العيال السيس...!!

"....بكرة ان شاء الله مسافرة بروكسل في زيارة للبرلمان الاوروبي للنقاش حول العلاقات المصرية الاوروبية ولزيارة مؤسسات المجتمع المدني وتبادل الخبرات"...!!
على فكرة ده لا مؤخذة مش جولة خارجية لرئيس الوزراء عصام شرف..دي تويتراية صوغننة للشابة أسماء محفوظ إحدي خيوط اللعبة بتاعة التربيطات اللي تمت بعد نجاح ثورة 25 يناير..فاكرين ماسورة الإئتلافات اللي انفجرت في ميدان التحرير قبل التنحي بقليل..التسريب اللي تم ساعتها ان الجيش كان عاوز يتفاوض مع حد من الشباب راح كل كام عيل صحاب على الفيس بوك ولا حتى عضو في حركة شباب 6 أبريل جمعوا بعض واطلقوا على انفسهم ائتلاف..وكل ائتلاف قال انا اللي "فنجرت" الثورة وانا اللي طردت الهكسوس ومن الآخر لو في حد من حقه يتفاوض فيكي يا حارة يبقا احنا..ولو حد حب يتكلم باسم 85 مليون مصري يبقا بردو احنا..واوعي وشك..!!
شوية عيال سيس ربنا بيكشفهم يوم ورا يوم وواحد ورا التاني..مواقفهم زبالة وكلامهم سمك لبن تمر هندي..أهم حاجة نركب الموجة ونلهف السبوبة..كان ابوهم الروحي كابتن وائل كوهين..وربنا الحمد لله فضحه..ولسه العيال عماله تقع كل يوم واحد ورا التاني في بئر التمويييييييييييييييييييييييييل..والدولارااااااااااااااااااااااااااااااااااااااات..والسفريااااااااااااااااااااااااااااااااااااات..!!
دول رايحين على فرنسا..ودول واخدين الناقة وقبلتهم واشنطن..والتانيين في قافلة حجاج بروكسل....!
وآخرهم أسماء محفوظ...!!
طب جايبة الفلوس دي كلها منين يا اسماء..سواء انت ولا بقية العيال السيس..واحنا عارفين حالتكم الاجتماعية كويس أوي..سفرياتكم كترت وريحتكم المعفنة فاحت والتلميع الأمريكي والأوروبي نازل فيكم على ودنه والنيولوك مقطع بعضه وكل يوم في جديد...!!
على رأي الأستاذ فهمي هويدي (اضغط على اللينك):"فتش عن التمووووووووووووووووووووووويل"....!
ـــــــــــــــــــــــــــــــــــــــــــــــــــــــــــــــــــــــــــــــــ
ليه رفض التعديلات الدستورية كان أشد اهتمامتكم...؟!
وليه السلام مع اسرائيل غير مرفوض بالنسبة لكم...؟!
وليه عاوزين تخطفوا الثورة الأولي وتعملوا ثورة تانية يوم 27...؟!

0 عبرني: