ونحن صغار
نحاول فهم هذه الحياة الشابة الجميلة
ونظل نقطع وقتاً كبيراً
في فهمها والتعايش معها
حتي اذا مضي بنا الزمن
وصرنا شيوخاً وفهمنا الحياة
وجدت الحياة صعوبة
في فهمنا والتعايش معنا
لا تكن ضدها
تعرف على قوائم العار
أنا موبينيل..عشان عميل
ويكيليكس الأمريكية: تسريبات مخابراتية ليست بالمجان..!
حلاوة زمان
-
حبيبة ديالي يا اعز ما عندي يا نور عيني نورت حياتي الله يخليك ليا انت عارف راني كنبغيك كنحماق عليك كنموت عليك كنطلب من الله يجمعنا و يقرب لبع... -
خلَّصت وجبة الغدا التى حلت مكان العشا عشان كنت نايم... السمك كان تحفة والرز بطريقة ستة اتنين تلاتة ستة يهبل خالص... نهايتو اخذت موقعي أمام ... -
النهاردة قررت اغتسل غسل الجمعة ليس لأنه سُنة مستحبة فحسب... بل لأنني لا ادري متى يغلق اخونا الأفارقة حنفية النيل العمومية... الخلاصة أخدت بع...
أصحاب البيت
-
-
-
-
هاشتاجات حسابي في الفيسبوكقبل عام واحد
-
-
-
-
-
32 عبرني:
:(
اييييييييه دنيا
هوا حضرتك عديت المية على كدا
مية الا سبعين
ينفع
جررررررررررر!!
أوافقك على الشطر الأول
الثاني أتمنى ألا يتحقق كما تقول
سلام و تحيات و يارب تكون بخير
صح
انت متفائل اوي
هو احنا حتي بعد ما نكون شيوخا عمرنا ما بنهم الحياة
الحياة صعب ان حد يفهمها يا سمسم
انا فاكر انى كنت كتبت حاجة زي كدة
عن القطار اللى بيجرى وبيدخل محطات وبتنزل من ابواب وناس بتسيبك وتنزل وكلام من ده
أوجزت فأحسنت
سؤال بسيط
هى أميرة فين؟ قفلت البلوج لية؟ مش راجعة تانى واللا اية؟
انا خايف عليها اوى يا سمسم
خايف انها تسيبنا ومترجعش
سلام يا سمسم
انا جايه امضى حضووور:)
حقا معادلة بشرية صعبة
او بالاحرى
متباينة صعبة
بس ليه النظرة السودا دى
يمكن منوصلش لحد ما نبقى شيوخ اصلا
وساعتها يبقى
يسقط التشاؤم
يسقط الاكتئاب
ويسقط المطر فى الشتاء
يا خوفى يا بدران لتطلع بعد كل ده مش مكتئب ولا يحزنون
وقاعد تعمل تان فى شرم
تحياتى..لحد ما نشوف اخرتها
بظبط
انا مش عارفة احنا عايزين من الدنيا ايه؟
بجد والله يا اسامة..مش عارفة
هههههههههههههه
يله مش مشكلة..واضح اني مش حعرف غير لما اشيب لو ليا عمر
:)
السلام عليكم ورحمة الله وبركاته
ايه يا عم الكآبه دى لا انت اول ولا آحر واحد ومفيش حد عارف الخير فين
كده ولا اييييييييه
السلام عليكم ورحمة الله وبركاته
صحيح ايه حكاية البيت المقلوب بتاعك الى انت قلبته فوق دماغنا هى ناقصه قلب اكتر ما هى مقلوبه وما تقلبش كيانا
امضاء مقلوب عاوز ينعدل
والست اميرة البلطجيه بتاعتكم اللى انا مش منهم قافله البلوج على القراء بلغها انها كده بتخسر قراء ومش داخل غير عند مدونات مفتوحه ومفيش تفرقه عنصريه
كده ولا اييييييييييييييييه
بداية اعتذر بشدة عن تأخري في الرد عن حبيبي المدونيين الغاليين جداً...لبعض الانشغالات التي عبرت عنها في بوست ملفات عالقة
حاجات كتير حصلت وانا مش موجود...حاجات سعيدة واخري لم تكن في الحسبان...التي لم تكن في الحسبان هو اغلاق اميرة البلطجية لمدونتها...وهذا ان دل فإنما يدل علي كمية الانانية المفرطة التي تتمتع بها...عارفين ليه
بالظبط هي عملت زي واحد فتح كافتريا ولما الناس اعتادت عليه وحبت قعدته وخلاص عرف انهم ما يئدروش يستغنوا عنه
راح قافل الكافتريا وقلهم خلاص بح قوموا روحوا حتي من غير سابق انذار
علي العموم كل واحد مننا ليه لحظة ضعف يعني حالة جذر وان شاء الله متطولش عندك يا اميرة
ندي
...
