أعزائي الشعب...


أعزائي الشعب...

إلى كل فرد في هذا الوطن وفردة...

إلى كل سيد وسيدة وولادهم...

إلى كل عيل وعيلة وجيرانهم...

إلى كل ملياردير ومليونير ومتسول...

إلى المرتشين في وظائفهم الحكومية...

إلى الجزارين في أقسام الشرطة...

إلى الهليبة في الحزب الحاكم...

إلى القراطيس في احزاب المعارضة...

إلى العملاء والجواسيس في هذا الوطن...

إلى كل رضيع بيسحب لبن بالعبيط...

إلى جنودنا البواسل في المنتخب ...

إلى أبو تريكة وجمعة وشحاتة...

وغيرهم وغيرهم وغيرهم...

لقد اتخذت قرارا أريدكم جميعا أن تساعدونى عليه ...

لقد قررت أن أتنحى ...

تماما ونهائيا ...

عن الاهتمام بالشأن العام المصري ...

ومتابعة ما يجري على لسان الفضائيات ...

الخاصة والعامة ...

وما تكتبه جرائد المعارضة والمستقلة ...

وأن أعود إلى صفوف المصريين النابهين ...

أجمع المال ...

واعزل نفسي عن كل ما يدور حولي ...

مثلي مثل أي مصري آخر فهم الفولة...

وأن أعيش في القطامية هايتس ...

أو أكتوبر والشيخ زايد ...

أو مدينتي والرحاب ...

والقاهرة الجديدة...

والله الموفق...!

الله ..

الوطن..

فم الخليج..!

16 عبرني:

كلمات من نور يقول...

طيب بس انا خايفه عليك الا تطلع طلع تطلع ويقوموا يسالوك من أين لك هذا حترد تقول من الأشعار الفلنشحيه اللي بتكتبها؟

اللي فرط يكرط!! يقول...

زاحد سلامووووو عليكم
هو أصل ميش حاتقدر خالص.

لأنه لو كنت، لكنا احنا كمان من قبل شحال هذا.
لكنه هم كبير الوطن والإنسان،
يجري مجرى الدم ف عروقنا..
كدليل على وطنيتنا وغيرتنا على بلادنا، و تموت اعصابنا مشان شئ ميش حايكفئنا ولا يرد لينا اعتبارنا..
ولا حتى حايعبرنا ف يوم.
ابداً

أعزائي
اللي ماتت قلوبهم ماتت اصلاً
من زمااااااان.
بس اللي على حالاتنا ، مالوش غير همه وغضبه واعصابه يعيش معاها بحب
مشان يخلفو بنات وصبيان..
من المزيد من القهر والتعاسة والموت الف مليون مرة في سبيلك ياوطن.

يالله
الله يكمل

FAW يقول...

آسف إني أقولك . . متقدرش

الفقيرة إلى الله أم البنات يقول...

فكرة برضه...تحتاج تفكير لمحاولة تحقيقها

اخبار الموثه الصغيورة إيه
سلم عليها هى واختها الموثه البيبى .




سمسم هى بقت حاجه تقرف

بيتنا القديم يقول...

كلمات
.....
(((:
لا تخافي يا سيدتي...
أخوك قلبه جاااااااااااامد...
ومعتاد على التكريمات...
أنا حائز على السعفة الذهبية كأحسن عداء في المظاهرات...!
(:
تحياتي

بيتنا القديم يقول...

لاتــــي
.......
وعليكوووو السلام..
يا ستي ما هي دي المرحلة اللي سبقت خطاب التنحي ده..
على العموم انا الوطن كان بيجري في عروقي بس الحمد لله روحت اتعالجت وخفيت والدكتور أكد لي إن المرض ده على وشك القضاء عليه في اطار الحملة القومية التى تقوم بها الأنظمة العربية للقضاء على الجهل والفقر ومكافحة الوطن...!
(:
تحياتي

بيتنا القديم يقول...

FAW
....
يا صديقي على الأقل..أحاول..!
(:
تحياتي

بيتنا القديم يقول...

