أهلاً يا شبابهكذا إلتقينا
ووداعاً يا أحبتي
هكذا سنفترق
آن ان يلملم سمسم حقيبته الصغيرة
ويحمل ثانية دميته وذكرياته
ويرتحل
ويغلق خلفه باب بيتنا القديم
ويودع ابوابه و مشربياته
لا أنكر اني قد إستمتعت بكل ما قرأت
بكل ما كتبت...بكل مدح وهجاء
تجربة جميلة كان التدوين
لذيذة...كالزهر عطراً وملمساً
رقيقة كمشاعر من قرأت لهم
لكن
دائماً يجب ان نترقب لحظة الفراق
اللحظة التي عندها يتأوه القلب
بين الضلوع
وتحاول الأشواق والمشاعر
أن تثنينا عن قرارنا الأخير
لكن هيهات سبق السيف العزل
عندها تلثم الأحزان أعيننا
فتذرف الأخيرة عبراتها ملتاعة
من لحظة وداع غارقة في أحزانها
لكن حسبنا اننا كنا علي الخير
أعواناً
ما تلفظنا الا بما يرضي ربنا
وها نحن في هذه اللحظة التي نقرأ
فيها هذه التدوينة المئة التي أجعلها
خاتمة ما كتبته طيلة هذه المرحلة
نضع لمساتنا الحانية الأخيرة
بين كفوفنا لترتوي مشاعرنا
برشفة ماقبل الفراق
نقول بعدها أحدنا للأخر
وداعاً
علنا نلتقي يوماً
من يدري
ربما
وداعاً
58 عبرني:
محمود بركات
السلام عليكم ورحمة الله وبركاته
لا يا أخى لا تفارق
لا تفارقنا الآن
احببناك وعشقنا تدوينك حتى بعد حب الله والصداقة القديمه
هل تعلم كم يعنى ان تجد المعنى والهدف وان كان فى تدوين وتعليق وحتى مزاح مع أخيك الذى تحبه ثم تترك الموضوع برمته وتفقد حتى مزاح الجميل
لا تجعلنانحس انك اصبحت قاسيا
واخيرا ان كانت ظروفك فوفقك الله لم يحبه ويرضاه والسلام
و مين حيسمح لك إنك تمشي و تسيبنا
إذا لم ترجع سأضرب عن الطعام و ذنبي في رقبتك إذا مت
بركات
.....
دمت بخير شاكر لك صدق مشاعرك
انيما
.....
وفقت لكل خير
متشكر جداً
لااااااااااااا لو سمحت و من فضلك ممكن لاتترك مدونتك ، أسمحلى أن أسأل حضرتك ليييييه تترك مدونتك ، أقسم بالله أنى قبل أن أفتح مدونتى أمر على مدونة حضرتك لأقرأالجديد فيها حتى و إن لم أعلق ، من سيعلق على تدويناتى و يختم كلامه ب ( يجعلو عامر ) ؟ من ؟؟ من سيشجعنى و لا يترك أى تدوينة لى دون تعليق من ؟؟؟ يا أستاذى الفاضل : عم سمسم مدونة حضرتك كانت من المدونات الفكاهية بدون أسفاف فهل ترانا نتقبل قرار حضرتك ؟؟؟؟ صدقنى يا عم سمسم لو كل شخص محترم ترك مدونته فسيكون قد تخلى عن مبادئه و عن بيته و الأصدقائه ، فبالله عليك لااااااااا تترك مدونة حضرتك لتكون كالبيت المهجور الذى تسكنه الأشبا و الذكريات الجميلة ، و سلامى كتيييييييييييير لسهيلة و الشيكولاته مستنياها
فبالله عليك لا تقل وداعا و لكن قل إلى لقاء قريب و من الممكن أن تأخذ أجازة لترتب فيها أفكار حضرتك
بلاش تتخذ قرارات فى وقت ممكن تكون مضغوط فيه انا متأكده انك ان شاء الله هتراجع نفسك وترجع لمدونتك وللناس اللى بتحبك
سمسم
ايه الكلام ده ؟
مش من اخلاق الفرسان انهم يتخلو عن الابرياء زينا ويسيبوهم في الوغي
ياريت ترجع عن قرارك المفاجيء ده
لو مشغول خد اجازه شويه
بس بلاش فراق
بليييييز
ابو السماسم العجيب
ايه البيانات الثورية الانقلابية المفاجئة دى ؟؟؟ لابد من اجتماع مجلسى الشورى و الشعب و التصويت بلالالانوافق
و فين اميرة البلطجية و قراراتها الفكاهية ؟؟
و الله النت لا يكون له طعم و لا رائحة بدون مدونة سمسم و بعدين احنا خلاص اخدنا عليها و اصبح لنا حق فيها و سنحميها و نفدى سمسمها بارواحنا بالروح بالدم نفديك يا سمسم
يالله عايزين بوست يكسر الدنيا
و سيزر بيسلم عليك و بيعزمك عندة لقضاء يوم مرح بين الامواج لقراءة الجزء الثانى من قصته
انا فى انتظارك و الشيكولاته و الايس كريم و كل الطلبات تحت امرك
و مش همشى هاخلينى فى بيتنا القديم مع لعبة سمسم
حوريه
اياك والاخطاء السابقة...لاترتكب الخطأمرتين... تعلم من الماضى..وتذكرالبارحةوما عليهاحتى ترنو الى الغد وما له....اباك ان تفعلها................. ل
انت بتتكلم جد؟
لا طبعا لا يمكن...انا خلاص بدأت ادمن....هو كل ما ندمن واحد يبقى يخلع ويسيبنا؟
شوف هقولك حاجة
شوف احساسك لو اميرة قالت انها مش هتكتب تانى....هتعمل انت اية
وخلى بالك من نفسك
سلام
اسامة لو راح حيجي اسامة اصدي سمسم تاني منين؟اسامة ده مش مجرد كلام مجاملة او حاجة وربنا وحياة سوسو كمن انت من اروع والذ الناس الي قريت ليهم كنت احب ادخل عندهم بالاول كنت ادخل عندك عشان خاطرواحد انت تعرفه بس بعد كده لقيت نفسي بحب ادخل لاني حالاقي حاجة بحبها عندك ربنا يوفقك
