تعبه نفسك وقطعه مشوار من مدونتك لمدونتي عشان تعلقي عند شخصي المتواضع
ايووووووووووووووووووووووووووووووه
يا جدعاااااااااااااااااااااااااان
ياما في ناس لسه في قلوبها رحمة
روحي يا شيخة ربنا ينورلك طريقك
وينورلك قدام باب شقتكم كماااان
(:
الحاجة وانا والشلة بندعيلك ربنا يوفقك ويحل عقدة التدوين اللي صابتك
هي عين قلتلك تبخري مدونتك بمستكة وعين عفريت ماسمعتيش كلامي واهو اللي حصل حصل...!!
يعدهالك ربنا بقا..!!
(:
كل سنة وانت طيبة
تك كير كتير
وربنا يوفقك
مستني
!!

بيتنا القديم يقول...

نهاز
.....
"انا فرحانة انك دايما فاكرني.."
طب وانا من أمتي نسيتك..!!
(:
بصي يا ستي نعترف ان في خلل وفي امراض نفسية وسيكلوجية اوك ما بنقولش لأ
وكمان لسنا من دعاة دفن الرؤس في الرمال..!!
لكن نشر الظاهرة إعلامياً بقصد تسويقها وجعلها محور حديث الناس ثم ينبري فريقين بعدها احدهما ساخط وناقم علي هؤلاء المرضي والفريق الآخر مدافع عن حقهم في الشذوذ...وكل بسبب آلة الميديا الجبارة فهذا ما نرفضه..!!
وبعدين ما انا غاضض بصري اهو انت اللي حطاني في دماغك....!!
علي فكرة اقسم بالله انا ما شفت اي كادر من الفيلم كل ماهنالك إني قرأت عنه ما يشيب له الولدان..!!
متحرجنيش بقا..!!
(:
كل سنة وانت طيبة

بيتنا القديم يقول...

أميرة البلطجية
..............
مولاتي سلمتلك عليه...!!
البيه بيتفسح في السودان...!!
أكل ومرعي وماجك لاند ..آ..قصدي دارفور لاند..!!
بجد النعمة ماشاء الله خارجه من ودانه..!!
(:
كل سنة وانت طيبة

بيتنا القديم يقول...

ammola
........
بااااااااااااااااااااااااااااس
عندك لحظة واحدة..!!
نرجع بالشريط حبة لورا...كمان...ايون
سيادتك بقا قلت ايه..لأ لأ مش دي...
الكلمة اللي قبلها...ايون قصدي دي
ممكن نسمعها كلنا مع بعض....
"..مادام مش عارفين نزيلهم يبقى نتجاهل وجودهم ومانحاولش نشغل نفسنا بيهم ولا باخبارهم.."
طبعاً انت وبالنظر لثقافتك الدينية تعلمين جيداً إن اللي ضرره متعدي يعني بيلحق بالآخرين يجب التحذير منه بل وفضحه علي رؤس الناس...
لا سيما لو هنالك آلة بروبجندا ومعاها ميديا عملاقة بتسوق لهذا الفساد وكم من الآيات والآحاديث تعضض وتؤيد هذا المبدأ....!
عارفة
كلامك كان هيكون مناسب لو في حالة واحدة بس..!!
لو كانت الناس دي بتمثل في امريكا مثلاً وبلغتهم وثقافتهم وبيجلنا منهم شرايط فيديو..كنا سعتها هنركز علي تربية الناس وتحذيرهم من الفساد بوجه عام دون سرد اسماء وعناوين اعمال هؤلاء الأجانب..اما والحال كما ترين والممثلة مصرية عربية مسلمة فوجب اللطم والنياحة وبصوت عال..!!
الا توافقيني الرأي
):
كل سنة وانت طيبة
(:

بيتنا القديم يقول...

جمعاوى روش طحن
..............
أهلاً جمعاوي..إسمك ظريف وشكلك غلاباوي..!!
(:
المشكلة يا سيدي انه المرة دي مش يوسف
او جو..!!
غنما تلميذه النجيب الذي تراوضه نفسه بالتفوق علي أستاذه
بالبلدي الفيرس عمل سرطان اسمه"خالد يوسف "..!!
علي العموم والله متم نوره..!!
ولعل له عند الله هداية تحصنه...
أو طامة تعجنه...
والأولي احب الينا من الثانية...
لعل
(:
المهم
انت عامل ايه؟!
وكل سنة وانت طيب
(:

بيتنا القديم يقول...