الفقيرة
......
امممممممممممم
مش في اي تفكير خلاص قلت حتنحي يعني حتنحي..حتى لو طلع الشعب في مظاهرات مبايعة..حتى لو اطلقوا نداء في الراديو زي بتاع المواطن أحمد ابراهيم الكائن في دير النحاس..!
(:
الأمامير الصوغنينين بيسلموا على عمتهم أم البنات..!
(:
تحياتي

Unknown يقول...

يااخى الله عليك وعلى مدونتك الجميلة .....اننى اقضى النهار والليل بحثا فى المدونات عن كلمة صادقة وموهبة حقيقية فنادرا ما اصادف ....مدونتك من اجمل ما قرات لازال فى مصر الخير والموهبة.....تقبل تحياتى وصداقتى

بيتنا القديم يقول...

يوميات
.......
كابتن محمد ازيك وازي اسبانيا على حسك..شارع "الرمبلا" بيمسي عليك والساحرة الشريرة على أحر من الجمر..شافتلك منام ومش عاوزة تقول لحد عليه غير انت..!
(:
نورت بيتك القديم..ومرحبا بك في الأجواء الجوانية للبيت وصحابه..!

menna يقول...

like like like ..... w lw elmawdo2 blbsata de kona kolena etna7ena mn zmaaaaan ,,, bs n2dar n2ol enak ebtadet bdaya s7 ,,,w wrest w lw 10% mn shga3et elragel da allah yr7amooo eli 5adha m3ah w hwa mashy ...t7yaty lshga3et eltna7iiiii :):):)

غير معرف يقول...

كان غيرك اشطر عملناها كلنا قبلك من كتر ما تعبنا من اللى بيحصل لكن مقدرناش لانى شخصياً اكتشف ان علمى بما يحدث ومحاولتى فى ادراك الواقع افيد من جهلى ومحاولة الهروب من الواقع

Unknown يقول...

كل سنة و إنت طيب يا راجل يا طيب

حيث إنك بعيد عن السياسة .. هو كيلو اللحمة بكام؟

بيتنا القديم يقول...

menna
......
((((((((:
والله يا استاذ مينا كنت عاوز ابحر معاك في وصف الخطاب بالشجاع..!
ولكن..
انت عارف وانا عارف انه تم اخراج مسلسل هزلي من سباكة الاستاذ هيكل اذ تم بموجبه اخراج العمال من مصانعهم والموظفين من اشغالهم والفنانين من بلاتوهاتهم والفلاحات من قدام الفرن ..والشعب أخد اجازة مدفوعة الأجر عشان يقول كلمتين للزعيم:
" لا تتنحي...!"
وبعدين الزعيم نزل على ارادة الجماهير..!
(:
زي بالظبط ما لو مبارك قال مش حرشح نفسي ولا الواد المحروس ابني..ساعتها والله يا استاذ مينا سيتكرر السيناريو مع بعض التعديلات الطفيفة..!
أصل احنا شعب حبوب ومش بنحب نزعل ريس أو نسيبه يموت ونفسه في حاجة..!
(:
وعلى رأي المثل:
الليلة يا عمدة..!
(:
دمت بخير

بيتنا القديم يقول...

hend...hanady
.............
تؤ تؤ تؤ..!
لأ يا فندم هذه المرة انا املك قدر كافي من الشجاعة والاقدام والحمشنة..!
لابد وحتما ان يتعلم هذا الشعب ثقافة التنحي ونعمل استيكر عازل بين الفرد وبين اي كرسي بيقعد عليه وده ليه..
منعاً للزق 30 سنة..!
(:
تحياتي

بيتنا القديم يقول...

М€ŝЋМΣŞĦ
.........
صديقي الصدوق مشمش..
كل عام وانت واسرتك والحي كله بخير ولولا الظروف كنت بعتلك بدال الكومنت خروف..!
(:
بص يا سيدي كيلو اللحمة البلاستيك بـ33 جنيه..والكيلو المبطن بفرو بـ35 ..والكيلو من غير ختم الصحة بـ 40 ..والكيلو بجد وجداني بـ50 ..والكيلو بتاع حقوق الانسان بـ63 ..والكيلو اللي رايح وسط البلد بـ75 جنيه بس..!
السؤال هو:
لماذا باتت الكلاب والحمير تخشي عيد الأضحي مع ان اللي لازم يخاف بس هو الخروف..؟!
(:
تحياتي