سلمى
محمود بركات
السلام عليكم ورحمة الله وبركاته
فتحت الكمبيوتر وأول شئ بحثت عنه هو بيتنا القديم ولكم تدرى كم كانت الصدمه حين رايت الوداع وتذكرت الفراق بينى وبين بيتنا القديم
لا أحاول ان أثنيك عن ما تريد ولكن لا تتركنا الآن وهذا أمل ووووووووووورجاء
لأ ثانية واحدة؟ انت بتكلم بجد وله بتهرج؟
اكيد بتهرج..صح؟
لا يعني..اصل هو حصل ايه عشان تمشي؟
يعني لو مش لاقي حاجة تكتبها مش مشكلة بطل كتابة شوية ونشوفك في الكومنتس عندنا..لكن..تمشي خالص
اسامة صراحة انا مش فاهمة ومش مستوعبة البوست دي
يمكن قصدك حتغير في شكل البلوج؟
عموما يا اسامة..مش حقولك غير حاجة واحدة ويمكن انا حقيقي بدمع وانا بكتبها
لو سمسم اختفي من حياتي انا حكون في غاية الحزن
وفي النهاية..القرار قرارك
اتمني بس ان لو فيه مشكلة تحاول تحلها لكن مش تمشي
سلام يا اسامة يا اهم اوعز حد عندى في البلاط الملكى
اسامة
تلات بوستات عن الرحيل
مالك؟
عشان خاطرى..او بلاش خاطرى انا..عشان خاطر سهيلة..لو زعلان من حاجة قول..او بلاش تقول صراحة..اكتب وفرج عن نفسك
بس بلاش تمشي دي
انا زعلانة اوي
ana msh fahem enta hatbatal wla eh??
زي جمال عبد الناصر بالظبط .. بتقول اتنحى عشان تعرف تمسك الشعب بيك .. وطبعا عارف اننا هانقول عايزينك يا ريس .. انا بقا هاتمرد عن كلمة الشعب واقولك امشي يا سمسم .. عشان تعمل العكس وتفضل .. حد فاهم حاجة؟
ملحوظة: لقد كنت من أول قراء المدونة وان كان رحيلك حقيقي أرجو ان اكون آخرهم ..
طيب ياسمسم
يمكن أنا اكتر حد أقدر أأكد إن "انسحابك" مكانش خطاب تنحي احتيالي تقيس بيه مدى حب البلوجرز وتمسكهم بيك، لكن فعلاً أنا اتفاجأت زيهم بالظبط، كانت ساعة مليانة إحباط ياسمسم لما بصيت وقولتلي "أنا كتبت البوست الأخير تعالى شوفه"، افتكرتك بتهزر فضحكت، كنت تعبان ياأخي ومش ناقص.. ولما قريته لقتني ضحكت بهستيريا وضربتك على كتفك بغل ورحت قعدت مكاني، مكونتش حاعيط، لكن زعلت بجد، لقيت كل ضحكنا بالليل والحلم الساذج اللي كنا بنحكي تفاصيله وقعدتنا ساعات طويلة كانت كلام فاضي وسذاجة مراهقين، إنهارت حاجة كان ليها معنى ف يوم، فاكر حكيم إسبرطة يلعن ميتين أمه؟ خليه يضحك عليك ويقولك حتى لما عملت دا أنا سبتك لأني كنت عارف إنك عيل حاتمل اللعبة السخيفة دي في يوم وحافضل أنا اللي عارف كل حاجة ودا الدليل
/
وزي ما قلتلك ياسمسم التدوين فعل ذاتي، بتكتب لنفسك، يمكن انتا مكونتش مؤمن بدا أوي زيي، لكن كنا متفقين إن الغاية هيه المتعة اللي بتحس بيها انتا لوحدك لما تكتب، مشاركة الناس دي حاجة مكملة لكن مش هيه الهدف الأساسي، قولتلك ياسمسم كتابتك بالطريقة دي حاتخليك تحس باستمرار بواجب تجاه اللي بيقرا لك، أكيد انتا مكونتش غلطان ولا أنا.. قلتلك لما تحب تقفل مدونتك متسيبش الكومنتس، لأنك بتقفل حاجة بتاعتك متخليش حد تاني يأثر ف قرارك دا لأن ببساطة مالوش الحق دا م الأصل، لكن مادام اديتهوله أنتا فلازم حاتستجيب للأغلبية، أنتا حطيت قاعدة للعبة لازم تلتزم بيها، واضحة دي ياعم
/
فاكر ياسمسم.. أحـــ...ــمــد ياعمر.. يعني ياجدع تمشي؟
/
الدنيا بتاعتنا كانت بتبدأ بالليل، نور هادي، كل واحد على جهازه بيكتب.. كنت باتلصص على فرحتك من ورا الشاشة وأنتا بتكتب، محدش شافني وأنا باكتب قبل كدا لأني مش باعرف اكتب قدام حد زي ما انتا عارف، لكن أنتا كان عندك قدرة عجيبة تكتب وسط فرح، كانت أول مرة أشوف حد بيكتب، فعلاً، صحابي كلهم بيكتبوا ف الضلمة، كنت باشوف سعادتك وانبهارك ويمكن كنت ممكن ازعق لأي حد يدخل ويشوشر عليك واسحبه بعيد لغاية ما تخلص.. نقعد بالليل نكتب ونقرا، فاكر لما افتكرونا بنغافلهم وندخل على مواقع من إياها.. نيهاهاهااها.. أغبيا.. اللي كنا بنعمله كان يعادل اللذة دي ويمكن أكتر.. بجد
/
