شلاطة والبيان رقم 32...!
لحد امتى ثورتنا كل يوم يترمي عليها إزازة وطوبة من بلطجية النظام...
مرة في كنيسة...
ومرة في جامع...
والنهاردة في الاستاد...
تخطيط مجرم قاعد متأمن في فيلته...
هحكيلكم حكاية الولا شلاطة بتاع تلاجة البيبسي...
الواد شلاطة المسكين على الله ومش بلطجي..
شلاطة شهرته واسمه الحقيقي في الشهادة مرسي..
كان نازل يشتري مطوة عشان يحطها جنب تلاجة البيبسي لزوم التأمين...
لأنه سامع لوك لوك هنا وهناك بيقولوا إن الثورة قضت على الأمن وكل واحد وشطارته يحمي نفسه...
شلاطة اتقفش في ميدان العتبة اما الشرطة العسكرية ظبطته بيساوم بياع في سعر المطاوي...
الواد حب يبرر..حب يقول..يبرر مين يا عم ويقول لمين..انت بتتكلم مع الجيش...
تاني يوم شلاطة اتسحب من قفاه واتحجز وبعدها اتسك خمس سنين سجن بتهمة حمل سلاح ابيض وترويع المواطنيين...
حلو أوووووووووي...
طب وهو المواطنيين مش قدام القضاء سواء عسكري أو حتى قعدة عرب مش سواء..؟!
الدفاع: شلاطة ضحية الاشاعات المضادة وكان محتاج يدافع عن نفسه..
ممكن..
الجيش: شلاطة كان ممكن يعور مواطن برئ ..
جايز..
المحكمة: أمرت المحكمة بسك شلاطة خمس سنين عشان يحرم ويكون رادع وعبرة لغيرة..
قضاء وقدر..
السؤال: طب ليه بقا يتساب البلطجية الحقيقيين اللي هم كوووووووووول اعضاء الحزب الوطني وعملائهم ووكلائهم...؟!
في البداية كانت موقعة الجمل...
ثم موقعة قرية صول في اطفيح...
ثم موقعة منشية ناصر...
ثم موقعة حرق الأضرحة...
ثم موقعة الحرب على السلفية والإخوان...
وأخيرا وليس آخرا موقعة الجلبية بتاعة ماتش الزمالك وتونس...
إما أن يتحرك المجلس العسكري ومعه الدكتور شرف واللواء منصور العيسوي...
وإما كلنا شلاطة وحننزل نحمي ثورتنا وبلادنا بس مش بمطواة وشومة ..لأ..
احنا المرة دي لا مفر من الذهاب الى شرم الشيخ...
اما ان نقضى على رأس الثعبان...
أو أن يخنقنا بديله...
قد تبدو الفكرة مستحيلة...
زي ما كان من المستحيل ان تقوم في مصر ثورة...
ويبدوا اننا في حاجة ملحة ان نستعيد تلك العبارة السحرية مرة ثانية...
الشعب يريد محاكمة النظام...
إذن فلنذهب الى رأسه...
هناك...
في شرم الشيخ...
إحنا نازلين التحرير ليه..!
1- احنا مش نازلين نتظاهر ضد حكومة دكتور عصام شرف - حاشا وكلا بتاتاً البتة-عشان دي لغاية دلؤتي حكومة نثق فيها بالعكس نازلين ندعمها ونقف معاها ضد الثورة المضادة...
2- احنا مش نازلين نتظاهر ضد جيشنا - وفي قراءة دشنا- عشان هو رمز عزتنا وكرامتنا وجيشنا - أو دشنا- لغاية دلؤتي وقف جنب ثورتنا وان كان متأخر وبطئ بس معلهش دشنا وبيدلع..زي ماحنا ادلعنا عليه واتصورنا مع الأسود فوق الدبابات..!
3- إحنا حنديها تظاهر ياشباب عشان حسم موقف الجيش والحكومة من محاكمة مسؤلين الفساد فى بلادنا المأنتخين ولا على بالهم..