عالمى ازرق
..........
عارفه انت اثرت نقطة في غاية الأهمية
الا وهي ان الناس اللي بره لما بيتفرجو علي هذه القاذورات بيتخيلوا بفكرهم المريض ان ناس مصر كلهم سمية الخشاب...وإيناس الدغيدي
بجد دي بقت مهزلة
ربنا يستر

أخ

نسيت

أؤلك

كل سنة وانت طيبة

(:
طب كل سنة وانت طيبة..!
(:

بيتنا القديم يقول...

doha
......
ذلك أضعف الأيمان..!!
وعلي فكره لو تم مقاطعة هذا القرف
حالهم هيقف وفلوسهم هتخلص وهيفلسوا
وده محتاج مننا توعية اصحابنا بخطورة المعروض امامنا وان المسألة مش مجرد فيلم وتمثيل لأ..ده مخطط هيظهر أثره ربما في جيل او جيلين قادمين...والعينة بينة..!!
(:
كل سنة وانت طيبة

بيتنا القديم يقول...

М€ŝЋМΣŞĦ
.........
ياااااااااااااااااااااااااااااااااه
أميرة البلطجية بهتت عليك..!!
بمعني انه قد اصابك ما الم بها...!!
وهو الإنقطاع التام او الموت الزؤام..!!
فييييييييييييييييييييييييييييييييين
من عشررررررررررررررررررررررررريين
سنة زي النهاردة كان ىخر تعليق لك عندي..يااااااااااااااااااااااااااه
الأيام بتجري يا ولاد..!!
حمدالله بالسلامه...أخبارك العسكرية ايه ايها الجندي مشمش..!!
وصفا وإنتباه اخبارها ايه معاك..!!
وهتخلص الجهادية إمتي ..؟!
علي العموم قلبي راضي عنك يا مشمش
برغم تطنيشك بس اعمل ايه قلب الأخ بقا
مايقدرش يقسا(يقسو)...!!
(:
كل سنة وانت طيب يا جميل..وربنا يوفقك
والأيام بتمر..!!
دمت بخير
مش عاوز حاجة من مصر..!!

بيتنا القديم يقول...

break
.......
"قهوة بالبندق..."
أمممممممم..آ..أمممممممممم
(أنا افكر واحملق في السقف في ىن واحد)
أمممممممم
ماذا عساها تقصد..؟!
"قهوة بالبندق..."
هل وصل الأمر الي هذا الحد..؟!!
"قهوة بالبندق..."
يا حفيظ يا إلهي..!!
"قهوة بالبندق..."
يبدو انها مكلفة...!!
"قهوة بالبندق..."
"حين ميسرة..."
.
.
.
(:
كل سنة وانت طيبة
من غير اصفرا
(:

بيتنا القديم يقول...

السكندرى
.........
أعترض علي أول اربع سطور في تعليقك
.
.
.
أنا لا استحق وصفك ونعتك وقد قلبت مدونتي يمنة ويسرة حتي يتسني لي ان اري ما رأيته انت فرجع الي البصر خاسئاً وهو حسير...!!
ياسيدي ما كتبت الا فتات قلم
وأنات مشفق علي بنيه وقومه ومحب لمن حوله يخشي منتهي المصير له ولهم..!
.
.
.
عودة الي التعليق
أوافقك في كل ما ذهبت اليه..
واقول ان الحناجر والعمائم الرسمية لا تتصايح الا عندما يشير لها السلطان
فإن قال لها "بس" بتبس..وتظل في مراقدها حتي تاتيها الإشارة
بالأمس سوغوا شرعية محاربة مسلم لمسلم
ودخلنا العراق ثم تركناها للأمريكان يقتلوا غخواننا ويغتصبوا بناتنا
فإن كان مشروعاً ان نحارب المسلم الذي بغي فهل يشرع ان نتركه وحريمه واهل بيته أسري في ايدي الكافرين وثرواته منهوبة وعرضه مستباح
ثم دعك من هذا كله...اليس ثمة فتوي تحرم ضرب حصار مزدوج علي اهل غزة المساكين اليهود من امامهم وأسلاك حدود ارض الكنانة من خلفهم والطائرات تقصف من فوقهم...أين الحناجر ذوات الريموت كنترول..!!
ربما اصابها الزكام او غحتقان ما بعد الأكل..!!
(:
كل سنة وانت طيب
ويارب يا جميل يا عسل ميحرمنيش من زياراتك اللذيذة
دمت بخير

بيتنا القديم يقول...

الراقص مع الذئاب
.................
وسلمت انت أيضاً..!!
الدال يدل علي المدلول...
والجواب من عنوانه...
وهؤلاء القوم ما عادوا يختشون من الفضيحة...!!
همهم جمع المال...وهم بالأساس لم ينشأوا علي تربية اخلاقية فضلاً ان تكون إسلامية
علي أي حال لزم التحذير منهم ومن خطورتهم...!!
بالحق
انت اخبارك ايه..؟!!
الم تمل الرقص مع الذئاب..!!
الا تخشي نهاية الرقص معهم...!!
مجرد سؤال عابث في ذاكرة مكدودة..!!
(:
لا عليك
كل سنة وانت وذئابك بخير وسعادة
وعرفات القادم نتلمسك عند زمزم
إن شاء الله تعالي
تك كير
(:

М€ŝЋМΣŞĦ يقول...