فرحتك لما بتكتب ياسمسم.. الفرحة اللي حاتصعب عليا إنها تنتهي بكلمتين عُبط.. عارف إنك حاتفتح صفحة ورد بيضا وتقعد تكتب، حاتكتب لنفسك، لكن ياصديقي الجميل خلاص، قلتلك برضه عن نقطة اللاعودة، إن القارئ – ودا للأسف – أصبح يشترك معاك في الكتابة، المتلقي اللي بأه كاتب آخر للنص ومشارك في العملية الإبداعية ومكمل ليها، فاكر نظرية النص المفتوح، أيوه.. اللي اتكلمنا عليها ف الليلة المشئومة دي لما كنا ماشيين وماشي قدامنا على بعد كام متر فتاتين ليل قعدنا نحلل ظروفهم بسخافة لغاية مجات عربية خدتهم كأنها بتشير بإصبع الوسطى لكل كلامنا الأهبل، ساعتها قولتلك القارئ فرض نفسه ف كتابتك ياسمسم، اخترقك، وصار غصبن عنك عبء.. ودا قد إيه كان مضر بالصحة
/
خلاص ياسمسم
زي ما قلتلك، مش حاقبل إن الفرحة دي تختفي أو تتحبس ف ملف ورد
حاتكتب تاني
ليه لأ
ليه ما نطلعش عيال ولو مرة واحدة
شوفت ياعم.. محمود عامل النسكافيه زي الزفت.. شكرا ع البيتزا
:-)
على فكرة انا كنت واثقة ان اسامة مش حيرد..بس لما لقيت رد احمد شعبان (وانا غالبا مش بقرا الكومنتس بتاعت الاخرين في بلوجات غير بتاعتي الا نادرا) بس قلت الراجل ده عارف سمسم اوي واكيد كاتب حاجة فيها الشفا.. معاك حق يا احمد..مش سمسم بس اللي جت رجله في اللعبة دي..كلنا صراحة..كلنا بنضحك على نفسنا ونقول انا بكتب لنفسي..بس مادام الكلام اتاخد كوبي وبايست من الورد فايل ع النيو بوست..خلاص..مبقتش بكلم نفسي
وعموما.. مش عارفة ليه بعد الكومنت بتاعك حسيت حاجة..معرفش هي حاجة وحشة وله حاجة حلوة وله حتزعل سمسم (او اسامة غالبا) وله مش حتزعله..وطبعا هو بيقرا كل كلمة تعليق ع البوست دي بذات واول بأول اكيد.. للحظة حسيت اني عايزة اقلع التاج والبس النضارة بتاعتي والايشارب..وابص حواليا شوية..انا مهندسة فلانة الفلانية اعمل بشركة كذا وكذا..وقاعدة حواليا الاستاذ فلان والاستاذ علان ومج كاكاو..وفيه في حته تانية معرفهاش اتنين قاعدين واحد اشمه احمد وواحد اشمه اسامة بيكلوا بيتزا ويشربوا نسكافيه زي الزفت عامله محمود..خلى اسامة يفضل اسامة وخليني انا افضل انا..ويفضل سمسم والاميرة وكل الاعضاء الافتراضين للبلاط الملكي جزء من حلم لطيف بنصحي منه ونقوم نعيش حياتنا ونشوف حالنا
:)
يا اسامة
انا بأمانة..سعدت جدا بمعرفتك..واتمنالك كل الخير بعد الاعتزال..وكلنا لها يا راجل..ومين عارف..يمكن انا كمان اعتزل..نرجع بعد كتير ندون تاني..باسمي تانية وخيالات تانية ونتقابل..زعيم عصابة والبلية بتاعته..الاهم من ده كله اقابلك في الجنة ان شاء الله
خلاص يا اسامة
انت حر
:)
ربنا يوفقكك ويباركلك
انسي بقي دموع امبارح وعيش حياتك
تحياتي
(اول كومنت ابقي نفسي اوقعه باسمي الحقيقي)
الحياة صعبة اوى
فوق ما كنت اتخيل
وكل يوم الواحد بيكتشف احساس جديد
يمكن صعب ويمكن حلو
بس برضة
تبقى الايام
ويزول الرجال
لكن لا
فيه حاجة عايز اعترض عليها
نقطة ان اللى يروح ممكن يرجع تانى بزي تانى ووجه مختلف
كده لا
انا مش بحب كدة
حاسس ان كدة غلط
زي تناسخ الارواح يعني
كدة هتخلوا الواحد يحس ان العملية تمثيل فى تمثيل
يا جماعة احنا مش فى مجرد حلم جميل بننام ونصحى فيه عشان نقدر نعيش حياتنا الحقيقية
لكن البلوج ده جزء من حياتنا
جزء حقيقى وواقعى ومينفعش نكون بنعيشه بكدب لان كدة تبقى حياتنا كلها سلسلة من الادوار بنمثلها فى الحقيقة وحتى على النت
انا هربت من النفاق والرياء الى البلوج عشان الاقي فيه الصراحة اللى بفتقدها
يا سمسم
يا أميرة
يا كل الناس
انا زمان كنت لما احس انى مخنوق اوى اوى اقوم ادخل النت على اى موقع شات واختار حد معرفوش وافتح معاه قصة حياتى كلها وافضفض له بكل البلاوى اللى انا عاملها وبعدين كنت اقفل معاه واحس انى مرتاح نفسيا لانى فضفضت لحد ومعرفوش عشان ميذلنيش بالحاجات اللى انا عملتها
كنت فاكر ده كويس
بعدين لقيت نفسي مخنوق تانى لان الموضوع عبث فى عبث
حسيت انى لازم ارتبط بحد على النت
ويا سلام لو كان مجتمع متكامل معروف عناوين كل الناس فيه مش زي الشات يعني مفتوح لكل من هب ودب ومحدش فيه ثابت وبتحس فيه بعدم اتزان وعدم استقرار وان مفيش وجهة معينة...مفيش شمال وغرب وشرق وجنوب
لما لقيت البلوجز فرحت اوى
اهى الفرصة
هتكلم مع ناس بحبها
وناس معروف عناوينها على النت وكل ما احب اقول حاجة لحد ادخل اقولها له وناس تانية تشوفها كمان لو عايز
ومع تنوع الخصائص واللى عامل كومنت موديريشن واللى عامل كومنت فى صفحة لوحدها واللى الكومنتس عنده فى نفس الموضوع واللى...واللى...