4- إحنا حنديها تظاهر عشان نكنس إعلامنا -اللي بنكع له فلوس من قوت عيالنا -من الزبالة اللي كانت فى عهد حوستي المخلوع الحرامي..
3- إحنا حنديها تظاهر ياشباب عشان نرجع أم التريليونات اللي سرقها الحرامي ومراته وعياله ورجالته بتوع الحزب الواطي وصبيانهم..
4- إحنا حنديها تظاهر عشان نحاكم حوستي اللي مأنتخ في شرم الشيخ والأربعين حرامي اللي منهم شرشر اللاشريف وفوفو سيد قراره وزيكا بتاع كله ماشي..
5- إحنا حنديها تظاهر يا رجالة ويا ستات عشان زبالة الحزب الواطى اللي بدأت تظهر في أم التلفزيون وبتتلمع وقال إيه بيتكلموا في مقاومة الفساد..وهذا ما جعل الفار يشعللها نار في عبنا ويقرر يضحي وينزل هو كمان معانا..!
6-إحنا حنديها تظاهر يا ميييييييينز عشان إقالةجميييييييييع المجاااااااااااالس المحلية اللي اتسرطنت بالفساد واقالة جمييييييييييع المحافظين السوس بتوع الواطي..
7- إحنا حنديها تظاهر عشان في شهيد أهو قدامكوا في الصورة بينده علينا "حاكموهم وأوعوا دمي يروح هدر"..!
8-انا حكون بعد الصلاة ان شاء الله امام كنتاكي (عشان ماخدتش وجبة يوم 25) ومعايا أجندة وبعد المية يورو ولابس جاكت جلد هافان وبنطلون جبردين بيج ومعايا صاحبي طارق قاسم..!
...................................
منقول بتصرف..!
المتحولون...!
Just Do It
عشان حاجات كتير أوي عرفتها قبل 25 يناير...
شنودة والثورة المضادة
ضع لغز انسحاب الشرطة في كفة+ لغز رفضهم النزول وتأدية وظيفتهم بحجة الخوف+ حرق ملفات امن الدولة بعد تنحية شفيق+ تلقف كنيسة شنودة ما حدث في اطفيح وتصعيده بعد تأييدها نظام مبارك+ المظاهرات الفئوية التى انفجرت زي المجاري+ حدة لهجة القس فلوباتير أحد صبيان شنودة وهو يمارس دعارة الكذب..وميوعة مقدم حلقة مصر النهاردة إمبارح+ تشنج مذيعة القناة الأولي ع الصبح في وشنا وهي تقدم برنامج صباح الزفت يا مصر..وعمالة تنذر وتنفر من الثورة وان اللي جاي اسود قطران وحنشحت والاحتياطي خلص خلاص ومش حنلائي قمح ولا دقيق+سرعة الأحكام العسكرية في وجه البلطجية واللي يخالف ميعاد النوم ساعة الحظر..ومرونة القضاء وبطئه القاتل في مواجهة جرائم آل مبارك والأربعين حرامي...
ضع ذلك كله في الكفة الوسخة اللي على شمالك...ثم ضع في الكفة المقابلة النظيفة قيادات الجيش المحترمة التى تحاول سد فتحات التخريب..وترد عليهم في كل قناة تقريباً خصوصا قنوات السوبر أعمال نجيب ساويرس+ رئيس الوزراء المحترم عصام شرف وهو يحاول جاهدا القفز من فوق أفخاخ النظام السابق للعبور بمصر في هذه المرحلة التى تتمنى دول كثيرة على رأسها أمريكا وشئ يدعي اسرائيل أن تغرق فيها ويبلغ الدم الركب...!
ينتج عن ذلك كله التالي:
الشعب +الجيش = في مواجهة ثورة سافلة وقذرة مضادة.
:::::::::::::::
لطفك ياااااااااااااااااارب.
