أنا "إتخطبت" يا رجالة..!

لكِ أشواقي وأوراقي ..
ولكِ أفكاري وحروفي ..
ولكِ أنهار من عشق ..
دافئ خبأته جفوني ..
أحبك وأعشق قربك ..
في عينك بدّدت همومي ..
وزال اليأس عن أمسي ..
وزال الخوف عن يومي ..
لا تخافي ضمة قلبي ..
لا تخافي مس جنوني ..
دعيني أحبك أميرتي ..
دعيني أعلنها للكونِ ..
ـــــــــــــــــــــــــــــــ
وقع قلبي في الأسر .. و تمت خطبتي على المدونة الصحفية .. ( أميرة ) ..!
ربنا يجعلني خير زوج لك مرمر ..!

33 عبرني:

عصفور المدينة يقول...

مبارك أخي الحبيب ربنا يتمم بخير

غير معرف يقول...

مبروك عليك مرمر
ومبروك سمسم على مرمر

كلماتك أكثر من رائعة
دخلت في بئر الكائن
:)

Jana يقول...

بارك الله لكما
وبارك عليكما
وجمع بينكما فى خير

:)

غير معرف يقول...

الف مبروك يا سمسم وربنا يبارك لك فى نعم الاخت والزوجة الصالحة الاخت اميرة وتخلفوا لنا امراء صغيرين ربنا يسعدكم يارب

ابو ادهم

نيران يقول...

D:

زادوا واحد!!

مبروك..

(بارك الله فيكما وعليكما و رزقكما خيراً)

يا مراكبي يقول...

إيه المفاجآت الحلوة دي

الحمد لله ده إنت كنت هتعنس يا راجل

هههههه

هتعزمنا عالفرح والأكل والحاجات دي وألا إيه؟

أميرة يقول...

والله انا استغربت انت اتخطبت والا خطبت بس واضح انك اتخطفت :D

الف مبروك ليكم وان شاء الله تعيشوا احلى ايام كلها سعادة وهنا

Unknown يقول...

الف مبروك يا سمسم
ربنا يتمملكم على خير يارب
ويجعل ايامكم كلها سعاده وهنا

بيتنا القديم يقول...

عصفور المدينة
............

والله افتكرتك نسيتي ...!

أكيد من كتر مشاغلك ...

ربنا يبارك فيك وعقبال أولادك ..

وعقبالك ان كنت ترغب فى المغامرة ..

(:

بيتنا القديم يقول...

أميرة (معروفة)
.............
مبروك علينا بعضينا ..

أعشق ذلك الكائن ..

وأعشق أميرة تحتويه ..

(:

Hend.feps يقول...

الف مبروووووووووووووووووك

ربنا يتمم على خير ...... عايزين نسمع اخبار احلى قريب ان شاء الله

بيتنا القديم يقول...

جانا
....
بس كده ...!!
كنت مستني منك عريضة كبيرة زي اللي قدمها الثوار للملك "فهمي عبد الحميد" في فيلم (خطفوا الناقة يا سراقة)..!!
على العموم كلماتك بينها كلمات وأكيد الأولاد شاغلين الكيبورد فالبكاد
إستطعت ان تخطفي تلك الكلمات..ربنا يخليك ويسعد قلبك..ويفرحك بأولادك..وتشوفيهم..مدونيين..ومخطوبين..وفي طاعة الله سائرين..ومتزحلقين على التربزين..آمين..!
(:

بيتنا القديم يقول...

أبو أدهم
.......
الله يبارك فيك يا ابو أدهم..الفضل لله ثم ليك أنت..أنت السبب منك لله..!!
(:
قصدي ان ربنا يجعلها فى ميزانك يا سيدي وبجد كلمات الشكر تعجز عن توفيك حقك في ذلك الموضوع..!
مستنين منك ما هو اكثر من ذلك..تساهم معانا فى العفش بمقشة ولا مساحة ولا زعافة ولا حتى سبت غسيل..!!
(:
ان شاء الله تشوف اولادك يا استاذ اسلام ملئ السمع والبصر..وربنا يفرحك بيهم..وينفع بيهم دينهم..ويبارك بيهم دنياهم..!!
(:
بالحق
مش حناكل عند العهد الجديد..إحنا حناكل عند واحد روعة حخلهولك مفاجأة لما اشوفك..حضر نفسك..وانسف مطبخك القديم..!