يا سمسم ما عاش ولا كان اللي يطنشك . كل الحكايه اني دخلت الجيش ظابط مش عسكري

تاني حاجه ان امبارح كان اول يوم افتح فيه جهاز كمبيوتر من 50 يوم .. لاني ببساطه كنت محتجز طول الفتره دي في الجيش , يعني مش بايدي يابا .. مش بايدي يابا


بخصوص الاقلاع عن التدوين فده ليه اسبابه اللي سيتم الافصاح عنها في حينه و تاريخه

فقط الاوان لم يحن بعد

فقط ارجو التماس العذر لي في عدم التواجد علي النت لاني بعيد تماما عن بيتي لفترات طويله تصل لشهر احيانا طالما انا في الجيش

بيتنا القديم يقول...

Nsreen Bsunee
..............
ربنا يبارك فيك يا نسرين
والله ان جيت للحق قد إتسع الخرق علي الراتق...هنلاقيها منين ولا منيين..!!
علي يدك لسه بنتكلم في ارف السينما والإبتذال وانت طرحت موضوع المدونيين المرضي نفسياً وسيكلوجياً..!!
يااااااااااااااااااااااااااااااااه
الموضوع وسع وكبير قوي
ربنا يعينا جميعاً علي سداد هذه الثغرة في حصن إمتنا...وإلا فسيدخل منها الأعداء واحداً تلو الآخر...!!
ربنا يستر يا نسرين
علي فكرة يشرفني مرورك عندي
ويزيدني شرف ان اتكحل برؤية مدونتك التي احسبها من اجمل ما سوف تري عيني
دعيني اذهب إذن..!!
(:
كل سنة وانت طيبة
ودمت بخير

بيتنا القديم يقول...

М€ŝЋМΣŞĦ
.........
زي ما قلتلك قلبي راضي عنك..!!
واللي يحب يلتمس العذر حتي من قبل ما يسمعوه...وانا بحبك
ياسيدي فترة وان شاء الله وهتعدي
وعلي رأي مدام سميرة سعيد وهي بتؤل يوم ورا يوم...مع انها مادخلتش الجيش بس إظاهر كانت بتعاني هي كمان..!!
المهم
خد بالك انت من نفسك وشد حيلك..!!
وتقضيها علي خير..وسيب عين النقد علي باب الكتيبة وانت داخل وبلاش تذمر وتأفف ..وخاطب الناس علي قدر عقولهم وكلما خاطبك الجاهلون اكثر من قولك سلاماً..!!
وتعيشي يا مصر..!!
بابا حسني جابلكو خروف العيد الميري ولا لسه؟!!
مش هو بردوا البابا الأعلي للقوات المتسلحة..!!
(:
كل سنة وانت طيب يا عسل والله يعينك
وتخلص منها علي خير وتشق طريقك بقا
(:
تك كير

عدى النهار يقول...

كل عام وأنتم بخير

نهاز يقول...

ماشي يا سمسم هنعديها و نقول قريت
ال قريت ال
المهم
نسيتني يا شيخ هقولك اية
اه
بص الحياء شعبة من الايمان
يمكن كلنا بلا استثناء فقدنا جزء منها
لاننا اتعودنا علي كده زي ان عادي نتفرج دلوقت علي الافلام دي
الي عايزة اقوله ان كلنا اتدهورنا و رجعنا لورا
يمكن بدرجات متفاوتة
ودلوقت احنا في زمن الي عايز يلحق نفسه يلحق نفسه
اعرف واحد كان بيجر الناس لتحت واما هما بقوا تحت المنيل بقي يعرف ربنا بس ساب اصحابه تحت و نفضلهم تنفيضة زبالة
عارف نظام ان جالك الطوفان حط ابنك تحت رجليك
محاولش يشد الي خلاهم زيه ان يرجعوا زي زمان و اكتفي بانه بقي شايف انه كويس
مش بدافع عنه انا شايفاه زبالة بس بقولك احنا في زمن كله عايز يلحق نفسه وخلاص
احيانا بشوف اعلانات برنامج د فيل الي علي ام بي سي 4
الراجل ده بشع
كل الحلقات عن واحد خان مراته مع اختها او واحدة بتبعت صور للرجالة علي النت و هي متجوزة وجوزها قفشها
كله كده

عايز نصيحتي منعملش دعاية للي ميعجبناش عشان ده هيحولهم لابطال
زي مدون ميسواش تعريفه بس عشان الناس بصاله عملوه بطل بس للاسف من ورق
طبعا عارف قصدي مين

عمر بوك ستورز يقول...

ا((لا مـؤاخـذة ))ا

فاصـل إعلاني :)

زورونا تجدون ما يسركم .


قائمـة من الكتب الأدبية والثقافية والفكرية المتنوعة للعديد من دور النشر

تحت سقف واحد، وبأسعار لا تقبل المنافسة


وعيد أضحى ...كويس :)

بيتنا القديم يقول...