عالم جميل ...لذيذ
لية تحرمونا منه؟
يا اسامة
فكر كويس وعلى الاقل بلاش تحرمنا من تعليقاتك او اننا نشوف اسمك كل شوية بتقول حكمة من حكمك الجميلة
يا اميرة
اوعى انتى بالذات تقفلى المنتدى الثقافى بتاعك
رجاء يا مولاتى
عارفة انتى دلوئتى فى دماغى مين
فاكرة فيلم
The chronicles of Narnia
The Lion, the witch & the wardrobe
فاكرة الاميرة الكبيرة
البنت الانجليزية دي ام سنان مفروقة ونمش خفيف وبيضاء وفيه لون احمر خفيف فى وشها
فاكرة لما لبست التاج وجلست على العرش فى نهاية الفيلم
Queen Suzy...The Gentle
انتى هى دلوئتى
هتقولى بتفرج على توم وجيرى كتير مش كدة؟
الخلاصة
خلى بالك من نفسك يا اسامة
وانتى يا أميرة
سلام
شكلنا حننقل المنتدى هنا يا احمد!! انا يعز عليا ان سمسم يمشي..لكن مادام اسامة مش عايز سمسم يفضل موجود واسامة معاه الملكية الفكرية لسمسم..يبقي
Usama rules
احمد..ارجع اقر البوست بتاعتي اللي اسمها سلامتها ام حسن
تقريبا تالت او رابع بوست اكتبه
حتعرف اني على الصعيد الشخصي تعبت من فراق الناس اللي بحبها
وصراحة انا زي اخونا بتاع ثورة الذكريات..استسلمت للواقع ده
انا حسيت من الكومنت بتاع احمد شعبان - وهو يعرف اسامة وجها لوجهه وصاحبه وانتيمه- ان التدوين بقي عبأ ع الراجل..انا متخيلتش سمسم كده..ومحبش ان سمسم يكتب عشان انا او انت نفرح ونقول يا سلاااام احنا معانا سمسم..لو الواحد قرر في لحظة ان ده مش مكاني دي مش حياتي يبقي هو قراره اصح من رغباتي انا وانت واي حد تاني.. حقيقي اتمني القصة كلها تكون مجرد زوبعة في فنجان ويكون اسامة مكتأب شوية وبعدين يحبقي عادي..لكن لو كان الموضوع زي ما انا حسيت من احمد انه قلب لشعور ان انا في لعبة ومش بكتب لنفسي وكده..يبقي مش عارفة..بس هو من حقه يعمل اللي هو شايفه صح ليه
..
انا ماشفتش نارنينا..رغم اني كنت بتمني وقت ما نزل اني اشوفه..بس انا فرحانة اوي بكلامك.. فرحانة اني معني في حياتك
..تناسخ الارواح..لا مقصدتش والله يا احمد.. انا بس بحاول معملش الموضوع دراما عشان انا بجد بجد كفاية عليا اوي دراما طول السنتين اللي فاتوا وبرضه كنت فاكرة النت كول ومفهاش دراما طلع برضه الموال هو هو..انا حقيقي بحاول مألمش نفسي ومألمش غيري
..وحكاية اني ابطل كتابة..انا اتمني اني مبطلش ..اتمني ان الكتابة ..او قررت كده اصلا..ان الكتابة تتشكل مع حياتي..وده من شأنه انه يخسرني قراء ويكسبني قراء تانين..اي ما كان..قررت اكتب زي ما حياتي بتتغير..وكده ابقي كتبت لنفسي وعن نفسي..بس وانا عارفة ان فيه عيون تانية بتقرا معايا
:)
وانا لو في يوم رجعت بلية وسمسم بقي زعيم عصابة..اظن حنفضل نفس الارواح..حتلاقيني بلية بلطجية وهو زعيم عصابة غلبان مع البلية بس ميقدرش يرفدها عشان هي مسكونة بالتأمل
:)
عموما..ادينا بنهاتي اهو..وصاحبك عامل ولااااا سامع ولااا شايف..ماشي يا عم سمسم..لأ يا عم اسامة..انا بس كنت عايزة اخد رد عشان ناوية اعملك بوست تأبين
خلوا انتو الاتنين بالكوا من نفسكوا وانا كمان حاخد بالي مني
سلام
ننقل المنتدى هنا ما ننقلوش لية
ماهو لو اسامة مشى وسابها لنا يبقى بقت خرابة ودايما البلطجية وبتوع العصابات بيعملوا اجتماعاتهم فين؟
فى الخرابات طبعا
(:
بالنسبة لسلامتها ام حسن هقراها حاضر واقولك رأيى فيها
بالنسبة لموضوع الدراما والكول....الموضوع مش موضوع نت....موضوع شعب...وشباب...وجيل...ومستخدمين
دول فيه منهم المفرفش وفيه منهم المكتأب
لكن الاخبار الواقعية اللى بنعرفها من النت اكتر بكتير من الحياة الوردية اللى بنشوفها فى اخبار الواقع بتخلى الاغلبية مكتأبة
عموما كل واحد يحاول يفرفش نفسه وينعنشها ويبهججها بقدر ما يستطيع وبالوسيلة المناسبة له عشان ما نبقاش كلنا مكتأبين ومستنيين ان حد مننا يضحكنا وبعدين ميقدرش نقوم ننكد عليه كلنا
ويا مولاتى انتى الشمعة المنيرة فى حياتنا على النت...صعب اوى فراقك...وصعب اوى فراق سمسم
نارنيا اللى شدني ليه انى قرأته رواية وبعدين واحد صاحبي شافها معايا فقال لى اية ده انت جبتها منين؟ ده فيه فيلم بالاسم ده مكسر الدنيا....مصدقتش ورحت شفته لقيته حقيقة...ومتتخيليش انى كنت بدمع طول الفيلم وعمال اقارن القصة بالفيلم وشوية اقول ايوااااااااا هنا هيتقابلوا وشوية كمان لااااااااااااا ده محصلش فى الرواية...لوينز مقالش كدة
اصل بعيد عنك كنت بقرأها تمرين وقلب بحب للرواية كلها...وكنت بقرأها وماسك القاموس فى ايدي وبطلع الكلمات اللى معرفهاش وعامل لها جلوسارى كمان ...يعني طلع عين اللى خلفونى فيها وبصراحة اتعلمت منها كلمات واساليب كتيرة جدا مكنتش اعرفها ولو عايزة تقرأيها انزلى سور الازبكية ممكن تلاقيها ولو انى شاريها مستعملة ب 3 جنية وطبعة سنة 60 يعني صعب شوية تلاقيها
بس لو عايزة الجلوسارى ممكن اعمله سكانر وابعته لك على النت هنا...هو حوالى 80 صفحة بس
(:
وبالنسبة لاسامة
يا اسامة بلاش التقل ده...الاميرة بنفسها بتقولك ارجع يا سمسم...ارجع يا جهااااااااااااااد.....قصدي سمسم...وبرضة مبتردش....ارحم قلبي المشتاق يا قاسى يا ناسى يا شعلة حماسي ووسواسي
(:
صباح الفل لكم جميعا
الي كل إخواتي واخواتي
كحب الفراشات للزهر
احبكم
كحب الأطفال للأم
أحبكم
كحب العصافير للطير
أحبكم
أقسم بالله العظيم أحبكم أحبكم أحبكم
محنة وهتعدي
انتم زجاجات المياه المعدنية المثلجة
فئة الخمسة جنيهات التي اتبلع بها في
صحراء هذه الدنيا القاحلة
انتم مناديل ورق فلورا التي امسح بها
دمعاتي المنسدلة علي خدي
انتم آيس كريم في يوم شديد الحرارة
انتم بنبوني في يوم عُرس
انتم اخوتي احبتي شقائق روحي
ممكن اعرف انتو مين ؟!!!!
البوست القادم بإذن الله بعنوان لن اغادر سأتكلم عن سمسم الذي لا يعرفه أحد...ومن يكون حتي يهتم احد به..
سأتكلم عن سمسم الفاشل عاطفياً...سمسم المحب للناس الذي لم يري من معظمهم غير نكران المعروف..سأتكلم عن سمسم المتقلب..سمسم الذي أخطأ بحق كثيييييير من الناس...سمسم المحب لله والهارب في نفس الوقت منه..سمسم الذي يريد ان يعرف سمسم..يريد ان يعقد إتفاقية صلح مع الذات..مع النفس..مع الروح
سأتكلم عن ليلة القبض علي سمسم وإيداعه معتقل "طره لاند"...سمسم الذي تمر عليه هذه الأيام ذكري إختطافه من علي سفرة السحور " ايام تطوع" مع أمه بواسطة اشاوس وابطال الوطن وتفتيش منزله وتكسير محتوياته... وتسعة ايام سمسم عاري تماماً من ملابسه كأنه في غرفة الولاده من جديد...حتي ظن ان العورة في الوطن تم إختصارها في مجرد تعصيب العينين فقط
وكما قالوا في الأمثال طالما قررتم ان تفتحوا ابوابكم للذئب فلا يخيفكم عوائه وهكذا سمسم سيفعل
دعوني اناديكم بحبات قلبي لأنكم كذلك بالفعل يا دمائي التي تجري في شراييني يا نور عيني يا نبضات قلبي
احمد..أميرة..مشمش..لونلي..سمراء..
أحمد التاني غير الأولاني تسنيم..انيما..نادية..محمود..سلمي..إرتعاشات..وكل من مر يوماً بجوار بيتنا القديم
أحبكم
ويجعلو دايماً مابين قلوبنا عاااااااامر
مرحى يافتى
/
لكن حاجة مهمة ياسمسم الجميل
لو حاتطرق لمذكرات أيام الأوبرج فاسمحلي أعلن من دلوقت ندالتي
للعيون الأليفة التي تراقبنا الآن
لا أعرف هذا الشخص.. ليس أكثر من تشابه أسماء
/
يالا بالسلامة
لا يا اسامة أرجوك ..أرجوك .. أرجوك فلتجعل سرك حبيس .. وسيأتي الوقت المناسب لإخراجه
بالله عليك يا أسامة تستخير وتستشير قبل ما تعمل العملة دي ..
ماااااااااااااااااشى يا حاج
وانا اللى قلت هاستفرد بالبلاط الملكي وهأأكل الفراخ بدالك
مااااااااااااشى
ارجع نور بيتك ومطرحك يا معلم
و ربنا يمكننا جميعا من الانتقام من الكفرة دول
امين
يااااااااااه
ضيعت عليا فرصة اني البس اسود واعلن الحداد وانكس الاعلام تلات تيام
طب دانا كنت حعملك بوست تأبين انما ايه
والله كنت حتستخسره في نفسك
ههههههههه
ايوة كده يا ماااااااااان..انا عارفة ان الحالات النفسية دي بتيجي ع البشر
واحنا كمان بنحبك في الله كتييييييييير اوي
عايزة اقولك يجي سوتوميت حاجة
اولا..