بيتنا القديم يقول...

نيران
....
آآآآآآآآآآآآآآه

قصدك العقلاء ..!

بالتأكيد يا فندم هم زادوا واحد ومستنينك..!!
وهذا يؤكد القاعدة العلمية المعملية اللي بتقول :"طول ما ندي ضهرنا للترعة عمر البلهارسيا في جتتنا ما ترعي".
سيبك انت ..!
كول اللي نفسك فيه..أهم حاجه تهضم..!!
(:

بيتنا القديم يقول...

يا مراكبي
..........
ربنا يبارك فيك يا بشمهندس..!
على فكرة والله بحبك فى الله ..
ان شاء الله يكون لنا لقاء منفرد في فالوكة في النيل اللي فيها النور الكتير ده على انغام الشرق والشواء نتبادل انخاب الحديث وذكريات "التانجو"
(:
بجد كنت كل ما اسمع اغنية وحدي قاعدة فى البيت أقول يا عين هاتي ومامتي تطبطب عليا والجيران يتحلقوا من حولي وده بمنديلوا وده بكم جلابيتو وانا هاتك يا نهنها ومخاط -يع-وشحتفة..!!
الى ان صادفت ليلة القدر وهاتك يا دعوات والذي منو وربك كبير وخزاينو ملايانه بس احنا نطلب ومنتنحش..!!
وكان ما كان يا سيد الكرام وقبل الواحد العلام دعوات عبده الغلبان..!
(:
طولت عليك معلش..!
المهم انت معزوم عندي فى القاهرة..
نرتبها مع بعض ان شاء الله ..
(:
فوتك بعافية يا ذوق..!
وتحياتي...

بيتنا القديم يقول...

أميرة ويلز
..........
خطوة عزيزة يا فندم...
مرحب بويلز واهلها أهل السؤدد والكرم
وبالأصالة عن نفسي وبالنيابة عن بتنا القديم دعيني أيتها الدوقة أقدم بين يديك هذين البيتين السوخنين:

حللتم أهلاً آل ويلز

ودمتم أهل فضل وعز

بيتنا بلكونته نورت

وإنتعشنا مثل الهولز

...................
عقبالك لو كنت لسه...
ولو مش كنت لسه ربنا يديم السعادة بينك وبين أمير ويلز زوجك..!
(:

بيتنا القديم يقول...

دكتورة لماضة
..........
ربنا يخليك يا ست الدكاترة ومكتشفة الدورة "الايوبية" -جديدة- وعقبالك يا فندم ربنا يكعبلك في قدرك اشقر الشعر..أبو عيون خضرا..الأهيف -يعني هايف الطول-..الأبلج..الأكحل..!!
(:
تك كير..!
وميرسي على التهنئة..!!
وسلام كبير للدكتورات والدكتورين في القسم بتاعك..!

بيتنا القديم يقول...

Hend.feps
.........
ربنا يكرمك يا فندم ويخليك...

إن شاء الله قريباً بإذن الله ...

عقبالك..!

(:

غير معرف يقول...

لولولوووووووووووووي

أخيرا .......... الف مليون مبروووووووووك

مبروك عليك مرمر .. ومبروك عليها أنت ياسمسم
وربنا يتم عليكم بخير يارب ويجمع بينكما في خير

وعقبالي

بيتنا القديم يقول...

