عارفين يا شباب
ساعات المسألة بتضيق خالص
وتحس انك بتتنفس من ثقب ابرة
كل دفعاتك بتكون خلصت
كل امكانياتك بتكون انهارت
رصيد الامل عندك وصل للصفر
ساعتها بتغسل وشك وايدك من آثار المعركة الاذلية مع الحياة
وتخلع درعك
وترمي سيفك علي الارض
وتدورلك علي معزة وناي تكمل بهم مسيرة حياتك
زي شيبوب شقيق عنترة بن شداد
عندها قد تحدث معجزة
او لاتحدث
6 عبرني:
امبارح زى دلوقتى بالظبط كنت ف حالة نفسية بشعة كنت خلاص حسة انى هموت لو معيطش او مصوتش او اى حاجة
اعدت اعيطلى شوية وبعدين خفت لا عينى تورم ف بطلت :)
و احيانا بردو الواحد بيع يتخيل الحاجات اللى هوانفسه تحصل و كانها حصلت
الغريب بئا ان الواحد يكون بيتأثر باى حاجة
يعنى انت كاتب بوست يغم اتغم كاتب بوست فرايحى افرح
سمعت اغنية حزينة اتغم سمعت اغنية بتضحك اضحك
كنت ف فرح افرح افتكرت حاجة تزعل ازعل
وسيبك من اللى فات دا كله انا تقريبا بتكلم ف موضوع ملوش علاقة بالموضوع
وتقريبا الرد اكبر من البوست نفسه
معندكش علاج يا ضكتور
بريك
....
كلمة واحدة هقولهالك
دمك شربات
علاجك انك تخليك مع الله
سمسم
انا لسه شايفة البوست ده حالا
معرفش ازاى
الم ترى ان الليل بعد ظلامه
عليه لاسفار الصباح دليل
لا تفتح بابا لليأس ...يصعب غلقه
فببعض الايمان
وبعض الثقة بالنفس
وببعض اليقين
وبشىء من السعى
يلوح الامل مرة اخرى فى الافاق
فما اضيق العيش لولا فسحة الامل
فان مع العسر يسرا..ان مع العسر يسرا
فيه جلمة في فيلم فايت كلوب
losing all hope..is freedom
انا مؤمنة ان طبعا محدش ييأس من روح ربنا...لكن..انا ساعات بفسر الجملة دي زي ما تقول كده..اللي عنده فازة غالية وتعبان اوي حيموت م القلق عليها عشان متتكسرش..يوم ما تتكسر باله بيرتاح..ويقلع بقي الرمح والسيف والدرع زيك كده ويعد تحت الشجرة يرعي الغنم ويقول يا رب..انا اهو...مليش غيرك..والفازة اتكسرت وكل حاجة راحت..عوضني بطريقتك..زي مانت عايز..يااااههه راحة ما بعدها راحة..وسبحان الله..ده اكتر وقت بيكون فيه رد السماء سريع وحاسم
اعد تحت الشجرة انتظر واستمع
جني
...
"فما اضيق العيش لولا فسحة الامل"
والله كلامك حكم
بالذات "فسحة" دي جبتيها منين
ربنا يكرمك ويملأ قلبك وبيتك بالأمل
مولاتي
.,...
مرة واحد راح للطبيب وشكا له صداع فأمره الطبيب بفتح الشباك عندما ينام
وبعد اسبوعين سأل الطبيب المريض هل ذهب الصداع
رد المريض:نعم الصداع راح...والتلاجة راحت...والتلفزيون راح...والغسالة راحت
.
.
.
المهم هترجعي لبيتك إمتي
الناس قلقانة عليك
إرسال تعليق