انا صحيح مش عارفة اللي حصل..بس انا حاسة والله بكمية الالم الي في كلامك وحقيقي حقيقي..متألمة بالمثل..وصحيح انا محصليش تجربة زي بتاعتك (ع الاقل بتاعت الاوبرج) بس..حاسة بأثرها جواك..والله يا سمسم انت فعلا قلب ابيض وطاهر..ٍسبحان الله..مش عارفة الكلام كتير اوي..اقول ايه وله ايه
..
ثانيا:
اكتب اللي انت عايزة..انا شخصيا مش ححكم عليك..وحقولك حاجة...انا عارفة انك ممكن تكتب بوست طوييييييييييييلة تحكي فيها كل اللي في قلبك وبعدين بعد متفضى وتخلص كل اللي في قلبك..حتروح عامله ادتينج..او حتي كاتب بوست تانية اساسا..اصلها بتحصلى كده بظبط..بس حقولك حاجة برضه..الموقف اللي احنا فيه بقالنا يومين..قال حاجات كتير اوي اوي عن سمسم..يمكن مش محتاج تحكيها
..
ثالثا:
اي معلومة ممكن تعرضك لأذيه من العيون الاليفة (على رأي احمد شعبان) متكتبهاش..مش عشان انا مش عايزة اعرفها..انا كده فهمتها..لكن عشان احنا في المملكة بنقفل علينا بابنا نحاول نداوي جروح الماضى..مش عايزين اي حد من النوع (المألوف) يفسد علينا هدؤنا..حتي حزننا الهادي.. خلاص يا سمسم..صفحة وانطوت..مهما فضل منها من اثار لكن مش عايزين حد يجي يجبهلنا تاني
وده امر ملكي (على فكرة لسه وظيفتك محفوظة طبعا..انا عارفة ان كل ده كان فلم عشان اخليك متخدش بالك من الفراخ..بس بعينك)
..
رابعا
في اي وقت..سمسم يحب ياخد اجازة..سمسم يحب ينكد..ينكت..يقول كلام مش مفهوم.. يقول سطرين واقلب.. يكتب عريضة صحفية.. يكتب عربي يكتب انجليزي..يختفي يومين تلاته.. ينكر حتي في زي اميرة البلطجية..مسموح..بس امانة عليك يا شيخ..تنحر في قلبك كده لأ..اتنرفز علينا حتي بس..بلاش بلاش تبقي تعيس
طبعا انا بنصحك وانا اكبر المختلين كميائيا ودايما مزاجى راكب مرجيحة..بس معلش..انت احسن مني وتقدر تنفذ النصيحة
:)
وخامسا او سادسا بقي
اانت عرفت اسمي منين يا اروووبه؟؟ حقولك..هو كان كومنت واحد في بوست قديييييييييمة اللي كنت سايباه فيه اسمي وبعدين بعد كده مسحته.. اصل متقوليش ان انت شغال معايا في الشركة مثلا!! مش ححلفك بحاجة..بس مش انت عرفته من الكومنت ده؟ عموما..بأمانة..انا مبسوطة انك عارفه..لو كنت عارفه بجد يعني
تاسعا
انا فرحانة انك مش ماشي
اوي
مليونا..
كفاياني رغي بقي لحسن انت وراك معجبين كتير يا عم وزمان الكومنتس حتنزل زي المطر
ميلون وواحد
على فكرة انا لما قلت اني عايزة اقلع التاج والبس النضارة واني المهندسة فضة المعداوي والقصة دي صراحة كنت بسطعبت..اصل كلام احمد شعبان كأبني طحن وزعلني عليك..قلت لنفسي بقي انت قلبك مبيجمدش ابدا؟ لأ اديله في سنانه بقي والباب اللي يفوت جمل
!!!
سورىىىىىىىىىىىىىىى
سلام يا ابو سهيلة
بالنسبة لكلام المجهول فشايف معاه/معاها حق جداً
بلاش وجع قلب بجد
/
وأقول لإيسلاميست إنك كلامك هوه أول سلبية لفتح الموضوع اللي مالوش لازمة دا
/
مش حاينوبنا غير وجع القلب وشوية زوبعة مالهاش أي معنى
عيش وفرفش ياعم، أكتب عن الحياة الجميلة.. الذكريات الميتة دلوقت مجرد صورة أبيض وأسود بتختفي تفاصيلها مع السنين، أي حاجة دلوقت اتحولت لذكرى ملهاش نفس الملمس المخيف وقت حدوثها.. اللي ممكن يرجع حاجة زي كدا الكلام تاني عنها.. الكلام اللي حايخليها صورة بالألوان بتجرح من غير هزار
/
والنبي بلاش بواخة
تصبح على خير
/
كن ياعم إيسلاميست أنتا ماصدقت
مساء الفل
سمسم
كنت قد مررت على الاقل ثلاث مرات و قرأت البوست الاخير و كنت ارجع لأرى ان غيرت رأيك أم لا
والله ...حتى قبل أن أقرأ تعليقك الأخير بالرجوع كنت سأقول التالي لكني ترددت و أرجو ان تقبل مني هذا النقد
سمسم لك شكل عام في الكتابة جمبل لكني كنت اتوه عندما اتي الى هنا فشخصية القلم هنا غير واضحة ...تعليقك أكد لي هذا ...كان ينقص شيىء هو حرية القلم كي تظهر الشخصية ...تذكرت التعليق الذي تركته عندي ...أنا انسان......كن من أنت يا سمسم دون مجاملة
عودة موفقة
فعلا الناس عندها حق
هم كانوا كلمتين انا قلتهم فى لحظة غضب
انسى يا برنس
ولو عايز تنسى ومش عارف اقولك على صنف تمام اسمه حتى مطلع الفجر وصنف تانى اسمه صهللة بس هتدعيلي
(:
آخر كلام بقى ؟؟
......
