أهلاً ياشباب
عمرو صاحبي إتصل بيا
هل تعلمون ما معني هذا
يعني ببساطة شديدة
سهرة شديدة
وتهييس ملتزم حتي اذان الفجر
يعني نقدر نهتف جميعاً
اوليييييييييييييييه
.................
الموبايل: ترن ترن...ترااااااااااان...ياخونا تراااااااااااااااااان
أنا: آلو مين؟!!
هو آي عمرو: ايوه يا زفت انت فين
أنا: أنا هنا يا بن الحلال لا عاوز قلت أدب ولا طول لسان
هو: طب وراك حاجة او مرتبط
انا: ليه هتتجوزني ياض
هو: اوف لخص...هنصيع حتي آذان الفجر
أنا: لتس جووووووووووووو
الموبايل: تك..توت توت توت
...............
المكان...منطقة الحسين حيث عرق التاريخ ومزيل الهموم
الزمان...القرن الحادي والعشرين بالليل يوم الأربعاء إمبارح
الحدث...دلع حياتك وعيش
...............
دخلنا عند اشهر واحد بتاع حمام في الناحية كولتها...ومش هؤل علي اسمه عشان معملوش دعاية مجانية
أطلب يا سمسم...ما يصحش اطلب انت يا مورة...لأ والله...لأ والله
إحنا الإتنين للراجل في نفس واحد: عاوزين حمام و طرب بلدي وقليل من الكفتة السياخ-ربع كيلو كل واحد- وحبش المسائل
الراجل: اللهم صلي علي النبي
إحنا: (!!!!!!!)...شكلو بيؤررررر
...............
واحد دخل ومعاه مراتو ومحليلهوش انه يقعد الا في الطربيزة اللي قدام العبد لله
طب هو حر
أنا كنت فاكر ان الراجل هيقعد في وشنا والست هتدينا ظهرها
طلع الراجل بيستحي وعمل العكس
ما علينا
أنا: هممم..نمنمنم...سنيف سنيف...أنت شوفت يا مورة يا خويا فضيحة الأهلي امبارح
صمت رهيب
نظرة من سموي الي عمرو...وجدته يحدق في الجالسين حولنا بتحفز وكأننا في حرب
إلتفت سموي فوجدت كل واحد في يده شوكة وينظر لنا شذراً
أنا:يا رااااااااااااجل...هو انا بفهم في الكورة...ده الأهلي حديد...وانا ركبي حديد
عموره: اللي يهديك يا سمسم كنا هنتأفأف بسببك
أنا: يا عم فكك معرفش ان الأهلي مسألة أمن قومي
نرجع للراجل المستحي ومراتو اللي مش مستحية
الست ايه حاجه كده تشرف بصحيح عشرون ذراعاً في الطول ومثلهم بالعرض
الطلبات يارجالة...طربيزتهم ماشاء الله لا قوة الا بالله ماليانة...انا مش عارف هو آخر ذادهم ولا ايه
فينك يا عم "المتر" تحسدهم زي ما حسدتنا...ونبقا كلنا في الهوا سوا
المهم يا جماعة والله انا مش من طبعي الحسد بس تجولت بكشافات عيوني لاقيت الناس حوليا بتابع الأحداث علي طربيزة الراجل المستحي ومراتو اللي ما بتستحيش...هجوم مستميت علي اطباق الطعام ذكرني بالمواجهة بين حماس وفتح...ثلاث مرات تطلب شوربة حمام...طب فين دور الراجل في الموضوع إحنا رجالة وعارفين مين اللي من حقه الشوربة...ومبنحبش خلط الأوراق
...................
غسلنا ايدينا وتعطرنا وسلكنا اسنانة بالسلاكة...وحبة قرفة في بؤنا عشان تغيير الرائحة...ووققفنا انا وعمورتي امام اونكل المحاسب
كام يا متر...خلي يا بهوات... بجد نخلي...حواجب الراجل دخلت في بعضها وبرء عينيه وتدلي فكه في بلاهة
هنا أخرجنا السحاتيت...خلي يا عمرو...لأ يا سمسم ما يحصلش...بس انا شايف دلؤتي انه بيحصل !!
