هذا الدعاء كانت تحافظ عليه جدتي - أطال الله في عمرها- وأنا أناولها كوب الشاي كانت تسرده على مسامعي مع إطالة بعد المقاطع ومط بعضها ويتهدج صوتها في مقاطع أخري...
الدعاء غاية في البساطة والفطرة..لأن جدتي - والدة الحاج والدي- عاصرت حقب مرت بها مصر إلا أنها لم تتلوث فكرياً كما تلوثنا نحن- أقصد نفسي عشان مش حد يزعل- فخرج دعائها من القلب...
تقول جدتي - 87عاماً- أثناء إشعال الفرن بمزيد من البوص والحطب الجاف وبعض أقراص الجلة اليابسة:
يارب مالينا غيرك...
نبات ونصبح في خيرك...
لا تنسينا ذكرك...
ولا تحوجنا لغيرك...!
1 عبرني:
سلام ...
احلى ما فى الحياة إننا يبقى لينا جزور وبيت قديم كل الأجيال عارفاه ..
أطال الله فى عمر جدتك فهى البركة والخير وآخر نسل الجيل الطيب الخير اللى مايعرفوش لا الكدب ولا الخداع ولا يعرفوك علشان مصلحة .. الناس دول عاشوا بحب وزرعوا الحب وكان الخير دايما هو دافعهم وهمهم الأكبر
كان نفسى ستى "جدتى" تعيش إلى الآن
إرسال تعليق