هذا تاج ربنا يعفيكو
اتكعبلت فيه بمحض الصدفة
في صيدلية بريك
لكن علي مين
انا حضرت البخور والفحم وعين العفريت وزائدته الدودية
وحكيت المصباح وقلت
يابن الجني يابن الجني
يا سحلوب يا دحلوب
جاوب المطلوب
انت مين؟
كائن جاي يزور الدنيا ويدورعلي الشبشب بتاعو
مين اكتر 6 اشخاص بتحبهم؟
الاسد
الفرخة
العنقاء
النداهة
الشمامة
احمد شعبان
الفرخة
العنقاء
النداهة
الشمامة
احمد شعبان
انت سعيد؟
لأ انا اسامة
لو اجتمعت انا وحسني مبارك في غرفة واحدة؟
هغنيلو انا بكره اسرائيل وطبعاً بكرهك
لو معاك مليون ونص جنيه......تعمل بيهم ايه؟
النص جنيه -اللي هو خمسين قرش يعني- هتبرع بربعو لهيئة تطهير الترع والمصارف
والربع التاني لهيئة ردم الترع والمصارف
والمليون جنيه بقا هدمرو في الكشري وعصير القصب
بتحب مصر؟
والربع التاني لهيئة ردم الترع والمصارف
والمليون جنيه بقا هدمرو في الكشري وعصير القصب
بتحب مصر؟
كنت قبل الاعتقال
بتحب البنات؟
طبعاً والدليل سهيلة
انت مسلم ؟
انت مسلم ؟
في الشهادة قالولولي كده
ليه؟
عشان بكره امريكا وبحب العراق وفلسطين
مين اكتر شخصية ما تقدرش تستغنى عنها في حياتك؟وليه؟
اكتر شخصية مقدرش استغني عنها في حياتي هي شخصية زميل العمل محترف الاسافين حيث اجد لذة شديدة في فضحه وان اري ارقام حذائي مرسومة علي وجهه
ايه اكتر موقف محرج اتعرضت ليه في حياتك؟واتصرفت ازاي؟
ايه اكتر موقف محرج اتعرضت ليه في حياتك؟واتصرفت ازاي؟
وانا رايح اخطب...ببقا قاعد في ربع هدومي ومش قادر ابص علي الغندورة
ايه الأمنية اللي بتدعي ربنا دايما انه يحققها لك؟
اشوف المسلمين دولة واحدة عظمي
وبوش سارح بعرقسوس في ميدان عابدين
تمرر التاج دة لمين؟
مولاتي البلطجية
أميرة الصوصوا..كوكو الكميل
جنة نانا
أحلي حورية..نادية طه
تسنيم..حاجة ارق من النسيم
جدير بالذكر..يا مركبي
بطوط
خالد
شارم لايف
سمراء النيل
مشمش حبيبي
حامد
دكتور محمد يوسف
عين ضيقة
مالكش دعوة
هي كما اراها..ندي
إحساسي..لونلي
نفسي ابقي مسلم بجد
فتافيت.... السكر
المغربية الشقية أنيما
وبوش سارح بعرقسوس في ميدان عابدين
تمرر التاج دة لمين؟
مولاتي البلطجية
أميرة الصوصوا..كوكو الكميل
جنة نانا
أحلي حورية..نادية طه
تسنيم..حاجة ارق من النسيم
جدير بالذكر..يا مركبي
بطوط
خالد
شارم لايف
سمراء النيل
مشمش حبيبي
حامد
دكتور محمد يوسف
عين ضيقة
مالكش دعوة
هي كما اراها..ندي
إحساسي..لونلي
نفسي ابقي مسلم بجد
فتافيت.... السكر
المغربية الشقية أنيما
28 عبرني:
يااااااااااااااه عليك
انا حليته قبل كدة...... اعمل انا تاج وابعتهولك دلوئتى يعني؟
والسلام
أحمدوف
.....
لا يا عم الطيب أحسن
خليك انت الكبير
تحياتي
ماشى ياسيدى
تاجك على راسى
سلام
علم و سينفذ يا بيه
هما اعتقلوك قبل كده؟
ايه ده ... كنت بتحب مصر قبل الاعتقال ؟
هي مصر طعمها بيبان اصلا غير بعد الاعتقال
طب اقولك.. خد دوق مصر كده
مممم... اللللللله
طعمه بشكل
التاج حتأخر في الرد عليه اسبوع كده نظرا لضيق ذات الوقت
تاج ..! ! ! ؟ ؟ ؟
..!!حتى انت يا بروتس
عموما فى اول فرصة حارد عليه
بس بعد مااكنس الدار واحمى الفرن واحلب الجاموسة واقرص الجلة واخبز العجين ....و ياااى لسه حاغير الدايبرز للعيال
بس كده وحارد اول ما اخلص حصة التدبير المنزلى
وبلييز قولى رأيك فى اخر بوست
تحياتى ..وارفع لك التاج..قصدى القبعة
دمك سكر
و على فكرة الست الحاجات اللى بتحبها انا كمان بحبها
عين ضيقة
.....