نهاز
...
"..عايز نصيحتي منعملش دعاية للي ميعجبناش عشان ده هيحولهم لابطال
زي مدون ميسواش تعريفه بس عشان الناس بصاله عملوه بطل بس للاسف من ورق طبعا عارف قصدي مين.."
.
.
.
أنت مباشرة بطريقة جامدة جداً..ده شئ ايجابي مش سلبي..بحييك ورأيك داخل دماغي
وعارف قصدك علي مين...!!
بالمناسبة الواد طلع كداب محدش قفل حسابو علي اليوتوب ولا حاجة...بس زي ما انت قلت "بطل من ورق" يعني صناعة الأقزام...!!
انت جدعة بشكل تحسدي عليه.!
(:
دمت بخير

بيتنا القديم يقول...

عدى النهار
............
وانت طيب يا حبيبي
أخبارك ايه؟!!
شايفك يا عم وانت خارج بالمصلية من الجامع بعد صلاة العيد..!!
طول عمرك باشا...وهتفضل كده!!
(:
تحياتي
ودمت بخير

بيتنا القديم يقول...

عمر بوك ستورز
..............
والله يا عمر بوك استورز أنا كنت محوشهم لمعرض الكتاب بس مش خسارة فيك..انا جاي اشوف ايه الـ"بوك" اللي عندك واسعارها..!!
ربنا يعترنا في "بوكات" حلوة..!!
(:
كل سنة وانت طيب!

رفقة عمر يقول...

كل سنه وحضرتك بالف خير
عيد سعيد

بيتنا القديم يقول...

رفقة عمر
........
وأنت والعائلة بألف الف خير..!!

عيد سعيد..تقبله الله منا ومنكم..!!

دمت بخير

حوريه يقول...

عزيزى سمسم
اولا كل سنة و انت طيب عيد سعيد عليك و على كل اقاربك و اسرتك الغالية و اصدقاء مدونتك الاعزاء و الامة الاسلامية جميعا ..

ثانيا احييك لغيرتك على الاخلاق و خوفك من شيوع الفاحشة و لكنى مع احترامى و تقديرى لرايك اعتقد عزيزى ان من يكتب فى هذه الموضوعات يهدف من ذلك تسليط الضوء على طبقة مهمشة مهضومة فقيرة لا تجد من يشعر بآلامها ..

فالفتاة التى تغتصب فى الطبقات الغنية ستجد من يعالجها نفسيا و جسديا و يعيد تأهيلها لمواجهة الحياة بنفس سوية ..
اما الفقيرة التى تتعرض لنفس التجربة فيحدث لها ما نراه فى هذه الافلام .. فهى انعكاس للواقع الذى يجب ان نفهمه لا ان نتوقع المثالية به ..

اتمنى ان يتسع صدرك لمثل هذه الامور لانى كتبت قصص مشابهة اخشى نشرها حتى لا اتعرض للنقد و اساءة فهم قصدى ..

اشكرك كثيرا لتحدثك فى هذا الموضوع
و اتمنى ان يتسع صدرك لرايى الصريح
و شكرا ..
كل سنة و انت طيب عيدك سعيد ..
ناديه

Hend.Feps يقول...

السلام عليكم

كل سنة و حضرتك طيب و يا رب السنة الجاية تكتب يومياتك من الحج ان شاء الله ...

ليا نقاط اتفق معاك فيها .... و ليا نقاط سبحان الله اتفق معاك بردو فيها ... بس فى شوية نقاط كدا ممكن اضيفها

فعلا فعلا ... اعلان هى فوضى و اعلان حين ميسرة من الاعلانات المقرفة اللى بتخلينى أقلب القناة عشان بتكسف منها ... بس شفتها يعنى ... ايه كمية الالفاظ التقيلة على الودن دى ... الفاظ جاية من مقلب زبالة ... مسمعنهاش فى الافلام قبل كدا ... او انا على الاقل ... دا اللمبى راجل محترم بأة ... و خالتى فرنسا مال يحتذى به فى الادب و الاخلاق

و دا الاعلان ... و الجواب بيبان من اعلانه .... يعنى علم على الافلام دى ... نستنى الرقابة لما تظبطها و يجى فى التليفزيون ....

بس اعلانات بجد تجرح الحياء العام و تدميه مش بس تخدشه .... هو اصلا متشرح خلقة و مش ناقص

بس

اللى بيحصل فى البلد من فوضى و الشرطة الزبالة اللى عندنا ... لازم فعلا السينما تتناولها و تطرح القضايا دى .... بس بردو انا لا اتفق اطلاقا مع الشكل المصاغ فيه القضايا دى ... عامة انا مشوفتش ولا فيلم عشان احكم بس سماعى عن القصة بيعجبنى

بسيين (مثنى بس)

دور خالد الصاوى فى عمارة يعقوبيان ... لأ هنا و محتاجيين وقفة ... انا شايفة ان دور فعلا المجتمع محتاجه .... لما أعرف ان فى قهوة مخصوصة للمثليين و لما ادخل بالصدفة البحتة على بلوج واحد مثلى و أبأة عايزة ارجع ... و لما أقرأ فى بريد الجمعة عن مشكلة واحدة بس عن واحد مثلى و بعديين صاحب الباب يقول انه بيجيلو رسايل كتير من النوعية دى بس هو مش عايز يعرضها

دا يخلينى اقول ... ايه دا ... فى مشكلة بجد و لا ايه ...