المهم طرئعنا السحاتيت...وخربنا الميزانية وسط دموع المحفظة بتاعة سموي وتوسلات اوراق العملة وهي بتؤلي" ماتسبنيش ياسيدي"
بموت فيك يا سيدي...منك لله ياسيدي...مش هتشوف وشي تاني ياسيدي
...................
انتقل الرهط المبارك في رحلته المباركة الي قهوة الفيشاوي اللا مباركة
أخذنا موقعنا وسط هذا الزخم من التداخل الحضاري والثقافي...حشيشة من كل بقاع العالم جاؤا ليتفقوا علي شيء واحد
نفس واحد...شيشة واحدة...عالم واحد
علي رأي علاء ولي الدين كنا في مركز شباب الشيشة
الشيشة في كل مكان الحريم يا خويا نازلة سحب انفاس ولا تكييف كارير
ايييييييييييييييييييييه الصحة دي...ايييييييييييييييييييييه السحب ده
تشرب ايه يا عمورة...تشرب انت ايه يا سمسم
اممممممممم
طب نضرب اتنين "كانز" الأول وبعدين نفكر نشرب ايه
خلص الكانز طلبنا الشاي المميز بالنعناع
شربنا انا وعمورة وضحكنا من نفسنا ومن الدنيا والأيام...حكاوي مالهاش اول من آخر
وفي الآخر ماكناش عارفين كنا بنتكلم في ايه اصلاً
المهم ضحكنا في الأول بتوتر...وفي الآخر علي سجيتنا زي ماقال الكتاب
زاد وغطا واحد جايب كمنجة وفاكر صوته تحفة وقعد ينكد علينا ويطفحنا اللؤمة اللي كلناها
واديلوا...الليلة عيد...عدنيا سعيد
مش عارف ليه جه في بالي الراجل اللي كان بيغني ويؤل بطلوووودا واسمعووودا ياما لسه نشوف ويااااااما
الغراب يا وقعة سودا هيجوزوه احلي يمامه
.....................
عدنا بسيارة عمرو نشق شوارع القاهرة الناعسة
وبينما انهمك عمرو في حديث لا اذكر منه حرفاً واحداً...الا انني مجاملة كنت اوميء له بوجهي كلما لمحني ببصره يعني متابعك يا عمرو
بينما كنت انا التهم شوارع قاهرة المعز بعيني واقول في نفسي
هل يدري احد بمواجع احد
هل يدري شبعان بآلام جائع
وضاحك بدموع باكي
وغني بمواجع مسكين
هل تنام الضمائر دفعة واحدة
كما ينام اهلها دفعة واحدة
...................
انا:سلام ياعمرو...اوعي تنام الا لما تصلي الفجر
هو: خلاص ماتعملش فيها ولي...مش هنام غير لما اصلي...ده هو فاضل ربع ساعة علي الآذان
انا: طب سلام غور في داهية وخلي باللك من نفسك وانت ساييء
هو: اوك يا ريس...وخلينا علي اتصال
إحنا الإتنين في نفس واحد: سلالالالالالالالالالالالالالالالالالالالالالالالالالام
إنتهت
40 عبرني:
والله ووحشني العهد الجديد وايامه
واحشني يا سمسم
طيب مش كنت تقول يا راجل
فهمني ان الدنيا كدة
ولو كدة ظبط يوم اول ما تخلص امتحاناتي ونظبط يوم سوا
بس لو هنروح العهد الجديد خليها كوارع ولحمة راس....انا جيبي مش اد طلب الحمام هناك يا ريس
عم أحمد
.......
