أنا مأفورتش..!


من كام يوم كان الجو حرّ جداً لدرجة انك تقدر تسلق بيضة على كبوت عربية...
قررنا نطلع مصيف ليوم واحد عشان الوقت والشغل ما يسمحش...
واحنا على البحر مستمتعين بالهوا الحنين والأجواء المنعشة شوفنا مناظر مش حلوة خالص...
شباب وشابات زي ما يكونوا مش شايفين حد غيرهم على الشط...
وكأن الناس من حواليهم أجسام شفافة لا تُري ولا تًري...
قررنا نعمل شئ..أي شئ...
غير إننا نقعد كده زي اللي لامؤخذة يعني...!
بعض الناس استجابت وفعلا احترموا نفسهم...
غير واحد بس شفناه يعني مهبب الدنيا ومعتبر الشط جناح خاص في فندق...
كلمناه كلام لذيذ جدا يتسم بالنصيحة الهادئة ويعني ما ينفعش والناس شايفنكم كده يا اخي وحتي لو كانت خطيبتك يعني خاف عليها وبعدين الناس بالموبيلات بتزوم عليكم وبتصوركم ...
رد الشاب بكل براءة: بس انا يا جماعة مأفورتش يعني..ده انا يدوبك حاطط إيدي علي كتفها..!

3 عبرني:

Ramy يقول...

عندة حق

يا جماعة الراجل مأفورش

بس حتى لو مراتة مفيش احترام (:

يلى خلاص بقى

زمن الحياء انتهى

كلمات من نور يقول...

قلة حيا ومأفورش ؟؟؟؟؟؟؟

الكلام داه بقى في كل مكان مش بس عالبلاج واللي يغيظ لما تكون واحدة ملتزمة ولابسه عبايه وقاعده واحد مكلبش في ايديها او ايده على كتفها وهو لا خطيبها ولا جوزها ولا نيله ...زيارب اهدي بناتنا وشبابنا

ايامنا الحلوة يقول...

يدوبك ايده على كتفها ياسمسم انت غريب اوي كنت اصبر كمان شوية ياراجل عشان تعرف تنصح بضمير
يارب استر

تيك كيييييييير