و فى بريد الجمعة ... خيرى رمضان (او رمضان خيرى انا مش عارفة احفظ اسمه خالص) ... الراجل دا يعنى ... لما قال انه وصله رسايل من النوع دا ... كلها السبب الأساسى ان المثليين دول و هما اطفال اتعرضوا لتحرشات من الرجالة قرايبهم او مدرسينهم او اى كان ... و كان بينادى الاسر انها تحافظ اكتر على اولادها و اذا اكتشفوا حاجة زى كدا يعالجوا اولادهم نفسيا

فى مشهد رائع فى عمارة يعقوبيان ... انا بحبه اوى ... لما خالد الصاوى بيقف ادام صورة باباه و مامته و بيقولهم انتو السبب فى اللى انا فيه دا ... انتو اللى اهملتونى و كان ادريس الخادم هو اقرب حد ليا و انا حبيته و لما عرفتم معملتوش اى حاجة و بكى و خرج صورهم برا البيت ...

المشهد مؤثر ... و الرسالة فيه واضحه اوى ان الاباء و الامهات ليهم دور اكبر بكتيير من انهم يكونوا البنك و الطباخة ...

دا غير ان المخرج ... مروان حامد ... فى دفاعه عن تقديمه للشخصية دى ... قال انه طلعهشخصية محتقرة من المجتمع و موته فى اخر الفيلم ....

انا شايفه ان المشاكل اللى فى المجتمع ... تتقدم ... ماشى ... و الناس تشوف و تتعلم ... بس بأى طريقة و بأى أسلوب ؟ هى دى الفكرة

ربنا يا رب يصلح الحال ... و نشوف كل قطاع و كل جهة فى البلد بتؤدى دورها صح بالطريقة الصح فى البلد ...

لماضة يقول...

انا جايه اقولك كل سنه وحضرتك طيب
ويعود عليك الايام بخير
والله ما انا عارفه هما رايحين بينا بالافلام دى على فين

loza يقول...

معاك حق فى كل الى قولته
الناس الى بيقولوا بيتكلموا بلسان الشعب وبيمثلوا طبقه من المجتمع
دول ميعرفوش غير طبقتهم وكل وحد بيتكلم عن طبقته
فلو هم شايفين نفسهم كده يبقوا يتكلموا عن نفسهم ومع نفسهم
احنا مش ناقصينهم




وهم مبيعتبروش كلامنا ده نقد
قد ما بيخدوه انها جرأه وحريه



ان شايفه ان اعلى صووت نرد بيه عليهم ان ايرادات الفيلم تنزل للارض
الى شجعهم فى البدايه ايرادات عماره يعقوبيان رغم الكلام الى اتقال عليه

البوست هينسينى انا كنت جايه ليه

كل سنه وانت طيب

الحلم العربي يقول...

كل سنة و انت طيب
و السنة الجاية إن شاء الله تكون بتحج

مدونتك جميلة جدا
أجمل تعليق على اللى بيحصل ده هو الآية اللى انت وضعتهافي الآخر
ربنا يرحم بلدنا من هؤلاء الذين يدعون حبها وهم أبعد ما يكونون عن ذلك
تحياتي

بيتنا القديم يقول...