بجد ومن غير تهريج بعد الإمتحانات تعالي
نظبط يوم نروح فيه علي حسابي ياعم
وانا هروئك حمام وخلافو...وشدد علي
خلافو دي
وبالمرة نعمل سندوتش شوربة لمولاتي
أهي غلبانة وعمرها ما طلبت مننا حاجة
وكمان باباها مش هيسمحلها تخرج مع
شباب مدونيين
تحياتي
الله
جميييييييييييييييييييييلة خالص الفسحة دي
وخصوصا ان فيها سمسم
بس تعالى هنا يا كابتشن!!
انا ملاحظة انك بتوزع القاب ملكية على نفسك كده بلطجة!!
ايه سموك دي لا مؤاخدة
لما انت سموك..امال انا ابقي مين؟
؟؟؟؟؟
بالنسبة للشوكلاتة..لانك مستغل الموضوع ده اسوء استغلال وبتعمل حملة تشنيع خفية ضدى
احنا خطفنا سهيلة..ااااا..اصدي احنا خدنا سهيلة في رحلة من الاحلام وديناها التشوكولت واندر لاند..وكلت ولغوصت ما شاء الله وخدت معاها حبة شوكلاته يكفوها حلمين تلاته كمان
:)
اطلع انت بس منها
سلام يا..سموك
مولاتي
.....
هههههه
سهيلة مش عاوزة احلام
سهيلة واقعية تجيد التمييز ومزاجها
حادوالشيكولاتة علامة الرضا عندها
بالنسبة للألقاب الملكية اهو من نفسي
سموك
تحياتي
أبو سهيلة
ما أنت بتشرب شاي بنعناع ....وساكن في الارض يعني
:((((((
بوست جميل بالفعل استمتعت و انا بقراه
سلامات يا سمسم
ندي
....
سلامات يا ندي
ايتها الحالمة
تحياتي
مادام فيها خلافو.....يبقى احضر نفسي من دلوئتى....طيب حيث كدة ابطل اشترى فيجا 100 واخليني فى الطبيعي يعني؟
:)
يا باشا انا موافق....بس خليها عليا انا....وهاخلى عم احمد يعمل معانا احلى واجب-ده الطباخ بتاع العهد الجديد بس من 5 سنين كدة...بصراحة مش عارف لسة هو هو واللا اتغير...انا اخر مرة اكلت من هناك من فترة كبيرة ....ايام الوالدة الله يرحمها....لما كنت ابئى زهقان من اكل البيت ائوم ائولها عايز فلوس انزل اجيب أكل تئوم تديني ...ياااااااااااااه فكرتني بايام الدلع يا سمسم...ياللا بأة الله يرحمها ويرحم كل ام طيبة ويرشد كل امهات المسلمين لكيفية التربية الصحيحة لولادهم....بس الحاجة الله يرحمها كانت عايزة تدلع العبد لله شوية على اساس ان ولاد الشيب يتامى وان الواد هيتمرمط بعد ما تموت وفعلا صدقت توقعاتها والواحد شاف ولسة ياما هيشوف
المهم ان شاء الله هنعملها يوم حلو وننزل نصطاد كمان ونخربها لغاية ما نقول يا بس....ده تخرج وبكالوريوس يا عم...عايز مشوفش ادامي لما ارجع بيتنا
وبالنسبة لبلطج....سيبك يا عم.....بقولك عايزين نخرج ونقضيها....تقولى بلطج....لسة هنشيل ونحط وحاسب يا جدع واحتياطات امنية ونقفل شوارع والناس تقول مين الفي....قصدي الغزال اللى معدي ده.....وفى الاخر يا اما هتعمل الانسة رشيقة وتقولك مباكلش حمام ولحمة راس يا اما هتعمل زي المدام اللى انت حكيت عنها
وبعدين لو عملت الدور ده واكلت بالنظام ده.....يبقى انا وانت وسهيلة -ربنا يخليها- ومجتمع التدوين كله وسيرفر بلوجر دوت كوم هيعلن افلاسه....وهى اكيد هتنتهز فرصة غياب الحاجة ماما والناس اللى بتقول هتتخنوااااااا وتديها اكل على حسابنا....ساعتها انا هاعمل عندي مغص وادخل الحمام ومش هاطلع الا تانى يوم
(:
سيبك انت الحياة حلوة
وعلى فكرة فيه بأة واحد كمان انت والاخ عمرو نسيتو تروحوه بعد العهد الجديد والفيشاوى....ايس كريم الحرم الحسيني....اساسا التكييف جوه يحسسك انك فى تلاجة ايس كريم
ده كان اول مكان اقابل فيه غادة...جت من اسكندرية فى رحلة واتفقنا نتقابل هناك....وكان اول مكان اشوفها فيه
وحشتني اوى والله يا سمسم....وانت فكرتني بيها دلوئتى....ياللا ربنا يهديني...ويهديها ويعطيها كل خير
تصبح على خير يا سمسم
عم احمد
........
