ممكن

ينتابني كابوس من حين لآخر

اري نفسي فيه في نهاية الصف

اشعر بأن كل مخلوق حصل ما تمناه

او علي الاقل قطع الجزء الاكبر من مشواره

اشعر ان اللجنة كلها خرجت فيما عداي انا

لازلت امسك بالورقة واتأمل الاسئلة دون حراك

مع ان الوقت داهمني واوشك هو ايضاً

ان ينصرف

لكن يتبقي عندي بصيص من أمل

ان القدر يخبئ لي كما يدعي بعضهم

الافضل في نهاية المطاف

تماماً كالصعلوك الذي يراقب السيارات من حوله

وهو يمني نفسه انه في يوماً ما سيحوذ إحداها بالفعل

فهل ذلك

ممكن

الشئ الصعب

كنت بقول لنفسي

ان الشئ الصعب

انك لا توفق في الارتباط بإنسانة تملكت قلبك

والاصعب من ده كله

انها

لا تكون لك

حتي في الجنة

اللهم لك الامر

من قبل ومن بعد

الحياة عجيبة

من نوادر الحياة انك تلاقي الغبي اللي ما بيفهمش متسلط ومتسيد

وإكمنو معاه فلوس فبيتعامل بمنطق العبقري..يساعده علي ذلك السلوك

هذه الديدان البشرية التي تتغذي وتقتات علي فتات موائد

ذاك الغبي

الدنيا لما تضيق

عارفين يا شباب

ساعات المسألة بتضيق خالص

وتحس انك بتتنفس من ثقب ابرة

كل دفعاتك بتكون خلصت

كل امكانياتك بتكون انهارت

رصيد الامل عندك وصل للصفر

ساعتها بتغسل وشك وايدك من آثار المعركة الاذلية مع الحياة

وتخلع درعك

وترمي سيفك علي الارض

وتدورلك علي معزة وناي تكمل بهم مسيرة حياتك

زي شيبوب شقيق عنترة بن شداد

عندها قد تحدث معجزة

او لاتحدث

سؤال

عمري ما تحاورت او تجادلت

مع اي انسان الا وانا متأكد اني علي صواب

ولم اجرب مرة ان أبدأ الحوار من نقطة اني علي خطأ

مع اني مرات كتير جداً

اكتشف اني كنت مخطئ

منذ البداية

لا للكذب

صباح الفل والياسمين

علي عيون احلي مدونتيه

في المجموعة الشمسية

النهارده يا شباب صليت الجمعة -زي اي مواطن صالح - خلف الشيخ اسامة العوضي

وهو رجل اتاه الله من الحكمة والبساطة وسهولة اللفظ مع اصابة الهدف مباشرة ما قد يحسده عليه الناس

فضلاً عن ظرف ملحوظ وخفة دم في وقار وبشاشة وجه مع ابتسامة مشرقة تستقبلك كلما تكلمت معه

خطب فينا اليوم وتكلم عن موضوع الصدق وعدم الكذب سواء في الاقوال والافعال ومن اخطر ما ذكر ان النبي صلي الله عليه وسلم كان لا يقبل من الرجل حديثاً او يصدقه ان جرب عليه كذبة ولو صغيرة حتي يتوب الي الله

وتكلم ايضاً علي خطورة تعليم اطفالنا الكذب من صغرهم حيث يأمر الطفل ان يكذب في التليفون ويدعي ان والده او والدته نائمة او ليست في البيت

تكلم عن الوعود وخطورة ان يعطي احدنا وعداً ثم يخلفه...كأن يعد بزواج ابنته لشاب ثم هو يزوجها بآخر من دون سبب الا اللهم الدنيا

وفي النهاية لخص الرجل في وقت قصير ان معظم ما نعانيه اليوم علي المستوي الشخصي والبيت والعمل هو من باب التزام الاسلام في الظاهر فقط دون ان يغير شيئاً من الباطن...والدليل ان صحابة النبي وهم نفر قليل نشروا الدين والاخلاق في العالم لما طبقوها علي انفسهم اولاً...ونحن وبما نملك من ادوات معرفة حديثة كالنت والفضائيات وغيرها فشلنا حتي الان ان نصل بهذا الدين الي قومنا فضلاً من ان ننشره بين الناس في العالم

خطبة تحفة وجميلة

وربنا يتقبل

حان وقت التهييس حسب التوقيت المحلي للمدونة

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

.................

واحد غبي رجع من السفر لقى الشقة مليانه صراصير.. غير قفل الباب

................

مرة واحد محشش لقي كنز قال: كويس فاضل الخريطة!!

....................

محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !!

........................

واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون

..........................

واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه

...............
سكران بيتمنى رمضان يبقى زى كاس العالم كل اربع سنين وكل مره فى بلد

..................

اتنين سكرانين بيتفرجو علي نشرة الاخبار فالاول بيقول للتاني هيه النشره طولت اوي كده ليه، التاني قاللو اظاهر انها الحلقه الاخيره

.............

مرو واحد سكران ماشي في الشارع لقى واحد عنده حسنة فوق عينه قالو ياخي عين دي ولا غين

...........

اتنين محششين بيتفرجو على مطش فالمذيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب ميه ميه"

....................

مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت أمهم

...............

مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هسسسسس العجلة نايمة"

...................

مره اتنين مساطيل بيحششوا فواحد بيقول لصاحبه شايف النمله اللي فوق الجبل رد التاني وقاله اي واحده المغمضه ولا المفتحه

...............

نظرية مسطوول: العلم نور والنور كهربة والكهربة خطر يبقى بنتعلم لية؟!

................

واحد مسطول الظابط قالة "اسمك اية" قالة "انا ياباشا? قالة "لا انا يا اخويا" قالة "سعيد يا باشا" قالة "سنك كام" قالة "انا يا باشا" قالة "لا انا يا اخوية" قالة "انت 42 43"

.................

مره واحد مسطول قاعد بيحشش مع مراته لغايه ما نسيوا نفسهم وفجأه حد خبط عليهم فقامت الزوجه وقالت جوزى فقام جوزها ونط من الشباك؟؟؟؟؟؟؟؟؟؟؟؟؟؟

.............

مرة اتنين مساطيل قاعدين قدام مراية فى واحد قال متيجى نسلم على الناس الى قاعدة هناك دى، المهم راحو يسلموا فالتانى قاله اقعد اقعد اهم جايين يسلمو علينا

..................

محشش قاعد يتفرج مباراة ريال مدريد ..سمع المذيع يقول فاول لصالح رونالدو قال : تصدقون اليوم فقط عرفت ان اسم رونالدو الاول هو صالح

..............

واحد مسطول بيسألوه : انت ساكن فين؟ قالهم: عارفين بيتهوفن قالو آه عارفينه قالهم البيت االلي جمبه

.............

مره واحد مسطول رجع بيتهم متأخر، اخته فتحتله قالها كنت فين يافاجرة لحد دلوقتي

.................

واحد مسطول راكب طيارة خبط علي كتف المضيفة وسألها الحمام فين؟ قالتله الناحية التانية راح عالكتف التاني وسألها الحمام فين

..........

مرة واحد مسطول بيلعلب كورة اخد الكورة على صدرة طلعها من منخيرة