تسلم راسك
ده العشم بردو
سلام
أنيما
......
شكراً لسماع الامر
حدث بالفعل يا فندم
سلام
مشمش
.....
أحياناً يا مشمش بتكون مصر طعمها مر
واحياناً بتحس ان مطار القاهرة الطريق
الوحيد لفهم الواقع
بس من بعيد
سلام
نانا
....
الله الله احنا فغي كفر الدوار ولا ايه
انت مين بالظبط يا ستي هانم؟!
وايه حكاية الجاموسة دي
وما علاقتك بالجلة
عارفه فاكرتيني بمين..بنيللي وهي بتقول
ياعجينة مبططة يا فطيرة مشللتة
انا شفت البوست بتاع دايماً دموع
سلام
مجهول
....
ده دمك انت يا فندم اللي سكر
طب ممتاز طالما انت كمان بتحبهم
انا هشوف العنقاء هتفضي امتي من
التهام آخر ضحية لها وهجبها معايا
ونيجي نزورك
سلام
بيعجبنى الناس اللى بتفهمها وهى طايرة
عنقاء دى هاعمل بيها ايه ان شاء الله
فتح مخك
مفيش مانع من رقم 6
مجهول
....
مفيش مانع عندي والله
احمد هيقابلني كمان نص ساعة
هجيبوا ومعايا المؤذون ونيجي نشرب
الشاي علي القهوة اللي جنبكو
سلام
rabna 3al moftry w el zalem :D amiiin
بطوط
.....
شد حيلك يا جميل
تحياتي
إيه ده؟ أنا إسمي مكتوب؟
طيب
وجدير بالذكر إن السنة دي بتشهد أكبر كمية تيجان في التاريخ
نردهالك في الأفراح إن شاء الله
يا مراكبي
........
عيش يا معلم
احنا في الانتظار
تحياتي
مردتش عليا
نمرة 6 لما قابلته فى القهوة وافق ولا لا
؟؟
مجهول
....
يانهار تجسس ومخابرات
علي العموم نمرة 6 غير مرتبط
وعلي المدي القريب لن يرتبط
ومن الآخر لا يقدس الحياة الزوجية
ملحوظة
إحنا ضربنا يوميها زبادي مخفوق باللبن
ملحوظة
لا تسألني ما معني مخفوق..من فضلك
اساله انت بس
يا نمرة 6
توافق ولا لا
شيماء
......
اهلاً اهلاً
يا ارض احفظي ما عليك
يا مية نجف يا مية نهار بنور
يا صفايح الزبدة السايحة
يا براميل القشطة النايحة
انا قولتلوه يا فندم
وهو قالي تؤ
هو يعني ايه تؤ من فضلك؟!!
لكن هحاول تاني
ماهو مش معقول الولد أضيها سنجل كده
فور افر
تحياتي
مين شيماء اللى دخلت
فى الحوار دى انشاء الله
وتعرف نمرة 6 منين بقى
؟؟
انت يا سمسم
مجهول
.....
عزيزي مجهول المحموء
لا ادري من انت
وبالطبع لا ادري علاقة
شيماء بك
لكن ما يسعني قوله
ان مدونتي ليست مكان مناسب لتصفية
الحسابات
اعرف مكان شاعري وهادئ
ان اردتما ذلك بعيداً عن الانظار
بجوار مشرحة زينهم
اتمني لكما ليلة مرعبة
تحياتي
لما سيتبقي من اشلاء
سلام
يا سمسم انا معرفش مين المجهول ده
انا لاقيتها يا عينى متشحتفة على شعبان
قلت اوجب معاها
وبعدين لاقيت العريضة دى
مكنش بودى ان بداية تعليقى عندك تبقى كده
بعتذر لأى سوء تفاهم سواء ليك او للمجهول
وشكرا
شيماء
......
لأ...والله انا مش قصدي تزعلي
بالعكس انا وجهت كلامي للمجهول وليس
لك..وان كان شئ هيزعلني منك فهو
انسحابك كده وانت زعلانة
ارجوك تقبلي اعتذاري
وحصل خير
هه تشربي ايه بقا
عند تمر هندي في التلاجة بس زي العسل
ثواني هعملك كوباية
لا انا بحب الكركديه
:))
لا انا كنت خايفة انك تكون اتاثرت ولا حاجة
ومتشكرين للكركديه
:))
شيماء
.....
طب الحمدلله إصطلاحنا وبقينا عال العال
سيبك بقا من التدوينة دي وعلقي علي
الباقي
ولا "خيانة مشروعة" مش تعجبك
تحياتي
يا أحلي
شيماء
في المجموعة
الشمسية
إرسال تعليق