ورطة


"بابا بعد إذنك عاوزة اتفرج على الكرتون في التزيوووون"..!
دي كانت سهيلة بعد ماصحيت من النوم وغسلت وشها واكلت بسبوسة وبتشرب اللبن..
طلب عادي وطبيعي من طفلة في سنها في زمن الـSpacetoon
لكن اللي مش طبيعي ان باب اوضة الاطفال مقفول من امبارح والمفاتيح والموبايل بتاعي وبتاعها جوه الأوضة..
وانا اللي اتسببت في الورطة دي بصراحة وبكل وضوح..
"أنا كنت كنت حقفلوا بالراحة..بص يابابا انا مش كنت حعمل زيك كده كده..انا كنت حقفلوا بالراحة كده كده..متزؤهوش انت انا بس اللي حعمله..ماشي..واشرب الشاي بتاعك"..!
ذلك لم يكن صوت ضميري بل سهيلة بتسمعني كلمتين في العضل عشان حيل بينها وبين الكرتون ..
جربت كل الحيل لفتح الباب ولم تفلح..
لم يبقى الا الحل الأخير..
وهو الخيار الصعب..
ولكن..
ما باليد حيلة..
بعد اذنكوا..

6 عبرني:

أميرة يقول...

لأ لأ
استنى
أوعى
طااااااااااااخ

كلمات من نور يقول...

مين اللي كسره؟

الغريب إني بقيت لازم أخد بالي من موضوع الأبواب دي ومنهم لله الصينين حتى طبلة الباب بقت صيني ويادوب شهرين وتلاقي الباب مقفول لا يفتح أو الطبلة اتكسرت ولا تقفل والله بقى لو دي طبلة باب الحمام ....و انا عندي فوبيا الأبواب اللي بتتفتح بعنف بسبب ابن جيران لنا زمان كان أخوه فتح الباب في راسه وقعد في غيبوبة لمدة شهور ....زوجي كان حيعملها فيا الايام اللي فاتت كنت باجفف اقدامي بعد الوضوء وسانده على باب الحمام وهو داخل ولولا ستر ربنا كان زماني متكسرة و ووووو

تحياتي

غير معرف يقول...

يا عيني يا سهيلة

كدة برضة بابا ينسى المفاتيح جوة؟؟

يعملوها الكبار ويقعوا فيها الصغار يا سهيلة يا بنتي

خلي بالك من بابا وقولي له انت وحشت صحابك القدام - صحابك بتوع زمان - بتوع الصيد والحركات - اللي جم فرحك وقريبا باذن الله يدعوك على فرحهم يا بابا

والسلام

بيتنا القديم يقول...

مرمر
....
ودي كانت نهاية حدوتة الباب يا ولاد..!
(:

بيتنا القديم يقول...

كلمات
.....
الحمد لله ربنا ستر ولازم يا فندم تخبري جوزك بوجودك خلف الابواب المغلقة...ماذا والا لا سمح الله يحصل شئ مش كويس على الاطلاق..!
(:
تك كير..!

بيتنا القديم يقول...

حمادة
....
يا قاهر الباركودا والاستكوزا وموحد البحرين ...!
كيفك يا ماااااااااااااااااان..؟!
الف الف الف مبروك على مشروع حياتك ويارب تكون هي دي اللي قلبك اتمناها ولا تضاف الى قائمة العذاري الذين خيبت آمالهم ...!
(:
تحياتي