حورية
......
كل سنة وانت والعائلة بألف خير وسعادة
.
.
دعينا نتفق مبدئياً علي أمر هام الا وهو ان ثمة خلل إجتماعي وتربوي افرز عينات مريضة تنجذب الي الشذوذ..
هذه العينات ربما واجهت غعتداءات جنسية في صغرها او هي تميل بحسب هرمونات جسدية مختلة الي نفس جنسها او هي حتي تعاني من انحراف اخلاقي وتربوي
والسؤال هل لدينا إحصائية دقيقة وموثوق بها لهذه الحالات..!!
مثل ان تقوم مستشفيات بعمل إحصاء لكل حالة ترد اليها..!!
وهل لعلاج هذا الشذوذ والخلل ان ننشره بين الناس...هل عوام الناس اهلاً لطرح الحلول ومن ثم العلاج..؟!
اليس من الممكن ان نكون بصدد بضع عشرات او مئات او حتي آلاف الحالات من مثل هذه النوعية..ثم بعرض الفيلم بألفاظه وصوره وتحبيشاته وحبكته وإثارته...علي المراهقين من الجنسين ان ينتج عندنا نوع يحب ان يجرب هذا الجديد الوافد عليه..ونوع آخر يشعر بأن عليه ان يبحث عن مثل هذا النوع ويستغله..ولربما قتله لتكتم الفضيحة نهاية الأمر..!!
ثم إن مثل هذه الطروحات بهذه الصفاقة تؤدي نهاية المطاف بأن ينبذها المجتمع في البداية ثم يتعايش معها بعد ذلك ثم يقبلها ويسن لها القوانيين بعد ذلك..يعني سنري مظاهرات ومسيرات للشواذ والسحاقيات..!!
عزيزتي حورية
الا تتفقين معي ان الحل الأمثل لمعالجة مريض الإيدز هو الذهاب به الي الطبيب..وان في نشر حالته وقصته وسبب اصابته بالمرض بطريقة مثيرة تبرز الجوانب اللأخلاقية والشاذة لديه هو بمثابة تدمير ما تبقي لدينا من عوامل المقاومة الاخلاقية لجحافل الأمراض الأخلاقية الوافدة..؟!
نتفق علي الظاهرة
نختلف علي حجمها
ونختلف كذلك علي وسائل العلاج
دمت بخير

بيتنا القديم يقول...

Hend.Feps
..........
أشكرك كثيراً علي تعليقك الشيق..واتمني من قلبي ان تتاح لك كذلك فرصة تدوين يومياتك من فوق عرفات!
المهم
كل سنة وانت طيبة
المهم بردو
انا لا اهتم بخالد الصاوي كشخص او فنان انا اهتمامي منصب علي تقبله ان يقوم بدور وجب عليه ان يفكر ماذا سيضيف في رصيده عند الناس..كثيراً من الفنانيين عندما رأيناهم في مشاهد مقززة..سقطوا من اعيننا رغم انه تمثيل الا انني ازعم انه لن يقبل بالدور الفلاني الا من كانت في نفسه حاجة او علي اقل تقدير لا يبالي بالمردود من دوره في العمل الفني سلبياً كان او إيجابياً فالأمر برمته لا يعدو كونه كسب مال، او مرض في النفس..
يجب علي الفنان ان يحترم نفسه ومشاهديه
وان يفكر ملياً فيما سوف يعرضه علي الناس حتي لو ادي ذلك الي رفضه ادوار مفروضة من الخارج وفق دراسة نفسية لطبقات للشعب المصري تؤدي في نهاية المطاف الي انحلاله علي اسوأ تقدير..حتي ولو اضطر الي القعود في بيته او ان يسرح بعربة بطاطا..!!
هذا رأي فحسب

بيتنا القديم يقول...

لماضة
....
تهنئة مقبولة يا ضكتورة..!!
وكل سنة وانت طيبة وبالبالطو الأبيض
وكل سنة وانت بتعطفي علي مريض وتساعدي محتاج وترحمي يتيم..!!
والله علي قولك مش عارف هنلاقيها منين..؟!!

بيتنا القديم يقول...

loza
.....
كل سنة وانت طيبة..ويارب السنة الجاية تكون السماعة في ودنك..ورايحة جاية..جاية رايحة..مع الحملة الطبية لقوافل الحجيج فوق عرفات
شكراً لدعمك المتواصل لما اكتب
تك كير
(:

بيتنا القديم يقول...

الحلم العربي
...........
مدونتك اجمل يا فندم..وكل سنة وانت طيبة والعائلة الكريمة بخير وسعادة
آن لهؤلاء الأدعياء ان يلفظهم الوطن..عن طريق فضحنا ومقاطعتنا لهم ولإنتاجهم القذر..!!
ذلك اضعف الإيمان
دمت بخير
تك كير
(:

Hend.Feps يقول...

السلام عليكم

معلش بس ممكن بعد أذنك أكمل مع حضرتك مناقشة ؟!

أنت بتقول أدوار من الخارج ... ليه نعتقد ان الدور دا (مزقوق) من برا ... و ليه دايما عندنا احساس بنظرية المؤامرة ... الدور اصلا متقدم بطريقة تخلينا نقرف من الشخصية اللى بيقدمها الصاوى .... لو كان صحيح من برا كان الدور يخلينا نتعاطف معاه و نغير تفكيرنا عن المثليين ... انما الدور .. من وجهة نظرى ... كان كل هدفه انه يقول للناس خدوا بالكوا اكتر من كدا على اولادكم و ان دا غلط و احنا كمجتمع عمرنا مهنقبل دا و عقاب ربنا هينزل عليك فى الدنيا ... واحد اتقتل و التانى ابنه مات ...

غير كدا ... انامعتقدش ان الفنان المفروض يخاف من ادوار جديدة طالما بتحمل هدف و معنى عايزة توصلوا ... مش معنى كدا اننا نبرر العرى و الخلاعة و مشاهد اباحية ... انما اذا كان فى دور لشخصية مش كويسة بس مصاغ بطريقة متجرحش الاخلاقيات العامة ... ليه لأ ؟!