يا كبييييييييييييييييييييييييييييير
يا بتاع الحاجات الكبيرة والعزومات
الكبيرة والهبابير الكبيرة بردوه
اسمع يا مان لما احنا نعزم مولاتي اميرة
البلطجية معانا نضرب عصفورين بحجر
طبعاً احنا عارفين ان هي هتعمل مجدع
وتحاول دفع الحساب من باب المساواه بين
الجثتين...احنا نديها فرصة إثبات
الذات وهي بردوه مش هتدفع لحد غريب
ما احنا بردوه اخواتها ولحمها ودمها
علي سيرة دمها دي دمها فعلاً خفيف
لكن لما بتجيها الجنونة بتفرم اللي
قصادها ربنا يكون في عونوه اللي هيؤع
من نصيبها
مستني تخرجك يا مان بفارغ الصبر عشان
نهيص في صحة احلي شباب تدوين من غير
معصية وفي طاعة المولي
نسيت اؤلك علي العصفور التاني اللي
هنضربوه لما سموها تدفع
ولا اؤلك احسن دي بتدخل علي غفلة
وبتقرأ اللي احنا بنكتبوه سلام يا عم
لحد ما اشوفك ونضرب عصافير برحتنا
بالحق هو ضرب العصافير حكمه ايه
تحياتي
يا قاهر الحيتان
والسمكة ام ودان
بس انت نسيت اهم حاجة
مين عنده الشجاعة انه يعزمها؟
انا عن نفسي عايز اخرج لوحدي
(:
جرب انت بس انا اخاف يا عم
على فكرة احلى حاجة اتعلمتها فى حياتي موضوع الادب ده........اصل المواقف دي بايخااااااااااااااااااااااااة وأسوأ موقف فى الدنيا انك تحاول تعزم حدة على حاجة وهى تقولك لأ وتكون ال لأ بالنسبة لك نهاية العالم وبالنسبة لها هروب من موقف محرج من واحد كان هيكتشف هى تخينة اد اية او وحشة اد اية -تفكير الحريم بأة- او قصيرة اد اية او اى ديفيكت هى حاساه فى نفسها
انسى بطلج من الموضوع والخروجة دي متكونش الا رجالى وكمان عايز اقولك انا مبحبش الخروج مع اى حريم خصوصا لو الموضوع مفيهوش مصلحة -يعني - بتلاقى امة لا اله الا الله اتلمت عليك واللى يقولك ورد يا بيه واللى يقولك شيكولاتة يا بية ربنا يخليكو لبعض واللى يقولك ترمس وفل يا ورد يا ياسمين ربنا يبارك ويتمم بخير وتتجوزوا ونشوف عيالكو يا رب.....والكلام ده وتفضل انت تحاول تفهم مصر كلها انها مش الحب وان الموضوع اخوة وصداقة تدوينية والكلام ده.....وياسلام لو طلبت غلاسة عالبياعين وتقوله لا داحنا كنا بنحب بعض ودلوئتى هننفصل
انسى يا عم
وصباحو ابيض
عم احمد
......