بقالي يومين ماسكة الورد اللي في البلكونة اللي يا دوب بيقول يا هادي وعمّالة
هيرجع مش هيرجع هيرجع مش هيرجع
الورد خلص
يا اخى حرام عليك حرقت دمى لآخر لحظه
المهم حمدا لله على السلامه يا أحلى سمسم
انا شايف انك بخير بس عايز فترة نقاهه خد الفترة دى على راحتك المهم انك بخير على فكره انا مع احمد شعبان واميرة البلطجيه فى انه بلاش السيره الهباب اللى انت هاتتكلم عنها وخلينا نحط مستقبل حلو وجميل مع نفسنا ومع اللى حوالينا وبلاش نفتح على نفسنا عش الدبابير ومين اللى بيقولك كده هههههآى النهم حمد لله على السلامه وآديك عرفت معزتك عند الناس اللى بيعط واللى هتلبس النظاره وتدور عليك كانك عيل تايه من العيله واللى واللى .........واللى وغيره
نخليها يا واش ياواش وبالراحه وكله هيعدى وانا اللى هيقول لك يجعله عاااااااااامر بحسك وبوجودك يا سمسم
وسلم لى عالمترو
احمد شعبان
*********
لا تقلق
..............
مجهول
******
لا ادري من انت وعندي احساس اني اعرفك ولكن علي كل حال الجانب العاطفي لن يتطرق اليك بكل حال سرك في بير دفنته الأيام
..................
أحمد اسلامست
***********
بشوف فيك شبابي من عشرين سنة ايه الثورية دي فعلاً الشباب شباب
...................
أميرة البلطجية
**************
من غير مجاملة لازم نغير انا وانتي بطاقة الرقم القومي بتاعتنا ونكتب فيها ان عيلتنا واحدة وانك اختي بصحيح هذا ما اشعر به
....................
احمد شعبان تاني مرة
*******************
متكبرش الموضوع في آلفات غيري شافو امر من كده والمسألة عدت يعني وهو انا لو حكيت حد هيهمو حاجه للأسف القاعدة عنهم قول اللي انت عايزو واحنا هنعمل اللي احنا عايزينوه
...................
ندي
***
شكراً يا قمر
فعلاً مجرد انسان
.................
أحمد اسلامست
**********
انا جربت صهللة ومجبش نتيجة
فجربت حاجة اسمها الشمروخ نوع جديد
ولا يهمك يا مان اقترح اللي انت عايزو
طالما انت جوه قلبي طلباتك اوامر
...................
أميرة
****
قصدك تقولي ان آخر قطفة كانت عند كلمة مش هيرجع طب روحي بقا هاتي وردة تانية من اللي بتنتهي بكلمة هيرجع عشان بيحبنا وهو رجع خلاص
...................
محمود بركات
***********
عمري ما سمحت لحد يدخل قلبي الا لما كان بيئلع شبشبوه علي الباب انت الوحيد اللي دخلت قلبي ورجليك مطينة
المترو باعتعلك السلام وبيؤلك القضبان مشتائة لرئبتك
....................
تحياتي للجميع
ويجعلو دايماً بحبكم عاااااااااااااامر
ايه يابنى ؟ فيه ايه؟
ماشى ليه طيب؟
طيب انت بخير يعنى؟
يارب تكون كويس
على فكرة هنستناك
مع السلامة
:(
أخى العزيز سمسم
لماذا ترحل بعد ان تعلقنا بك
اهنا يترك الخليل خليله؟
نعم اتفق معك ان سنة الحياة الفراق وكم التقينا في حياتنا بأشخاص واشخاص ونذكرهم بالخير دائما ولكن ظروف الحياة تدفعنا بعيدا
ولكن ان كان بايدينا ان نلتقي فلما نفترق؟
ان كانت هناك نافذة تجمعنا لماذا تغلقها؟
سمسم: فكر قبل أن تغادر وتلملم اوراقك وحقيبتك ، فكر في أن تذهب بعيدا عن أحبائك واصدقائك وتعيش وحيدا في جزيرة نائية وتأكل اوراق الشجر وعندها ستدرك الم الفراق.
الله معك يا سمسم ومعنا جميعا ونسأل الله العون والفلاح وان يجمعنا في الدنيا على طاعته ومحبته ويجمعنا في الاخرة في الفردوس الاعلى ان شاء الله انه على ما يشاء قدير وبالاجابة جدير
وانهى كلامي بهه الاية الجميلة الحكيمة:
" الأحلاء يومئذ بعضهم لبعض عدو إلا المتقين - يا عبادي لا خوف عليكم اليوم ولا أنت تحزنون"
سلام يا سمسم
ألف حمدلله على سلامة حضرتك يا أخى العزيز عم سمسم لقد فرحت جدا بكلام حضرتك بعد ما جعلتنى أبكى فالحمدلله
و أرجو منك ألا تكتب عن قصة ذلك التعذيب الوحشى حتى لا تذكرنى بذكريات أليمة جدااا و أقرأ ما كتبه الأستاذ عبد المنعم محمود على مدونته أنا إخوان عما حدث له هو أيضا من تعذيب وحشى و حتى لا تقع تحت طائلة أولئك الأوغاد مرة أخرى و لكن إن كان هذا سيريحك فالتفعل ، و نحن ننتظر لنعرف من هو الأستاذ : أسامة عبدالرحيم و تحياتى لك و سلامى كثيييييييييييرا لحبيبتى الصغيرة سهيلة و أنا أنتظرها لأعطيها الشكولاته التى نصت عليها التعديلات الدستورية الأخيرة
و السلام عليكم
تسنيم
*****
ربناغ يخليك وجزاك الله خيراً
بس بجد يا جماعة انتو ناس طيبين جداً
والغريب اني انا مش اهل لهذا الكرم
والمشاعر الجميلة التي لو وزعت علي اهل
الأرض لوسعتهم...علي العموم انا هؤل
اللهم اجعلني خيراً مما يظنون واغفر لي ما
لا يعلمون
وسهيللة بتسلم علي طنط تسنيم
تحياتي
عين ضيقة
*******
ايه يا باشمهندسة انتي ما سدئتي تكسري
ورايا قلة
انا قاعد لحد ما تتخرجي واحضر خطوبتك
ونفرق الشربات يا شابة
تحياتي
انيما
*****
ايه يا جميل بتعيط ليه؟!