قالوا في الامثال اللي يخاف من العفريت يطلعلوا
الشق التاني جاي جاي...بس اهم حاجة نكون مستعدين ليه...لأننا حتي ولو هربنا هنهرب ليه مش منه
الحمد لله انا بخير...وانت عامله ايه..وايه اخبار العطور عندك؟!!
شيماء
......
انت من حزب الموافقين ولا ايييييييييه
المجلس سيد قراره...!!
سمراء
....
طب نعمل ايه
وامتي هنفهمها
لما يفرقوا علي تربتنا كحك وشوريك
أحمدوف
.....
يا صديقي
ربنا يخليك ليا يا أجمل صديق علي المدونات...اكيد اللي انت كتبته عبر اكتر علي اللي انا قلته...علي العموم من شابه صديقه فما ظلم...والمرء علي دين خليله
بالنسبة لأميرتنا هي اكيد في حاجه مزعلاها شويه فأكيد لازم تطلع زعلها علي مريديها ومحبيها هي هتلاقي شعب مهاود ومنكسر زينا فين...ده احنا منعرفش نقول غير اخترناك وبيعناك
علي العموم انا من جهتي هطلع عربية كارو وهمسك كوز وهلف في انحاء المملكة وهنادي اميرة تايهة يا ولاد الحلال
مش بس كده انا ان شاء الله هرصد جايزة ورك فرخة للي هيلاقيها
وكلو عالله
لوزة
.....
عندك تأخير يا هانم مخصوم منك...مخصوم منك...مخصوم منك
بس في مشكلة
مرتبك مخصوم لمدة سنة هنخصملك ايه تاني
اقولك تعالي نعكسها ونديلك علاوة
إذن
انت يا هانم متعاقبة بعقوبة العلاوة
وقد اعذر من انذر
جني
...
عساااااااااااااااااااااااااااال
ولحد بعد بكره هقول عسل
لا خوف من بدران بس انا فعلاً مش مكتئب
ولا يحزنون دي مجرد خاطرة قذفتها امواج
الايام علي شاطئ افكاري
مولاتي
......
الوحيدة اللي بجد قلتهلها هذا اللقب في العالم الافتراضي ولم اتحرج منه...ومع الايام اثبتي جدارة في اكتساب هذا اللقب
لا لشئ سوي مزيد اخلاقك وهمتك في التدوين وافكارك المرتبة..ومواضيعك الغير تقليدية
حقاً انا لا اتحرج الان وانا اعترف ومعي اكثر الذين قرؤا لك وعلي رأسهم احمدوف قاهر الاسماك...ان لك من صفات القيادة وكاريزما الشخصية بالاضافة الي قلبك الطيب ما يجعلك اميرة للبلطجية الطيبين ولاد البلد...ثم انت بعد ذلك تصفعين الجميع علي وجوههم وبكل بساطة تغلقين الباب في وجوهنا جميعاً...ولسان حالك يقول...غوروا في ستين داهية معدتش مستحملاكوا ولا مستحملة أرفكوا يالا غوروا
طب ليه حد زعلك
كلنا عارفين ان القيامة جاية جاية في يوم ومع ذلك محدش راح واعتزل في جبل لوحدوا...هو مش حبيبك صلي الله عليه وسلم قال...لو قامت القيامة وفي يد احدكم فسيلة فليغرسها...اذن لماذا تتعجلي نهاية شئ قبل اوانها الا اللهم طاقة يأس سلبية حلت بك وما عهدناك الا قوية وشجاعة واميرة بلطجية
مش عارف أقولك ايه تاني غير ان احنا كلنا بقينا اسرة واحدة زي ما انت شايفة وكل واحد فينا ليه حق في التاني
وحقنا عليك انك متسيبناش عشان بنحب كل اللي بتكتبيه وبتقوليه حتي لحظات جنونك عندنا زي العسل
اقول قولي هذا
والسلام عليكم
ورحمة الله وبركاته
!!!!!!!!!!!!!!!!!!!!!!!!!!!!
