لامني الحبيب معاتباً
قد جانبك بذكرها الصواب
تشقي نفسك في حبها
وتظل تسعي خلف السراب
تفضح أشعارك لوعتك
وتشعل ناراً في خراب
ماذا دهاك من ذكرها
غير الألم غير العذاب
همست والأسي يعصر قلبي
وعيني غارقة في إنتحاب
لإن قتلت نفسي في ذكرها
ما جاوزت في حبها النصاب
لا تعاتب قلــباً فــقد قلـــــبه
لا تعاتب مذبوحاً عظيم المصاب
إن عشت سأحيا بذكرها
وإن مت سأذكرها تحت التراب
ـــــــــــــــــــــــــــــــــــــــــــــــــــــــ
إنتهت ومش عاوز كلام تاني في الموضوع ده فاهم
30 عبرني:
مشاعر فى غاية الرقة بس يا ترى هل تطلع أم سهيلة على المدونة لإن واضح إنك يا سمسم واخد راحتك على الآآآآآآآآآآآآآآآآآخر
الأخ مجهول
........
وما يدريك
ربما نعم و ربمالا
دعك من هذا وتلذذ بآلامي
تحياتي
لا تعاتب مذبوحاً عظيم المصاب
إن عشت سأحيا بذكرها
وإن مت سأذكرها تحت التراب
جميل الجزء ده قوى
لكن مش كده يبقي تلذذ بتعذيب النفس
المفروض اننا لانتوقف عند طريق مسدود
دمت متميزا
كدت ابكي وانا اقراها
بكيتك حتى اذا لم اجد مددا من الدمع
قلت للعين فيضي من دم الكبد
باكي على الحبيبة
عالمي ازرق
.........
أصبت
نعم هو خليط من الرثاء وتعذيب النفس
وهنا تكمن المفارقة وتبدو اللذة
عنما اعذب نفسي اشعر بأني انزع لها
بعض حقها مني
دعني اتلذذ إذن !!!
تحياتي
الأخ مجهول
........
لا تبكي
لا تبكي
فلن احول مدونتي بأي حال حائط مبكي
للمجروحين
يكفي المشرحة قتيلاً واحداً
تحياتي
أنا المجهولة الأولى و ليكن أسمى "مى"
أعتقد أن ما تكتبه يا سمسم يا جميل يا رايق هو هروب من واقعٍ ما.. و دائماً ما ننظر لما فقدناه عندما لا يكون الواقع كما تمنيناه
وفقك الله و أزال همك و متعك بجنة الرضا
مــى
لا عزاء للمحبين
أحبب من شئت فأنت مفارق!!!
مأدرش اقول غير انه خاطر رائع جداً و لكني اعتب عليك قسوتك علي نفسك
المجهولة "مي"
...........
مش بالظبط كده
قد ماهو نوع من "الطبطبة" علي النفس
وتسكين للجروح
الا توافقين ان البكاء يفرغ شحنة
نفسية سلبية تسري في شرايين القلب
الحزين
دمت بخير يا "مي" يا مجهولة
تحياتي
أحب الله ورسوله
.............
يا سيدي الله يطمن قلبك
بس فيه مثل بيؤل اللي متعرفش تلطم
تشييل العيال
هل انت مستعد
تحياتي
قطر الندي
.........
فينك؟!!!
هو انت يا بنتي بتيجي علي ريحة الشعر
المهم
ما تسمينه قسوة اسميه انا إستحقاق
بعض الدين لها لابد من وفاء بعضه
اليست هي من سمحت لي وفتحت حصون
واسوار قلبها لأقتحمه في ملحمة حميمة
وانا من فر من المعركة وترك يدأ مدت
اليه
لو طعنت في قلبي بألف سيف ما وفيتها
حقها ولو كتبت اسمها بمداد البحر
واغصان الشجر ما وفيتها حقها أيضاً
وكما قال مجنون ليلي نزيل مستشف
العباسية
وأمر علي ديار ليلي
فأقبل ذا الجدار وذا الجدار
وما حب الجدار شغفن قلبي
ولكن حب من سكن الديار
وصلت
تحياتي
نعم البكاء يفرع الشحنات السلبية بشرط ألا يكون جلداً للذات أو بكاء على اللبن المسكوب...لإنه فى هذه الحالة يكون كمن يضغط بيديه على جرحه الدامى
خاصةً إنه فى حالتك يا أسامة لن يفيد الطرف الآخر ..الذى إن كان حمل لك وداً فسيتعذب لألمك و بهذا تكون قد جرحته أولاً و ثانياً
أما إن كنت لم تعنى له شيئاً ( و هذا لا أرجحه نظراً لطبيعتك الودودة ) .. ولكنى أطرح إحتمالات..فى هذه الحالة إتجه للحاضر و حاول إصلاحه ما إستطعت
و تأكد أن زوجتك و عملاً بنظرية ( الطيبين للطيبات) سوف تكون لك يوماً البلسم و الدواء
دمت يا أسامة بألف خير و أصلح الله لك زوجك
مــــــى
المجهولة مي
..........