دكتور محمد يوسف
**************
تأخرت كثيراً في برقية العزاء
فاتك الكثير
فاتك حتي ان تعرف ان الميت طلع صاحي
ورجع تاني
تحياتي
يا اخ اسامة عبد الرحيم مبروك التعديلات الدستو...اقصدي التعديلات الفنية في المدونة
بداية جديدة
بيت جديد
ويظل سمسم كما هو وتظل اميرة كما هى
هي سهيلة مش عايزة تعزمني على شوكلاتة؟ من يوم معرفتكوا وانا اللي ببعت شوكلاتهة بس
هههههههه
و الله لو ما رجعتش مش حاكلمك طول عمري
انيما
*****
وانا مئدرش علي زعلك يا عسل
سحبت إستقالتي
تحياتي
يوييويويويويويوي زغروتة مغربية
فرحانة برجوعك
جيبتي معاك حاجة تتاكل؟
انيما
*****
هههههههه
دا انت جايه بقا علي جوع...اوعي يغرك
الفول بالإشطة دا كان ساعة التعديلات
الدستورية بس
تحياتي
لحظة واحدة في حاجة في التلاجة يا بختك
دي حتة جاتوه بقيا من ساعة عيد ميلاد
جدي الله يرحمو
تحياتي
والف هنا وشفا
واااااااااااااااو
ايه تظاهره الحب دى
بجد انا اول مره اشوف تفاعل حقيقى كده لدرجه انى نسيت انكم مدونين بس ماتعرفوش بعض ولاعمركوا شفتوا بعض
سمسم
سعيده بأختيارك البقاء
واختيارك عالم الخيال الى جانب الحقيقه
تحياتى ومودتى الدائمه
صباح شريف سمسم باشا
بأدب بادخل واسلم زى اولاد الباشوات
على فكره انت كمان داخل قلبى بعبلك وكان معايا واحد صاحبى مش ريفى كان دايما يقول صاحبك بعبله مش عارف جايبها منين والعبل عتدنا فى الصعيد مصطلح لكل حاجه تراب ورق قش بوص طين كل حاجه صحيح انت عايزنى بعبلى ولا النظافه احلى احب اعرف وجهة نظرك بجدوبعدين ايه حكايك انت والاخت اميرة البلطجيه فى الفخر والاستفخار فى ان كل واحد يعرف اسم التانى بجد سؤال عاوز اجابه بقى بعد ما عرفنا ارواح بعض ىلسه بنتفشخر ان احنا عرفنا اسماء بعض ولا دى فزلكه زايده الحاجه الاهم انى عرفت معزة اخونا احمد واخونا الفاشل اللى انت تعرفه وتايه عنك اسمه عرفت قد ايه معزتهم عندك عشان لو حبيت اشكى من طولة لسانك اللى انا مش قادر عليها اروح لهم ياخدوا لى حقى ومش قولت لك مليون مره طول ما انت بتتكلم مش بعرف آخد معاك حق ولا باطل وكنت اسأل نفسى اشمعنى اسامه انت جاوبت عالسؤال انا حبيتك بعبلك
على فكره انا مستنى البوست الجديد ولا هانتظر كتير
وخليها بركات زى ما اتعودت
ويجعله عاااااامر بحسك وبحس محبيك
بس أنا كنت عاوزة أقول لحضرتك إنى غيرت لينك مدونتى إلى
http://2hyabalad.maktoobblog.com/
و جزاكم الله خيرا كثييييييرا على التعليق الذى سعدت به
و حضرتك قولت أن حضرتك رجعت طيب ممتاز بس فين البوست الجديد
و السلام عليكم و سلامى كتيييييييييير لسهيلة
شجرة الدر
*********
اهلاً بيك اخت جديدة في اسرتنا التي تشاهدين اسماؤهم الأن في مظاهرة الحب هذه
هؤلاء هم اسرتي حقاً
هؤلاء بحق نبضات قلبي تدق علي الأرض
تحياتي
بركات
*****
مرحي يا مان
صرت شاعراً وصاحب خواطر بعبلها
لم يتبقي لك الا ان اصطحبك الي احمد فؤاد نجم لتتعلم علي يديه الصعلكة
وتصير بعدها صعلوكاً نحريراً
تحياتي
تسنيم
*****
مبروك اللينك الجديد
وما كفيناك حقك في الثناء
لأنك بلا شك تستحقين اكثر من ذلك
تحياتي
لية؟
و اشمعنى 100
الدفتر خلص؟
نشتري لك غيره
بجد انت بتدخلني في مود وحش
زعلانة
كلابيزو
******
خلاص يا طنطي ماما اشترت لي واحد
الغي المود السيء وخليك علي مود جميل
تحياتي
كلمة الوداع دى بكرهها مووووت هى سبب تعاستى عشان كل اللى بحبهم بيقولوا وداع ومن غير سبب
بوسي كات
********
لأ خلاص مش هنؤل وداع
أهي ايام بنحزن وأيام بنفرح
ونداوي شوقنا وغيرنا يجرح
تحياتي
يا قلبي يانا ...
آآآآآآآآآآآه من الحب !!!
الأخ المجهول
..........
جبتك يا عبد المعين تعني
لائيتك عاوز مناديل
بس يا بني سد سد
تحياتي
إرسال تعليق