بركات
.....
اهلاً بيك يا حبيبي
انت عامل ايه
واخبارك ايه
طبعاً بينك وبين الشمس شبر
هنيئاً لك الحر والرطوبة والشمس
والخرطوم
اميرة يا إما تقلانة
او زعلانة
او كليهما
او علي اسوأ تقدير جالها عريس كشر
حلف عليها بالطلاق متعبرش حد
تفتكر يكون ده حصل بجد
!!
جايز برضو
ويجعلهولك لحد بعد المية عامر
خدها مني حكمة
الحياة اتوبيس
اميرة
الموضوع كدة خرج عن الحد
من فضلك افتحي مدونة نكلمك فيها
مش هينفع كدة
مالك ي اميرة.........اية حكايتك؟
لو احنا منستاهلش.........طيب يا ستى خليكي انتى احسن وعبرينا
مينفعش كدة بجد..........انا عايز اعلق عندك فى المدونة.........عايز اكلمك واقولك عاملة اية واقولك رأيي فى حاجة جديدة
طيب لو مسافرة مصيف ومش عايزة يحصل فتور للمدونة.............قولى لنا زي ما قالت تمر حنة.........عينكوا عالدكانة
يا اميرة
صعب جدا ان الانسان يكتسب اصدقاء فى الزمن ده
خصوصا لو اصدقاء بيخافوا عليه بجد
خلى بالك مننا ومتغيبيش كتير
والسلام
لا مؤاخذة يا سمسم
اصلى عارف انها بتقرأ هنا كتير
اعذرني
و ياريت توجه لها نداء ومناشدة انت كمان
عشان احنا هنتحايل على بعض عشان نقرأ لبعض
احلف لك ان لو اميرة بتكتب فى جورنان هاشتريه ولو بجنيه بحاله
لو هى عايزة تعمل مدونتها باشتراكات هنشترك
بس هى فين؟
عيب كدة بجد
والسلام
سمسم
ما تحضرنا
هناك عند احمد اسلاميست
مش انت باين الوزير
ولا امين الشرطة
ولا امين المكتبة
خلاص
انت منتدب...لحين رجوع اميرة البلطجية بالسلامة
حيات عيالك
حيات عينيك يا شيخ
خليك محضر خير
وابقى قولى رأيك فى الخطة الموضوعة عشان نرجع مرمر تانى
سلام
مالك عجزت و شعرك ابيض كدة.؟؟؟
والله عندك حق
كلام منطقي اوي
عين ضيقة
.......
فييييييييييييييييييينك
مش باينه ليييييييييييييييييييه
خييييييييييييييييييييييييير
ويارب انشالله ميرسي
نهي
...
ختها منك حكمة
إنما ايه اللي خلاكي مزوغة ومأطعتيش
تذكرة؟!!
علي جنب يا اسطي واحدة مزوغة
!!!!!!!!!!!
احمدوف
......
لا بأس ان نتحايل بعضنا علي بعض لا سيما عندما نقع في مطب احباط
فالمسلم مرآة أخيه
ولعل المعلمة ترجع
ايييييييييييييييييييييييه
قطيعة محدش بيكولها بالساهل
وربنا يعينا يا ولدي
جني
....
خلاص يا فندم رايح احضركم
ملحوظة
لقد تم ترقيتي من امين شرطة الي ساعي
بريد
وشكراً للتحية
وننقل الميكرفون الان الي موقع الحدث
عند احمدوف قاهر الاسماك
فإلي هناك
S H A H
........
يا الف اهلاً
يا عشروميت مرحبة
فينك يا برنس من زماااااااااااااان
من ناحية عجزت فده التطور الطبيعي
للحاجة الساقعة
ومن ناحية شعري ابيض فده بسبب طابور
العيش بتاع الفرن...محسوبك مقاتل من
اجل دعم دقيق الخبز
وبيني وبينك العيشة يارااااااااجل
تشيب قرن الخروب
اهلاً بيك يا برنس في بيتك القديم
العربي
.......
والله انت اللي منورني يا باشا
ودايماً كده واقف في صفي
ربنا يخليك ليا يا جميل
يا عسل
إرسال تعليق