شرين
....
يبدو لي انك شرين اللي هي شرين يعني انت شرين ولا مش شرين..لو كنت شرين يبقا انت شرين..ولو مش كنت شرين بجد حنكون زعلانين...!!
القصد لو انت شرين اللي هي شرين..يبقا بالتأكيد حندعيلك بالخير يا شرين..ونقولك متشكرين على البقين الحلوين..وان شاء الله قولي آمين.. يعدلهالك ربنا انت والسامعين..بدل ما انتم كده قاعدين كسلانيين ومن مواضيع الحب مرتاحين..يسهلهالك ويدحرجلك جدع عترة شجاع من الشوجاعين..يحميك ويصونك ويحطك زي التراميسين في عنيهى اللتنين..صوتي وقولي آمين...!!
(:
بجد
انشالله ميرسي لك شرين..!
وعقبالك يا اختنا الثالثة...!

di el2mr يقول...

الف مبروك يا سمسم
وربنا يتمملكو على خير

عاشــــــ النقاب ـقــــة"نونو" يقول...

الف مبروك
وعقبال الزفاف بس اعزمنا
بارك الله لكما وعليكما
كل عام وانتم الى الرحمن اقرب

عالمى ازرق يقول...

يارااااااااااااااااااااحل
بقي ده سر النور اللى متعلق فى اول النت
الف مبرووووووووووووووووووووووك وربنا يسعدكم ويباركلكم ببعض بأذن الله


التهنئه دى لا تعفيك من تقديم البوفيه والذى منه

الفقيرة إلى الله أم البنات يقول...

سمسم عقبال ان شاء الله الزفاف
كن لها عليا" تكن لك فاطمه
بارك الله لكما وبارك عليكما وجمع بينكما ان شاء الله فى الخير

بيتنا القديم يقول...

di el2mr
.........
شكراً يا فندم وعقبالك يارب..!

(:

بيتنا القديم يقول...

عاشــــــ النقاب ـقــــة"نونو"
..............................

اكيد يا فندم حضرتك من المعزومين

والمعزومات..!!

بارك الله فيك وعقبال الجميع..!

(:

بيتنا القديم يقول...

عالمى ازرق
..........
((((((:

البوفيه مفتوح يا فندم..!!

والنور ده نوركم انتم يا احلي

مدونيين في المجرة البلوجرية..!!

(:

بيتنا القديم يقول...

الفقيرة إلى الله أم البنات
.......................

طب وليه هي مش تبقا الأول فاطمة وانا ان شاء الله حوعدها احاول أكون سيدنا علي ....؟!!
(:
حاضر يا فندم سأكون علياً لأنني أعلم أنها فاطمة بالفعل..!!
(:
جزاك الله خيراً وعقبال عندكم..!

غير معرف يقول...

مبروووووووووووووووووووووووك يا بطل

هتعزمنا امتى يا وحش؟

احبك يا سمسم

أحمد هندي

بيتنا القديم يقول...

أحمدوووووووووف
.............
حبيبي قلبي وروحي وأنتيمي أحمد ..
لك وحشة جااااااااامدة يا قاهر
القرش الأبيض والأحمر والنبيتي ..!!
عزومتك في رقبتي يا برنس لا سيما ان انا
اكتشفت واحد بتاع حاجات جامدة اوي في
السيدة زينب حخليهولك مفاجأة لما
اقابلك ان شاء الله ..أحلى من كل اللي أكلت عندهم وفي سرك متصور صور مع طوب الارض فنانين ورياضين وسياسين وعمال نظافة وكوووووووووول الخلق والعالمين..!
(:
عقبالك يا حمادة ..ونتعزم فى فرحك ان شاء الله ..بحبك انا كمان والله ..!!
شد حيلك يا برنس وربنا يكرمك وتقضي جيشك بخير..!!

koukawy يقول...

الف مبروك ... بس انا فيه حاجه مستغرباهه هو مش انت متجوز يا سمسم و عندكبنت و لا انت سمسم تاني غير سمسم مش عارفه علي كل حال الف مبروك

L.G. يقول...

مبروك يا اسامة ولو انها متأخرة يا ترى أميرة مدونتها ايه ؟
أميرة اللي كنت بسأل عليها ولا أميرة تاني

يارب تكون ملكة تنور مملكتك ويعوض ربنا صبرك بيها خير آمين

lonely يقول...

الف مبروك