صباحو فل يا عم
ده انا كنت بهزر
وهو مين العاقل اللي ياخد اميرة
البلطجية في خروجه معاه
غير جوزها ان شاء الله
فكك يا عم
احلي حاجة دلؤتي انها بتاكل رز مع
الملايكة ومش دريانة ان احنا بنأطع في
فروتها دلؤتي
سلام بقا احسن النهار قرب يشأشأ
تحياتي
ايه دا وقالك وانت سايق؟
انت عندك عربية؟
وانا اللى كنت فاكراكى مؤدبة
هههههههههه
عين ضيقة
.......
أكيد انت قولتي حاجة تضحك
عشان كده ضحكتي
بس انا مش فاهم كلامك
حاسس انك فاصلة دلؤتي
ومش في وعيك
انا معنديش عربية ده عمرو اللي عندو
بالله فاهميني الإفيه اللي في كلامك
عشان بحب الضوحك
هههههههه
تحياتي
ana ro7t el 3ahd el gedid once w kan gamed besra7a :D
w ya retny a3raf arou7 ashof el 7usin belel keda D: da ana el mara ely abota wadany feha belel rg3ny el bet 11 :D
w mtnsash el tag :P :P :P
بموووووووووت في الطريقة دي للحكي
تسلم ايدك
بس ليا سؤال
هو ايه كانز؟
بطوط
......
هو انتي بقا اللي الراجل بتاع العهد
الجديد بيوزع صورتك مع كل وجبه
ومكتوب تحتها كلت من غير ما تدفع الحساب
الله يسامحك علي التاج يا باشمهندسة
تحياتي
أنيما
....
جاء في المعجم الوسيط
باب الحاجة الساقعة
كانز:علبة من المعدن تحوي سائل مياه
غازية...تفور بالرج وتتشرب بعد العج
والعج يا نيمو هو الطحن...والطحن يا
نيمو...هو الأكل في نهم...والنهم يا
نيمو يعني في اللغة هم هم هم هم
والي لقاء سابق بإذن الله تعالي
تحياتي
رحلة جميلة يا اسامة
بس بصراحة انت جوعتنى الله يسامحك
ولا فض فوك يا رجل
خالص تحياتي
محمد يوسف
جميل ياسمسم هذه الرحلة الجميلة إلى الحسين وياريت تكون في رحلة في الصيف لشرم الشيخ علشان نعيش معاك هناك شوية ونصيف .............
انا معجب بتصويرك للواقع
صلاح عبد الصبور
..............
صديقي الصدوق عبدو باشا
اشكرررررررررررررررررررررررررررك
تحياتي
د.محمد
.....