غير معرف يقول...

مش عارفة أنا شايفة ياأستاذة هند أن أحيانا لمابنتكلم عن حاجات ونديها أهمية أكبر منها ده بيبقي أكبر دليل على الاعتراف بيها يا اختي يعني احنا بكلمنا عنهم ممكن قوي نستهوي اي شاب انه يعرف عنهم المزيد وهبة يحصل ايه يدفعه فضوله يا ستو انا الي التجربة علشان يعرف ايه اللذة من وراء كده وبعدين قولي عليه يارحمن يارحيم بعدين بتهيلي لازم نطبق معاه مقول " الكلاب تعوي والقافلة تسير " " بيبوووووووو"

بيتنا القديم يقول...

Hend.Feps
...........
بصي يا هند
الموضوع مش بالبساطة دي
يعني سواء انا او انت قبلنا او رفضنا فالمديا الجبارة في طريقها لتدمر كل شئ جميل في حياتنا وآخرها الفضيلة..!!
يا هند انا دردشت مع الفنان حمدي أحمد
وهو قال لي وده كان في مؤتمر في فندق توشكا الأمان..قال لي ان اطراف بالخارج ومن زمان تطرح علي كتاب السيناريو سطور معينة وجمل معينة وفكرة معينة لتقبل تمويل السيناريو سيان كان فيلم او مسرحية او حتي سهرة تلفزيونية..!!
يا هند البيزنس إختلط الأن مع السياسة والفن وكله بيخدم علي كله..انت هوجة افلام عادل امام عن الإرهاب والملتحين والمحجبات..بلاش دي..انت فاكرة صورة مدرس الدين او المأزون او حتي مدرس اللغة العربية كما ظهر في مسرحية سك علي بناتك بتاعة فؤاد المهندس..!!
حتي في الغرب يا هند..هوليود لا تنفك عن المافيا بتاعة السلاح والمخدرات والساسة والبنتاجون والبيت الأبيض..الكل بيصب علي الكل في سيمفونية مدروسة او احياناً متخبطة..!!
يا هند ثمة دراسة تقول ان نشر الجرائم في مجتمع ما علي الناس ادي الي دراسة المجرم جريمته وتقيمها من اول وجديد علي ضوء المعطيات التي اخذها من سياق النشر والثغرات التي سوف يتجنبها لتأتي جريمته علي اكمل وجه...ثم هنروح بعيد ليه..خدي بعد إذنك السيت ده لتعرفي جريمة نشر الجريمة ولو في سياق عمل فني http://www.tulkrm.org/modules.php?name=News&file=article&sid=4476
وأخيراً فإن النية الصالحة لا تصلح العمل الفاسد..!!
ارجو ان يتسع صدرك لردودي عليك..
(:
دمت بخير

بيتنا القديم يقول...

بيبو
.....
طب ده حوار بينك وبين هند أخرج انا منه..!!
(:
دمت بخير

Hend.Feps يقول...

هو انا عامة مش بحب الجدل ... بس انا أسفة هرد عليك لأخر مرة فى البوست دا ... معذرة ...

كرم اخلاقك يخلينى أطمع فيك و أستأذنك فى انى أرد على بيبو ...

بيبو .... مبختلفش معاكى خالص ... بس دا اذا احنا كنا بنتكلم عن حاجة مستخبية و احنا اللى بنعلن عنها ... مش بنتكلم احنا عن شارع الهرم مثلا... احنا بنتكلم فى الاساس عن اعلانات بتدخل كل بيت فى بلدنا و البلدان المجاورة و أدى بنا تجاذب اطراف الحديث لنقاش دور اتعرض فى التليفزيون و شافه كل الناس برده ... و اذا كان منطقك دا مطلق فهنبقى زى النعام و يبقى الاستاذ اسامة يبطل يكتب بوستس زى دى احسن تكون دعاية ... و أستأذنك أن الموضوع مش محتاج اننا نتجادل فيه أكتر من كدا انما لو حبيتى تردى عليا فأى حاجة مش لازم نزعج أستاذ أسامة و ممكن حضرتك تبعتيلى ايميل ... شكرا اوى لتعليقك على اى حال

انا اسفة مرة تانية يا استاذ اسامة ...