ومن ادراك ان زوجتي معي؟!!
هنا إنتقل الجُرح و بقوة لى ..أقسم إننى الآن كمن طُعنت فى القلب
فإن كان ما فهمته صحيحاً ..فليكن الله فى عونك
مــى
المجهولة مي
..........
بارك الله فيك ودمت بخير
تحياتي
أخى و أستاذى العزيز عم سمسم حزينة جدااا تلك الأبيات تعجز الكلمات عن وصفها و و صف ما قد فعلته بنا لقد أبكت ماما كما أبكتنى كثيييرا لأنها قد خرجت من قلب مكلوم
و لكن لى عند حضرتك سؤال و أرجو ألا أكون فيه متجاوزة للحد و لكن يعلم الله مدى إحترامى و تقديرى لحضرتك و لكن فقط منعا لإنكاء الجرح من جهتى
هل والدة حبيبتنا سهيلة متوفاه و هل لذلك قد كتبت حضرتك " أسير وحدى نحو بيتنا القديم " فندعو لها بالرحمة و لحضرتك و لسهيلة و لكل أحبائها بالصبر و أن يجمعكم الله بها فى مستقر رحمته " فى جنان الخلد "
دمت حضرتك و سهيلة بألف خير إن شاء الله
و السلام عليكم
انااااااا
انا كنت عايزة اعلق ع البوست
بس قريت حاجة في التعليقات..خلتنيييي اتخيل
مأساة
طبعا مليش اسأل ولا احتى اتخيل
بسسسسس
بسسااااا
مهما كان السيناريو
ربنا يعوضك بالاميرة سهيلة
:)
اميرة مملكة سمسم وسيدة بيته القديم والجديد
:)
أبقى قابلنى
رفقا بنفسك يا سمسم
فكلنا لها
تناسي لتعيش
فما تفيدك الدنيا ونت فيها مذبةح او قتيل او باكي
فلتقف صامدا ضاحكا في وجه الالم
تسنيم
......
جزاك الله خيراً وجزي مامتك خير الجزاء
متشكر جداً يا جماعة
وسهيلة بتسلم عليكم جميعاً
وتطالبكم بوعودكم الشيكولاتية
ولا هي زي وعود الريس في عيد العمال؟!!
دمت انت ووالدتك وجميع احبابك بخير
ووقاك الله شر محن الدنيا والآخرة
تحياتي
مولاتي
.....
جزاكم الله خيراً
سهيلة بتدحرجلك السلام
ومأموصة عشان الشيكولاتة اياها
وبتؤلك وعودك وعود إنتخابية بحتة
تحياتي
عبده
....
ايه المواعيد الفشنك دي
طب لما انت مش جاي ليه قولتلي قابليني
الله يسمحك
مش هستناك تاني
تحياتي
لا تعاتب مذبوحاً عظيم المصاب
إن عشت سأحيا بذكرها
وإن مت سأذكرها تحت التراب
أنا كمان أعجبني الجزء ده
إنتهت ومش عاوز كلام تاني في الموضوع ده فاهم
انت حتضربنا ياض؟
بصراحة يا بختها
سمراء النيل
...........
سيبك من ده كله
وتعالي هنا
عاملة ايه مع الجدع خطيبك
ربنا يوفقكم يا جميل
وعقبال لما نشرب الموغات
آسف قصدي الشربات
وبعده طبعاً الموغات
انت وجميع البنات
المسلمات
تحياتي
ليس هكذا يتالم الرجال..ابكى كما شئت ولكن كبكاء السماء..انكأجرحك تالم واصرخ واستمتع بعذاباتك وامسح هذا الدم المتدفق من شرايين قلبك المسكوب على ارضية الحياة ولكن بايتسامة رجلا يستقبل الموت وهو فى شموخ الجبال ورفعة السماء.....هكذا عهدنا بك يا سمسم بارك الله فى الحاضر والمستقبل
أنيما
......
هههههههه
اهو انت يا جميل عامله زي اللي جت
لسرادق العزاء بس بعد لما خلص
ولعدم علمها لما يحدث تخيلته فرح
راحت مدياها زغروته
هههههههه
تحياتي
يا نمنم
ايه ده
ابومريم
.......
متشكر علي المؤازرة يا مان
منتحرمش ان شالله يارب
بس ولو مش تزعل
كلامك حسسني بفيلم ارضنا العطشانة
بتاع المليجي لما سحلوه وهو مربوط في
ديل الحصان
وبردوه فضل راجل وشامخ ووقف زي عمود
الكهربا !!!!
تحياتي
مجهول
.....
سيادتك دخلت غلط ولا ايه
علي العموم الفرح مش هنا
ده في المدونة اللي جنبنا
علي الناصية
تحياتي
إرسال تعليق