يا فندم جزاك الله الجزاء الكبير الواسع
العريض قوي
وحياك وبياك وجعل الجنة مثواك
نفسك في حاجة تاني
تحياتي
هههههههههههههههههههههههه
اسلوبك يجنن
انا عماله اضحك والله
بس الكام بيت الاخرنين دول
جامدين اوى
لا معبر بجد
متجرب تكتب قصص
هتبقى جامد على فكرة
هههههههههههههههه
علي اد ما ضحكتني في الاول
بس وجعتني في الاخر
تصدق بجد مفسي في خروجة زي دي
بس مش هاكل كتير
مااا شاء الله جميلة جدا الرحلة دى بس كنت عاوزة من حضرتك تحكى أكتر عن الحسين علشان أنا ماروحتش هناك قبل كده
أنا أسمتعت جدا و أنا بقرأ البوست ده بس يا خسارة خلص بسرعة
و يا ريت حضرتك تبلغ ســــــهــــــــــيــلـــة
أن الشوكو و كل الكاندى مستنياها بس هيا بس تكبر شوية و نعرف نكلمها فى التليفون و أنا أخدها معايا النادى و أديها الكاندى ديه
و سلامى ليها لا يتوقف
و السلام عليكم
آه على فكرة أنا بقيت وزيرة خارجية مملكة البلطجية يعنى دلؤتى حضرتك تكلمنى بصفتى الرسمية
ايه الفسح الروقان دى؟
بالليل و عمرو والحسين وكماااااان عشا
طيب افتكر اخواتك بحاجه
hhhhhhhhhhhh
ضحكتني اسلوبك لذيذ
بس قولي عمرو ركن فين علشان انا كل ما اروح هناك ادوخ على مكان اركن فيه
جميل انك في وسط شبعك و فرحك تفتكر الجعانين و الحزانى
مش عايز عشرة جنية سلف لاخر الشهر؟
تحياتي
السلام عليكم ورحمة الله وبركاته
هو فيه تهيييس ملتزم وتهيييس غير ملتزم
جديده ده
ربنا يجعل كل ايامك سعيده
صحيح انت بتبلغ البنوته سهيله الجميله سلامنا ولا لا؟
ولا لسه ما تعرفش اصحاب ابوها الغتتا
هههههههههههههه
صحيح يا سمسم انت نازل تخبيط عند اميره هو انت معاناولا مع الناس التانييين و خلى بالك احنا الناس التانييين
بقولك ايه خليك مع اللى تعرفهم واللى تعرفه احسن من اللى ماتعرفوش ههههههه
كده ولا اييييييييييييييييييه
السلام عليكم ورحمة الله وبركاته
شايف حاجات غريبه ايه يعنى انك مش عاوز تجيب اسم المحل وتجيب اسم القهوه الغير مباركه غريبه دى وبعدين انا اعرف انك بتحب الناس واحيانا اكتر من نفسك ما تسيب الست تاكل براحتها ولا هى غتاته عشان نفسها مفتوحه شويتين هما يعنى اكتر من شويتين ههههههههه بس برضه سيبها تاكل من غير غتاتة تعليق فى بيتنا القديم على فكره الست لا اعرفها ولا تقربلى حكم مانا عارف هتأول الكلام لحاجه تانى ههههههههه
وبعدين ما تخلى المحفظه تبكى شويه عالخروج مش ما اهى قاعده تعيط عالانتفاخ الله لا حسد لحسن تفهم انى بقر ولا حاجه هههههههه
انا تعبت من الضحك سلام وخليك حلو زى مانا عارفك لا عاوز قلة ادب ولا طولة لسان اللى هو مبدأك دايما
اكيد ده كان محل العهد الجديد
انا بروح هناك باكل رز لأن كل اللي عنده مينفعنيش مبكلش لحوم و لا فراخ و لا سمك
بس عنده بصراحه ورق عنب جناااااااااان
اما بالنسبه للستات و الشيشه
اذا كان بيحششوا مش هيشيشوا
الدنيا خربت يا اخ
رينا
....
الف حمدالله عالسلامة
فينك وحشتينا
انا بكتب قصة قصيرة وشعر حر ومقفي
دعبسي في احشاء مدونتي وستجدي ما يسرك
ان شاء الله
تحياتي
سمراء النيل
...........
وانا اللي كنت فاكر ان مالكيش في
الحاجات البالااااااااادي دي
طلعت مجدع وبنت حتة بصحيح
طب لو ليك في الشيشة
استئذني بابا او ماما وحضري شنطتك
واعملي حسابك في خروجة للحسيييييين
ويحيا الشيعة
قصدي الشيشة
اوليييييييييييييية
تحياتي
يا
قمر
حضرة سمو وزيرة البلطجة تسنيم
...........................
ازاي يا فندم تبقي من المبشرين
بالوزارة البلطجية ومتروحيش سيدنا
الحسااااااااااااااااااااااااااين
لأ يا استاذة...لأ يا سمو الوزيرة
لازم تنخرطي مع صعاليك الوطن وطبقة
الحرافيش عشان الإحتكاك يتولد عنه
تعارف وتآلف وبروح وبالدم
وكمان ثقافة الشوربة والكوارع بدأت
تنزوي امام ثقافة التيك واي والبيتزا
انا بفكر اعمل فتة واي و فاست كارع
.........
الحاجة سهيلة رضي الله عنها وارضاها
عرفت وعودك بالخروج والشيكولاتة وحطتك
قيد الإختبار...هل ستوفين بوعدك بعد
نجاحك بالوزارة ام تنتهي الوعود
بإنتهاء العملية الإنتخابية؟.!!
تحياتي
عالمي ازرق
..........
والله كانت عاوزاك يا مان
انا لما شوفت الدخان الأزرق يتصاعد من
فوهة المداخن...قصدي من افواه
الشمطاوات نساء الشيشة والدخان
أحسست ان عالمي اصبح ازرق بشدة
تحياتي
كلابيزو
.......
يا احلي كلابيزو في دنيا الكلابيز
احنا ركنا الأول في ركنة خاصة بسيارات
الظباط بجوار المسجد نفسه من الخلف
وبعدين انطردنا شر طرده لحارة خلفية
جنب الركنة الأولي وهناك بلطجنا وركنا
فوق الرصيف بحيث كان نصف السيار ة
علي الرصيف والنصف الآخر علي الأرض
......
ليس منا من بات شبعاناً وجاره جائع
......
طب وعاوزة العشرة جنيه دي تتردلك
امتي؟!!
.......
تحياتي
بيكو
....
أهلاً بيك
ثم
أتفضل بررررررررررررررررررررره
تحياتي
ياض
عجبك
ولااا
اممممممممممم
جررررررررررررررررر
الكوكو الكميل
.............
يا احلي كوكو
والله يا شيخة من بعد ما عرفت انك
بطلت الشيشة التفاح وانا فرحت
ماهو مش معقول توصلي لسن الستين بعد
المائة ولسه ضربه صوحبيه مع الشيشة
انت يا كوكو قدوة لكل الكوكيهات
اللي في سنك المئوي
........
شكلك كده مقضياها اكل ورق عنب
وخلافوه بره البيت امال سيادتك
مبتعمليش اي زيارة ميدانية تتفقدي
فيها الأحوال المطبخية عندكم
كوكيهاية آخر زمن
تحياتي
يا جميل
السلام عليكم ورحمة الله وبركاته
خلى بالك دى تانى مره تقولها وهاعديها والتالته تابته
ايه حكايتك يا ابنى كل ما اقول حاجه ماتجيش على مزاج سيادتك تقول بره انت فاكر ان ده بيتك القديم لا يا صاحبى ده بيتنا القديم انت فاهم بيتنا القديم
وبعدين انت شكلك مش عارف ترد ولا حاجه ولا مكسوف من نفسك عشان بعتنى عنداميره الب ولا محتارولا محتار بينى وبين السياف ههههههههه
وبعدين اعمل حاجه تخلينى اشيل فكرة النون نون
كده ولا اييييييييييييييه
بيكو
.....
خش في عبي يواد
انت عارف انا مييييييييييين
كويس انك مش عارف
لأني انا كمان مش عارف
ولحد ما تعرف مش عاوز صداع
روح افتح التلاجة
وكللك لؤمة واشرب شاي وناااااااااام
تحياتي
السلام عليكم ورحمة الله وبركاته
انا تخين شويه مش هاعرف لخش في عبك
وبعدين انا وانت عارفين مين سمسم النون نون
وبلاش نون نون عشان انت حبيبى
المهم عندكم نعناع عشان اشرب شاى بنعناع
انا هادور اعرف نفسى واعرف انت كمان نفسك كده ولا ايييييييه
العهد الجديد
يااااه
جوعتنى
!!!
شارم
....
تتصور انا اللي بحكي
جعت كمان
منكم لله
تحياتي
إرسال تعليق