بس أرد على حضرتك .... بردو مبختلفش معاك فى أى حاجة انت قلتها خالص ( و لو انى معرفش ميين حمدى احمد دا ) بس مبختلفش معاك ....معاك كليا ان فى حاجات كتير بتأثر على هوليود ... و اذا معملوش كدا يبقوا أغبية ... و هما مش أغبية ... لأن فى السياسة كل دولة ليها مصلحتها و عشان تحقق مصلحتها دى معاها أدوات ... أدوات كتيرة أوى ... و يبقى من الغباء اذا اهملوا أداة فعالة و مؤثرة زى الاعلام بتأثر على اعداد غفيرة ... فاحنا منزعلش و نقول فيين الديموقراطية اللى بينادوا بها و ازاى البنتاجون ميرضاش يسمح لفيلم انه يستخدم مناطق حربية فى التصوير عشان الاسكربت مش عاجب البنتاجون و بيسمح لناس تانية تصور و الحاجات اللى لا تخفى عن حد فينا دى ... أدوات و لازم يستغلوها ... و معاك بردو انهم بيأثروا فينا ... و التأثير واضح و جلى فى اخلاقيات كتيرة ... و معاك ان اعلامنا فضل لفترة طويلة و احيانا بحس انه ما زال .. موجه انه يوصل رسالة سيئة عن الدين و التدين و بردو كان على مرأى و مسمع من الحكومة .... مش عارفة انتا بتدخلنا فى مواضيع جانبية كتير ليه بس دا يجيبنا لنقطة تانية فرعية ... ان بردو الارهاب كان فى فترة مستخبى تحت عباءة الدين الاسلامى و عشان يحلوا المشكلة حاولوا يجففوا المنابع مش يحلوا المشكلة بشكل العقلانى و عشان المنبع مينفعش يتجفف ... فشلوا ... اى نعم نجحوا انهم يغيروا فكرة الناس عن المتدينين لفترة بس أظن الحال أتغير دلوقت مع تواجد شكل جديد فى طريقة الدعوة و ظهور دعاة اقرب للناس زى عمرو خالد اللى مش عاجبك و هاجمته فى بوست قبل كدا و شيوخ كتير مش مجرد دعاة بل فقهاء قدروا يتواكبوا مع العصر و يوصلوا للناس .... بس متنساش بردو ان فعلا الدعاة و شيوخ المساجد ( أكيد مش كلهم ) جتلهم فترة ركود و مكنوش بيأثروا فى حاجة ... اللهم كام شيخ يتعدوا على الصوابع

نرجع و نقول مش موضوعنا أصلا

فى نقطة كمان مش فى موضوعنا بس هتجيبنا لموضوعنا .... ان الافلام اللى بتقدم الجرايم بتخلى المجرمين محترفين اكتر ... و انا و الله العظيم ما بختلف معاك .... دى حتى بتفسدنا احنا اللى عمرنا ما هنبقى مجرمين ( نتمنى ذلك) ... افتكر مرات كتيرة نبقى مخنوقين من مدرس او اى شخصية انا و و اخواتى او انا و اصحابى ... و نقعد نهزر و نقول احنا نقتله زى الفيلم اللى مش عارف ازاى ... او نعمل فيه زى برنامج خلف الاسوار ... و فى الاخر نذبهل و تجحظ عيوننا و نقول ايه التفكير الاجرامى دا ... احنا جبنا الهبل دا منين .... معاك ان بجد افلام الجرايم و العنف ليها تأثير سلبى و زى الزفت على الناس و انا واحدة من الناس اللى بتؤمن ان مش اى فيلم نفرج الاطفال عليه و مش اى فيلم نتفرج احنا شخصيا عليه .... عموما الحمد لله فترة سلفستر و فان دام و الناس دى اضمحلت ... بس ربنا يستر عشان انكل السقا و مصطفى شعبان و كريم عبدالعزيز داخلين علينا بالعنف من تانى ... ربنا يستر .

نرجع بأة لموضوعنا اللى هو اصلا كمان مكنش موضوع البوست ... خالد الصاوى ... انا شايفة عشان احنا منوصلش للدرجة اللى فى اللينك اللى انتا حاطه دا ... لازم نفهم بعض و نقول اذا حاجة زى كدا حصلت عالجوا اولادكم و هما صغيريين و من الاول اصلا خدوا بالكم منهم .... بس ... و الله مقصديش اكتر من كدا ... و مش شايفة ان الدور بالسوء اللى يخلينا نشك انه مزقوق ...

عامة انا مش بختلف ان الاعلانات بتاعت الافلام دى زبالة و محتاجين وقفة فعلا ممكن نعمل جمعيات اهلية لمناهضة العرى و الاباحية فى الافلام و ممكن نعمل وقفات صامتة ادام النقابة بتاعت الفنانين بشكل متحضر احتجاجا على الهبل اللى بيحصل دا ... المهم منسكتش زى ما قلت لأمولة فى تعليق عليها ... تمام زى الحديث الشريف بتاع السفينة ... لازم نمنع الناس اللى تحت من ثقب السفينة عشان منغرقش كلنا ....

اسفة لتالت مرة على انى طولت عليك و تعبتك و سببت ازعاج

سلام عليكم

بيتنا القديم يقول...

Hend.Feps
...........
تصويب الفنان "أحمد حمدي" بتاع القاهرة تلاتين مش "حمدي احمد" بتاع يا نينه..!!
مفيش اسف بين الإخوات..!!
وعليكم السلام
(: